පිවිසිය

ආයුබෝවන්!
තෙරුවන් සරණයි,

වරින් වර පුවත් පත් වල සහ වාර ප්‍රකාශනයන් හි පළ වූ මාගේ ලිපි සමුච්චය මෙම බ්ලොග් අඩවියෙහි ඇතුලත්ය. ඉතිහාසය පුරාවිද්‍යාව සිංහල ගොවිතැන වාස්තු විද්‍යාව වැනි විෂයන් අරභයා සංග්‍රහ කරන ලද මෙම ලිපි එක් තැනක ගොනු කොට තැබීමෙන් පාඨකයා හට පහසුවක් සැලසීම මෙහි අරමුණය. එයට අමතරව විවිධ කේෂ්ත්‍රයන් හි කරුණු ඇතුලත් නව ලිපි ද මෙයට එක් කරමි.
වසර දෙදහස් පන්සීයයකට වඩා එහා දිව යන ඉතිහාසයක් ඇති ජාතියක් වශයෙන් අපගේ පාරම්පරික උරුමයන් හි සුරැකියාව මුල් කොට මෙම සියලු ලිපි සම්පාදනය වේ. මෙහි අඩංගු කරුණු සහ පාරම්පරික දැනුම උපුටා ගැනීමට අවසර ඇත. එහෙත් එය ජාතියේ උන්නතිය වෙනුවෙන් පරිහරණය කරන්නේ නම් මාගේ ව්‍යායාමය සඵල වූවා වෙයි.
ඉතිහාසයේ ජාතිය හමුවේ පැවති අභියෝග රැසකි. ඒවා සියල්ලටම අප සාර්ථකව මුහුණ දුන්නෙමු. අද දින ද එය එසේ විය යුතුය. සිංහල බෞද්ධ සංස්කෘතියෙහි හරය මැනවින් වටහා ගෙන නැවතත් ඒ අභිමානවත් මහා සම්ප්‍රදාය තහවුරු කරලීමට සැවොම ‍එක්වෙමු.

Thursday, May 16, 2019

රජෙක් නැති රටක බුද්ධ බලය පිහිටුවිය හැකි නාථ දේව සංකල්පය


                    
        වසර දෙසීයකට පමණ පසුව සිංහල ජාතියත් සම්බුද්ධ ශාසනයත් ඉතා තීරණාත්මක අවස්ථාවකට පැමිණි තිබේ.ඉංග්‍රීසීන් හට ලංකාව ගිවිසුමකින් භාර දුන් පසු බුද්ධ ශාසනයට එළඹි අභියෝග වලට වඩා භයානක උවදුරු වලින් සමන්විත කාලවකවානුවක් පසු කරමින් තිබීම පිළිබඳව අවබෝධයක් මේ රටේ ජනතාවට පමණක් නොව මහා සංඝරත්නයට පවා අතැයි නොසිතමි.එක් අතකින් ඉස්ලාම් මූලධර්මවාදීන් ගේ අසිපත් ජනතාව ඉදිරියේ අමෝරාගෙන ඇත. අනෙක් පසෙකින් ඇමරිකන් යටත් විජිතවාදීන් ගේ කුමන්ත්‍රණ වලින් රටේ ජාතික ආරක්ෂාව බරපතල ලෙසට කඩා වැදී තිබේ.රටේ නායකයෙක් නැත. එකවර සූර්යයන් දෙනෛකු පායන්නට ගොස් චීන එළියපෙට්ටියක ආලෝකය  ගානට පාලකයන්ගේ රැස් පහළ බැස තිබේ.
       මෙම විපරීත කාලවකාවානුව දෙස බැලිය හැකි වන්නේ විශ්මයෙන් නොවේ. සමාජයට මරණ බිය දැනුනද ඉතිහාසයේ බොහෝ අවස්ථාවන්හිදී මෙලෙසම මෙවැනි ප්‍රවණතාවයන් ට ජාතියක් වශයෙන් මුහුණ දී ඇත්තෙමු. ඒවාට අභීතව උපක්‍රමශීලීව මුහුණ දෙමින් රටත් ජාතියත් සම්බුද්ධ ශාසනයත් රැක ගැනීමේ භාරදූර  වගකීමද ඉටුකර ලීමට දායක වී ඇත. එසේ නම් ඒ මග පෑදී ඇත්තේ කෙලෙසකදැයි අප කල්පනාකළ යුතුය. රටක හරිහමන් පාලකයෙකු නොමැති විටකදී බුද්ධ ශක්තිය විහිදුවන දේව බැල්ම අහකට යයි. රටේ සම්ප්‍රදාය අනුව දසදෙස විහිදී තිබූ ශක්තීන් ගේ ප්‍රභාවයන් අඩුවෙයි. ප්‍රාතිහාර්යයන් යටපත් වෙයි. අද සිදුව ඇත්තේ එයයි.
        හත්වන සියවසේ අනුරාධපුර සමයේ දී ද්‍රවිඩ ආක්‍රමණයන් නිසා දෙවන කාෂ්‍යප රජුගේ පුත් මාන කුමරු ඉන්දියාවට පැන ගොස් පල්ලව දේශයේ නරසිංහ වර්මන් රජුගේ රාජ සභාවේ සෙන්පතිවරයෙකු ලෙසට සේවය කරමින් සිට නිසි කල පැමිණි කල්හි බලසෙන් ගෙන ලංකාවට පැමිණ දෙමළුන් පන්නවා හැර රට නිදහස් කරගත් ආකාරය ඉතිහාසයේ සඳහන්ව තිබේ. මේ රජුගේ කාලයෙන් පසු ලංකාවේ මහායාන අදහස් වේගයෙන් ප්‍රචලිත වන්නට විය.මාන කුමරුන් විසින් ආභාෂය ලබන ලද මහායාන බෞද්ධ සංකල්පයන්  අනුරාධපුර රාජධානිය අවට ප්‍රචලිත ව පැතිරුණි. එතැන් පටත් දළදා වහන්සේ වැඩ සිටි සෑම තැනකම නාථ දෙවියන් වැඩමවීම දක්නට ලැබිය හැකිය. අනුරාධපුර පොළොන්නරුව දඹදෙණිය යාපහුව කුරුණෑගල පමණක් නොව ගම්පළ රයිගම සහ කෝට්ටේ මෙන්ම සෙංකඩගල මහනුවර ද දළදා මන්දිරය අසලින් නාථ දේව මන්දිරයක් ගොඩ නැන්වී තිබුණි.එසේ නැතහොත් දළදා වහන්සේ සහ නාථ ප්‍රතිමාවන් එකම ස්ථානයක් තැන්පත් කරන ලදහ.

 බෞද්ධ නාථ සංකල්පය ශාරි පුත්‍රය නම් වාස්තු විද්‍යා ග්‍රන්ථයේ සඳහන් වන්නේ මෙසේය.
     දවිභූජං ශෙවත වර්‍ණණඤච -අභයං වරදං තථා
     අක්ෂ මාලා කිරීටඤච -ශෙවතාඞගං ස්‍යාම වස්ත්‍රකම්
     පද්මාසනං තථා වාපී -බෞද්ධ නාථස්‍ය ලක්ෂණම්
බෞද්ධ නාථ සංකල්පයට මුල් වන්නේ බෝධිසත්ව සංකල්පයයි. ජාති ජරා මරණයනට භාජනව සසර සැරි සැරීමෙහි කලකිරී පාපයන්ගෙන් තුරන්ව පාරමිතා පූරණයෙන් හා අසූසාර දහසක් ධර්ම ස්කන්ධයන්ගේ හේතුවෙන් බෝධිය සොයමින් සකල පුණ්‍ය සම්භාරයන් රැස් කරන්නේ බෝධිසත්ව චිත්තයයි.බෝධි චිත්තයේ දී ප්‍රධාන වන්නේ කරුණාව සහ ප්‍රඥාවයි.(ලංකාවේ මහායාන අදහස් ) මහායාන බුද්ධ ධර්මයේ හැටියට සියලුම සත්වයන් විමුක්ති මාර්ගයට ප්‍රවිෂ්ට වීම සඳහා බෝධිසත්ව පාරමිතාව පිරිය යුතුය. බෝධිචිත්තය වර්ධනය කරගත යුතුය. නාථ මෛත්‍රී ක්ෂිති ගර්භ ආකාශ ගර්භ වජ්‍රපානී ආදී වශයෙන් බෝධිසත්වවරු  රාශියක් පිළීබඳ සංකල්පනා ලංකාවේ දක්නට ලැබෙන්නේ මේ නිසාය. බුදුරුවගලදී ලෝකේශ්වර නාථ තාරා දේවී මෛත්‍රී යන බෝධිසත්ව ප්‍රතිමා සියල්ල එක් ස්ථානයක දක්නට ලැබේ. කරුණෑගල රත්කැරැව්වෙන් හමුවන වජ්‍රපානී බෝධිසත්ව ප්‍රතිමාව නව වන සියවසට අයත්ය. දාහතර වන සියවසේ දී යාපහුවේ සිට කුරුණැගලට දළදා වහන්සේ වැඩම කරන කල්හි මෙම ස්ථානයේ රත් කෑර ගසක දළදා වහන්සේ ප්‍රාතිහාර්ය පා තිබේ. අනුරාධපුර වෙහෙරගලින් ලැබෙන රාජ ලීලාව නිරූපිත නාථ ප්‍රතිමාව විශිෂ්ට කලා කෘතියක් ලෙසට සැලකේ.  මහනුවර නාථ දේවාලයේ දී දක්නට ලැබෙන්නේ ද මෙවැනි ප්‍රතිමාවකි. වේගිරියේ නාථ දේවලයේ ද මීට සමාන ප්‍රතිමාවක් දක්නට හැකිය. අටවන සියවසට අයත් තිරියාය අවලෝකිතේශ්වර නාථ පිළිමය හා සමානව වර්ධනය වූ බෝධිසත්ව ප්‍රතිමා දඹුල්ලේ ලෙන් තුළ පවතින මනරම් නාථ ප්‍රතිමාව දක්වා විකාශනය වී ඇත.
         කෙසේ වෙතත් මහායාන සංකල්පයක් වූ බෝධි සත්ව සංකල්පය ථෙරවාදී රටක් වූ සිංහලද්වීපයට වැද්ද ගනු ලබන්නේ රජවරුන් ගේ ධාර්මික බව රෝපණය කරන්නට යැයි සිතමි. රජු බෝධිසත්වයෙකු විය යුතු යැයි ද දශ රාජ ධර්මයෙන් රට පාලන කළ යුතු යැයි ද පිළි ගැනීමත් මේ නිසා ඇති විය. රජු ගේ අභිෂේක මංගල්ලයේ දී අනුගමනය කරනු ලබන මෙම චාරිත්‍ර යෙන් පෙන්නුම් කරනුයේ නාථ දේව සංකල්පය තුළින් රෝපණය කරනු ලබන දෙවත්වයට රජුන් යටත් වූ ආකාරයයි.
රාජ කුමාරයෙකු රාජ්‍යත්වය පිණිස නිර්දේශ කළ පසු සිය රාජකීය ඥාතීන් සමග නාථ දේවාලයේ දිග්ගෙය ඔස්සේ නාථ දෙවි වන්දනය සඳහා ප්‍රවිශ්ෂ විය යුතුය. දිග්ගෙය පුරාවටම අතුරා ඇති දෙහි ගෙඩි  උඩින් ඔහු ඒ ගමන නොවැටී යා යුතුය. එහිදී රාජකීය ඥාතීන්ගේ අතින් අත අල්ලා ගෙන එම ගමනට එක් නූනහොත් රජුගේ සමබරතාවය පවත්වා ගෙන යා නොහැකි වෙයි. රජු එම චාරිත්‍ර යෙන් හික්මීමකට පත් වේ. අවසානයේ නාථ දේවාලය ඇතුලත කරන අභිෂේකයේ දී නාථ දෙවියන්ගේ රාජ ලීලාව රජතුමාට ආරෝපණය කරලීමට අභිනව අභිධානය නාථ දෙවියන්ගේ ශිර්ෂයෙන් රජු ගේ ශීර්ෂය වෙතට වඩම්මනු ලැබීම සිරිත වේ. එය පුරාණයේ දී ඉටු කෙරුණේ මෙසේය. නාථ දේව ප්‍රතිමාව ඉදිරපිට තිබූ ගල් ලෑල්ල මතට රජ කුමරු නන්වනු ලැබේ. පරම්පරා ගත නමක් හෝ තමන් කැමති අනෙක් රාජ නාම කීපයක් හෝ රන් පත් ඉරු වල ලියා නාථ දෙවියන් අත මත තබනු ලැබේ. ස්වල්ප වේලාවක් ගත වූ පසු එයින් එක් නාමයක් ගෙන නළල් පටේ තබා බැඳ ඉන් පසු රජ කිරුළ හිස පළඳී.
      ලංකාවේ රජ කිරුළ දැරීමට දළදා වහන්සේ ගේ  උරුමය ලැබිය යුතුය.එසේ වන්නට නම් දළදාවාසික පරපුර වූ දන්ත හේමමාලා කීරවැල්ල පරපුරෙන් කුමරියක් අග බිසව වශයෙන් පත් විය යුතුය.කුමරියගේ පියාණන් හෝ සහෝදරයා දළදා වහන්සේ භාර දාඨා රක්ඛක නිලමේ වශයෙන් සිටිය යුතු අතර නාථ දෙවියන් ඉදිරියේ පෙර පරිදි දිව්රුම් දිය යුතුය. මෙම සිරිත කිත්සිරි මෙවන් රජ දවසෙන් පසු අඛණ්ඩව සෙංකඩගල රාජධානි සමය දක්වාම පැවත පැමිණියේය. නමුත් රජ උරුමයක් නොතිබූ සෙනරත් රජු ට බිසවක් වශයෙන් කීරවැල්ල පරපුරෙන් කුමරියක් නොලැබීම නිසා කෝපයට පත් ව දළදා වාසික පරපුරෙන් දළදා භාරකාරත්වය ඉවත් කොට එම පරපුරට ඥාතීන් වූ භික්ෂූන් වහන්සේලා වෙත පවරන ලද්දේය. රඹුක්වැල්ලේ පරපුර සහ වාරියපොළ සුමංගල යති පරපුර විසින් දළදා භාරකාරිත්වය දරනු ලැබූයේ එලෙසය. ඉන්පසු කාලයේ දී සිංහල රජකිරුළ නායක්කර් පිරිසක් අතට පත් වෙයි. ඔවුහු දකුණු ඉන්දීය වඩුගයන් බවද කිසිම රාජ උරමයක් නොමැති බවද සඳහන් මූලාශ්‍රයන් කීපයක්ම ඇත. මේ කියන කාලයේ දී නාථ දෙවියන් පරාජයට පත් කොට පිටියේ දෙවියන් බලට පත්ව ජන ඇදහීම් අතරද රජවරුන්ද අතරද මහේශාක්‍ය ලෙසින් වැජඹෙන්නට පටන් ගත් බව කියැවේ. මේ නිසා නාථ දෙවියින් සතු ශක්තිය ලෞකික ජීවිතයේ සශ්‍රීක්තවයට ආරෝපණය වූ අතර රජවරුන් අතර සම්භාවනාවට පාත්‍රව රාජ ලීලාව අතුරුදහන් විය. එසේම නාථ දෙවි යනු මතුබුදුවන මෛත්‍රී බෝධිසත්වයන් ලෙසටද ඇදහීමක් ජනතාව තුළ ප්‍රචලිතව පවතී. නාථ දෙවියන් පරදා පිටියේ දෙවියන් බලයට පත් වීම ලංකාවට එරෙහිව ගොඩ නැගුණු ශාපකාරී ප්‍රවේශයක් බව ප්‍රඥාවන්තයන් ගේ මතයයි. වසර තුන්සීයයකට ආසන්න කාලයක් තිස්සේ මේ ශාපය බල පැවැත්වෙමින් පවතී.
        වර්තමානයේ අප අත් දකින බිහිසුණු සිදු වීම් ත්‍රස්තවාදය ශාසනික පරිහානිය විදෙස් අත පෙවීම් වලදී ජාතියේ ශක්‍යතාවය හීනවීම වැනි දේ සිදු වන්නේ මේ ශාපකාරී ප්‍රවණතාවයන් අනුවයි. ශාසනය රකින සිවුවරම් දෙවිවරුන්ද එයට ශක්තිය සපයන දේවමණ්ඩලයන්ද මහත් ඉවසීමෙන් සහ ප්‍රඥාවෙන් මේ වසර තුන්සීය පුරාවටම ලංකාව පාලනය කරමින් සිටී. කෙතෙක් උත්සාහ කලද ශාසනය අතුරුදහන් කරලීමට සතුරු බලවේග වලට නොහැක්කේ ඒ නිසාය. දැන් මේ ශාපකාරී බලවේග තුරන් කොට රටත් ජාතියත් ශාසනයටත් යලි නිසි තැන ලබා දී ඔසවා ශක්තිමත් කරලීමට ප්‍රවේශයක් ලබා දී තිබේ. ඒ සඳහා දළදා වහන්සේ ගේ ආශිර්වාදයත් නාථ දෙවියන් ගේ ආශිර්වාදයත් අවශ්‍ය වේ. අධ්‍යාත්මික ශක්තියෙන් පිරිපුන් සත් පුරුෂයන් විසින් එක්සත්ව එක්සිත්ව රටේ ශක්ති සථාන තෝරාගෙන පුදපූජා පවත්වමින් නාථ දෙවියන් ගේ බලය නැවත රජ ලීලාව දක්වා ඔසවා තැබීමෙන් සිංහල බෞද්ධ රජකෙනෙකු නොහොත් ප්‍රඥාවත් පාලකයෙක් බිහිකරගත හැකිය.දූෂණයන් ඉහවහා ගිය කුණු වී ඕජස් ගලන වර්තමාන දේශපාලන සම්ප්‍රදායෙන් බැහැර  එවැනි පාලකයෙකු සඳහා ඉදිරි කාලය විවෘත වනු නිසැකය.

       

Wednesday, May 15, 2019

පරිසරය මුලට ජාතික ආරක්ෂාව දෙවැනි තැනට -රිෂාඩ් ගේ කොළණීයේ සත්‍ය කතාව


                    
        යුද්ධය නිසා අවතැන්ව සිටි පුත්තලමේ ජනතාව මන්නාරමේ මුසලි ප්‍රදේශයේ නැවත පදිංචි කරන ලද බව අමාත්‍ය රිෂාඩ් බද්යුදීන් දැන් පිළිගෙන ඇත. ඔහු ගේ අණින්මන්නාරම මුසලි ප්‍රදේශය තුළ පිහිටි කලින් හෙළි පෙහෙළිව නොතිබූ කල්ලාර් මහ කැළයේ ඉඩම් නිදහස් කර එහි ජාසිම් සිටි නමැති නව ජනාවාසය ඉඳි කර තිබේ.මේ බැව් 2018 වර්ෂයේ විගණකාධිපති වාර්තාවෙන්ද හෙළිදරව් කර ඇත. 2018 වසරේ මන්නාරමේ  දී පැවැත්වුණු පරිසර සමුළුවකදී ජනධිපතිවරයා විසින්  රිෂාඩ් බද්යුදීන් අමාත්‍යවරයා ඉදිරියේම පවසා ඇත්තේ අතීතයේ කළ වැරදි නැවත නොකල යුතු බවත් සිටුවන ගස් ලක්ෂය ඔහු විසින් රැක බලා ගත යුතු බවත්ය. වැරදි පිළිගැනීම  සමාව දීම සිංහල බෞද්ධයන් ගේ සිරිතකි.එහෙත් මේ මුස්ලිම් ඇමතිලාගේ වහාබ්වාදය නිසා බෝම්බ පිපිරී විශාල විනාශයක් සිදුව ඇත.එයට සමාව දෙන පිලිවෙලක් ගැන ජනාධිපතිවරයා සහ අගමැති වරයා සිතන බව පෙනේ. වහාබ්වාදයට උදව් කළ අමාත්‍ය රංචුවේ බැංකු ගිණුම් නිවාස සහ ඔවුන් කළ ගමන බිමන් ගැන පරීක්ෂා නොකරන්නේ එබැවිනි. නැවත මෙවැනි විනාශයක් නොකරන බවට සහතිකයක් මේ නායකයන් දෙපළට දිය හැකිද යන්න ප්‍රශ්ණයකි.
         මෑත කාලයේදී වඩාත් චෝදනාවට ලක් කරන ලද මුස්ලිම් ඇමතිවරයා වූයේ රිෂාඩ් බද්යුදීන් ය.කල්ලාර් වනයට (විල්පත්තු පරිවාර රක්ෂිතය) කළ විනාශයට  පරිසරවේදීන් විරෝධතා පැවැත්වූහ. පරිසර සංවිධාන එහි ගොස් ගස් සිටැවූහ. අතැම් අය නඩු දැමූහ. ඒ සියල්ල පරිසරය වෙනුවෙනි.වනාන්තරය කැපීමට අවසර දී තිබුණේ රජයේ වන සංරක්ෂණ අංශ විසිනි. එසේම මන්නාරම දිසාපති විසිනි.මෙම පෙදෙස් වල පදිංචි කළ පිරිස් වල මුල් ගම් බිම් ගැන නැවත පදිංචි කිරීම් අමාත්‍යංශය සොයා බැලිය යුතුව තිබුණී. එහෙත් මේ කිසිවක් සිදු නොවුණි.විදේශ වලින් මෙරටට කරන ලද ආයෝජන මධ්‍ය යේ සියල්ලම නිහඬ කරවනු ලැබිණ. එහෙත් කොළණි වලට මුවාවී වහාබ්වාදය පතුරවන කඳවුරක් ගොඩ නන්වන ලදැයි කිසිවෙක් පැමිණිලි නොකළහ.ලංකාවට මත් ද්‍රව්‍ය ගෙනවිත් ගොඩබාන ප්‍රධාන ස්ථානයක් ලෙසට මෙම කොළණීය වර්ධනය වන බවක් කිසිවෙක් දැන නොසිටියහ. එහෙත් කීප වරක්ම සිලාවතුර ප්‍රදේශ අසළින් මත්ද්‍රව්‍ය ගෙනා බෝට්ටු අත් අඩංගුවට ගැනීමට නාවික හමුදාවට හැකිවුණී. මේ නිසා කුපිතවුණු මෙම අමාත්‍යවරයා මෙම පෙදෙස් වලින් නාවිත කදවුරු ඉවත් කළ යුතු බවට උද්ඝෝෂණ දියත් කළහ.
         මන්නාරම පෙදෙස අතීතයේදී හැඳින්වූයේ මන්නාරමය කරඹවලානය හා නෙල්ලිවලානය යනුවෙනි.එය පැරණි පිහිටි රටට අයත් වැදගත් ඓතිහාසික ප්‍රදේශයකි. මෙම පෙදෙස පිහිටිරටින් වෙන්කොට මන්නාරම් නමින් වූ දිස්ත්‍රික්කයට එක් කරන ලද්දේ ඉංග්‍රීසීන් විසිනි. එයට හේතුව ලන්දේසීන් විසින් 1766 ගිවිසුම මගින් මෙම ප්‍රදේශය උඩරට රාජධානිය විසින් අත් හරිනු ලැබීමයි. උඩරට රජු විසින් අත් හරින ලද කොටසේ මායිම අදටත් නුවර කලාවියත් මන්නාරම් දිස්ත්‍රික්කයත් වෙන් කරන සීමාව වෙයි.එය කොටි ත්‍රස්තවාදීන් විසින් ඊළාම් සීමාව ලෙසටද ගෙන ඇත. මන්නාරම් තොට අතීතයේදී සිංහල රජවරුන්ට වැදගත් වූවා සේම ඉංග්‍රීසීන්ටද මහත් වැදගත්කමක් ඉසිලීය. එයට හේතු වූයේ මන්නාරමේ සිට කල්පිටිය දක්වා මුහුදු තීරයේ හමුවන මුතු බෙල්ලන්ය. මේ මුතු බෙල්ලන් කිමිදීම දුරාතීතයේ පටන් රජයේ ආදායම් මාර්ගයක් විය. වරින් වර අක්‍රමණිකයන් විසින්ද මේ මුතු කිමිදීම සිය පාලනයට ගෙන ආධිපත්‍ය පතුරුවා ගෙන සිටියහ. වරක් උඩුගම්පල විසූ සකලකලාවල්ලභ රජු මලවරායන් නමැති අක්‍රමණිකයෙකු පළවා හැර ඔහු ගේ නැව් ද පොඩිපට්ටම් කළ බවට ඉතිහාසයේ ලියැවී තිබේ.ඉංග්‍රීසීහු මේ මුතු කිමිදීම කාර්යක්ෂමව විධිමත්ව කරලීමට වාර්තාවක් සකස් කළහ. ඒ අනුව 1887 වර්ෂයේදී ඉන්දියාවෙන් සහ අරාබියෙන් මුතු කිමිදින්නන් ගෙන්වා මුසලි ප්‍රදේශයේ  නවත්වා ගෙන මුතු කිමිදීම ආරම්භ කළ බවට සාක්ෂි හමු වෙයි.ව්‍යවස්ථදායක මන්ත්‍රණ සභා වාර්තාවකට අනුව මුසලි හි මරිච්චකට්ටුව සහ මුල්ලිකුලම් අසල ඉංග්‍රීසීහු මේ මුතු කිමිදින්නන් ගේ කඳවුරු කීපයක් ඇති කළහ.

                                          ( මුතු කිමිදෙන්නන් ගේ මරිච්චකට්ටු වහල් කඳවුර 1887-1891 )

      දෙමළ පිරිසට එක් කඳවුරක්ද මරක්කල අයට තවත් කඳවුරක් ද වශයෙන් ඇති කොට සනීපාරක්ෂක පහසුකම් ඇතුළු සියළු දේ ලබා දී මුතු කිමිදීම ධෛර්යමත් කළ බව දැක්විය හැකිය. මේ ආකාරයට 1887 සිට 1891 දක්වා කාලය තුළ ඉන්දීය දෙමළ පුද්ගලයන් සහ මරක්කලයන්  මේ කඳවුරු වලට ගාල් කරන ලදහ.මෙම කඳවුරු පිළිබඳ අදින ලද සිතියමක්ද පෙරකී වාර්තාවට අමුණා ඇත. මෙම වාර්තාවට අනුව දකුණු ඉන්දියාවේ කීලකාරි වලින් ගෙන්වන ලද දෙමළ සහ මරක්කල පිරිසට වෙන වෙනම කඳවුරු දෙකක් සාමය ඇති කිරීමට පොලිසියක්  උසාවියක් පානීය ජල පහසුකම් සඳහා අඩම්පන් කුලම් නමැති වැව ද දිය නෑමට පලන්ඩිකුලම් නම් වැව ද වශයෙන් වෙන් කර තිබූ බවට හෙළි වෙයි. 1891 වර්ෂය වන විට ඉන්දියාවේ කීලකාරි කායලපට්ටනම ටියුටිකොරින් බොම්බාය  ඇතුළු ගම් දොළසකින් ගෙනෙන ලද  මුතු කිමිදින්නන් සහ වෙළෙන්දන් නිසා කඳවුරේ දෙමළ මරක්කල අරාබි ජනගහනය 24000 ක් ප්‍රමාණයකට ඉහළ ගොස් තිබූ බව එහි රෝහල් සුපරින්ටෙන්ඩට් වරයා වූ නවරත්නසිංහම් වාර්තා කර ඇත. අරාබී මුතු කිමිදන්නන් නිතරම ඉන්දියාවේ සිට පැමිණෙන දෙමළ මරක්කල පිරිසට හිරිහැර කළ බවද ඔවුන් ගේ වාඩි ගිනි තැබූ බවද එහි වාර්තා වේ. මේ ප්‍රදේශයේ හින්දු කොවිල් දෙකක් පිහිටා තිබූ අතර 1897 වන විට එකදු මුස්ලිම් පල්ලියක්  හෝ පිහිටා තිබී නොමැත.
          මේ වාර්තාව අනුව දැන් අපට ඉතිහාසය පැහැදිලිය. දීර්ඝ සතුරු අක්‍රමණ වලින් පසුව විශේෂයෙන්ම ලන්ද්සින් මේ ප්‍රදේශ ස්ථීරව අත්පත් කර ගැනීමෙන් පසුව ඉන්දීය සක්‍රමණිකයන්ට මෙහි වාසභූමි ඇති වූ බවයි. ඉංග්‍රීසීහු එම පිළිවෙත ඉදිරියට ගෙන යමින් මුතු කිමිදින්නන්  ගේ කඳවුරු ඇති කොට ඔවුන් ගේ මුතු බෙලි ජාවාරම ඉදිරියට ගෙන ගොස් තිබේ.අවසානයේ මේ කඳවුරු වසා දැමූ පසු බොහෝ දෙනෙක් ඉන්දියාවට නැවත සංක්‍රමණය වූ අතර යම් පිරිසක් මෙහි ඉතිරිවූහ දෙමළ අය මේ දුෂ්කර පරිසරයේ වැව් ආශ්‍රිතව පැලපදියම් වූ අතර මරක්කලයන්ද යම් පිරිසක් මෙහි වෙළ හෙළදාමක නිරත වූහ.          1981 ජන සංගණන වාර්තාව අනුව මන්නාරම් දිස්ත්‍රික්කයේ මුවර් ජනයා(මරක්කල) 27717 ක් පමණ විය. එයිනුත් මුසලි ප්‍රාදේශීය උප දිසාපති කොට්ඨාශයෙහි 8665 ක ප්‍රමාණයක්  විය.යුද්ධයෙන් පසුව 2012 වර්ෂය වන විට  සමස්ත මන්නාරම් දිස්ත්‍රික්කය තුළම සිටි මුස්ලිම් ජනගහනයෙන් අවතැන් වූ ගණන 11281 ක් පමණය.එම නිසා ලක්ෂයක් අවතැන් වී යැයි අමාත්‍යවරයා පවසන දේ මුසාවකි. 1981 වර්ෂය වන විට මුසලි බල පෙදෙසේ සිංහල ජනගහනය දක්වතොත්  එක්දහස් අට සිට අසූ දෙකකි.මුසලිහි  බෞද්ධ ජනගහනය 842 කි. යුද්ධ කාලයේදී මෙම මුසලි පළාතේ සිටි බොහෝ දෙනෙක් අවතැන් වූහ. මුස්ලිම් පිරිස පුත්තලම් පැත්තට සංක්‍රමණය වූ අතර සිංහලයන් අනුරාධපුරයටත් වෙනත් පළාත් වලටත් සංක්‍රමණය වූහ. 2009 යුද්ධය අවසාන වීමෙන් පසුව මුස්ලිම් ජනතාව නැවත පදිංචියට පැමිණ සිටි අතර ඔවුන් ගේ  ජනාවාස වන මුල්ලිකුලම්( මුල්ලිකුලම පැරණි සිංහල ජනාවාසයකි ) කරඩිකුලි පල්ලෙකුළි ආදී තැන් වල පදිංචි වූහ.1960 දශකයේ දී මෙහි ග්‍රාම වසම් හතක් විය. 1980 දශකය වන විට මෙම මුසලි පළාතේ ග්‍රාම වසම් 08 දක්වා වර්ධනය විය. ඒවා නම් මෙතැන්වැලි අරිප්පු සිලාවතුර අකාතිමුරුප්පු මරිච්චකට්ටි කොක්කුපඩයාන් මුල්ලිකුලම් වෙප්පල් සහ කරඩිකුලි වශයෙන් විය. මරිච්චකටුට්වෙන් ඔබ්බට ජනාවාසකරණය ආරම්භ කරන ලද්දේ 2010 වසරේදී පමණය. මුස්ලිම් ජනතාව වසර දාහක් පමණ තිස්සේ මෙරට වාසය කරමින් සිංහලයන් සමග සහයෝගයෙන් සිටින බව වත්මන් දේශපාලඥයන් කියති. එය පට්ටපල් බොරුවකි. 1818 ජාතික විමුක්ති අරගලය මර්දනය කරලීම පිණිස මුස්ලිම් ඔත්තු කරුවන් දුන් දායකත්වය නිසා ඉංග්‍රීසීන් ඔවුන්ට පුරවැසි කම මෙන්ම වරප්‍රසාදයන්ද දුන්හ. ඉන්පසු පෙර සඳහන් කළ පරිදි බුරුතු පිටින් ඉන්දියාවෙන් මරක්කලයන් මෙරටට ගෙන්වා ගත්හ. පසු කාලයේදී මෙලෙස පැලපදියම් වූ මරක්කලයන් සිංහලයන්ට එරෙහිව යොදා ගන්නට ඉංග්‍රීසී ආණ්ඩුව සමත් වූහ.1915 මුස්ලිම් කෝලාහලය එහි ප්‍රතිඵලයකි.
         යුද්ධයෙන් අවතැන්වූ පුද්ගලයෙකු වශයෙන් සැලකෙන බද්යුදීන් අමාත්‍යවරයා අද මන්නාරම් දිස්ත්‍රික්කයේ පමණක් නොව වවුනියා දිස්ත්‍රික්කයේ ද මහ බලවතා වෙයි. ඔහු විසින් ප්‍රදේශයේ ජනතාවට විහාරස්ථානයන්ට විසි කරන මුදල් අසීමිතය.එම වරදාන ලබාගන්නා ස්වාමීන් වහන්සේලා අතලොස්සක් සහ සිංහල මන්ත්‍රීවරයෙක් නිතරම මේ ඇමතිවරයා වෙනුවෙන් මාධ්‍ය සාකච්ඡා පවත්වයි. ඇමතිවරයා ගේ මහා ධනස්කන්ධය කෙලෙස උපයා  ගෙන ඇත්තේ දැයි කිසිවෙකුත් නොදනී. එහෙත් මුස්ලිම් මූල්ධර්මවාදය පතුරුවන කටාර් රාජ්‍යය මගින් මෙලෙස මුදල් පොම්ප කරන බව දැන ගන්නට ඇත. එසේම නීති විරෝධී මත්ද්‍රව්‍ය ව්‍යාපාරයන් මගින්ද මෙවැනි මුදල් එක්රැස් කරගන්නා දේශපාලකයන් එමට ඇත. කෙසේ වුවත් උතුරේ සිංහල අනාථයන්ට තම මුල් ගම්බිම් වලට යන්නට අත නොදුන් ආණ්ඩු දෙකක පැටි කිරිය අපි දනිමු.ඔවුහු නැවත පදිංචි කිරීම් අමාත්‍යංශය හරහා මරක්කලයන් සහ දෙමළ ජනයා පදිංචි කරලීමට වැඩි වෙහෙසක් ගනු ලබන්නේ චන්ද බලාපොරෙත්තුවෙනි. වත්මන් යහපාලන රජයද එලෙසම ඉදිරි චන්ද වලදී උතුරේ දෙමළ සහ මුස්ලිම් ජනයාගේ  චන්ද බලාපොරොත්තු වෙන් සිටිති. ඒ වෙනුවෙන් ඕනෑම කප්පමක් දීමට ලෑස්ති වීම වර්තමාන ස්වභාවයයි. අද වන විට නැගෙනහිර පළාත තුළ හමුදාව මගින් මෙහෙයුම් නොකරන්නේද බේරුවල දර්ගා නගරය වැනි තැන්වලට වෙනත් නීතියක් ක්‍රියාත්මක වනුයේද චන්ද සඳහා දෙන කප්පම් වශයෙනි.සිංහල ජනතාව මියගියාට මේ දේශපාලනඥයන්ට කම් නැත. ඔවුන්ගේ ස්වාමිවරුන් වූ බටහිර යටත්විජිතවාදීන් ගේ ආඥාව මත හැසීරීම සාමාන්‍ය ස්වභාවයයි. බද්යුදීන්  අමාත්‍යවරයා  මෙන්ම අනෙකුත් මුස්ලිම් අමාත්‍යවරුන්ට මුස්ලිම් ව්‍යප්තවාදය වෙනුවෙන් කටයුතු කරන්නට ඉඩ දී තිබෙන අතර බටහිර වුවමනාවන් වෙනුවෙන් ද යොදාගනු ලබන බව මෙහිදී අප තේරුම් ගත යුතුය.

    

Sunday, May 5, 2019

මුස්ලිම් නායකයන් ෂේප් කොට ත්‍රස්තවාදය පැරදවිය හැකිද


                           
          දේව මෙහෙයන්ට සාභාගි වූ අහිංසක ජනතාව ඉලක්ක කර ගනිමින් මරාගෙන මැරෙන බෝම්බ කරුවන් විසින් එල්ල කරන ලද ප්‍රහාරයේ කඳුළු කතාව තවමත් අවසන් වී නොමැත.මුස්ලිම් අන්තවාදය පෝෂණය කරන ලද දේශපාලන සුනඛයන් සිය නගුට දෙපරන්ද අස්සේ සඟවා ගනිමින් එකිනෙකාට බුරමින් සිටින කාලකණ්නි හෝරාව ද  පසු කරමින් සිටිමු.මළ මිනී උඩින් සිය දේශපාලන අභිමතාර්ථයන් ඉෂ්ට කරගත හැකි බවට දැන සිටි මැති ඇමැත්තන් ගේ අභිප්‍රායන් සිය මුග්ධ වාග් කෝෂයෙන් එළියට ඇද බෑ ආරක්ෂක ලේකම් වරයා ජනතාව ඉදිරියේ නිරුවත් වෙද්දී ජාතික ආරක්ෂාව වෙනුවෙන් අන්තවාදී සංවිධාන තහනම් කිරීමට නීති නැතැයි පාරම්බෑ  අගමැති වරයා ගේ වර්තමාන න්‍යාය පත්‍රය ද කියවීමකට ලක් කරමු.
        මංගල සමරවීර හිටපු විදේශ ඇමැතිවරයා ජිනීවා මානව හිමිකම් කොමිසමට ගොස් එහි 30/1 යෝජනාවලියට සම අනුග්‍රහය දක්වන ලද්දේ ලක් රජයේ කැබිනට්ටුව පවා දැනුම්වත් නොකරමිනි.ඔහුට එවැනි බලයක් ලැබී තිබුණේ යහපාලන රජය පත් කරන්නට යෙදුණු ඇමරිකානු බ්‍රිතාන්‍ය විදෙස් ඔත්තු සේවාවන් ගේ පිහිටෙනි.මෙම යෝජනාවලියේ සඳහන් ප්‍රතිපාදන රාශියක් මේ වන විට යහපාලන රජය ඉටු කර තිබේ. පවත්නා ත්‍රස්තවාදය වැලැක්වීමේ පනත වෙනස් කොට නව ප්‍රතිත්‍රස්ත පනතක් ගෙන ඒම තවත් ප්‍රතිපාදනයකි. එය දැනට පාර්ලිමේන්තුවට ඉදිරිපත් කොට ඇති අතර විපක්ෂ මන්ත්‍රීවරු පොල් ගාමින් එය සම්මත කර ගැනීමට ඉඩ නොදෙන බව අගමැති කියයි. දැනට පවත්නා ත්‍රස්තවාදය වැළැක්වීමේ පනත මෙම ප්‍රති ත්‍රස්ත පනත යටතේ අහෝසි වන අතර ත්‍රස්තාවාදීන්ට පැණවෙන දඬුවම්ද ලිහිල් කෙරේ. නමුත් මහජන සංවිධන වල ක්‍රියාකාරිත්වය( වෘත්තීය සමිති ක්‍රියා සහ ජාතික සංවිධාන  විරෝධතා ) තහනම් කිරීමට යෝජනා එහි කෙරී ඇත. දෙමළ ත්‍රස්තවාදීනට ගැලවී යා හැකි මංද එහිදී විවර වන බව දැක්වේ.
       . බළලා මල්ලෙන් එළීයට පැමිණ තිබේ.බොම්බ ප්‍රහරයෙන් පසු අගමැති ගේ හැසිරීම නිරීක්ෂණය කරන කල්හි ඔහු මේ සියල්ල දැන සිටියාය කියන මතයට එන්නට හැකිය. මේ ව්‍යසනයෙන් සතියක් ගත වන්නටත් කලියෙන් විරෝධයට ලක් වූ මිලේනියම් චැලෙන්ජ් කෝපරේෂන් ඇමරිකා ඒජන්සිය මගින් ලබා දෙන ඩොලර් මිලයන් 480 ක් ලබා ගන්නට උත්සාහ දැරීම පෙන්වා දිය හැකිය.මේ ආර්ථීක කොරිඩෝ ව්‍යාපෘතිය මගින් ලංකාවේ ඉඩම් රාශියක් ඇමරිකානු සමාගම් වලට අයත් වන ආකාරය මීට කලින්  පෙන්වා දී ඇත්තෙමි. ඒ අතර ඇමරිකානු බුද්ධි නිළධාරීන් ද ලංකාවට ගෙන්වා හමුදා වල කටයුතු වලට ඉහළින් සිටීමට ඔහු හදිසි වී ඇත.මෙම සැලසුම නේටෝ යුධ කඳවුරක් විය හැකි බවටද මත පළ වී තිබේ.
          ආණ්ඩුක්‍රම ව්‍යවස්ථාවේ දහනවවන සංශෝධනය ව්‍යවස්ථාමය උගුලක් බව ගෙවිඳු කුමාරතුංග මහතා පෙන්වා දී තිබේ.මේ උගුලට ශ්‍රී ලංකා නිදහස් පක්ෂයේ මන්ත්‍රී වරුන් පමණක් නොව ඒකාබද්ධ විපක්ෂයේ මන්ත්‍රී කණ්ඩායමත් අසුකර ගැනීමට තරම් රනිල් වික්‍රමසිංහ සට කපට වී සිටියේය.චන්දය විමසන අවසාන මොහොතේ ඒකාබද්ධ විපක්ෂයේ මන්ත්‍රී වරුන්ට බල පෑම් කිරීමට  මහින්ද රාජපක්ෂ මහතා කටයුතු කර ඇත. එවිට ජානක බණ්ඩාර මහතා  පාර්ලිමේන්තුවෙන් ඉවත්ව ගිය අතර සරත් වීරසේකර මහතා විරුද්ධව චන්දය පාවිච්චි කළ බව කාටත් නොරහසකි.මේ නිසා ව්‍යවස්ථාමය උගුල නිර්මාණය කළ සියලුම පුද්ගලයන් මේ ව්‍යසනයට වග කිව යුතු බව කිව යුතුය.පොලිස්පති තනතුරට නව පුද්ගලයෙකු පත් කිරීමට දරන ලද මහන්සිය සියලුම ජනතාවට පෙනී ගියේය. ඔක්තොබර් 26 වනදා පත්වූ මහින්ද ගේ ආණ්ඩුවට විරුද්ධව අරලිය ගහ මන්දිරයේ බලකොටුවට වී සිටි චම්පික රණවක ඇතුලු බොහෝ අය අද කට උත්තර නැතිව සිටී.ත්‍රස්තවාදය වැලැක්වීමේ න්‍යාය පත්‍ර වසර හතරක් තිස්සේ සඟවා සිටි ඔවුන් දැන් ජනතාව ඉදිරියේ රඟයි.මේ සියලු දෙන කෙතරම් ශෝක ප්‍රකාශ සිදු කළද ඇමරිකානු ඔත්තු සේවා සමග කුමන්ත්‍රණය කරමින් රට අගාධයට දැමූ අගමැතිවරයා බේරාගත්  කිසිවෙකුටත් ජනතාව සමාව නොදෙනු ඇතැයි සිතමි.
        වර්තමාන මුස්ලිම් ආක්‍රමණය 2005 වසරේ පමණ සිට ආරම්භ වන්නට ඇතැයි මත පළ වී තිබේ.කොටි සංවිධානය විසින් ක්‍රියාත්මක කළ සටන් උපක්‍රම පරිශිලනය කරමින් අවි ආයුධ ගැන නිරීක්ෂණය කරමින් විදේශීය අයි එස් සංවිධනය සමග පුහුණුව ලබමින් මේ අන්තවාදී සංවීධාන මතු වුණ බව දැක ගන්නට ලැබුණි. සංවීධාන ජාලය සෑදීම සහ කුරාණයේ ඉගැන්වෙන යම් යම් මූලධර්මවාදී අදහස් පදනම් කරගනිමින් හලාල් ආහාර ඉස්ලාම් බැංකු කරණය මද්‍රසා පාසල් ෂරියා විශ්ව විද්‍යාල ආදිය බිහිවන්නට විය මේ විදුහල් සංස්ථාගත කර ගැනීම පිණිස පාර්ලිමේන්තුව නියෝජනය කළ මුස්ලිම් මන්ත්‍රීවරුන් සහ ඇමතිවරුන් බොහෝ දෙනෙකු උදව් උපාර කළ බව සත්‍යයකි. එසේම පැවති රජයේ මූලිකත්වයෙන් ආරම්බ කළ ආර්ථික වැඩ සටහන් වල උතුරේ ප්‍රමුඛයෙකු වු රිෂාඩ් බද්යුදීන් හට නිදහස්සේ  සිය අන්තවාදය පෝෂණය කර ලීමට කළ උදව් උපකාර කහටත් මතක ඇතැයි සිතමි.මේ නිසා පැවති රජය ට කිසිම ආකාරයකින් මේ ව්‍යසනයේ වගකීමෙන් මිදීමට ඉඩහසරක් නැත. මේ සියල්ල ක්‍රමානුකූල ලෙසට වැඩෙන්නට ඉඩ සැලසීමත් මුස්ලිම් නව නීති කාති උසාවි රාජ්‍ය ව්‍යුහය තුළ ශක්තිමත් ව යන්නට ඉඩ හැරීමත් නිසා ආක්‍රමණ ශීලී සංවිධාන නව ජවයකින් ඉදිරියට පැමිණි බව සිතන්නට හැකිය. 21 වන දා බෝම්බ පිපිරුණ අවස්ථාවේදී  කලුතර දිස්ත්‍රික්කයේ කුඩලිගම ගම්මානයේ පාළමක් විවෘත කරලීමට හිටපු බස්නාහිර පළාතේ මහ ඇමතිවරය පැමිණ සිටියේය. බෝම්බ පිපිරෙන අවස්ථාවේදී ඔවුන් සිටියේ විවෘත කිරීම අවසන් කොට තේ පානය කරමින්ය. සිද්දිය සැලවීමෙන් පසු හිටපු මහ ඇමතිවරයා දිගින් දිගටම පූජ්‍ය ඥාණසාර හිමියන්ට බැණ වදිමින් මේ ව්‍යසනයට උන්වහන්සේ වග කිව යුතු බව කියා සිට ඇත. සැබවින්ම පක්ෂ විපක්ෂ බොහෝදෙනෙකුගේ අදහස් මහ ඇමතිවරයාගේ අදහස් වලට සමානය. ඔවුහු ඥාණසාර හිමියන් කිවූ දේ ගණනකට නොගෙන අන්තවාදය පෝෂණය කරමින් තමන්ට ලැබෙන චන්ද කුට්ටියට ගිජුවෙමින් සිටියහ.
        දැන් රටපුරා දැමූ හදිසි නීතිය යටතේ සෝදිසි මෙහෙයුම් ක්‍රියාත්මක වෙයි. එහෙත් මානව හිමිකම් දඬු අඬුවෙන් සිර කර සිටින  බැවින් ත්‍රස්තවාදීන් කොටුකර ගන්නා මෙහෙයුම ශ්‍රී ලංකාවේ ආරක්ෂක අංශ මගින් රිසි පරිදි ඉටු වෙතැයි නොසිතිය යුතුය. ගම් පිටින් වටලමින් අතැම් මෙහෙයුම් ක්‍රියාත්මක කළද නිශ්චිත තොරතුරු නොමැතිව ඔවුහු ඒවා නොකරති. එම නිසා 2013  පමණ සිට සන්නද්ධව සිටින ත්‍රස්තවාදීන්ට  පැණ යන්නට සහ අවි ආයුධ සගවන්නට තිබෙන ඉඩකඩ බෝහෝ වෙති. පල්ලි වල කඩු ගබඩා කරගන්නට ඇත්තේ අවට කැලෑ කපන්නට යැයි හලීම් මුස්ලිම් ඇමතිවරයා කියයි.නමුත් ඔහු අන්තවාදී ඉගැන්වීම් සඳහා වන පාසල් 400 කට අනුමැතිය ලබා දී තිබේ.එසේම හිස්බුල්ලා මුජිබර් රහුමන්  වැනි මුස්ලිම් ඇමතිවරුන් ගේ කාර්ය මණ්ඩලය සතුව ඇති පුපුරණ ද්‍රව්‍ය ගැනද දැන් තොරතුරු හෙළිව තිබේ.ඒ අතර අධ්‍යාපන අමාත්‍යංශය යටතේ මුස්ලිම් පාසල් සංවර්ධන අංශයක් පිහිටුවා ඇත්තේ කුමකට ද මෙතෙක් එහි කළ කාර්යය කුමක්දැයි සොයා බැලිය යුතුය. ලංකාවේ සිටින සියලුම මුස්ලිම් ජනතාව ත්‍රස්තවාදීන් නොවේ . එහෙත් ඔවුන් සමස්ත සිංහලයන් ගෙන් වෙන්ව මූලධර්මවාදී පිරිසක් ලෙසට පසුගිය පනස්වසර තුළ වර්ධනය වී තිබේ.විශේෂයෙන්ම දාහත්වන සියවසේ සිට ලංකාවට පැමිණි ඉන්දීය මරක්කලයන් ගේ හැසිරීම දෙස බලන විට මේ බැව් තේරුම් ගත හැකිය. 1915 මුස්ලිම් කෝලාහලය අවස්ථාවේ දී ද නිහීන ලෙසට හැසිරී ඇත්තේ මොවුන්ය. යුද්ධ නීතිය යටතේ දවස් සීයක් නම් ග්‍රන්ථය රචනා කරන ආමන්ඩ් ද සූසා මහතා  මෙම මුස්ලිම් ප්‍රජාව ගැන සඳහන් කරන්නේ මෙලෙසය .
        ඔවුහු බොහෝ විට අශීලාචාර විය. මෙය යුදෙව්වන් තුළ දක්නට නොලැබුණු ගතියකි. ඔවුන් ඉන්දියාවේ මුහුදු බඩ පෙදෙසකින් පැමිණියේ වස්තු තණහාව නිසාය. ඔවුන් මහමත්වරුන් හෙයින් භාර්යාවන් කැටුව නොපැමිණියහ. මෙම පිරිස ගම් වලට පැමිණ ආරම්භ කළ කඩ වල හැම දෙයක් ම ඇත. මෙහිදී ඔවුහු සිංහල බෞද්ධ තරුණියන් සමග හාදකම් පවත්වමින් එක්කෝ ඔවුන් දූෂණය කළහ. නැතහොත් මුසලිම් ආගමට හරවා ගෙන අනියම් බිරියන් හැටියට තබා ගත්හ.
            1912 දී ආරම්භ වී 1915 වර්ෂය දක්වා ඇදී ගිය මරක්කල කෝලාහලයට පසුබිම් වනුයේ  මුහුදු බඩ මුස්ලිම් වරු නොහොත් හම්බයන්ය. ඔවුහු මරක්කලයන් ලෙසටද හැඳින්වූහ. ලංකා විශ්ව විද්‍යාලීය  ඉතිහාසය නම් ග‍්‍රන්ථයේ දී කේ. එම්. ද. සිල්වා මහතා මේ මරක්කලයන් ගැන විග‍්‍රහ කරනුයේ මෙසේය.
              ‘ඔවූහු ස්වකීය වෙළඳ ජාවාරම් ආරක්‍ෂා කර ගැනීම සඳහා දැඩි ලෙස ක‍්‍රියා කලාහු පමණක් නොව ඔවුන්ගේ පුරවැසි අයිතිවාසිකම් තහවුරු කර ගැනීම පිණිසද ස්වදේශික මුස්ලිම් වරුන්ට වඩා සාහසික ලෙස ක‍්‍රියා කළහ. මොවුන්ගේ මේ අවිනීත භාවය හා අනෙක් ආගමික ජන කොටස් සතුව පවත්නා සාම්ප‍්‍රදායික පූජා විධි හා සිරිත් විරිත් ගැන නොතැකීම නිසා මෙවැනි අවධියෙක (1915) එනම් බුදු සමයෙහි පුනරුදයක් ඇති වේගන ගිය කලෙක ඔවුහු සිංහල බෞද්ධයන් සමඟ බරපතල ගැටුමකට වහල් වූහ. අලුත්ගම නගරයේ පිණඩපාතයේ වැඩි භික්ෂූන් වහන්සේ නමකට 1915 දී පමණ මේ මුස්ලිම් අන්තවාදීන් පාපහර දුන්නේ ද  2013 වර්ෂයේ දී අලුත්ගම නගරයේ පැවති විරෝධතා රැළියකින් පසු දර්ගා නගරය හරහා ගමන් කළ ඥානසාර හිමි ඇතුලු පිරිසට පහරදුන්නේද මේ අන්තවාදීන්ය. සුදනා වන්නට තතනන රාජිත සේනාරත්න ඇමතිවරයා මේ අන්තවාදීන්ට රැකවරණයද ආගමික ගැටුම් ඇවිලීමට අවශ්‍ය කුමන්ත්‍රණයද සැලසුම් කළ බවට එදා තොරතුරු හෙළිවුණි.
    පැරණි රජ දවස මෙවැනි විදේශිකයන්ට ඌලියම් නම් බද්දක් පනවමින් ඔවුන් පාලනය කළහ.නැතහොත් සිංහල ජන සමාජයට ඇතුල් වීමට නීති රීති සකස් කළහ.ඉංග්‍රීසීන් මේ නීති පසෙකලමින් මුවර් නොහොත් මුස්ලිම් ප්‍රජාවට රිසිසේ වැඩෙන්නට ඉඩ හළහ.නිදහසෙන් පසු මේ පිරිසට චන්ද බලය දී වෙනමම වරප්‍රසාද දී චන්ද පොට්ටනි එකතු කර ගත්හ.වර්තමාන දේශපාලනයෙන් පත්වන සෑම ආණ්ඩුවකදීම මුස්ලිම් නායකයන් කියා ගන්නා ජාවාරම් කරුවන්ට හොඳම ඇමතිකම් දී ළඟින් තබා ගන්නේ  ඊළඟ චන්දය බලාගෙන මුස්ලිම් ජන කොටස් ෂේප් කර ගැනීමටයි.රිෂාඩ් බද්යුදීන් හිස්බුල්ලා හකීම් හලීම් වැන්නවුන් ගැන සිංහල සමාජයේ තිබෙන පිළිකුල් මතය නිර්මාණය වන්නේ එලෙසිනි.නමුත් තවත් ඉදිරියට යම් සිංහල දේශපාලකයෙක්  මේ මූලධර්මවාදීන් නඩත්තු කිරීමට උත්සාහ කරන්නේ නම් එයට පිළිතුරු සිංහල ජන සමාජයෙන් ලැබෙනවා නිසැකය.විශේෂයෙන්ම මුස්ලිම් ජන සමාජය යේ වරප්‍රසාද වන බුර්කා නිකාබ් ආගමික පාසල් සහ විශ්ව විද්‍යාල  හදිසි නීතිය මගින් තහනම් කරන අතර ඒවා සහමුලින්ම උපුටා දැමීමට මහජන නියෝජිතයන් විසින් යෝජනා සම්මත කර ගත යුතුය. එසේ නැතහොත් ත්‍රස්තවාදය යටපත් කර දැමූ පසු එම වරප්‍රසාද නැවතත් මතු විය හැකිය.එසේම රටේ පවතින අරාජික තත්ත්වය හමුවේ ශක්තිමත් රජයක් බිහිකර ගැනීමට ජනතාවට ඉඩ තැබිය යුතුය. භාරකාර රජයයන් බිහිකර ඇමරිකන් ජුන්ටාවන් ගොඩ නගා මේ සුන්දර රට විදේශිකයන් ගේ පොරපිටියක් බවට පත් කිරීමට ඉඩ නොතැබිය යුතුය.

       

Saturday, April 27, 2019

මිනී කපුටන් ගේ දේශපාලනයට විදෙස් ආධාර හිමි වේ


                          
      බුද්ධි අංශ විසින් තොරතුරු වාර්තා කර තිබියදීත් පාස්කු ඉරිදා ප්‍රහාරය වළක්වා ගැනීමට ආණ්ඩුව අසමත් විය.යම්කිසි ප්‍රහාරයක් දියත්වන බව සැක කළ බව හිටපු ආරක්ෂක ලේකම් ගෙන් ප්‍රකාශ විය. බළලා මල්ලෙන් එළියට පැමිණ ඇත. අවුරුදු සමයේ  දී සියලු දෙන නිවාඩු ගත කරද්දී දේශපාලකයන් පිටරට සහ නුවර එළියේ සවාරි ගසද්දී මෙමවිනාශය සැලසුම් කළ ඔත්තු සේවාවන් ක්‍රියාත්මක වූහ. බදු බරින් මිරිකී ආර්ථික වශයෙන් බෙලහීන වී දේශපාලන මංකොල්ල කෑම් දැක දැක කිසිවක් කරගත නොහුණු ජනතාව ඉදිරියේ සිය නගුට දෙපරන්ද අස්සේ ගසා ගත් වුන් මේ විනාශය සිදුවන්නට ඉඩදී බලා සිටියහ. මරාගෙන මැරෙන බෝම්බ එල්ල කරන ලද්දේ දේව මෙහෙයන්ට සාභාගි වූ අහිංසක ජනතාවටයි.විනාශයෙන් පසු කාදිනල් තුමා ගේ ප්‍රකාශයෙන් ගම්‍ය වූයේ මෙහි පිටිපස තිබෙන ජගත් ගුමන්ත්‍රණය එතුමා දැන සිටි ආකාරයයි. ප්‍රහාරයෙන් දවස් කීපයක් ඉක්ම යන්නටද ප්‍රථම එකිනෙකාට දොස් පවරා ගත් දේශපාලන මිනී කාක්කන් සිය ගොදුරු ඉව කරමින් දිව ගියහ. රජයේ අනුමැතිය නොලත්  කැබිනට්ටුවේ පවා සාකච්ඡා නොකළ ආර්ථික කොරිඩෝ ව්‍යාපෘතියට ඩෙලර් මිලියන හාරසිය අසූවක මුදලක් ලැබෙන්නේ මේ අතරය.ප්‍රහාරයේ අරමුණ පැහැදිලිය. මේ ව්‍යාපෘතිය හරහා ලංකාවේ ඉඩම් මංකොල්ල කෑමට වරපත්‍රයක් අගමැතිවරාය විසින් දී තිබේ.
      අප්‍රියෙල් 21 වන දින කතෝලික පල්ලි වලට සහ මුල් පෙලේ හෝටල් වලට එල්ල වූ මරාගෙන මැරෙන බෝම්බ ප්‍රහාරය මුස්ලිම් අන්තවාදීන්ගේ සපිරිස්ථාන් සිහිනයේ තවත් දිගුවකි. වත්මන් එක්සත් ජාතික පක්ෂය එක් පැත්තකින් ඇමරිකාව ඇතුළු බටහිර අධිරාජ්‍යවාදීන්ට ගැතිකම් දක්වන අතර අනෙක් පැත්තකින් මුස්ලිම් අන්තවාදීන් සතුටු කරලීමට සියලු වරප්‍රසාද ලබාදීම සිදු කරනු ලබයි. එක්සත් ජාතිකපක්ෂයේ හිටපු ලේකම් වරයා වූයේ කබීර්හසීම්ය. ඔහු සිංහල පාසලකට ගිය සිංහල බසින් ඉගෙන ගත් මුස්ලිම් ජන නායකයෙකි.  ඔහුට ලැබෙන වැඩිතර චන්ද සිංහලයන්ගෙනි. සිංහල පාසල් වල ඉගෙන ගත් සාමකාමී මුස්ලිම් ප්‍රජාව යටපත් කරලමින් අන්තවාදීන් මද්‍රසා පාසල් හරහා වර්තමානයේ හතු පිපෙන්නා මෙන් බිහිව තිබෙන්නේ කබීර් හසීම් බද්යුදීන් වැනි ජන නායකයන් ගේ ආශීර්වාදය හරහාය. මොවුහු එකිනෙක සම්බන්ධ කමක් දක්වති. ඥාතිත්වයක්ද ඇත. රටේ හොර ජාවාරම් කරන ගමන් සුද්දවන්තයන් ලෙසට පෙනී සිටිමින් දේශපාලනය කරති. වයඹ පළාතේ ඉඩම් අල්ලා ගනිමින් ජන ව්‍යාප්තිය සිදු කරන බද්යුදීන් ගේ කාර්යය ට සමගාමීව මුජිබර් රහුමාන් එම්.එස්. තව්ෆීක් වැනි මන්ත්‍රී වරු හිස්බුල්ලා වැනි ඇමතිවරු තම තමන්ට අයත් කාර්යයන් කරති. ෆයිස්ර් මුස්තාපා ගේ ක්‍රියාවලිය තවත් එකකි. නමුත් මේ සියල්ල ප්‍රශ්නයකදී එකට එක් වෙති. මහින්ද රාජපක්ෂ රජය කාලයේ රජයේ ඉඩමක් ෂරියා විශ්ව විද්‍යාලයකට ලබා දීම සිදු විය. මෙය මද්‍රසා පාසල් මෙන්ම රටටම පිළිලයක් බව දැන් පිළිගන්නට සිදුව තිබේ මුස්ලිම් ප්‍රජාව නිසා ජීවත් වූ  අනෙක් ඇමතිවරයා වූයේ හිටපු අගමැති දි.මු. ජයරත්නයි. මේ ඇමතිවරයා රටපුරා තිබෙන මුස්ලිම් පල්ලි නඩත්තු කරලීමට හා ඉඳිකිරීමට රජයේ මුදල් ලබා දුන්නේය.  ඒ ආගමික කටයුතු අමාත්‍යංශය හරහාය. පසුගිය කාලයේ දඹුල්ල අනුරාධපුරය ආදී බෞද්ධ පුරවරයන්හි අටවා තිබූ මුස්ලිම් යාඥා මඩු ඉවත් කිරීමට බෞද්ධයින් හඬ නගද්දී රජය හා ඇමති වරු මුස්ලිම් ප්‍රජාව වෙනුවෙන් ඉදිරිපත් ව කතා කළහ. අතයට මුස්ලිම් වරුන් ගෙන් මුදල් අල්ලස් ලබා ගන්නා නිළධාරීන් ගැනද යමක් කිව යුතුය. නැගෙනහිර පළාතේ සිංහලයින් සතුවූ ඉඩම් වල ඔප්පු වෙනස් කොට හොර ඔප්පු සහතික කරලීමට ගන්නා ලද අල්ලස ප්‍රමාණය නිශ්චිත නැත.
.        .එසේම ලංකාවේ බැංකු පද්ධතියට මුස්ලිම් බැංකු කරණය ඇතුළත් කර තිබේ. 2013 /04/19 ගැසට් පත්‍ර යේ පළ කරන ලද අරාබි විදුහල් ස්ථිපිත කිරීම ගැනත් යමක් කිව යුතුය. මේ යෝජනාවන් ඉදිරිපත් කරන ලද්දේ එවකට සිටි පාර්ලිමේන්තු මන්ත්‍රී වරුන් වන එම්.එස්. තවුෆීක් ( රිල්වානියියාහ් සහ අබු හුරෛරාහ් ආරාබි විදුහල් ) සහ එස්.බී. ෂාරුක් (මර්කස් සකාෆතුල් ඉස්ලාමියා ) යන දෙදෙන විසිනි. මෙහි අරමුණ ලෙසින් සඳහන් වූයේ ෂරියා නීතිය ට අදාල දේව ධර්මවාදීන් බිහිකිරීමයි.එලෙසම මුස්ලිම් කාන්තාවන් අදින නිකාබ් සහ බුර්කා ඇඳුම සමාජගත වූයේ ද මේ වහාබ් අන්තවාදයේ ප්‍රතිඵලක් වශයෙනි. කොළඹ පමණක් නොව ඈත ගම් දනව් කරාද වේගයෙන් පැතිර ගිය මේ වසංගතය රජයේ ආයතන වලටද කරදරයක් විය. එම නිසාම 2018 වසරේ කොලොන්නාව ප්‍රා දේශීය ලේකම්වරයාව සිටි සුගත් සිසිර කුමාර මහතාට අමිහිරි අත්දැකීමකට මුහුණ දීමට සිදු විය. සම්පූර්ණයෙන්ම මුහුණ වසාගත් මුස්ලිම් කාන්තාවන්ට කාර්යාලයට ඇතුලු වීමට ඉඩ නොදීම නිසා පළාතේ මන්ත්‍රී මරික්කාර් මහතා ගෙන් ඔහුට පීඩා විඳින්නට සිදු විය. අවසානයේ ඔහුට ස්ථාන මාරුවක්ද ලැබුණි. මේ බුර්කා ඇඳුම ගැන නීතිඥ ප්‍රසාදිනී මුදුන් කොටුව මහත්මිය විසින් පොලිස්පතිට කරන ලද පැමිණිල්ලකට පොලිස් නීති කොට්ඨාශ යේ පොලිස් අධීකාරී ඩබ්.ජේ.එන්.සේනාරත්න මහතාගෙන් පිළිතුරු ලැබී තිබුණේ මාස හයක් කල් ගතවූ පසුවයි.බුර්කාව තහනම් කරලීමට නීතියක් නොමැති බව ඔහුගේ පිළිතුරයි. දැන් බුර්කාව ගැන හදිසියේ කාහටත් මතක් වී තිබේ. අපරාධකරුවන් මේ ඇඳුම අස්සේ සැඟව සිටීම මීට හේතුවයි.
     ලාංකික ගෘහ සේවිකාවක් එකල සෞදි ආරාබියේදී  ඝාතනයට ලක් විය. එය ලංකාවේ මුස්ලිම් ප්‍රජාවට බිය ගෙන දෙන ක්‍රියාවක් නොවේ. අඩු වයස් කාර ළදැරියක් වීම පමණක් ඔවුන්ට ප්‍රශ්ණයක් විය. එම කාරණය  රජය විසින් අධිකරණයේදී ඉදිරිපත් නොකරන ලද බව ඉස්මතු කොට සැබෑ ගැටලුව යටපත් කරන ලදී. එනම් ෂරියා නීතිය යටතේ එවැනි දඬුවම් සමාන්‍ය දෙයක් වන ආකාරයයි.  ලංකාවේ මුස්ලිම් ජනතාව ශ්‍රී ලාංකිකයින් නොව මුස්ලිම් ජාතිය ලෙසට සැලකීම කාලයක සිට අනුගමනය කෙරෙන්නෙකි. සිංහල ජනතාවට නොලැබෙන වරප්‍රසාද රාශියක්ම ඔවුන් වෙත ප්‍රදානය කර ඇත. බහු භාර්යා සේවනය ඉන් එකකි. ඔවුන්ටම ආවේණික ක්වාසි අධිකරණ පවත්වා ගෙ යෑමට දැන් නීතියෙන් බලතල ලැබී තිබේ.  ෂරියා නීතිය ක්‍රියාත්මක කරන මේ අධිකරණ නැතහොත් නඩු ශාලා පණස් අටක් රටපුරා ඉඳිකර දීමට රුපියල් මිලියන තිස්අටක් ශ්‍රී ලංකා රජය වෙන් කරන ලද්දේ ඉතාමත් මෑතකදීය. ඒ හිටපු අධිකරණ අමාත්‍ය වරයෙකු  වූ ආතාවුද සෙනෙවිරත්න විසිනි. මේ ඇමතිවරයාගේ චන්ද කොට්ඨාශය වන මාවනැල්ල මුස්ලිම්වරුන්ගේ ආධිපත්‍යට යටත්ව ඇත. මෙයට හේතුව දේශපාලකයින් ඔවුන්ගෙන් යැපිමයි. දෙවනගල රජමහා විහාරයේ විහාරගමින් කොටසක් ආතාවුද ඇමතිවරයාගේ චක්ගෝලයෙකු ද වන මුස්ලිම් ජාතිකයෙකු විසින් අල්ලා ගෙන ගොඩනැගිලි සාදා ඇති අතර මේ ඉඩම් නිරවුල් කරලීම පිණිස පුරාවිද්‍යා දෙපාර්තමේනතුව කටයුතු කරලීමට ඉදිරිපත් වීමේ දී ඇමතිවරයා ඊට බාධා කළ බව කාහටත් මතක අතැයි සිතමි
      2012 දී පමණ එවකට පැවති රජය නබි නායක තුමන්ගේ උපන් දිනය වෙනුවෙන්  නිකුත් කළ නිවේදනය මගින් ප්‍රකාශ කරන ලද්දේ මුස්ලිම් ජන සමූහය විසින් නබි නායක ගේ ඉගැන්වීම් මගින්  සාමය හා ඉවසීම ප්‍රගුණ කරන බවයි. එය සම්පූරණ මුසාවකි. අන්‍ය ආගමිකයින් හා අන්‍ය ජාතිකයින් වෙනුවෙන් කුරාණය තුල මෛත්‍රී සහගත ප්‍රකාශ නොමැත. අවිශ්වාශ කරන්නවුන්ගේ හදවතට ත්‍රස්තය ඇතුලු කිරීම එහි ඉගැන්වීමයි.. . සියලු උපක්‍රමයන් යොදා අන්‍යාගමිකයන් කොටු කළ යුතු බවද. ඔවුන් ගැවසෙන තැන් වල සැංගිසිටීමට කටයුතු කිරීමද  මුස්ලිම් ප්‍රජාවගේ සිරිතයි.
           මේ තත්වය හමුවේ මුස්ලිම් දේශපාලකයින් ලංකාව සපිරිස්ථානයක් නොහොත් මුස්ලිම් රටක් බවට පත් කරලීමේ ශුද්ද වූ යුද්ධය අරඹා තිබේ. මෑතකදී හෙළි වූ හලාල් සහතිකය ලබා ගැනිමේ වැඩපිලිවෙලද  මෙහි අංගයකි. හලාල් යනු දෙවියන්ට කැපවූ ආහාර සඳහා යොදන නාමයයි. එය මුස්ලිම් වරුන්ට පමණක් නොව අන්‍ය ආගමිකයින්ටද බලෙන්ම පැටවීම මුස්ලිම් දේශපාලනයේ සවභාවයයි. ඒ මගින් අල්ලා  දෙවියන් විශ්වාශ නොකරන ජනතාව වෙතින් ලබා ගන්නා මුදල් සපිරිස්ථානය ගොඩ නැන්වීමේ ව්‍යපාරය සඳහාම යොදවන බව පැවසෙයි. වර්තමානය වන විට ඉතා පැරණී පක්ෂයක් වූ එක්සත් ජාතික පක්ෂයද මුස්ලිම්  අන්තවාදීන් ඉදිරියේ හලාල් කරවා තිබේ.
              තවුහීද් ජමාත් සංවිධානයේ නාකයෙකු බුදු රජාණන් වහන්සේට අපහාස කරමින් එකල ප්‍රකාශ නිකුත් කලේය. එසේම ජමිල් උලමා සංවීධානය මේ සියල්ල සම්බන්ධීකරනයට ලක් කරමින් මුස්ලිම් අන්තවාදය පෝෂණය කලේය. මේ බව එළිපිටම හඬනගා කිවූ යේ බෙදු බල සේනා සංවිධානය බව කාහටත් අමතක නැතැයි සිතමි.පූජ්‍ය ගලගොඩ අත්තේ ඥානසාර හිමියන් ගේ හැසිරීම් පිළිබද ප්‍රශ්ණ කරමින් උන් වහන්සේට  බැණ අඬ ගැසුවා මිසක සිංහල ජන සමාජය මේ තොරතුරු ග්‍රහණය කර නොගත් බව කිව යුත්තේ කණගාටුවෙනි. පක්ෂ පාට කණ්නාඩි වලින් බලමින් සිංහල අන්තවාදයක්  ගැන කතා කළ මේ මෝඩ ජනතාව තමන් ඇතුලු සමස්ත සමාජය වෙලා ගනිමින් සිටින අන්තවාදී යක්ෂ සේනාව නුදුටුවහ. මේ නිර්වින්දනයේ ප්‍රතිඵල අද අත් දකින්නට  සිදුව තිබේ.මේ නිර්වනිදනය උපයෝගී කරගනිමින් හලාල් කරන ලද යූඑන්පී නායක රනිල් වික්‍රමසිංහ තවත් අංචියකට අර ඇඳ ඇත.. එනම් මුස්ලිම් අන්තවාදය දඩමීමා කරගෙන ඇමරිකන් හමුදාවන් බුද්ධි සේවාවන් රට තුළට කැන්දා ගැනීමයි. පාර්ලිමෙන්තුවේ දී සහ සරිව පාක්ෂික සමුලුවේ දී  ඔහු කළ ප්‍රකාශ වලින් ගම්‍ය වන්නේ එයයි. පසුගියදා කළ සුනඛ සොදිසි මෙහෙයුමකදී එක්තරා මුල් පොලේ හෝටලයක් කාමරයක ඇමරිකන් කාරයන්ගේ රහසිගත උපකරණ කීපයක් හමු වූ   බවට රාවයක් පැතිර ගියහ. මේ සිද්දිය සත්‍යක් වුවද නැතද එයින් ගම්‍ය වන්නේ මේ රටේ පක්ෂ විසින් කරන නිර්ලජ්ජිත  පාවා දීමයි. ජනතාවගේ මලමිනී උඩින් වුව තම බලය තහවුරු කර ගැනීමට ඔවුන් සූදනම් බවයි.
        ඉතිහාසයේ සඳහන් වන ආකාරයට කුරුණෑගල යුගයේ දී මේ මුස්ලිම් රංචුව තමන්ගේම මුස්ලිම් නායකයෙකු රජ  කිරීමට උත්සාහ කළහ.එය පරාජය විය.පසුව රයිගම සිට මුස්ලිම් පාලනයක් ආරම්භ කරලීමට උත්සාහ කළහ. චීන මැදිහත් වීමෙන් එයද පරාජයට පත් විය.ඉන්පසු ඉන්දීය මරක්කලයන් රට වටේ නාවික බලය අත්පත් කොට ගෙන සිංහල රජු පාලනය කරන්නට විය. පරංගින් ගේ පැමිණීමෙන් එයද ව්‍යර්ථ විය.එහෙත් රටේ සිංහල බෞද්ධ ජනගහනය ඉන් බලවත් ලෙස පීඩා වින්දහ. පරංගීහු සිංහලයන් මෙන්ම ඉන්දීය සංක්‍රමණිකයන් ක්‍රිස්තියානිකරණයට පත් කළ අතර සිංහල බෞද්ධ සහ කතෝලික ජනතාව අතර විරසකයක් ඇති කළහ. කේෂ්වියර් පූජකවරයා ගේ මෙහෙයවීමෙන් මන්නාරම් සිංහලයන් පරංගීන් අතින් ඝාතනය වූයේ එහෙයිනි.මුස්ලිම් බලපෑම් සිදු වූ බොහෝ අවස්ථාවලදී විදේශ මැදිහත් වීම් සිදුව ඇතිබව මෙයින් අපට ලැබෙන පණිවුඩයයි.
      .          
                             
         

Wednesday, April 3, 2019

මන්නාරම් සමූල ඝාතන වල ඉතිහාසය පුරා විද්‍යාව සහ දේශපාලනය


            
                          
            මන්නාරම පැරණි කොටුව අභියස එසේම මන්නාරම උසාවිය ඉදිරිපිට තිබූ ස.තො.ස. ගොඩනැගිල්ලක් කඩා ඉවත් කිරීම සහ නව ගොඩ නැගිල්ලක් තැනීමට පස් හෑරීමේ දී හමුවූ මිනිස් ඇට කටු සමූහය අද සැමට ප්‍රශ්ණයක්ව ඇත.මාස හතක් පුරා මෙම ස්ථානයේ කැණීම් කටයුතු කොට මළ සිරුරු රාශියක ඇට සැකිලි ගොඩ ගෙන තිබෙන අතර එතුළින් ගම්‍ය වනුයේ සමූල ඝාතනයක් බවට විශාල ඝෝෂාවක් මතු විය අනතුරුව මෙම ඇට කටු සාම්පල හයක් ඇමරිකාවේ බීටා ඇනලිටිකල් ආයතනය වෙත යවන ලදුව දැන් එම සාම්පල් වල කාල නිර්ණයන් ලැබී තිබේ.ඒ දින වැටෙන්නේ පරංගි සහ ඕලන්ද සමයටයි.කෙසේ වෙතත් මෙම මිනී වල තිබෙනුයේ පැරණි පල්ලියක සොහොන් භූමියක බවට තොරතුරු තිබේ..එසේම කොටි සංවිධානයට අයත් අතුරු සංවිධානයක කාර්යාලයක්ද මෙහි පවත්වාගෙන ගොස් ඇත.මෙම මිනී වලේ  ක්‍රමවත්ව තැන්පත් කරන ලද මිනිස් සිරුරු මෙන්ම අක්‍රමවත්ව එකට ඇමිණුන සිරුරු වල කොටස්ද දක්නට ලැබුණි. කාල නිර්ණය පීලිබඳ විස්තර ලැබීමත් සමග පරංගි සහ ඕලන්ද සමයේ මනුෂ්‍ය ඝාතන ගැන පුවත් පත් වල විවිධ අදහස් පළ වී ඇත.
        මන්නාරම නැතහොත් මාන්තොට අපේ ඉපැරණිම වරාය පෙදෙසයි.මල්වතු ඔය මුහුදට වැටෙන මෝදරගම් ආර කල්පිටිය ආදී සීමාවන්හි සිට තලෙයි මන්නාරම දක්වා තිබෙන මුතු පර කිමිදීම බඩු හුවමාරු කර ගැනීම ආදී කටයුතු වලට නිතරම මෙහි විදේශිකයන් ගැවසුණහ. මන්නාරම අවට ක්‍රි.වර්ෂයෙන් පසු කාලයට අයත් සෙල්ලිපි කීපයක්ම හමුවෙයි. මුල්ලිකුලම ලිපිය කිත්සිරිමෙවන් රජු ගේ දීමනා ලිපියකි.මුල්ලිකුලම පෙදෙස හඳුන්වන්නේ මංගන නගර යනුවෙනි. එය විල්පත්තුවේ ඔච්චප්පුකල්ලු සෙල්ලිපියේ සඳහන් වෙයි.එසේම මන්නාරම් කච්චේරියේ තැන්පත් කර ඇති ලිපිය සතරවන කාෂ්‍යප රජ සමයට අයත්ය. එසේම මාතොට රජ මහා විහාරයේ තිබෙන ටැම් ලිපිය මෙන්ම ජාතික කෞතුකාගාරයේ තිබෙන අත්තාණි ලිපිය මගින් කියැවෙන්නේ මෙම පෙදෙසට පැරණි සිංහල ඉතිහාසයක් හිමි බවයි.මහානාම රජු සිය මව සිහිවීමට තැනූ  යෝධවැව නොහොත් මානාමාතුක වැව මන්නාරමේ සහල් බඳුන නොහොත් යෝධ වැව අස්වැද්දුමයි. ඒනිසා රජවරු මෙහි වෙහෙර විහාරස්ථානයන් ඇති කොට ජනාවාස ඇති කරමින් විශාල සංවර්ධනයකට අඩි තාලම දැමූ බව ඉතිහාසයෙන් පෙන්වා දිය හැකිය. අයාලේ ගම්වදින දෙමළුන් අල්ලා මහවටුතොටින් බැහැර කළ යුතු බවට නීති පණවා තිබෙන බව සොරබොර වැව ලිපියෙන් පැහැදිලි වෙයි. මන්නාරමේ සිට රාමේශ්වරම දක්වා තිබෙන සංගිලි පාළම රාම රාවණ යුද්ධය අවස්ථාවේ දී තනන ලද්දක් යැයි පැවසේ. එම පාළම පසු කාලයේ දී පාලනය කිරීමට පැවරූ බ්‍රාහ්මණ වංශයට අයත් පිරිස් සමග කාලිංග වංශික ගංගා පෙළපත් විවාහ වීමෙන් ලද උරුමය මත යාපනය ආශ්‍රිතව නව රාජ වංශයක් ද ඇති විය.
        මොවුහු දහතුන් වන සියවසේ දී ඉස්මතු වූ අතර උතුරේ වෙනම රාජ්‍යක් නිර්මාණය කරලීමට තරම් බලවත් විය. නමුත් කෝට්ටේ සයවන පරාක්‍රබාහු රජ දවස( 1412 -1472) දී සපුමල් කුමරු විසින් මේ රාජ වංශය පරාජයට පත් කොට නැවත රට එක සේසත් කරලීම නිසා උතුරේ මෙන්ම මන්නාරමේ ද ජන ජීවිතය සුරක්ෂිත කෙරුණි. සයවන පරාක්‍රමබාහු ගෙන් පසුව සපුමල් කුමරු  රජ වීමට ප්‍රථම මන්නාරම අවට මුතු පර කිමිදීම සහ තොටමුණු වල බලය අල්වා ගෙන සිටින ලද්දේ මුක්කර ජන කොටසක් විසිනි.  මෙම මුක්කරුන් අප්‍රිකානු දේශයේ සිට පැමිණි දියමන්ති පතල් ආශ්‍රිතව වැඩ කිරීමට පළ පුරුද්දක් තිබූ ජනවර්ගයක් විය. ඔවුහු කල්ලු මරන් නම් යාත්‍රා වල නැගී දකුණු ඉන්දීය වෙරළ බඩ ප්‍ර දේශ වලට පැමිණ බලයක් තහවුරු කර ගත්හ. චෝල  බලය නිසා ද්‍රවිඩයන් සමග මුසුව ලංකාවේ මන්නාරම් පෙදෙස් වලටද පැමිණ එහි සිටි අසුර නාග පැරණි සිංහලයන් පන්නා දමා  වෙළෙඳ බලයකටද හිමිකම් පෑහ.
       සපුමල් කුමරු විසින් මොවුන් 1416 දී  සහ 1451 වර්ෂ වලදී පළවා හැර නැවත අසුර සාගර නාග ජනයාට මීගමුවේ සිට මන්නාරමේ  දක්වා  විසීමට ඉඩ හැර කෝට්ටේ රජුට යටත්ව බදු ගෙවන ලෙසට සන්නස් දෙමින් (1462 ) අණක් නිකුත් කලේය.මොවුහු මන්නාරම් සේතුවද පාලනය කරමින් කෝට්ටේ රජුට අයබදු කොටසක්ද යාපනයේ රජුට අයබදු කොටසක්ද ගෙවමින් බලය පවත්වාගෙන ගියහ.වර්ණ කුලාට් කුරුකුල යනුවෙන් පෙළපත් නාම සහිතව සිට ඇත්තේ මේ සාගර නාග අසුර ජනයාය.ඔවුහු මන්නාරමේ සිංහලයන් විය.මේ අවදියේ යාපනයේ පාලකයා වූ සිංහ වරරාජසේකරට (ක්‍රි.ව. 1492) කෝට්ටේ රාජධානියෙන් ස්වාධීන වීමට වුවමනාවක් ඇතිවී එවක මන්නාරම් සේතුව පාලනය කළ වික්‍රතුක්කුරි බණ්ඩාර නමැති සාගර නාග ප්‍රධානියා සමග කුමන්ත්‍රණයක් සිදු කළහ. මෙම පුවත ආරංචි වූ කෝට්ටේ අටවන වීරපරාක්‍රමබාහු සිංහ වරරාජසේකරව කෝට්ටේ රජවාසලට ගෙන්වා තරවටු කලේය. සිංහ වරරාජසේකර කෝට්ටේ රජුට ප්‍රශස්ති ගැයූ බව සඳහන්ය.එහෙත් රජු ගේ මරණයෙන් පසු සිංහ වරරාජසේකරට මුක්කර කල්ලාර් කාන්තාවක්(මාන්ගත් අම්මාල් ) සරණපාවා දීමට කටයුතු සැලසුම් කරන ලද්දේ වික්‍රතුක්කුරි බණ්ඩාර විසිනි. එහෙත් ඇය  නාගයන්ගේ නාවික යාත්‍රා මගින් මන්නාරමට පැමිණෙන විටම වික්‍රතුක්කුරි බණ්ඩාර නිසා ගැබ් ගෙන සිටියේය. මේ බැව් දැනගත් රජු මේ කාන්තාව නැවත වික්‍ර තුක්කුරිටම දී මන්නාරමේ රාජාන්(රාජ අණ ක්‍රියාත්මක කරන්නා) ලෙසට පාලනය කිරීමට අවසර දී ඇත. මේ කාන්තාවට ඉපදුනු දරුවා සංඛ ඉටි නොහොත් සංකිටි විය. පසු කලකදී සංකිටි සංකිලි යනුවෙන් ප්‍රසිද්ධ විය.ඔහු සිය පියාගේ මරණයෙන් අනතුරුව මන්නාරම් සේතුව පලනය කිරීම සියතට ගැනීමට කටයුතු කළේය.එම තත්ත්වය මත සංකිලි ගේ උදව්වෙන් මුක්කර බලය නැවත ඉස්මතු විය.  මන්නාරමේ සිටි සිංහලයන් ගේ කල දවස අඳුරු විය.ඔහු යාපනයේ රජ පෙළපතටද අභීයෝග එල්ල කරමින් යාපනයේ කොටසක් වන පච්චලෙයිපල්ලිය සියතට ගත්තේය.       යාපනය සහ මන්නාරමේ සිටි සිංහල බෞද්ධයන්ද විශාල පිරිසක් පළවා හැරියේය.
        මේ අතර වාරයේ 1542 වර්ෂයේ දී ගෝවට පැමිණි ප්‍රැන්සිස් සේවියර් නම් පූජකවරයෙකු ලිස්බනයේ අණින් ගෝව ක්‍රිස්තියානිකරණයට පත් කළේය.අනතුරුව1544 දී පමණ පරංගි සොල්ලදාදුවන් සමග ගෝවේ සිට ලංකාවට පැමිණ මන්නාරමේ සිටි සංක්‍රමණික මුක්කර මුතු පර කිමිදින්නන් සහ නාග  සිංහළයන් ක්‍රිස්තියානි කරණයට කල උත්සාය නිසා ගැටුමක් ඇති විය. මේ අවස්ථාවේ දී මන්නාරමේ අවට විහාරස්ථාන වල සිටි භික්ෂූන් වහන්සේලා පා ගමනින් යාපනයට වැඩම කොට යාපනයේ සිටි සිංහවරරාජසේකර රජුට මේ බව සැළ කළහ. සංකිලි  මේ අවස්ථාවේ දී විශාල සේනාවක් රැගෙන පැමිණ මන්නාරමේ සිටි ක්‍රිස්තියානිකරනයට ලක් කළ ජනතාව විශාල ප්‍රමාණයක් ඝාතනය කළහ.ඉන් පසු සේවියර් පරංගි සේනාවක්ද සමග පැමිණ මන්නාරම් සිංහලයන් ඝාතනයට ලක්කොට මලබාරයෙන් නොයෙකුත් කුල වලට අයත් (මුක්රුන් කල්ලාර් මරවර් සහ විල්ලාවර් ) ක්‍රිස්තියානිකරණයට ලක් වූ දෙමළ ජනයා ගෙන්වා මන්නාරමේ පදිංචි කලේය.සේවියර් සහ පරංගි සෙන්පතියන්ගේ ආක්‍රමණ නිසා වෙහෙර විහාරස්ථාන සියල්ල බිමට සමතලා  විය.මෙම සේනාව භික්ෂුන් වහන්සේලාද ඝාතනය කළහ. වර්තමානයේ මන්නාරම අවට විශාල දෙමළ ජනගහනයක් ස්ථාපිත වන්නේ මෙලෙසය.සේවියර් සාන්තුවරයෙකු නොවන බවත් ඔහු ලිස්බනයේ අණින් ලංකාවට පැමිණි ජන ඝාතකයෙක් බවටත් මේ අනුව පැහැදිලි වේ.
           පරංගින් විසින් යාපනය අත්පත් කර ගැනීමට පසුබිම් සකස් වන්නේ මේ දෙශපාලන කලබගෑනිය තුළය. සංකිලි පරංගීන් සමග ගිවිසුමට යෑමට උත්සාහ කළ අතර පසුව පරංගීන් විසින් සංකිලි ඝාතනය කරන ලදී.එහිදී යාපනයේ රජ පෙළපතේ පරනෘපසිංහ රජු පරංගීන් ගේ ආරක්ෂාව මත රාජ්‍ය පාලනය ගෙන ගියේය.පසු කාලයේ දී මෙම රජ පෙළපතේ අය වන්නියට පැන විත් පසුව මාතලේ ප්‍ර දේශයේ රැකවරණ පැතූ බව සඳහන්ය. ඉන්පසු යාපනයේ සහ මන්නාරමේ විසූ නාග සිංහළයන් එකතුවී පරංගීන් සමග ගිවිසුමකට එළඹුණි. එය සුප්‍රසිද්ධ නල්ලූර් ගිවිසුමයි. මන්නාරම් කොටුවේ ආරක්ෂාව පතා පැමිණි උඩරට කරලියද්දේ බණ්ඩාර සහ සිය පවුල පවා ක්‍රිස්තියානි වූ බව ඉතිහාසයේ සඳහන්ය. මේ කාලයේ ඇති වූ වසූරිය වසංගිතයක් නිසා කොටුවේ සිටි කරලියද්දේ රජු සහ බිසව මෙන්ම මන්නාරම් වැසියන් විශාල ප්‍රමාණයක් මිය ගිය බවටද ඉතිහාසයේ දැක්වේ..පරංගි සමයෙන් පසු ලන්දේසි සමයේ දී මන්නාරමේ ක්‍රිස්තියානි ජනගහනයට කරදර සිදු විය.වර්තමාන මඩු වන්දනා කරුවන් ගේ මුල්ම ජනාවාසය මන්නාරමයි. එහි විශාල කතෝලික දේවස්ථානයක් විය. 1670 දී ලන්දේසින් එම පල්ලිය රැස්විම් ශාලාවක් බවට පරිවර්තනය කොට ආගම ඇදහීම  තහනම් කරන ලදී. අනාථ වූ කතෝලික ජනතාව එම ස්ථානයෙන් ඉවත්ව කන්ද උඩරට රජුගේ රැකවරණය සලසා ගැනීමට වන්නියට පැමිණියහ.  අද මරද මඩු යනුවෙන් හැඳින්වෙන්නේ මේ සරණාගතයන් පදිංචි ප්‍ර දේශයයි.මෙයද පැරණි සිංහලයන් සතුව තිබූ ඓතිහාසික මඩු වල්ලියා රටයි.
     ඉංග්‍රීසි පාලන සමයේ දී නැවතත් සිංහලයන් රාශියක් මන්නාරමේ පදිංචියට ගොස් සිටියහ. ඔවුහු වැඩි පිරිසක් මුතු පර වෙළෙදාමටද ධීවර කටයුතු වලටද සාභාගි වූවන් විය.මේ කාලයේ දී ඉංග්‍රීසි රජය මුතු පර කිමිදීම රජයට පවරාගෙන මුතු පර කිමිදීමේ කඳවුරක් මරිචිචකට්ටුවේ ස්ථාපිත කළ බව ව්‍යවස්ථාදායක සභාවේ වාර්තා වල සඳහන් කර ඇත.. මේ නිසා දෙමළ අරාබි සහ ඉන්දීය මුතු පර කිමිදින්නන් රාශියක් මන්නාරමේ මරිචිචකට්ටුවේ ස්ථාපිත විය. සිංහලයන්ද මරිචිචකට්ටුව සිලාවතුර මුරුන්ගන් ආදී තැන් වල වෙසෙමින් ගොවිතැන් වෙළෙදාම් සහ වෙනත් රැකියා වල නියුක්ත විය.1911 ජන සංගණනය අනුව විශාල සිංහලයන් පිරිසක් ද පළමු වරට මුවර් ජනගහනයක් ද  විශාල දෙමළ පිරිසක් ද ලැගුම් ගෙන සිටි බව හෙළිවෙයි.      1953  දී මන්නාරමේ සිංහල බෞද්ධ ජනගහනය 1316 කි. එවිට දෙමල ජනගහනය 22422 වී තිබුණි. නමුත් මුවර් වරු සිටියේ 10872 පමණකි.1981 වන විට මන්නාරමේ සිංහල බෞද්ධයින්3224 ක් බවට වර්ධනය වී සිටි අතර දෙමළ ජනගහනය 28500 ක් බවට පත් ව සිටියහ. එසේම මුස්ලිම් වරු 30079 දක්වා වර්ධනය ව සිටියහ. 1911 කාල වකවානුවේ රෝමානු කතෝලිකයින් 50% ක ප්‍රමාණයක් මන්නාරමේ සිටි බව පැහැදිලිය. 1981 දී එම ජනගහනය 44003 කි.
       ඉංග්‍රිසි පාලන සමයෙන් පසු   ඇමරිකාන් මිෂනාරීන් ගේ පෝෂණය ලැබූ නව දෙමළ පාලක පැලැන්තිය දෙමළ ජාතිවාදය ඇති කරමින් මධ්‍ය යේ බලයත් උතුරේ සහ නැගෙනහිර බලයත් තමන් අතට පත් කර ගනන්ට සැලසුම් කළහ.දකුණු ඉන්දීය ද්‍රවිඩ මුන්නේත්‍රම් කලහම් ව්‍යාපාරය අදාර්ශයට ගෙන දෙමළ ජනයා ගේ ඓතිහාසික වාසභූමි නමින් ප්‍රලාපයක් මුදා හරිමින් සිටියහ. දහනමවන සියවසේ මුල් භාගයේ සිට සිංහලයන් මර්දනය කිරීමේ චේතනවෛන් ඉංග්‍රීසින් විසි දෙමළ සහ මුස්ලිම් ජනයාට ව්‍යවස්ථාදායක සභාවේ සහ රාජ්‍ය මන්ත්‍රණ සභාවේ සම තැනක් දීමේ පතිඵලයක් ලෙසට මෙය හැඳින්විය හැකිය.
       නවසිය අසූව දශකයේ සිට දෙමළ ජාතිවාදය නව මගක යමින් ත්‍රස්තවාදී අත්හදා බැලීම් වල නිරත විය.දෙමල එක්සත් විමුක්ති පෙරමුණේ සිටි දෙමළ ජාතිවාදීන්ගෙන් පෝෂණය ලත් දෙමළ තරුණයන් විසින් දෙමළ විමුක්ති කොටි සංවිධානය ආරම්භ කල පසුව ඉන් ගැලවී ගිය කීප දෙනෙකු විසින් ටෙලෝ ඊ.පී.ආර්.එල්.එෆ්. ඊ.පී.ඩී.පී. ප්ලොට් වැනි සංවිධාන පිහිටුවා ගත්හ.මේ සංවිධාන වල සියලුම කාඩරයන්ට අවි පුහුණව ලබා දෙන ලද්දේ දකුණ ඉන්දීය ප්‍ර දේශ වලදීය. ඉන්දීය රජයේ ඔත්තු සේවා වල සම්පූර්ණ ආශීර්වාදයෙන් සිදු වුණු මෙම කටයුත්ත තුළ පසු කලකදී මේ සංවිධාන එකිනෙක ඇණ කොටා ගත්හ.1986 මැය 07 වනදා ටෙලෝ සාමාජිකයන් 350 දෙනෙකු එල්.ටී.ටී.ය විසින් ඝාතනය කිරීමෙන් පසු මේ ගැටුම තවත් උග්‍ර විය.මේ සංවිධාන සෘජුව හෝ වක්‍රව ඉන්දීය රහස් ඔත්තු සේවා විසින් නඩත්තු කරන ලද්දේ විය.ඊ.පී.ඩී.පී. වැනි සංවිධාන එක්සත් ජාතික පක්ෂය විසින් හදා වඩා ගත්තවුන් විය. කෙසේ වෙතත් අසූව දශකයේදී ප්ලොට් සංවිධානය සතු වධකාගාර 14ක වවුනියාව අවට තිබෙන බවට වාර්තා වූයේ ප්ලොට් නායකයෙකු වූ මාණික්කදාසන් ගේ ක්‍රියා කලාපය නිසාවෙනි. මේ සියළු දෙමළ සංවිධාන මුල් කාලයේදී කලේ වාර්ගික සංහාරයයි. ඔවුහු සිංහල ගම්මානයන්ට පැන ජනතාව කැති ගෑහ. මුස්ලිම් ගම්මාන වලට පැන ජනතාව කැති ගෑහ.ඉන්දු ලංකා ගිවිසුම අත්සන් කළ පසුව ඒ සංහාරය වේගවත් විය. සිංහල සහ මුස්ලිම් ජනතාව උතුරු සහ නැගනෙහිර සහ මන්නාරම් ප්‍ර දේශ වලින් පලවා හරින ලදහ. මන්නාරම් ප්‍ර දේශයෙන් වාර්තා වන පළමු සමූහ ඝාතනය විල්පත්තුව අවටිනි. දෙවනුව මඩු පල්ලිය අසලිනි.මේ අය අතර කතෝලික වන්දනා කරුවන්ද විය. කොටි සංවිධනයේ  විවිධ කල්ලි විසින් මන්නාරමේ සිලාවතුර කොක්කු පඩයාන් මරිච්චකට්ටු මුරන්ක්න් වැනි තැන්වල පදිංචි ව සිටි සිංහල මුස්ලිම් අය වෙත භීතිය එල්ල කළහ.1981 ජන සංගණනය අනුව මන්නාරම් දිස්ත්‍රික්කයේ සිටි  සම්පූර්ණ සිංහල ජනගහනය අටදහස ඉක්මවයි. මන්නාරම් නගරයේ පමණක් පන්සිය පනස් හතක්ද මන්නාරම අවට පන්දහසක් පමණද සිංහලයන් ජීවත්ව සිට ඇත. වර්තමාන මාතොට රජ මහ විහාරය ඔවුන් ගේ ප්‍රධාන පූජ්‍ය ස්ථානයයි.මේ පිරිසෙන් වැඩි තරමක් එම ප්‍ර දේශ වලින් පළවා හරින ලදහ. ඇතැමෙක්  ආගිය අතක් නැත. මුස්ලිම් ජනතාවද මෙලෙසම පළවා හරින ලදහ.
         වර්තමාන මන්නාරම් සමූහ මිනීවල පිළිබඳ ඇමරිකානු කාල නිර්ණ වාර්තාව ප්‍රසිද්ධ වනුයේ මෙවැනි  ඉතිහාසයක් ඇති ප්‍ර දේශයක් අරභයා වීම ඉතා සංකීර්ණ කාරණයක් ලෙසට සැලැකිය යුතුය. නෙයෙකුත් දේශපාලන කලබගෑනි නිසා විශාල මිනිස් ඝාතන සිදු වී ඇති අතර දෙමළ ජාතිවාදීන් ගේ ක්‍රියාකලාපයන් නිසාද විශාල මනුෂ්‍ය ඝාතන සමූහයක් සිදු වී තිබේ. නමුත් ශ්‍රී ලංකා ත්‍රිවිධ හමුදාව ඉතා මත් විනය ගරුකව දෙමළ ජාතිවාදීන්ට එරෙහි සටන් මෙහෙයවූ බව බහුතරයේ පිළිගැනුමයි. නන්දිකඩාල් අවට සිදු කළ මානුෂීය මෙහෙයුමෙන් ඒ බැව් සනාථ විය. දැන් මේ මිනී වල සම්බන්ධව 2019 ජිනීවා මානව හිමිකම් සමුළුවට  ගෙනා බ්‍රිතාන්‍ය වාර්තාවේද සඳහනක් ඇත. ඒ ශ්‍රී ලංකා හමුදාවට අඟිල්ල දිගු කරමිනි.මන්නාරමේ සමූහ මිනීවලේ මිහිදන්ව සිටින්නේ ශ්‍රී ලංකා හමුදාව විසින් ඝාතනය කළ දෙමළ ජනතාව බවට මේ වාර්තාව කියයි. නමුත් ඇමරිකානු කාල නිර්ණ වාර්තාව නිසා බ්‍රිතාන්‍ය යෝජනාව මේ වන විට පච වාර්තා ගණයට වැටෙන කැලෑ පත්තරයක් වී තිබේ.. කෙසේ වෙතත් ඉතිහාසය විසින් වාර්තා කරන සිදු වීම් සියල්ල පුරා විද්‍යාව විසින් සනාථ කරනු ලබන බවට අප පූර්ව නිගමනයක් නොදැක්විය යුතය.
        පුරා විද්‍යාත්මකව කරන ලද පරීක්ෂණයේ දී හමුවන පුරා වස්තු ඒවා රැඳි තිබෙන පස් ස්ථරයන් සහ විද්‍යඥයන්ගේ නිගමන මත ඒවා රඳා පවතී. වෝහාරික පුරා විද්‍යාව ගැන මනා පරිචයක් ඇති මහාචාර්ය රාජ් සෝමදේව මහතා විසින් අධීක්ෂණය කරනු ලබන මෙම මිනී වල තළින් පුරා වස්තු රාශියක් ලැබී ඇත.  මළ සිරුරු දෙකක අත් වල පැළඳි සත්ව ඇට කටු වලින් තනන ලද මුදු දෙකක්ද වීදුරු පබළු කීපයක්ද ඕලන්ද සමයට අයත් භාජනයක කොටසක්ද මළ කෑ යකඩ කොටස් කීපයක්ද දැනට මතු කර ගෙන ඇති බව පැවසෙයි. එසේ වූ කල්හි මන්නාරම් සමූහ මිනී වල පිළිබඳව කැලෑ පත්තර නිකුත් කිරීමට හෝ ඉතිහාසයේ සිදු වීම් අනුව සංසන්දනයන් කිරීමට පුරාවිද්‍යඥයන් පෙළඹෙන්නේ නැත. ඔවුහු සැම විටම විධිමත්ව තමන්ට හවු වූ අමුද්‍රව්‍ය මත කරන විග්‍රහයක් වෙයි. එම විග්‍රහය සඳහා සමස්ත නිරීක්ෂණයක් අවශ්‍ය වේ. ඒ සඳහා කාලය නොදී ජිනීවා හදිස්සියට කාල නිර්ණයන් ගැනීම පිණිස ඇටකටු සාම්පල කීපයක් පමණක් ඇමරිකාවට යැවීම තුළින් සිදු වූයේ සියලුම අවධානයන් වෙනතක යොමු වීමයි.නමුත් දෛවය විසින් මේ සියල්ල පාලනය කරනු ලබන බැවින් එවැනි අහඹු සිදුවීම් වන්නට තිබෙන ඉඩකඩ ගැනද අප කල්පනා කළ යුතුය. දෙමළ ජාතිවාදී දෙශපාලන යේ ගොදුරු වලක් බවට තිබූ මන්නාරම් මිනීවල අතේ පත්තු වුණ පුස් වෙඩිල්ලක් බවට පත් වූයේ එලෙසිනි. කෙසේ වෙතත් ජිනීවා 30/1 යෝජනාවට අනුව ස්ථාපිත කළ අතුරුදහන් කාර්යාලයට සහ මන්නාරම් මහේස්ත්‍රාත්වරයාට මෙම කාර්යය කළමනාකරණයට ඉඩ නොදී  පුරාවිද්‍යඥයන්ට ඉතිහාසඥයන්ට සහ සමාජ විද්‍යඥයන් ඒකාබද්ධ කරගත් වැඩ සටහනකට යෑමට  රාජ්‍ය අනුග්‍රහයක් ලබා දීමට කටුතු කලේ නම් මන්නාරමේ සමූල ඝාතන පිළිබද රහස් අහක යන කපුටන් ගේ ගොදුරු බවට පත් නොවන්නටද ඉඩ තිබුණු බව අවසාන වශයෙන් සිහිපත් කළ යුතුය..

              

Thursday, March 21, 2019

ජිනීවා පෙන්නා ලංකාවේ ඉඩම් කොල්ල කන ඇමරිකන් සැලැස්ම එළි දකී


                
           ලංකාවේ ත්‍රිවිධ හමුදා නිළධාරීන්ට යුධ අපරාධ චෝදනා එල්ල කළ දරුස්මාන් වාර්තාව එක්සත් ජාතීන් ගේ මානව හිමිකම් කාර්යාලයේ විශේෂ නියෝජිත පිරිසක් සකස් කළ වාර්තාවකි. එදා පටන් මානව හිමිකම් සමුලුවට ගිය රජයේ නියෝජිතයන් සියල්ල ඒ චෝදනාවන් වැරදි බවට නොකියූහ.19 සහ 20 වන ජිනීවා යෝජනා වලදී පැහැදිලිව පැවති රජයයන් ඒ යෝජනාවන්ට එකඟ වී තිබේ.ලංකාවට එල්ල කළ යුධ අපරාධ චෝදනාවන්ට විරුද්ධ වනවා වෙනුවට  උගත් පාඩම් කොමිසම් පත් කළහ වගවීම  ප්‍රකාශ කළහ. මානව හිමිකම් තොණ්ඩුව පෙන්වමින් මෙලෙස ලක් රජය බියට පත් කරමින් ඇමරිකාව කරගෙන යන ලද්දේ කුමන්ත්‍රණයකි.  ඔවුන්ට අවශ්‍ය යටි තල පහසුකම් ලක් භූමියේ ස්ථාපිත කරගැනීම එහි අරමුණ විය. පසුගිය මහින්ද රජයද මෙම කුමන්ත්‍රණයට අසුවිණ. ඔවුහු රටේ භූමියේ තිබූ වටිනා ඉඩකඩම් ඇමරිකානු ඩෝල් සමාගමට මෙන්ම වෙනත් බහු ජාතික සමාගම් වලට දුන් බව නොරහසකි.
      2015 දී මහින්ද රාජපක්ෂ මහතා පරාජය කිරීමටද කුමන්ත්‍රණයක් දියත් විය. එහි අරමුණ නම් ඇමරිකාවට හෝ බ්‍රිතාන්‍යයට පූර්ණ වශයෙන් මහින්ද අභිබවා යෑම කළ නොහැකි වූ බැවිනි. ඇමරිකාවට මෙන්ම ඉන්දීය රජයට අවශ්‍ය යටිතල පහසුක්ම සපයා  දුන්නද සීමාවට එහා ගොසින් ඇමරිකානු ආධිපත්‍ය පිහිටුවීමට මහින්ද ගෙන් ඉඩක් නොවිණ.එසේම ප්‍රභකරන් යුධමය වශයෙන් පරාජයට පත් කිරීමද ඇමරිකාව නෝර්වේ ඇතුළු රටවලට ඉවසුම් නොදෙන්නක් විය. ඉන්දියාවට මෙන්ම වෙනත් රටවලට ලංකාව අරභයා තවත් න්‍යාය පත්‍ර තිබුණද ලංකාවේ සිටින දේශපාලනඥයන්ටද නොයෙකුත් පුද්ගලික න්‍යාය පත්‍ර තිබුණද මහින්ද ගේ පරාජයට හේතුව මෙයයි.මහින්දගේ ප්‍රතිවාදියා ලෙසට මෛත්‍රීපාල සිරිසේන මහතා දිනවීම ලෙහෙසි පහසු කරුණක් නොවුණද චම්පික රණවක මහතාගේ මධ්‍යම පන්තික සිංහල බෞද්ධ අකර්ශණය යොදා ගනිමින් ලක්ෂ පහක පමණ චන්ද පොට්ටනියක් සිරිසේන මහතා ගේ  ඇගේ එල්ලිය හැකි බව මේ කුමන්ත්‍රණ කරුවන් දැන සිටියහ. රනිල් වික්‍රමසිංහ වෙනුවට පොදු අපේක්ෂකත්වය සිරිසේන මහතාට පැවරුණේ එබැවිනි. කෙසේ  වෙතත්  ජනවාර් 08 වනදා පරාජයෙන් පසු මහින්ද මහතා තංගල්ලට පිටත්ව ගිය පසු නව රජය විසින් කළ මුල්ම කාරිය රනිල් වික්‍රමසිංහ මහතා අගමැති කරලීමයි.ඒ වන විට වැඩි බහුතරයක් තිබූ එක්සත් ජනතා නිදහස් සන්ධානයේ වෙනත් කිසවකුට අගමැති කම නොදී සුළු ආසන සංඛ්‍යාවක් තිබූ රනිල්ට එම තනතුර හිමි වූයේ සිරිසේන මහතා විසින් දුන් පොරෙන්දුවක් අනුවයි.
             අප දන්නා පරිදි  දින සීයේ ආණ්ඩුවට ඉදිරියට යෑමට හැකි වූවත් ඔවුහු ලත් තැනම ලොප් වූ වූයේ බැඳුම්කර මගඩිය හෙළිදරව් වීමෙනි. ගෙදර ගිය මහින්ද සුළඟක් සේ යළි මතු විය. බැඳුම්කර මගඩිය හෙළි කරලීමට ඩිව් ගුණසේකර මහතා කෝප් කමිටුව වාර්තාවක් සකස් කිරීමත් සමගම සිරිසේන මහතා බියට පත් විය. ඔහු ආණ්ඩුව විසුරුවාලීය. පසු කාලයේ දී රනිල් වික්‍රමසිංහ මහතා බේරා ගැනීමට එසේ කළ බව ඔහු පිළි ගත්තේය.ආණ්ඩුව විසුරුවීමත් සමග එළඹි මැතිවරණයේ දී මහින්ද සුළඟේ නිර්මාතෘ වරුනට අවශ්‍ය වූයේ වෙනමම තරඟ වදින්නටයි.එහෙත් අවසාන මොහොතේ සිරිසේන මහතා දුන් ළණුවක් නිසා මහින්ද එම තීරණය වෙනස් කොට ගෙන එක්සත් ජනතා නිදහස් සන්ධානයෙන්ම තරඟ බිමට පිවිසීය. මේ නිසා මහින්ද මහතා පරාජයට පත්වූවා පමණක් නොව පාර්ලිමේන්තුවේ සිට ස්වාධීනව කටයුතු කරලිමට තිබූ ඉඩකඩ පවා අසුරා ගත්තේය.සිරිසේන මහතාගේ හයියෙන් මේ අතර වාරයේ රනිල් වික්‍රමසිංහ මහතා විධායක බලය අතට ගෙන ඇමරිකානු න්‍යය පත්‍රය ක්‍රියාත්මක කරලීමට ආරම්භ කරන ලදී. මේ වින විට මානව හිමිකම් සමුලුවේ දී ඇමරිකානු යෝජනාවලියට රජය සම අනුග්‍රහ දී අවසන් ව තිබුණි. ඒ නිසා 301/1 යොජනා සැලැස්ම මත කළ හැකි ප්‍රතිසංස්කරණ වලට යෑම අනිවාර්ය විය. නව ආණ්ඩුක්‍රම ව්‍යවස්ථාවක් සැකසීමට ආරම්භ කිරීම අතුරුදහන් පණත සම්මත කිරීම  උතරේ හමුදාව සතු ඉඩම් නිදහස් කිරීම ආදී යෝජනා එකින් එක සම්මත කොට ක්‍රියාත්මක කරගන්නා ලද්දේ 19 වන ව්‍යවස්ථා යෝජනාව මගින් විධායක බලයද යම් පමණකින් කප්පාදු කරලමිනි. 19 වන ව්‍යවස්ථා සංශෝධනය සම්මත කරලීම ට මහින්ද අත දුන් බව නොරහසකි. ඒ මහින්ද ගේ අත කැරකූ නිසා පමණක් නොව සිරිසේන මහතා දුර්වල කොට අගමැති බලය ලබා ගන්නට ඔහුට තිබූ ආශාව කරණ කොටගෙනය.
         බෙදා පාලනය කරලීම නව රාජ්‍ය තාන්ත්‍රික උපායක් නොවේ. එම උපාය විවිධ කාල වකවානු වලදී විවිධ අන්දමින් ක්‍රියාත්මක වී ඇත. බ්‍රිතාන්‍යයන් දහනව වන සියවස මුල් භාලයේ සිට දෙමළ විල්ලාල්ලාස් ජන කොටස් (අප්‍රිකානු ද්‍රවිඩ මිශ්‍රණයක්) වලට විශේෂ තැනක් ලබා දෙමින් සිංහල ජනතාවට එරෙහිව පෙළ ගැස්වූහ.මේ  කණ්ඩායම්  ඇමරිකන් මිෂානාරි ව්‍යාපරය හරහා ශක්තිමත් වී රටේ ප්‍රභූත්වය ආරෝපණය කරගත් පිරිසකි. ඉංග්‍රීසීන් රටේ පළාත් බෙදන කල්හිද දිස්ත්‍රික්ක බෙදන කල්හිද දෙමළ මුස්ලිම් ජන කොටස් වලට ගැලපෙන පරිදි බෙදා වෙන් කිරීම කළහ. දෙමළ ජාතිවාදය ආරම්භ වන්නේ 1766 දී උඩරට නිලමේ වරුන් සහ ලන්දේසි කොම්පඤ්ඤය අතර ඇති වූ ගිවිසුම මගින් රටේ මුහුද බඩ පළාත් අත්හැරීමේ හේතුවෙනි. නමුත් ඒ බෙදීම පදනම් කොට ඉංග්‍රීසීන් කළ බෙදීම් මගින් නීතිගත වීම ඇරඹුණි . 1833 ප්‍රතිසංස්කරණ මගින් එය තවත් තහවුරු විය. 1815 වසරේ වඩුග පාලනයෙන් මිදීමට ඉංග්‍රීසි අධිරාජයාට ලංකාව භාරදීම මගින් කියැවෙන්නේ මේ රට පවරා දුන් රාජ්‍යයක් බවයි. එහෙත් 1948 දී ඉංග්‍රිසීන් මේ රට නැවත භාරදුන්නේ ඒ පවරා ගත් රාජ්‍යයක් ආපුසු භාරදෙන ආකාරයට නොවේ.. ඔවුහු බ්‍රිතාන්‍ය ආධිපත්‍ය තව දුරටත් තබා ගනිමින් ඔවුන්ට යටත්ව පාලනය කළ හැකි දේශීය පාලක පැලැන්තියක් බිහි කළහ. 1972 දී රට ජනරජයක් වුවද පූර්ණ නිදහසක් අපට හිමි නොවීය. මේ කාලයේ මෙරට ඉඩම් පාලනය කළ වතු සාමගම් වල ලොක්කන් රට හැර ගියද අනතුරුව දිගින් දිගටම උත්සාහ ගෙන තිබෙන්නේ මේ රටේ ඉඩම් නැවත අත්පත් කර ගැනීමටයි.
             1977 සිට ඇරඹෙන ආර්ථික ප්‍රතිසංස්කරණයන් සහ කොටි ත්‍රස්තවාදී යුද්ධය නිසා මේ නව යටත් විජිත ක්‍රියාවලියට හොඳ පසුබිමක් නැවත විවර විය. ණය නැති රටක් වශයෙන් සිටි ලංකාවට ණය ආධාර වේගයෙන් ගලා එන්නට විය. රොනී ද මෙල් මහතා රුපියලේ අගය අඩු කරමින් මේ ණය ලබා ගැනීම සීඝ්‍ර කරන ලදී. නව යටත් විජිත වාදී උපායා මාර්ග මේ රටේ කූඨ ප්‍රාප්ත වීමට පසු බිම සැකසෙන්නේ එලෙසයි.ලෝක බැංකුව ඇතුළු ජගත් මූල්‍ය අරමුදල් වල ණය කොන්දෙසි වරින් වර දැඩි වීමෙන් රටේ සම්පත් විදෙශිකයන්ට පැවරීම මෙන්ම පෞදගලීකරණයද දැඩි වන්නට විය බෙදුම්වාදී න්ට අවශ්‍ය ස්වයං පාලනය යෝජනාවන් රජය විසින් පිළි ගැනීම නිසා උතුරු සහ නැගෙනහිර බෙදා වෙන් කරලීමට පිඹුරු පත් සැකසිණ.රනිල් වික්‍රමසිංහ මහතා නෝර්වේ හරහා කොටි සංවිධානය සමග ගිවිසුම් අතසන් කිරීමද චන්ද්‍රිකා රජය විසින් රට බෙදන පැකේජයක් ඉදිරිපත් කිරීමද මේ අතර වෙයි. නමුත් රටේ ජාතික බලවේග වල ක්‍රියාකාරිතවය නිසා  මේ නව යටත් විජිත උපාය මාර්ග සිතියම වරින් වර හකුලා ගන්නට සිදු විය. ඒ අතර කොටි ත්‍රස්තවාදය යුධමය වශයෙන් පරජය කරලීමට මහින්ද රජපක්ෂ රජය කටයුතු කරලීම නිසා ඒ සැලසුම් අතර මග බිඳි වැටුණි. එහෙත් පශ්චාත් යුධ සමයෙන් පසු අනුගමනය කළ වැරදි ආර්ථික ප්‍රතිපත්ති සහ අනවශ්‍ය ණය ගැනීම නිසා රට නැවතත් උගුලක හිරවුණු ආකාරය තේරුම්ගත යුතුය. මේ කාලයේ දී 2007 වර්ෂයේ දී නාගරික සංවර්ධන අධිකාරිය යටතේ තිබෙන භෞතික සැලසුම් දෙපාර්තමේන්තුව විසින් භෞතික සැලැස්මක් ඉදිරිපත් කරන ලදී. ඒ සැලැස්මේ අන්තර්ගත වන්නේ 2002 වර්ෂයේ රනිල් වික්‍රමසිංහ මහතා ඉදිරිපත් කළ රීගේනින් ශ්‍රී ලංකා ප්‍රතිපත්තිය ඉදිරියට ගෙන යෑමේ පසුබිමයි. ඒ අනුව කොළඹ සිට කළුතර දක්වා මහා නගර කලාපයක් ත්‍රිකුණාමල ප්‍රදේශ මාන්කුලම් යාපනය ඔලුවිල් හම්බන්තෙට ආදී ප්‍ර දේශ වල මහා නගර ආදී බිහි කරලීමට සැලැසුම් සකස් විණ. අසියානු අධි වේග මාර්ග ජාලයට ලංකාව සම්බන්ධ කරලීමට දකුණු ඉන්දියාවේ රාමේශ්වරමේ සිට මන්නාරමට පළමක් ඉඳි කරලීමටද ඒ අධිවේග මාර්ග ජාලය ලංකාව පුරා ක්‍රියාත්මක කරලීමටද එම සැලසුම් වල අන්තර්ගත විය
යහපාලන රජය පත් වීමන් පසු මේ විෂය චම්පික රණවක් මහා විසින් භාරගන්නා ලද අතර මෙතෙක් පරිසර හිතවාදී සංකල්පයකින් කටයුතු කළ ඔහු ඒ වෙනුවට  රනිල් වික්‍රමසිංහ මහතාගේ න්‍යාය පත්‍රයට අනුගත වෙමින් අධි නගර සංක්ල්පය ඇතූළු නව යටක් විජිත උපාය මාර්ග ගෙන යෑමේ ප්‍රධාන නියමුවකු බවට පත් ව තිබේ.2019 වසරේ අයවැය විවාදයේ දී විමල් වීරවංශ මහාත වැදගත් තොරතුරක් අනාවරණය කරන ලදී. එනම් මිලේනියම් චැලේජ් කොප්රේෂන් නම් ඇමරිකානු ඒජන්සි ආයතනයක් අරලියගහ මහන්දිරයේ රැඳී සිටිමින් මෙරට නොයෙකුත් ආයතන හැසිරවීමට උත්සාහ කරන අතර ලංකාවේ විශාල ඉඩම් ප්‍රමාණයක් කොල්ල කෑමට අර අදින බවයි. මේ සැලසුම දැන් නාගරික සංවර්ධන අධිකාරියේ භෞතික සැලසුම් දෙපාර්තමේන්තුව විසින් එළිදක්වා තිබේ. එය පසුගියදා එම ඇමතිවරයා විසින් ජනාධිපතිවරයාටද භාර දෙන ලදී.මේ සැලසුමේ හැටියට 2007 යෝජනාවලිය යම් ප්‍රමාණයකට සංශෝධනය වෙයි. අධිනගර සංකල්පය තවත් පුළුල් වෙයි. කොළඹ සිට ත්‍රිකුණාමලය දක්වා ආර්ථික ජාලයක් නිර්මාණය කරලීමට එහි යෝජනා කර ඇත.එම කෙටුම්පතේ භෞතික  වින්‍යාසය යටතේ එය මෙලෙස සඳහන්ව ඇත.
   ප්‍රධාන ආර්ථික සංවර්ධන කටයුතු නාගරික සාමුහික( Urban Cornubations) හතරකට විසල් නාගරික කලාප දෙකකට හා ප්‍රධාන නාගරිකයන් නවයකට සංකේන්ද්‍රවීම අපේක්ෂා කෙරේ.කොළඹ ත්‍රිකුණාමලය හා හම්බන්තොට යන ප්‍රධාන ජාත්‍යන්තර වරායයන් හා ඔලුවිල් යාපනය යන කුඩා වරායන් මගින් වාසි ලබා ගනිමින් දේශීය පාරිභෝගික භාණ්ඩ වලට හා ආනයන අපනයන මත පදනම් වූ ලෝක ව්‍යාප්ත සැපයුම් ජාලයන්ට අගය එකතුකිරීම් ප්‍රධාන වශයෙන් සිදු කරමින් ජාතික ආර්ථිකයට විශාලම දායකත්වය ආර්ථික ජාල( Economic Corridors) මගින් ලබා දෙනු ලැබේ.මෙම සැලසුම පැහැදිලිවම විමල් වීරවංශ මහතා විසින් හෙළිදරව් කළ සැලසුමම වීම විශේෂයකි.
  නව ආර්ථික සැලැස්ම මිලේනියම් චැලේන්ජ් කෝපරේෂන් නම් ඒජන්සි ආයතන විසින් සකස් කළ දෙයක් බවට තිබෙන සත්‍යය නම් ඔවුන්ගේ වෙබ් අඩවි වල මේ බැව සඳහන් වීමෙනි. මේ අනුව කොළඹ සිට ත්‍රිකුණාමලය දක්වා ආර්ථික ජාලයට අක්කර මිලියන 1.2 ක් අත් කර ගනී.මේ ඉඩම් පැවරීම පිණිස දැනටමත් රජයේ ඉඩම් බැංකු පණත සහ ඉඩම් විශේෂ විධිවිධාන පණත නමින් ඉඩම් පණත් දෙකක් සූදානම් කර තිබේ. මේ ඉඩම් පැවරීම සිදු කරනුයේ වසර දෙසීයකට මිලියන 400 ක මුදලක් ලබා ගනිමිනි. එවිට අක්කරය රුපියල් විසිහතරකට තක්සේරු වෙයි.මේ ආර්ථික ජාලය හරහා විදුලි දුම්රියක්ද ස්ථාපිතවන අතර මේ නිසා  එහි මෙහා යෑමට නොහැකි වෙයි. යා හැක්කේ ඔවුන් විවෘත කරන උමං හෝ වෙනත් ප්‍රවේශ මාර්ග වලින් පමණකි.ගම්පහ කුරුණෑගල නුවර මාතලේ පොළොන්නරුව සහ ත්‍රිකුණාමල දිස්ත්‍රික්ක වල අධි සංවේදී පරිසර කලාප පවා මෙයට අයත් වෙයි.2002 රනිල් වික්‍රමසිංහ මහතා ටෝකියෝ ණය අරමුදලෙන් ගත් කෝටි 45000 අනුවද මෙවැනි බදු දීමකට සහ ඉඩම් පණත් ගෙන ඒමට අර ඇන්දද ඔහුගේ රජය පෙරලීම නිසා ඒවා අහෝසි විය. දැන් මෙය තව වටයකින් ඉදිරියට එන්නේ 19 වන ව්‍යවස්ථා සංශෝධනය හරහා යහපාලන රජය ශක්තිමත්ව තිබෙන බැවිනි. ඔක්තෝබර් මස 26 වන දින පෙරලුන යහපාලන රජය තවමත් පණ ගසා සිටින්නේ ඇමරිකානු තානාපතිවරුන් ගේ උදව්වවෙන් බව මෙහිදී සිහිපත් කළ යුතුය. ඔවුහු රටේ පාලනයට සාජුව ඇඟිලි ගැසූහ. දැන් නව වටයකින් 40 වන ජිනීවා යෝජනාවට  සමඅනුග්‍රහකත්වය ලබා දෙන්නේ මේ ඉඩම් මංකොල්ලයට සියල්ලම හවුල් බැවිනි. එම යෝජනාව ඉවත් කරලීමට බොරු ඝෝෂා කළද ජනපති වරයා මොන රංගනයේ යෙදුණද රටේ රජයේ අත කරකාවා ඇමරිකානු වුවමනාවන් ඉෂ්ඨ කර ගැනීමට ඉදිරියට යමින් පවතින බව කිව යුතුය. මේ සැලැස්ම පරාජය කිරීම අත්‍යවශ්‍ය වේ.ඒ සඳහා යහපාලන රජය පාරාජය කිරීමෙන් නොනැවතී රටේ ස්වාධිනත්වය අරභයා නව කතිකාවතක් නිර්මාණය කර ගැනීමේ අවශ්‍යතාවයද තිබෙන බව පෙන්වා දිය යුතුය.


Wednesday, February 27, 2019

රාජ්‍ය නායකත්වය දළදා වහන්සේ සහ බුද්ධ ශාසනය


                                 
             මෙරට දැනට ඉතිරිව පවතින පැරණිතම වංශ කතාව දීප වංශයයි.එයට අමතරව මහාවංශය ථූප වංශය ආදී වංශ කතා මෙන්ම රජාවලිය පූජාවලිය දළදා පූජවලිය රාජාවලිය ආදී ඉතිහාසයට සම්බන්ධ කතා ප්‍රවෘත්ති රාශියක් අප සතුව ඇත්තේය.මහාවංශයට ලියූ මහාවංශ ටීකාව රාජ රත්නාකරය එළු දළදා වංශය දළදා සිරිත ආදී විස්තරාත්මක ග්‍රන්ථ සමූහයකින් නිර්මිත සිංහල බෞද්ධ ඉතිහාසයට රජෙක් නුවූ කාලයක් නැත තරම්ය. ලංකාවේ රාජ නාමාවලිය විස්තර කරමින් රචනා කරන ලද රාජාවලිය මගින් කියැවෙන්නේ ලංකාවේ රාජ වංශය ශ්‍රී වික්‍රම රාජසිංහයන් ගෙන් අවසන් වන බවයි.එහෙත් ඉන් පසුව එංගලන්තයේ පස් වන ජෝර්ජ් රජු ලංකාවේ ද රජු බවට පත් වෙයි.එංගලන්ත කිරීටයෙන් රට නිදහස් වූ පසු ලංකාවට අහිමි වූ සිංහල රාජාවලිය යලි ඇරඹෙන්නට අවශ්‍යව තිබුණි. එහෙත් එය සිදු නුවුණි. ඒ වෙනුවට එංගලන්ත රැජිනට වග කිව හැකි දේශීය අගමැති වරයෙකු රටේ පාලකයා වශයෙන් පත් විය.
        1815 වර්ෂයේ දී උඩරට නිළමේ වරු සහ එංගලන්ත ආණ්ඩුව විසින් අත්සන් කරන ලද ගිවිසුමෙන් සංකේතවත් වූයේ බ්‍රිතාන්‍ය රජු ලංකාවේ රජු වශයෙන් පිළිගන්නා බවද ඔහු වෙනුවෙන් ලංකාව පාලනය කරලීමට දේශීය ප්‍රභූ පැලැන්තියෙන් පුද්ගලයෙකු පත් විය යුතු බවත්ය. නිසැකවම ඒ තනතුර බලාපොරොත්තු වූයේ ඇහැලේපොල අදිකාරම් තුමාය. නමුත් ඉංග්‍රීසි ආණ්ඩුවේ ඉක්මන් කමත් ලංකාවේ රදළවරුන්ගේ අසමගියත් නිසා දෙපිරිස අතර වූ අසහනය වර්ධනය වී මහා අරලයක් බවට පත් විය. එහි අවසාන ප්‍රතිඵලය වූයේ ඇහැලේපොල අදිකාරම් තුමා මුරිසියට පිටිවහල් කර ඉංග්‍රිසි ආණ්ඩුකාර වරයෙකු රටේ පාලකයා බවට පත් වීමයි. වර්ෂ 133 කට පසුව ලංකාවේ ප්‍රභූ පැලැන්තිය ඉල්ලූ ස්වදේශ පාලනය ඔවුන්ට ලැබුණි.නමුත් ඔවුහු සාම්ප්‍රදායික උඩරට මුල් ඇඳුමින් සැරසුණ ප්‍රභූ වරු නුවූහ. ටයි කෝට් ටොප් හැටි පැළඳි ඉංග්‍රීසි ආණ්ඩුවට සුවච වූ රදළ පැලැන්තියක් වූහ.මේ නිසා 1815 දී අපට අහිමි වූ රාජ්‍ය නායකත්වය ඉන් නොලැබුණි. ලංකාවට නොගැලපෙන පාර්ලිමේන්තු ප්‍රජාතන්ත්‍රවාදයත් පක්ෂ ක්‍රමයත් නිසා රටේ ප්‍රධාන බහුතරය දෙකට බෙදුණි. රටේ නායකත්වයට එන අගමැති වරයා එක් මැතිවරණ කොට්ඨාශයක් නියෝජනය කරන පක්ෂ නායකයෙකු බවට පත් විය. එම තත්ත්වය මත ඔහු පෙර රජවරුන් මෙන් බුද්ධ ශාසනයේ ආරක්ෂකයා නොවීය. භික්ෂූන් වහන්සේලා පිරිසක්  අගමැති ඩී.එස්. සේනානනායක මහතා හමු වූ අවස්ථාවේ ඔහු පවසන ලද්දේ දැන් පුරා විද්‍යාව මගින් අපි කරන්නේ බුද්ධ ශාසනයට අයත් දේ සුරැකීම  නොවේ දැයි ඇසීය. මොකද ඔය තරම් හදිසි යයි ඔහු අසන්නට පෙළ ඹුණේ තමාට ඉහළින් ධවල අධිරාජිනියක් සිටින නිසාය.
     1948 අපට නාමික නිදහසක් ලැබුණේ මේ කරුණු නිසාවෙනි.නමුත් එහි සැබෑ තත්ත්වය වටහා නොගත් දේශීය බලවේග 1952 දී බණ්ඩාරනායක මහතා වටා ගොනු වී නව දේශපාලන බලයක් නිර්මාණය කරලන්නට උත්සුක වූයේ නිදහස අපේක්ෂාවෙනි. සිංහලය ට රාජය භාෂා තත්ත්වය ලබා ගැනීම අධ්‍යාපනය නිදහස් කිරීම පුද්ගලික අංශයේ ඒකාධිකාරය බිඳ හෙලමින් සමූපාකාරය ශක්තිමත් කරලීම වතු ජනසතු කිරීම ආදී අරමුණු එවකට විය. මෙම අරමුණු යම් තරමකින් ඉටු කරගන්නට හැකිවුවද පාර්ලිමේන්තුවකට වග කියන අග්‍රාමාත්‍ය වරයෙකුට එම සීමාවෙන් පිට පැනිය නොහැකි විය. හැටේ දශකයේ දී සිරිමාවෝ බණ්ඩාරනායක මැතිණියගේ මූලිකත්වයෙන් තබන ලද ප්‍රගතිශීලී පියවරයන් සියල්ල එකල ඇයට තිබූ විදේශ සවි ශක්තියෙන් කළ කී දෑ විය. නමුත් සෝවියට් සංගමය දුර්වල වූ විට ඇයගේ බලයත් ක්‍රමානුකූල ලෙසට අව පාතයට ලක් විය.මේ නිසා රටේ සාමය නැති කිරීමට විදේශීය බලවේග විසින් කළ කුමන්ත්‍රණයේ ප්‍රතිපලය වූයේ උතුරේ දෙමළ ජාතිවාදය නව වටයකින් ආරම්භ වීමයි. හැත්තෑව දශකයේ මැතිණිය ගේ බලය දුර්වල කොට ජේ.ආර්. ජයවර්ධන මහතා බලයට පත් වූ පසුව ඔහුටද කොටි ත්‍රස්තවාදයට මුහුණ දෙන්නට සිදු විය.මේ පීඩනයට සෘජුවම මුහුණ දීමට නම් රටේ විධායකයක් පැවතිය යුතු බවට ජේආර්. විශ්වාසය පළ කලේය. එක් මැතිවරණ කොට්ඨාශයකින් ජයග්‍රහණය කරන පුද්ගලයෙකු රටේ නායකත්වයට පත් වීමට වඩා මුලු රටම එක මැතිවරණ කොට්ඨෘශයක් ලෙසට ගෙන විධාකයක් පත් කර ගැනීමෙන් රට ශක්තිමත් වන බවට ඔහු අවංකවම කල්පනා කරන්නට ඇත. මේ වෑයම මත ඔහුගේ පෞද්ගලික අභිප්‍රායන් තිබුණද පෙර කී අරමුණු මගින් ඔහු මෙහෙයවූ බව කල්පනා කළ හැකිය.නමුත් ඔහුට වැරදුන තැන නම් විධායක බලය සහිතව ඇමරිකන් ගැති ප්‍රතිපත්තියක් අනුගමනය කරමින් විවෘත ආර්ථික ප්‍රතිපත්තීන් මත රට මෙහෙයවීමට වෑයම් කරලීමයි.දේශීය බලවේග ඔහුගෙන් ඈත් වූයේ එබැවිනි.
             කෙසේ වෙතත් මෙරට රාජ්‍ය පාලනය සමග බුද්ධ ශාසනය බැඳී පවතී. විශේෂයෙන්ම රාජ්‍යත්වයට පත් වන්නා දළදා වහන්සේ සමග අවියෝජනීය සම්බන්ධයක් පවත්වාගෙන යා යුතු වෙයි.දළදා භාරකරු වූ කීරවැල්ල පරපුරේ ඇත්තන් අනුමත ඔවුන්ගේ පරපුරේ කුමරියක් අග බිසව බවට පත් විය යුතුය. මේ චාරිත්‍රය විමලධර්මසූරිය රජු දක්වාම අඛණ්ඩව පැවතුණි. නමුත් සෙනරත් රජු ගේ කාලයේ දී දෙනවක මායාදුන්නේ රජු හා ඇති වූ හබය නිසා බොහෝ රාජකීයන් නිලතල හැරදා වන වැදුණි.එමි නිසා සෙනරත් ගේ පුත් දෙවනි රාජසිංහ විසින් කීලරවැල්ලේ ඥාතීන් සතුව තිබූ දළදා භාරකාරත්වය කීරවැල්ල පරපුරට නෑකම් ඇති භික්ෂූන් වහන්සේලාට පවරා දුනි. වසර දහස් ගණනක් තිස්සේ කිත්සිරිමෙවන් රජ දවස සිට පැවති සම්ප්‍රදායක් මෙලෙස අවසන් විය. එහි ප්‍රතිඵලය වූයේ ඉන්පසු පැමිණි රජවරු මදුරාපුරයෙන් රාජ කන්‍යාවන් ගෙන ඒමට පෙළඹීමයි.එම නිසා රාජකීයත්වයක් නොමැති වඩුග නායක් පෙළතකට රටේ රජකම හිමි විය. මේ බල අරගලයේ අවසාන ප්‍රතිඵලය වූයේ 1815 වර්ෂයේ දී  රට ඉංග්‍රීසීන් සතු වීමයි.
     රාජ නීතියෙහි පදනම දශ රාජධර්මයයි.  ලංකාවේ රජ්ජුරුවන් වහන්සේ ගේ තනි කැමැත්තට ඕනෑ වූ දෙයක් කරන්ඩ පුලුවන්ද යන්න ප්‍රශ්ණයක් වශයෙන් ෆැල්ක් ලන්දේසි ආණ්ඩුකාරවරයා විමසූ කල්හි එවක සිටි මල්වතු මහ නා හිමියන්  දුන් පිළිතුර මෙසේය. ‘රජ්ජුරුවන් වහන්සේ ලෝක නීතිය යන පුරාතන පැවති නඩු අනඩු සිරිත් චාරිත්‍ර දැනීමද ධර්ම නීතිය යන ආගම පුරාගම දැනීමද යන මෙසේ  මහත් වූ නුවණ ඇති පණ්ඩිත කෙනෙක් ය. තමන්ගේ කැමැත්තට තීන්දු කරන්ඩ පුලුවන් රාජ්ජේ කාරණාවලුත් ඇත. අමාත්‍ය මණ්ඩලයෙන්ද රට වාසීන්ගෙන්ද හොඳ හැටි විචාරා කරන දේත් බොහෝ දේ ඇත.   මේ රාජ නියමයට පදනම් වී ඇත්තේ දශ රාජ ධර්මයයි. එය එම ලියවිල්ලේ සඳහන් කර ඇත්තේ මෙසේය. දන්දීමය සිල් රැකීමය තෑගි දීමය සෘජු භාවය මැදහත් බවය තපස් ඇති බවය. ක්‍රෝධ නොකිරීමය ක්ෂමා වීමය අවිරුද්ධ බවය. දන්දීම නම් ශ්‍රමණ බ්‍රාහ්මණාදීන්ට යාචකයින්ට බත් පිළි ආදිය දීමය. සිල් රැකීම නම් නොකඩ කොට ආගම දැරීමය. ත්‍යාගි බව නම් කෙත්වත් ආදී උතුම් වස්තු දීමය.සෘජු බව නම් සිත වංක චාටු නැති බවය. මැදහත් බව නම් සියල්ලන්ම එකසැටි බවය. තපස් ඇති බව නම් රූප ශබ්දය ගන්ධය රසය ස්පර්ශය යන මෙකී ඇලුම් පසේ පැවති තෘෂ්ණාව මැඩ පැවැත්වීමය. ක්‍රොධ නොකිරිම නම් නිරපරාධ අයට වද නොයෙදීමය. ක්ෂමා වීම නම් නොවිචාරා වරදට නොකිපීමය. අවිරුද්ධ බව නම් සියලු අය විරුද්ද නැති බවය. ’
                 මෙහිදී පැහැදිලිවන්නේ රටේ නිතිය යුක්ති ධර්මය අනුව තීරණයවී ඇති බවයි. පෙර පූර්වාදර්ශ ද ගණන් ගන්නා නමුත් යුක්ති ධර්මය එහිදී ප්‍රධාන බවන බව පැහැදිලිය. රජු දේවත්වයෙන් සැලකීමද බෝසත් ගුණ යෙන් යුතු වීමද කල යුතු බව සම්ප්‍රදායක් විය. නුවර නාථ දේවාලය ඉදිරියේ පැවති රාජ අභිෂේකයේ දී දශ රාජ ධර්මය රකින්නට දිවුරුම් දීමෙන් ඒ බැව් සනාථ වේ. එසේ නොවුනහොත් තමන්ගේ හිස සත්කඩකට පැලේවා යයි ද රජු කියයි. මේ නිසා ලංකාවේ  රාජ්‍යත්වය වනාහි හිතුවක්කාර පාලනයක සංකේතයක් ලෙසට සැලකීම වැරදිය. නමුත් වර්තමාන නියෝජිත ප්‍රජාතන්තුවාදයේ පදනම මත පිහිටවූ විධායක ජනාධිපති තනතුර ඒකාධිපති තනතුරක් ලෙසට කලක් මතවාදයකට ලක් විය.ඒ නිසා එය අහෝසි කරලන්නට ජන මතයක්ද ඇති විය. එහෙත් කොටි සමග පැවති මහා සටනේ දී එම තනතුරේ ආනුභාවයෙන් රටේ සාමය ඇති කරලන්නට සමත් වූ බව කවුරුත් දනී. පෙර පැවති රජ තනතුරම නොවුණද රටේ නායකයෙකු සිටින බව දැනෙන්නේ ජනපති වරයෙකු එම ධූරය හොබවන විටයි.එකම අඩුව නම් වත්මන් ජනපති වරයා සෘජුවම බුද්ධ ශාසනයේ ආරක්ෂකයා දළදා වහන්සේට වග කියන පුද්ගලයා වශයෙන් පෙනී නොසිටීමයි.වර්තමානයේ නැවතත් මෙම තනතුර අහෝසී කරලීමට මතවාදයක් ඇති වෙමින් පවතී. පළාත් සභා අහෝසි කළහොත් එම තනතුර අහෝසි විය යුතු බවද ඇතැමුන් ගේ මතයයි. එහෙත් පාර්ලිමේන්තුවට වග කියන අගමැති වරයෙකුට ජනතාව ගේ චන්ද කොට්ඨාශයකින් තේරී පත්වන අගමැති වරයෙකුට දළදා වහන්සේට හෝ බුද්ධශාසනයට වග කිව නොහැකිය. එය 1948 වර්ෂයේ සිටම අප අත් දැක ඇත්තෙමු. හම නිසා කුමන හේතුවක් මත වුවද ජනපති තනතුර අහෝසි නොකළ යුතුය. නමුත් එම තනතුර දශරාජ ධර්මයෙන් පාලනය වන දළදා වහන්සේට වග කියන තනතුරක් බවට පත් කරලීමට අපට හැකියාවක් ඇත. ඒ සඳහා අවවාද අනුශාසනා කරලීමට මහා විහාරය නියෝජනය කරන නායක ස්වාමීන් වහන්සේලාට සහ අනෙකුත් භික්ෂූන් වහන්සේලාට අවස්ථාව තිබේ.