පිවිසිය

ආයුබෝවන්!
තෙරුවන් සරණයි,

වරින් වර පුවත් පත් වල සහ වාර ප්‍රකාශනයන් හි පළ වූ මාගේ ලිපි සමුච්චය මෙම බ්ලොග් අඩවියෙහි ඇතුලත්ය. ඉතිහාසය පුරාවිද්‍යාව සිංහල ගොවිතැන වාස්තු විද්‍යාව වැනි විෂයන් අරභයා සංග්‍රහ කරන ලද මෙම ලිපි එක් තැනක ගොනු කොට තැබීමෙන් පාඨකයා හට පහසුවක් සැලසීම මෙහි අරමුණය. එයට අමතරව විවිධ කේෂ්ත්‍රයන් හි කරුණු ඇතුලත් නව ලිපි ද මෙයට එක් කරමි.
වසර දෙදහස් පන්සීයයකට වඩා එහා දිව යන ඉතිහාසයක් ඇති ජාතියක් වශයෙන් අපගේ පාරම්පරික උරුමයන් හි සුරැකියාව මුල් කොට මෙම සියලු ලිපි සම්පාදනය වේ. මෙහි අඩංගු කරුණු සහ පාරම්පරික දැනුම උපුටා ගැනීමට අවසර ඇත. එහෙත් එය ජාතියේ උන්නතිය වෙනුවෙන් පරිහරණය කරන්නේ නම් මාගේ ව්‍යායාමය සඵල වූවා වෙයි.
ඉතිහාසයේ ජාතිය හමුවේ පැවති අභියෝග රැසකි. ඒවා සියල්ලටම අප සාර්ථකව මුහුණ දුන්නෙමු. අද දින ද එය එසේ විය යුතුය. සිංහල බෞද්ධ සංස්කෘතියෙහි හරය මැනවින් වටහා ගෙන නැවතත් ඒ අභිමානවත් මහා සම්ප්‍රදාය තහවුරු කරලීමට සැවොම ‍එක්වෙමු.

Thursday, May 19, 2022

ප්‍රජාතන්ත්‍රවාදය, ගෙදර ගියොත් අඹු නසී මග හිටියොත් තෝ නසී

 


                                                    

      සිංහල අලුත් අවුරුද්දට ප්‍රථම ආණ්ඩුවේ ප්‍රධාන පක්ෂ කීපයක් එකතුව ගැසූ කැරැල්ල අද වන විට විවිධ ස්වරූප ගනිමින් පාර්ලිමෙන්තු දේහයත් ජාතික දේහයත් ආක්‍රමණය කරමින් පවතී.රටේ විදේශීය ආදායම බිංදුවට වැටී තිබෙන මොහොතක පාර්ලිමේන්තුවට නව අග්‍රාමාතය වරයෙකු ද පත් වෙයි. ප්‍රජාතන්ත්‍රවාදයේ මහගෙදර වන පාර්ලිමේන්තුව තුළ මෙවර එකී තනතුරු පිරවෙන්නේ ප්‍රජාතන්ත්‍රවාදීව නොවේ.එහෙත් අග්‍රාමාත්‍ය වරයා මැයි 17 සඳු දින කළ සිය කතාවෙන් එක් වැදගත් කරුණක් ප්‍රකාශ කළ  බව කිව යුතුය. එනම් පාර්ලිමේන්තුව තුළ තිබෙන දේශපාලන සංස්කෘතිය වෙනස් විය යුතු බවයි.යමක් වෙනස් කිරීමට නම් අදාල ආයතනය හෝ සංස්ථාව ගැන හොඳ අවබොධයක් තිබිය යුතුය.එම ආයතන වැඩ කරන ආකාරය කණ්ඩායම් හැඟීම.දූෂණ පමණක් නොව මනුෂ්‍යයාගේ හැසීරීම රටාවත් ගැන හොඳ අධ්‍යයනයක් තිබිය යුතුය.

        ලංකාවේ ආණ්ඩුක්‍රම ව්‍යවස්ථාවට දැන්  වසර හතළිස් හතරකි.ජනරජ ව්‍යවස්ථාවට වසර පණහක් පිරීඇත.  නිදහස යයි ලබා දුන් 1948 දේශපාලන සංස්කෘතියට වසර හැත්තෑ හතරක් ගත වී තිබේ.විධායකය ව්‍යවස්ථාදායකය සහ අධිකරණය යනුවෙන් කියැවෙන ආයතන තුනට වෙන් වශයෙන් බලය බෙදා දී සැකසුන ආණ්ඩුක්‍රම ව්‍යවස්ථාව එකිනෙකා ගෙන් පෝෂණය විය යුතුය.ජනතා පරමාධිපත්‍ය සහතික කිරීමට මේ අයතන තුන එක්ව කටයුතු කිරීම ඉතා වැදගත්ය. අවාසනාවකට වසර තිහක් පුරා ඇදී ගිය කොටි ත්‍රස්ත යුද්ධය නිසා මේ ප්‍රජාතන්ත්‍රවාදී ලක්ෂණ සැබෑ ලෙසටම අත්හදා බැලීමට දේශපාලකයන්ට නොහැකි විය.ඒ වෙනුවට එක් එක් ආයතන වෙන් කර බෙදා දුන් බලය නොහොත් ජනතා බලය අව භාවිතා කිරීමටත් ව්‍යවස්ථානුකූලව විකෘති කිරීමටත් දැන් විසි වතාවක්ම උත්සාහ කර තිබේ.මෙම විකෘතිය ඇති කිරීම ගැන විද්වත් සමාජය දොස් කියන්නේ විධායකටයි.ව්‍යවස්ථාදායකයේ සෙල්ලම් අධිකරණයේ දූෂණයන් එකිනෙක පෝෂණය කරමින් රට අගාධයට පත් කර ඇති බව තේරුම් ගෙන ඇත්තේ ස්වල්ප පිරිසකි.මූල්‍ය විනයක් නැති කම රටට හෙණයකි.පාර්ලිමේන්තු මන්ත්‍රීවරයෙකු සතු ප්‍රධාන වගකීම් දෙක අතරට ප්‍රථමයෙන් එන්නේ ප්‍රතිපත්ති සම්පාදනයයි.ප්‍රතිපත්ති මත නීති සම්පාදනයයි. දෙවැන්න මූල්‍ය අධීක්ෂණයයි.තෙවැන්න ජනතාවගේ සුභ සිද්ධිය පිණිස යෝජනා ඉදිරිපත් කර ක්‍රියාත්මක කිරීමයි.වසර හැත්තෑහතරක් තිස්සේම මේ දේ නිවැරදිව සිදු කර ඇත්දැයි පරීක්ෂා කර බලන කල්හි.මන්ත්‍රීවරයෙකු ප්‍රධාන තැන දී ඇත්තේ පළමු කී කාරණා දෙකට නොව තෙවනි අවස්ථාවට බව පෙනේ.ජනතාවට රැකියා ලබා දීම රාජ්‍ය සේවයේ මාරුවීම් යටිතල පහසුකම් ඇති කිරීම තම ඥාති හිත මිතුරන්ට සැලකීම කෙතරම් දුරට විහිදී ගොස් ඇත්දැයි කල්නා කර බලන කල්හි රටේ මුදල් නාස්තියට ප්‍රධාන හේතුවක් ලෙසට එය හඳුනාගත හැකිය.

    ප්‍රාදේශීය සංවර්ධනයට අත ගසන දේශපාලඥයා හට විවිධ ගැටළු වලට මුහුණ දෙන්නට සිදු වේ. ජනතාව නොයෙකුත් දේ ඉල්වති.මළ ගෙයට මඟුල් ගෙයට මුදල් බලාපොරොත්තු වෙති.පාරම්පරිකව දෙම්පියන් ගේ යම් දේපොළක් ධනයක් උපයා නැති දේශපාලඥයෙකුට මේවා ප්‍රශ්න පත්තරයක් බවට පත් වේ. ඔහු මත්පැන් බලපත්‍ර ලබාගෙන ඒවා විකුණයි. 

 තමන්ට ලැබෙන බදු රහිත වාහන බලපත්‍රය විකුණයි.එතනින් නොනැවතී තමන්ගේ ආධාර කරුවන් යොදවා ගෙන රජයේ කොන්ත්‍රාත්තු වලට අත ගසයි. විදේශ ව්‍යාපෘති වලින් කොමිස් මුල් ඉල්වයි.මෙලෙස අයථා ලෙසට හරි හම්බ කරන මුදල ඊළඟ මැතිවරණ වියදම් සඳහාද තමන්ගේ සමීප අධාර කරුවන් නඩත්තු කිරීමටද යොදවයි.මේ ක්‍රියාවලියේ නිමක් නැත. ඇති වීමකුත් නැත. සභාවට ඉදිරිපත් කරන පනත් කෙටුම්පතක් පාර්ලිමේන්තු මන්ත්‍රීවරයා හෝ ඇමතිවරයාට කියවන්නට වේලාවක් නැත.නැතහොත් ඒවා වැදගත් ලියවිලි බවට පත් නොවේ.  අගමැති හෝ ජනපති කිවූ වේලාවට අත ඉස්සීම ප්‍රමාණවත්ය.පසුගිය කාලයේ දී රටට එරෙහි නොයෙකුත් පනත් කෙටුම්පත් සම්මත වූයේ මන්ත්‍රීවරු බහුතරයකට අවබෝධයක් නැතිවය.පාර්ලිමේන්තුවේ ඔලු ගෙඩි මාරු කරන අවස්ථාවකදී කෝටි ගණනාවක් සාක්කුවේ දමා ගැනීම සිරිතක් සම්ප්‍රදායක් බවට පත් වී තිබේ. ඇ තැම් විට මේවාට විදෙස් තානාපතිවරුද  මුදල් ලබා දෙති.

     2015 පත් වූ ආණ්ඩුව මැතිවරණයකින් පෙරළා දමා විද්වතුන් ගෙන් සපිරි ආණ්ඩුවක් පත් කර ගත යුතු බව ජනතා පෙළ ගැස්මක් පැමිණියේ විද්වතුන් මේ අල්ලසට දූසණයට යටනොවන බව විශ්වාස කරගෙනය. ඒ අනුව තරුණ විද්වතුන් කීප පළක්ම 2020 දී පාර්ලිමේන්තුවට තෝරා පත් විය.ඒ හොඳ ආරම්භයක් වන්නට ඉඩ තිබුණි.එහෙත් මා දන්නා පරිදි එම මන්ත්‍රීවරුනටද පෙර පවත්වාගෙන ගිය දූෂිත සම්ප්‍රදායට යම් තරමකින් හෝ අනුගත වීමට සිදු විය.මේ මන්ත්‍රීවරයා ගමේ එක වැසිකිලියක් වත් හදා නුදුන්නේ යැයි ජනතාව විසින් ඔහුට  චෝදනා කරනු ඇසුණි.නමුත් ඔහු පාර්ලිමේන්තුවේද සංවර්ධන කමිටු වලදීද බුද්ධිමත්ව තීරණ ගනිමින් රජයේ පරිපාලන සේවකයන් මෙහයවති. ජනතාවට ඒවා වැදගත් නොවේ.අවසානයේ දී පසුගිය 09දින සිදුවූ මහජන කැළඹීමේ දී තමන්ගේ නිවෙස් ගිනි රකුසාට බලි වෙන්නට ඉඩදී බලා ඉන්නට ඔවුන් කීප දෙනෙකූටම සිදු විය.මෙම දිනයේ දී අරලිය ගහ මන්දිරයෙන් පිටවුණු යම් මහජන නියෝජිතයන් පිරිසක් සහ ආධාර කරුවන් පිරිසක් ගාලු මුවදොර පිටියට බැස එහි තිබූ කූඩාරම් ගලවා පුද්ගලයන්ට පහර දී එළවා දැමූ හැටි දුටුවෙමි.එ සැණින් යක්ෂාවේහයෙන් ඇවිලුණු යම් දේශපාලන සංවිධානයක් විසින් උසා ගන්වනු ලැබූ ජනතාව දිවයින පුරා මහා භීෂණයක් ඇති කළහ.ඔවුන් ගේ එල්ලය වූයේ පාර්ලිමේන්තුවේ මන්ත්‍රීවරයා හෝ ඇමතිවරයාගේ දේපොලයි.ජනතා විමුක්ති පෙරමුණේ සහ පෙරටුගාමී ආධාර කරුවන් සමගි ජන බලවේගයේ ආධෘර කරුවන් මෙන්ම යම් යම් නගර වල සිටින මැරයන් විසින් මේ කළහකාරී අපරාධමය වාතාවරණය ඇති කළ බවට දැන් සාක්ෂි ලැබෙමින් පවතී. පොලිසිය ආයුධ හංගා ගෙන බලා සිටියේය.නිවෙස් ගිනි තබන විට ඒ නිවසේ බඩු මුට්ටු පවා රැගෙන යනතෙක් බලා සිටීමට පොලිසිය ක්‍රියා කළ බව අම්පාරේ වීරසිංහ තරුණ මන්ත්‍රීවරයා ගේ ප්‍රකාශයක් පාර්ලිමෙන්තු තුළ සභා ගත වී ඇත.

         ප්‍රජාතන්ත්‍රවාදය ලෝකයේ තිබෙන හොඳ ම ක්‍රමය නොවේ. එය යම් කිසි ආකාරයකට සාර්ථක කර ගත හැකි විශේෂ දේශපාලන ක්‍රමයකි.  ජනපති ජේ.ආර්. ප්‍රංශයේ ව්‍යවස්ථාවද පදනම් කරගෙන මේ ප්‍රජාතන්ත්‍ර වාදයට විධායක බලයක්ද එක් කරන ලදී. විධායකය අපරටේ අතීත සම්ප්‍රදායේ මෙවලමක් නිසා එය ජනතාවට ආගන්තුක නොවීය. අනෙක් අතට බුද්ධ ශාසනයට ප්‍රමුඛත්වය දෙන රටක ජනපති වරයා දළදා වහන්සේගේ ආශීර්වාද ලබන ප්‍රමුඛ පුද්ගලයා වෙයි.එසේම රටේ සේනාධිනායකයා වෙයි.මෙම ක්‍රමය ඇති කරන්නට වසර දහයකට පමණ   ප්‍රථම ජේ.ආර්. විද්‍යාභිවර්ධන සංගම් ශාලවේදී පවති රැස්වීමකදී කියා සිට ඇත්තේ ජනපතිට ලේකම් කාර්යාලයක් හෝ අවශ්‍ය නැති බවයි. 

නමුත් තිස් වසරක කොටි යුද්ධයේදී රටේ සේනාධිනායක වශයෙන් ජනපතිවරයෙකුට විශේෂ කාර්ය භාරයක් ඉටු කළ හැකි බවට මහින්ද රාජපක්ෂ මහතා පෙන්වා දුන්නේය.දැන් මේ විධායකයේ තටු කපන්නට සැරසෙන්නේ කුමන අරමුණකින්ද එක් පැත්තකීන් රට ආර්ථික අංශයෙන් අතිශය දුරුවල වී තිබේ.විදේශ වලින් මුදුල් හිඟ කෑම ඇරෙන්නට වෙනත් කිසිදෙයක් ඉදිරිපත්ව නැත.ඒ තත්වය මග ජනපතිවරයාගේ තටු කැපීමට මෙන්ම රාජ්‍ය ආයතන පුදගලීකරණයටද යෝජනා වී තිබේ.මේවා සියල්ල අඩු වැඩි වශයෙන් සිදු වන කල්හි ප්‍රජාතන්ත්‍රවාදය බරපතල අනතුරක්ට ලක්ව ඇත. මානව නිදහස තර්ජනයට ලක්ව ඇත. පසුගිය අපරාධමය තත්වයට වටිනාකමක් දිගින් දිගටම ලැබුණහොත් විදුහල්පති වරයෙකුට හෝ ප්‍රාදේශීය ලේකම් වරයෙකුටවත් තම රාජකාරී කළ හැකි නොවේ.ඔවුන් ගන්නා එක් අභිත ක්‍රියාමාර්ගයකින් ඒ පුද්ගලයා හරි හම්බ කළ දේ පොළ විනාශ කිරීමට මැරයන් ඉදිරිපත් වනු ඇත. ඇතැම් විට සමාජයට ඉදිරියට විත් ජනතා නායකත්වය හෝ මූලිකත්වය ගන්නා සිවිල් පුද්ගලයෙකුටද ඒ තත්වය උදා වනවා නිසැකය.

    ජනපති ක්‍රමයේ තටු කැපීමට වලි කන අග්‍රාමාත්‍ය වරයා ඉදිරිපත් විය යුත්තේ රටේ මෙන්ම පාර්ලිමේන්තුවේද ප්‍රජාතන්ත්‍රවාදය ස්ථාපිත කිරීමට උත්සුක වීමයි.ඔහු ගැන ලෝකය දන්නේ ප්‍රජාන්ත්‍රවාදය ගැන අතැඹුලක් දන්නා කෙනෙකු ලෙසටය.රටේ දුවා දරුවන් හට නිදහස් අධ්‍යාපන හිමිකර දුන් කන්නන්ගර මැතිතුමා තම ප්‍රජාතන්ත්‍රීය වගකීම පාර්ලිමේන්තුව තුළ නිවරදිව උරගා බැලූ පුද්ගලයකි.. ඔහු ජනතාවට සමීපතමයෙකු නොවීය.ඒ නිසා ඔහු දෙවනි වර තම ආසනයෙන් පැරද ගියේය.එම තත්වය උදා කර දුන්නේ ව්‍යවස්ථාදායකයේ අඩු ලුහුඬු කම් නිසාවෙනි.දැන් අප මෙම සාකච්ඡාව සමාජය වෙත මුදා හළ යුතුය.පාර්ලිමේන්තුව තුළ සහ පිටත අප කටයුතු කළ යුත්තේ කෙලෙසකද ජනතා පරමාධිපත්‍ය යනු කුමක්ද යන දැනුම ලබා දිය යුතුය.විධායකයේ වෙනසක් නොව ව්‍යවස්ථාදයකයේ වෙනසක් පිළීබඳ විද්වතුන් සමග සාකච්ඡා පැවැත්විය යුතුය.   අපගේ මව්බිම ඇමරිකානු සහ ඉන්දීය විදෙශ ඔත්තු කරුවන්ට  දඩයම් පළක් බවට පත් කිරීමට ඉඩ නොතැබිය යුතුය.වසර හැත්තෑ හතරකට පසු අපට ස්වර්ණමය අවස්ථාවක් උදා වී තිබේ.එකා වන්ව දේශප්‍රේමය අවදි කර ගනිමින් ජාතිය ගොඩ නැන් වීමට අදිටන් කරලීම කළ යුතු යැයි අපට බලකර තිබේ. මේ එයට කාලයයි.

මතුගම සෙනෙවිරුවන්

Thursday, May 5, 2022

ගෝඨාගෝගම නඩත්තු කරනුයේ කුමක් සඳහාද

 

 

 

                                

            උදාගම් ව්‍යාපෘතියෙන් පසු ලංකාව පුරාම ජනප්‍රිය වූ ගමක් වූයේ නම් ඒ ගෝඨාගෝගම වෙයි.මෙහි   ගෙවල් සාදා නැත.එහෙත් තාවකාලික කූඩාරම් ඇත.මීනිසුන් දෛනික ජීවිතය වෙනුවට රාත්‍රී සැනකෙළියක සිරි ගත් ගෝඨගෝගම අරගල භූමියක් ලෙසට හැඳින්වෙයි.අරගලය යනු හර ගලනයයි.යම් කිසි හරවත් අදහසක් ක්‍රියාවලියක් අඛණ්ඩව පවතින තැන අරගල භූමියකි.මෙහි රැස්ව සිටින තරුණ තරුණියන් ට හරවත් අදහසක් නැත. ගෝඨාභය ජනපතිවරයාට ගෙදර පල යයි කීම හැර එල්ලයක් නැත. පන්නපු ගෝඨා පන්නමු ගෝඨා යනුවෙන් මෙතන සිටින සටන් කාමීන් රැස්ව හඬ නගන්නේ ඒ නිසාය.මේ අරගල භූමිය සකස් කරන ලද්දේ පෙරටුගාමීන් විසිනි.එය පෝෂණය කරන ලද්දේ ජ.විපෙ. ඇගුලු කාඩරයන් විසිනි.මෙය ආරම්භ කරලීමට මුදල් පොම්මප කිරීමට නිර්ලෝභිව ඉදිරිපත්ව ඇත්තේ අසල් වැසි ඉන්දියාවයි. නමුත් දැන් එය නඩත්තු කරනුයේ ක්‍රිස්තියානි මූලධර්මවාදී සංවිධාන මුස්ලිම් අන්තවාදී සංවිධාන විසිනි.පහුගිය කාලයේ එක දිනයක වික්ටෝරියා නූලන්ඩ් ලංකාවට පැමිණ ගියාය.ඇය මීට පෙර 2014 දී යුක්රේනයට ගියේද මෙවැනි අරගල භූමියකටයි.ඇය එහි සිටි අරගල කරුවන්ට ඩෝ නට් බෙදීය.යුක්රේන් හිටපු ජනපති රුසියාවට පලා ගියේය.ඇමරිකාවේ වෝල් ස්ට්‍රීට් අරගලය මාස හතරක් එක දිගට පැවැත්විණ.ඇමරිකානු පොලිසිය එයට පහර දුනි.නමුත් ජනපතිවරයා හෝ ආණ්ඩුව ගෝඨාගෝ ගමට පහර නුදුන්නේය.නමුත් අරලියගම මැදුර ඉදිරියේ අටවා තිබූ මයිනාගෝ ගම ගලවා ඉවත් කෙරුණි.මහින්ද ගේ සහ ගෝඨා ගේ වෙනස එයයි.

        2019 දී බලයට පත් වූ ගෝඨාභය හිටපු ආරක්ෂක ලේකම් වරයා ද වෙයි. ඔහු තම සෙබල ජීවිතයේ දී යුද්ධය අතහැර ඇමරිකාවට ගියේය.එහි පුරවැසි කමද ලැබගෙන දරුවන්ටද අවශ්‍ය පුරවැසි පසුබිම සකසා දුන්නේය.මහින්ද රාජපක්ෂ ජනපතිවරයා පැරදී නිවසට ගිය පසු ජනතාවගේ බලාපොරොත්තු අතරට ගෝඨාභය පැමිණියේ අහම්බෙන් නොවේ.මහින්ද සුළඟ තුළින්ඇතිවූ බලවේගයට නායකත්වය ගැනීමට යම් සුදුසු කමක් නිර්මාණය කර දුන්නේ ජනතාව විසිනි. ඔහු ගැන පිරිසිඳු බලාපොරොත්තු තැබූ ජනතාව අවංකය ප්‍රාර්ථනා කල එක දෙයක් විය.ඒ නම් 1977 න් පසු ජරා ජීර්ණව ගිය දේශපාලනය නැවත යථාතත්වයට පත් කර රට එකසේසත් කර බුද්ධ ශාසනය සුරැකීමයි. එය එසේ සිදු වි නැත.ජනපතිවරයාගේ ක්‍රියාකලාපය කිසිවෙකුටත් තේරුම් ගත නොහැකි විය. ඊට හේතුව ඔහු ජනතාව අතරින් ඈත් වී තනි මතයට තීරණ ගන්නා උද්දච්ච පුද්ගලයෙතු බවට පත් වීමයි.

    වත්මන් වෙළෙඳ පලේ සහල් මිල වේගයෙන් ඉහල යෑමට ප්‍රධාන හේතුව හාල් මෝල් හිමියන් ඉදිරියේ ජනපතිවරයාට දණ නැමීමට සිදු වීමයි. ආහාර ද්‍රව්‍ය වල පාලන මිළ ඉවත් කිරීම කවුරුන් ගන්නා ලද තීරණයක් දැයි නොදනී.සීනි බදු වංචාව නිසා රජයට අහිමි වූ ආදායම ගැන කිසිම පැහැදිලි කිරීමක් සිදු නොවුණි.දඬුවම් දීමක්ද සිදු නොවුණි.රටේ පරිසර විනාශය තුන් හතර ගුණයකින් ඉහළයෑමට ද ජනපති වරයා වග කිව යුතුය.ජනපතිවරයා වටේ සිටි හොඳම හිතවතා අලි සබ්‍රි අධිකරණ අමාත්‍යවරයාය. ඔහු ගෝඨාභය රාජපක්ෂ මහතා ප්‍රාණ ඇපයට ගෙන  තම කැමැත්ත අනුව මුස්ලිම් අන්තවාදීන් වෙනුවෙන් ගත් තීරණයන්ට ජනපති වරයා අනුගමනය කළ නිහඩ පිළීවෙත පුදුම එළවන සුලුය.ජනපතිවරයාට කැබිනට්ටුව පාලනයකින් තොර විය. මහින්ද හෝ බැසිල් හෝ ඔහුට සහාය නොවීය.දූෂිතයන්ට ඇමතිකම් හිමි විය.තවදුරටත් ඔවුහු දූෂණයන්හි නිරත විය. ගත් තීරණයක් සියල්ලට වග කිව යතු කෙනෙක්නොවීය. අවසානයේ ආර්ථික අර්බුදය නහයටත් උඩින් ගිය විට  ජන දුක නිවීම වෙනුවට අර්බුදය ජනපතිවරයාගේ නිර්මාණයක් නොවන බව පැවසීමට තරම් ඔහු ආත්මාර්ථකාමී විය.

 

    ගෝඨා පන්නමු යයි සටන් පාටයක් නිර්මාණ කෙරුණේ ජනතාව අතින් නොවේ. ජනතාව නොයෙකුත්  පෝලිම් වල රස්තියාදු වී අසහනයෙන් වීද බැස්සා පමණකි.  මෙම ආර්ථික අරුබුදයට වග කිව යුතු ප්‍රධාන නිළධාරියෙකු වූ කබ්රාල් ඉවත් විය යුතු යැයි මහ බැංකුව ඉදිරිපට උද්ඝොෂණයක් සිදු වූයේ ජනතා විරෝධය ගෑස් පෝලිම් වල නතර ව තිබෙන අවස්ථාවකදීය.මහ බැංකු අධිපි කමින් කබ්රාල් ඉවත් විය යුතු යැයි කීම පමණක් නොව බැසිල්ද  මුදල් ඇමතිකමින් ඉවත් විය යුතු යැයිද යෝජනාවක් මේ උද්ඝෝෂකයන්ට තිබුණි.මේ අතර පක්ෂ 11 ක් රජයෙන් ස්වාධින වී එළියට බැස්සේ එන පොට හොඳ නැති බව ඔවුනට දැනී තිබූ බැවිනි.මෙතෙක් මහින්ද ව කර තබාගෙන ගිය ඔවුහු ආණ්ඩුව නිවැරදි කිරීම සඳහා දුන් දායකත්වය පසුතැවිලි වන්නට ඇත.. ජනපතිවරයා වෙනුවෙන් සංවේදී වූ ඔවුහු විස්සේ අහිතකර වගන්ති වලට හිස නැමූහ.කෙසේ වෙතත් දේශපාලනය තුළ සදාකාලික මිතුරුකම් පවතින්නේ නැත.එහි ප්‍රතිඵලය නම් තිබූ ආමාතය මණ්ඩලය ඉවත් කර නව අමාතය මණ්ඩලයක් පත් කරලීමට සිදු වීමයි.පක්ෂ 1 1 විරෝධතාවෙන් පැණි නැගුන යහපත් කාරණය එය විය.

     ‌ගෝඨා ඉවත් විය යුතු යයි ජනතා සටන් පාඨයක් නිර්ාණය වනු ලබන්නේ පෙර සඳහන් කළ පරිදි වික්ටෝරියා නූලන්ඩ් ගේ ආගමනයත් සමගමය. එය පැහැදිලිව විදේශීය අත පෙවීමක ප්‍රතිඵලයකි. වර්තමානය වන විට ගාලු මුව දොර පිටිය. නොයෙකුත් රාජ්‍ය විරොධි ක්‍රියාකාරකම් වල ට තෝතැන්නක් බවට පත් වී තිබේ. ජනපතිවරයා මහින්ද රජපක්ෂ සහ බැසිල් රජපක්ෂ ආදී න්ගේ දූෂණයන් ගැන කතා කිරීමට අමතරව උතුර සහ නැගෙනහිරසිටින ඊලාම් වාදීන් ගේ සටන් පාටත් ගාලු මුවදොර පිටියට එක්වී තිබේ. දෙමල පෙදෙස් වල බෞද්ධ සිද්ධස්ථාන ඇති කිරීමට විරුද්ධව බැනර් ඔසවා සිටින ඊලාම් වාදීන්ට විරුද්ධව රජය අත නොතබකි.බණ්ඩාරනායක පිළිරුවේ දෑස් බැඳ සිංහල බස රජ බස කිරීමට එරෙහිව නූතන පරපුර හඩනගන විට. සිංහල රජ බස නිසා විශ්ව විද්‍යාල අධ්‍යපානය ලැබූ උගතුන් ද ගාලු මුවදොර ට එක් වී සිටිති. මේ සියල්ලම නිර්මාණය කරලීමට පසු ගිය කාලයේ බිහි වූ ජාතයන්තර පාසල් ද වග කිව යුතුය. මහ පාරේ තාප්ප වල සිතුවම් ඇඳි තරුණයන් මෙන්ම අක් මුල් නැති තරුණ පරපුරක් බිහි කිරීමටද මෑත කාලීන  ආණ්ඩු කරවූ පාලකයන් දැක්වූ දයකත්වය අති මහත්ය. දැන් මේ අලුත් පරපුර නොහොත් සංස්කෘතික හර පද්ධතියෙන් වැතැන් වූ පිරිස එහි  නිරමාපකයන්ට එරෙහිව සටන් පාඨ ගෙන වීදි බැස සිටිති.

       පූජනීය ගංගොඩවිල සෝම හිමියන් ගේ අභාවයත් සමග රට තුල ඇති වූ බෞද්ධ ප්‍රබෝධය සහ ජාතිකවාදී බලවේගයන් එක පැත්තකින් චම්පික රණවක විසින්ද අනෙක් පැත්තෙන් මහින්ද රාජපක්ෂ විසින් ද ඩැහැ ගනු ලැබිණ.මහින්ද රාජපක්ෂයන්ට කොටි ත්‍රස්තවාදය පැරදවීමට මේ ජාතිකවාදය පිටුබලයක් විය. නමුත් පසුව ඔහු ඒ ජාතික කොඩිය අත හරිනු ලැබීය.වර්තමානය වන විට ගෝඨාභයට පමණක් නොව මහින්ද රාජපක්ෂයන්ටද ඉවත් වීමට බල කෙරී තිබේ.මූලධර්මවාදී සංවිධාන සහ ඒ පිටිපසින් තිබෙන අදිසි හස්තයයන් විසින් ජාතිවාදයට පහර දෙනු ලබනුයේ මහින්ද ගේ පරාජය ජාතිකවාදයේද පරාජයක් ලෙසට සිතාගෙනය.ජනපතිවරායාද සවිඥානිකව ගෝඨාගෝමට කැමති බව පෙනේ.ඇමරිකාවේ පුරවැසියෙකු ලෙසින් සිටි ඔහු තම දරුවන්ද ආරක්ෂා කර ගත යුතුය.ඇමරිකාවට පක්ෂාපාතී වීම ඇරුණු කොට ඔහුට වෙනත් මගක් නැත.රුසියාවෙන් තෙල් ලබා ගැනීම ඔහු අකමැති වන්නේ එහෙයිනි. දින ගණනාවක් තිස්සේ ගෝඨා ගෙදර පල යයි කියූවද ඔහු ගෙදර නොයන්නේ ඇමරිකාවේ ආශීර්වාදය ඔහුට තිබෙන බැවිනි.

 

 

 

කොරෝනා වසංගත සමයේ ඇමරිකාවේ අවශ්‍යතාවය අනුව එන්නත් විකිණීමට නායකත්වය ගැනීමම මේ පක්ෂාපාතිත්වයේ තරම ගැන තේරුම් ගැනීමට හොඳ උදාහරණයික .ඒ අර්ථයෙන් ගත් කල්හි සිංහල ජාතිකත්වයට එරෙහි වී රට බෙදුම්වාදයට තල්ලු කර රත්මලාන කටුනායක මත්තල ආදී ගුවන් තොටුපළ වල් විකිණීම ට ගෝඨාභය නායකත්වය දුනහොත් පුදුම නොවිය යුතුය.අන්තර්කාලීන ආණ්ඩුව නොහොත් ජාතික එකඟතා ආණ්ඩුව යනු මේ පාවාදීම දක්වා ගෙන යා හැකි ව්‍යවස්ථාපිත ආයතනයකි. සමගි ජන බලවේගයත් එක්සත් ජතික පක්ෂයත් බලාපොරොත්තු වන්නේ නැවත 19ට ගොස් ජනපති ක්‍රමය අහෝසි කරවා ගැනීමටය.මේ පිටපොට ගැසීම තුළ 13 බලවත් වී උතුර සහ නැගෙනහිර ස්වාධින වීමට තිබෙන ඉඩකඩ වැඩිය.

    මේ අවස්ථාවේ දී රටට අවශ්‍ය වන්නේ ව්‍යවස්තා සංශෝධන නොවේ.පවතින ආර්ථික අර්බුදය ජය ගැනීමට අවශ්‍ය පෙළ ගැස්මකි.යම් කිසි ආර්ථක සම්මුතියක් තුළ රටම එකට වැඩ කිරීම එයට ප්‍රවේශයකි.ජනතා විමුක්ති පෙරමුණ හෝ සමගි ජන බලවේගය ඉදිරි මැතිවරණයක් සදහා කරන සූදානම තුලින් පෙනෙන්නේ ඔවුන් තුළ පවතින ආත්මාර්ථකාමී ස්වරූපයයි. රටට මොන හෙණයක් ගැසූවද මේ පක්ෂ වලට නොදැනේ. තමන්ගේ පක්ෂය බලවත් වීමට අවශ්‍ය ඕනෑම පවා දීමක ඔවුන් සූදානම්ය.ඉදිරි යල කන්නයේ වී වගා ඉලක්ක සපුරා ගැනීමත් රට පුරා වගා සංග්‍රාමයක් දියත් කර ලීමට රජය පොලඹවා ගත යුතුයි.ගෝඨාගම බහු පාක්ෂිකයන්ද ලුම්පන් තරුණ පරපුරද වෙලට බස්වා ගැනීමට රැල්ලක් නිර්මාණය කර ගත යුතුය. එවිට ගෝඨාගෝගම නඩත්තු කරලීමට ඇමරිකාවට හෝ ඉන්දියාවට නොහැකි වනු ඇත.

මතුගම සෙනෙවිරුවන්

     

        

    

Tuesday, April 12, 2022

සිංහල අවුරුදු චාරිත්‍ර හා එහි පසුබිම -

 

 


 


        කෘෂිකාර්මික පසුබිමක් සහිතව අනාදිමත් කාලයක සිට සිංහල සංස්කෘතිය හැඩ ගැන්වී ඇත. කෘෂිකර්මයට පදනම්වන්නේ සූර්ය ශක්තියයි. එසේම චන්ද්‍රයාගේ ආකර්ශණය නිසා වර්ෂාව ඇති වෙයි.මේනිසා සූර්යයා සහ චන්ද්‍රයා මුල්කරගත් සංස්කෘතියක් වශයෙන් විකාශනයට පත් වී ඇත. සූර්යයා වටා පෘතුවිය ගමන් කරයි.එම චලිතය වරක් සම්පූර්ණ වීම අවුරුද්දක් ලෙසට සැලකේ.අවුර් යනු සූර්යයාට නමකි.බක් මාසය (අප්‍රියෙල්) වන විට සූර්යා ලංකා භූමියට මුදුන් වීමට පටන් ගනී. එම චලිත අවස්ථා වෙනස් වන නමුදු අප්‍රියෙල් පස්වන දා සිට සතිදෙකක පමණ කාලයක් තුළ සූර්යයා ලංකාවට හරි කෙලින් ඉද්දක් මෙන් සිටී.එනම් සූර්යයා පෘතුවීයට ඉතාම ආසන්නයෙන් ගමන් කරයි.මේ තත්වය මත අවුර් + සෘතු - අවුරුතු - අවුරුද්ද යනුවෙන් ව්‍යවහාරයට පත් ව ඇත. සූර්යා සියලුම කෘෂිකාර්මික භෝග වලට ශක්තියක් ලබා දෙන බැවින් සූර්ය වන්දනාව පෙරදිග ජාතින්ගේ සිරිතක් බවට පත් විය.ඒ තත්වය මත ඉන්දියාව ලංකාව බුරුමය තායිලන්තය ආදී රටවල ජනතාව තමන්ගේ රටට හිරු මුදුන් වන කල්හි වසන්ත උත්සව පවත්වා සොබාදහමට කෘත ගුණ දක්වා ප්‍රීති වූහ.ලංකාවේ සූර්ය උත්සවය සිංහල අලුත්අවුරුද්දයි.නමුත් ඒ ප්‍රීති උත්සවය ආරම්භ වන්නේ නව සඳ බැලීමෙන් සහ මඩු උත්සව පැවැත්වීමෙනි.

1/ නව සඳ බැලීම

   බක් මාසය ආරම්භ වන්නේ මැදින් මස (මාර්තු මස ) ගෙවී එළඹෙන අමාවක නැතිනම් මාසපෝය දිනයෙනි.මාසය ගණනය කිරීමේ එම ක්‍රමය අමාන්ත ක්‍රමයයි.මසපෝය දිනය පූර්ණ වශයෙන් කලුවර වේ.අමාවක දිනයෙන් පසුව එළඹෙනුයේ පෑලවිය දිනයයි. පෑලවිය දියවක තියවක ජලවක විසේනිය සැටවක සතවක අටවක නවවක දසවක එකොලොස්වක දොලොස්වක තෙලෙස්වක තුදුස්වක යනුවෙන් චන්ද්‍රයා ගේ ගමන තිථි වලට බෙදා දක්වා ඇත. අමාවක ගෙවී පළමු තිථිය පෑලවිය තිථියයි.චන්ද්‍රයා කලුවර පක්ෂයෙන් මිදී සඳ ක්‍රමයෙන් මෝදු වෙමින් තිබෙන අවස්ථාව නැතිනම් ළාසඳ නව සඳ ලෙසට ගැනේ. සිංහල ජනතාව නව සඳ බලා ප්‍රීති උත්සවය පැවැත්වූහ.මේ බැව් සීගිරි කුරුටු ගී වල පවා සඳහන්ය.

2/ පරණ අවුරුද්ද  සඳහා ස්නානය -

සිංහල අවුරුද්දට ප්‍රථමයෙන් සියලු වැඩ අවසන් කිරීම සිංහලයන්ගේ සිරිත විය.විශේෂයෙන්ම බක්මාසයෙන් ආරම්භ වන යල කන්නයේ මූලික කෘෂිකාර්මික කටයුතු අවසන් කිරීම ඒ අතර විය.ඉතා දැඩි අව් රශ්මියක් පතිත වන බක් මාසයේ කුඹුරු වල මහන්සි වී අවුරුද්දට සූදානම් වීම ඇරඹෙයි.නිවාස සුද්ද පවිත්‍ර කිරීම වැනි කාර්යයන්ද නවකම්ද අවසන් කල යුතුය.ඒ සියල්ල කළ පසු ජල ස්නානය කර පිරිසිඳු වී අලුත් අවුරුදු වසන්ත උත්සවයට මුහුණ දිය යුතුය.අවුරුදු දිනයට ප්‍රථම දිනය පරණ අවුරුද්ද ලෙස ගැනේ.ඊට පෙර නා පිරිසඳු වීමට සිදු වේ.මේ පිළිබඳව ජ්‍යෙතිෂය මතයක්ද පවතී. අවුරුදු සංක්‍රාන්තිය සිදු වන්නේ සූර්ය මාස ක්‍රමය අනුව මීන රාශියෙන් මේෂ රාශියට ගමන් කරන අවස්ථාවේ දීය.මීන රාශිය උදාව තිබියදී පවතින්නේ රේවතී නැකතයි.රේවතී නැකතත් මීන රාශියත් එකට අවසන්වීම දුර්ලභය. ඒවැනි අවස්ථාවන් ඝණ්ඩාන්තයක් ලෙසට ජ්‍යෙතිෂයේ හඳුන්වයි.එවැනි අවස්ථා හතරක් පවතී.මේෂ රාශිය තේජෝ රාශියකි.තේජෝ බලයට මුහුණ දිය හැකි වනපරිදි හොඳින් ජල ස්නානය කළ විට මනුෂ්‍යායගේ ලෙඩ රෝග දුරුවේ.

 

ඒ අවස්ථාවට අදාල ශාකයුෂ වලින් නානු සකස් කර හිසේ ගල්වා ස්නානය කිරීමෙන් පරණ අවුරුද්දේ දොස් දුරු කර ගැනීමට හැකියාවක් ලැබේ යැයි විශ්වාසයක් ඇත.

අලුත් අවුරුදු උදාව ආහාර පිසීම වැඩ ඇල්ලීම සහ ආහාර අනුභවය -

සූර්යයා මීන රාශීයෙන් මේෂ රාශියට ගමන් කිරීම පෘතුවියේ සිටින අපට සාපේක්ෂව දැනෙන ආකාරය නම් අධික සූර්ය රශ්මිය සහිත කාල පරිඡේදයයි. මේ රාශි දෙක අතර සූර්ය හුවමාරුව සිදු වන කාලයට නොනගතය යයි නම් කර තිබේ.පැමිණියාවූත් නොපැමිණියාවූත් කාලය නොනගතයයි.අවුරුදු නැකත් සියල්ල දක්වා තිබෙන්නේ මේ කාලය තුළය. නැකත් නොමැති කාලයක් ලෙසට ඇතැමුන් දක්වා තිබුණද පැහැදිලිව ඒ කාලය තුළ නැකැත් පවතී.විශේෂයෙන්ස අවුරුදු උදාවට ප්‍රථම සියලුම වැඩ නැවැත්වීමත් අවුරුදු උදාවත් සමග තිබෙන කාලය පුණ්‍යකාලය ලෙසට ගැනීමත් සිරිතකි.පුණ්‍ය කාලය තුළ විහාරස්ථාන සඳහා ගොස් මල් පහන් පූජා කිරීමද භික්ෂූන් වහන්සේලා හමු වී වැඳ අවසර ගැනීමද සිදු වේ.අවුරුදු උදාවට පෙර ලිප ගිනි දැල්විය යුතුය.නිවසක සෑම දිනකම ගිනි දැල්වීම ගිනි දෙවියන් පිදීමකි.අවුරුද්ද පුරාවටම එලෙස උදෑසන නැගිට ගිනි දැල්වීමෙන් නිවසක සෞභග්‍ය උදාවන බවට තිබෙන මතයකි.අවසානයේ අවුරුදු දිනයට පුණ්‍ය කාලය එළඹෙන්නට ප්‍රථම මේ ගිනි දැල්වීම නතර කිරීම සිදු වේ.ඊට ප්‍රථම මුලු තැන් ගෙහි දුස්ද පවිත්‍ර කිරීම කොට ගොම මැටි ගා ලිප අලුත් වැඩියා කර තබා ගනී.එවිට අලුත් අවුරුද්දේ ගිනි දල්වනුයේ ඒ අලුත් පරිසරයක් තුළය. මානසිකව අලුත් වීම ගිනි දෙවියන් වෙනුවෙන් ගිනි දල්වා නව වසරට කරන ප්‍රාර්ථනය ඒ සියල්ල ඉන් බලාපොරොත්තු වේ.

ආහාර පිසීම -

  ආහාර පිසීමේ කටයුතු නිවසක භාරව සිටින කාන්තාව ශ්‍රියා කාන්තාවක් බවට පත් වන්නේ මුලු තැන් ගෙයි කටයුතු නොපිරිහෙලා සිදු කරන කල්හිය.ගොවිතැන් කොට නිෂ්පාදනය කරන ලබන අස්වැන්න නිවසට රැගෙන පැමිණි පසු පිරිසිදු කොට වේලා  වනේ ලා කොට සහල් හෝ ධාන්‍ය බව පත් කර ගබඩා කර තබා ගැනීමෙන් පසු සෞඛ්‍යආරක්ෂිතව පිස ගැනීම කාන්තාවගේ යුතුකමකි.බත් සමග අවුලා යන ව්‍යංඡන සියල්ල ඇය අතින් සකස් වනුවේ සැමියා දරුවන් ඇතුලු මුලු පවුලේම සෞඛ්‍ය සුරක්ෂිත කරලීම පිණිසය.රසය ගුණය සුරැකෙන පරිදිය.අලුත් අවුරුදු උදාවත් සමග ලිප ගිනි දල්වා ආහාර පිසීම කරති. ලංකාව පුරා එම චාරිත්‍රය එකවර ඉටු කරන  විට ජනිත වන චිත්ත ශක්තය සුලු පටු නොවේ.සෑම නිවසකම කරන එම කටයුත්ත මගින් රටේ ඒකාග්‍රතාවය ඇති වේ.

වැඩ ඇල්ලීම -

අනතුරුව යෙදී තිබෙන්නේ වැඩ ඇල්ලීමයි.ආහාර අනුභවයට පෙර වැඩ ඇල්ලීම සිරිත වේ.මන්ද නිෂ්පාදනයේ යෙදෙන පුරුෂ පක්ෂය තමන් පරිහරණය කර කැත්ත උදැල්ල යලි සක්‍රීය කිරීම ඒ මගින් සිදු වේ නිෂ්පාදන වර්ෂයක ආරම්භය සනිටුන්  කිරීම එහි අරමුණයි.ඊළඟ වසරේ රටේ ආහාර නිෂ්පාදනයට රටේ සියලුම ජනතාව මානසිකව ඒකාග්‍රවී සූදානම් වීම මෙහිදී සිදුවේ. ආහාර අනුභය සඳහා පවුලේ සියලු දෙන ආහාර මේසයට හෝ පැදුරකට ඒකරාශිවන්නේ ඉන් අනතුරුවයි.  පහන් දල්වා සූදානම් කරගත් මේසය මත සකස් කරන ලද කැවුම් කොකිස් වැලි තලප තල ආදී රස කැවිලි කෙසෙල්ගෙඩි සමග කිරිබත් අනුභව කිරීම සිංහල ජනතාවගේ සිරිතයි.කිරිබත් සමග අනුභව කරන රසකැවිල්ලේ තල තිබේ නම් ඊළඟ වසරේ තල අස්වැන්න තව තවත් බෝ කිරීමට මෙහිදී අධිෂ්ඨාන කෙරේ.අග්ගලා තිබේ නම් සහල් නිෂ්පාදනය පිළිබඳ අරමුණු වලට එළඹීමට හැකිය.

 

ගනුදෙනු කිරීම -

අනතුරුව යෙදී තිබෙන්නේ ගනු දෙනු කිරීමයි.මුල්ම ගනුදෙනුව සිද්ද වනුයේ ළිඳ සමගයි.එයට හේතුව ජලය ශුද්ධ වස්තුවක් වීමයි.ජලය සුරැකීම. පිරිසිඳුව තබා ගැනීම ජාතියේම යුතුකමක් විය.නිවස ආසන්නයේ පවතින ළිඳෙන් පෙර වසරේදී ලබා ගන්නා ලද පැන් භාජනය අහවර කොට අලුත් පැන් භාජනයක් ලබා ගැනීමට නිවසේ කාන්තාව පෙළඹේ.ඉන්පසු ළින් ජලයට අඟුරු  තඹ කාසි සහ ඉඟිනි ඇටද එකතු කිරීම සිදු වේ. මෙහි අරථය නම් ළිඳේ පිරිසිදු බව රැක ගැනීමයි.අවුරුදු චාරිත්‍ර කරන හැම අවස්ථාවකදීම ඒ දිනයට සහ ග්‍රහයින්ට අදාල වර්ණ සහිත වස්ත්‍රභරණයෙන් සැරසීමද සිංහලයන් ගේ සිරිතකි.පෙර කල වසන්ත උත්සව සමරන කල්හි මෙලෙස විවිධ වර්ණ සහිත වස්ත්‍රාභරණයෙන් සැරසෙන්නට ඇත.

හිස තෙල් ගෑම -

හිස තෙල් ගෑමේ චාරිත්‍රයෙහි පසුබිම පවතින්නේ ආයුර්වේද සිද්ධාන්ත මතය.නව අවුරුද උදාවත් සමග නානු ගා තෙල් හිස මත ගැල්වීම නැකතකට සිදු වේ.පයට සහ හිසට ඒ අවස්ථාවේ දී අදාලව තිබෙන ශාක වර්ග වල පත්‍ර එළා සියලු දෙන එකම මොහොතක හිස තෙල් ගැල්වීම කරති.පළමුව නානු ගෑමෙන් හිස සිසිල් වේ. දෝෂකෝප තත්වයන් සමනය වේ.මේෂ රාශිය තේජෝ රාශියක් බැවින් හිස සිසිල් කර නව අවුරුද්දට සූදානම් කිරීම මින් අදහස් වේ. අනතුරුව ඇසට හිසට හිතකාරී තෙල් වර්ගයක් ආලේපනය සිදු වේ.ජල ස්නානයේ දී ජලයට බැස නෑම මෙහිදී අනුමත ක්‍රමයයි.ඒ මගින් මුලු ශරීරයම උත්තේජනය වේ. ඇස් රතුවන තුරුම ස්නානය කළ යුතු යැයි පැරණීයන් කියා ඇත.මේ කාර්යයන් තුළ සියලු දෙන තමන්ගේ සෞඛ්‍ය තත්වය ගැන මෙනෙහි කරන්නට අධිෂ්ඨාන කරති.ආහාර අනුභවය තුලින් කලට වේලාවට වැඩ කිරීම තුලින් ලබා ගත් ජාතිත ඒකාග්‍රතාවය වඩා ශක්තිමත් කල හැක්කේ ජාතිය නිරෝගී වුවහොත් පමණකි.ඒ නිසා හිස තෙල් ගැලවීමේ චාරිත්‍රය විවිධ පූජ්‍ය ස්ථානයන් හිදී සිදු කෙරේ. විශෙෂයෙන්ම දළදා මාළිගයේ කරඩුව වැඩම්මවන හස්තියාගේ සිරසේ තෙල් ගල්වනු ලබනුයේ එම හස්තියාගේ කාර්යභාරය ට ඉහළම වටිනාකමක් දීමෙනි.හිස තෙල් ගැල්වීමේ චාරිත්‍රයෙන් පසුව දවස් කීපයකින් රැකියා සඳහා පිටත්ව යෑමටද නැකතක් සූදානම් කෙරේ. විශේෂයෙන්ම කෘෂිකාර්මික කටයුතු සඳහා පිටත්ව යෑම ඉන් අපේක්ෂා කොරේ. අවුරුද්දට ප්‍රථම වපුරන ලද කුඹුරු වල ගොයම් පැලපත පරීක්ෂා කිරීම ලෙඩ රෝග ඇත්නම් කෙම්පහන් කිරීම සිදු කරන්නේ මේ කාලවකවානුව තුළය.මේ අවස්ථාවේ දීද ගිතෙල් මිශ්‍ර කිරිබත් අනුභව කර සතුටු වී පිටත් වීම සිරිතයි.

නෑ ගම් යෑම -

සිංහල ගමක පැවති සහලේ වරිග ඥාතිත්වය සහ ඥාති හිත මිත්‍ර සම්බන්ධය ඉතා ප්‍රබලය. ගමක නිෂ්පාදන සාමුහිකයේ පැවැත්ම රඳා පවත්නේ ඥාතිත්වය මතය. ගමට නිෂ්පාදනයෙන් සහ සම්බන්ධ වන ඥාතීන් මෙන්ම ශිල්ප ශ්‍රේණි අලුත් අවුරුද්දේ වැදගත් කොට සලකති.අවුරුද්දට ප්‍රථම ගමේ කුඹල් කරුවන් වළන් හට්ටි මුට්ටි රැගෙන නිවෙස් වලට පැමිණෙති.ඔවුන් වෙනුවෙන් වෙන් කොට තබන වී අස්වනු කොටස ලබා දෙති.ඒ අතර පැණි හකුරු සපයන්නන්ද ප්‍රධානය. අවුරුද්දට රස කැවිලි තැනෙන්නේ ඒවා පදනම් කොට ගෙනයි.ඔවුන්ටද අස්වනු කොටහක් වෙන් වෙති. රෙදි අපුල්ලන්නන් ගමේ සෑම පවුලක් සමගම ඉතා කිට්ටු සම්බ්ධතාවයක් පවත්වාගෙන යති.අවුරුද්දට ප්‍රථම අවශ්‍ය අලුත් ඇඳුම් පිරිසිදු කොට ලබාදෙන අතර අස්වනු හුවමාරුව සිදු වේ.     අවුරුදු නැකැත් ගෙවී හිස තෙල් ගෑමේ දී ගමේ ඥාතින් යලිත් එකිනෙක මුණ ගැසේ.අවුරුදු කෙළි සෙල්ලම් ඇරඹෙති.ඉන්පසු නෑගම් යෑමේ චාරිත්‍රය ආරම්භ කරති.ගමේ වැඩිහිටියන් හමු වීම ඔවුන්ගේ සුවදුක් බැලීම අලුත් ඇඳුම් කීපයකින් සංග්‍රහ කිරීම ප්‍රධානය.ඒ අතරට කලින් සූදානම් කරගත් කැවිලි පෙට්ටි ද ගෙන යෑමට අමතක නොකරති. කැවුම් කොකිස් අතිරස වැලිතලප මුං කැවුම් ආදී නොයෙකුත් රස කැවිලි අවශ්‍ය කරමට සකස් කොට ඥාති නිවෙස් වලට රැගෙන යෑමට කල් තියා සූදානම් වීම සිරිතකි.වැඩිහිටියන්ට බුලත් දී නැමදීමද ඉදිරි අවුරුද්දේ කළ යුතු වැදගත් රාජකාරි කතිකා කර ගැනීම සිරිතකි.කැවිලි හුවමාරු කර ගැනීමද වැදගත් චාරිත්‍රයකි.දුගී ඥාති කෙනෙකු හමු වීමට යෑමේදී ද මේ චාරිත්‍ර ඉටු කරන නමුත් ඔවුන් වෙත රස කැවිලි වලට අමතරව වී අස්වනු කොටසක් සහ අලුත් ඇඳුම් රැගෙන යෑමටද අමතක නොකරති. දකුණු පළාතේ මේ චාරිත්‍ර සහ ආහාර වෙනස් වේ.මාලු ඇඹුල් තියල් කරවල කූරි ආදියද නිවෙසකට රැගෙන යති.ඒ අතර මුදලින් ගනුදෙනු කිරිම සිදු කරති.ගමෙන් පිට ඥාතීන් හමු වීමේදීද මේ චාරිත්‍ර සිදුකරන අතර වගා කිරීමට අවශ්‍ය බිත්තර වී ද රැගෙන යෑමේ සිරිතක් පැවති බව පෙනේ.

 

 

පරිසරවේදී මතුගම සෙනෙවිරුවන්

Tuesday, April 5, 2022

අලුත් අවුරුද්දට දෙමුහුන් උදුනකට තැන දෙමු

 

                                       


          ඛනිජ තෙල් නිෂ්පාදනයක් වන එල්.පී. ගෑස් නිවසක අත්‍යවශ්‍ය බල ශක්තියක් වී ඇත. දැලි බැඳෙන කුස්සියට ආයුබෝවන් කියූ නවීන සිංහලයන් යුරෝපීය පන්නයට ගැලපෙන ආකාරයට පැන්ට්‍රියක් නිර්මාණය කරගත්හ.ඒ මත දිලිහෙන ගෑස් උදුනක් තබා ගත් විට මධ්‍යම පන්තික වටපිටාවක් නිර්මාණය වේ.නිවෙස් හිමියාගේ තත්වය මැනීමට මෙවැනි නවීන මුලුතැන් ගෙවල් අත්‍යවශ්‍ය සාධකයක් බවට පත් කරන ලද්දේ පාරිභෝගික කරුණු වලට මුල් තැනක් දුන් විවෘත ආර්ථික ක්‍රමය පසුබිම් කොට ගෙනයි.මේ ක්‍රමයට රට හැඩ ගැසී දැන් වසර හතළිහක් පමණ ගත වී තිබේ.විදුලිය පොසිල ඉන්ධන සහ ගෑස් නොමැතිව මෙම මධ්‍යම පන්තික සමාජය නඩත්තු  කළ නොහැකි තත්වයට පත්ව තිබේ.පොසිල ඉන්ධන යම් දවසක හිඟ වන බව දැන සිටියද පාරිභෝගික සමාජය මෙයට ඇලී ගැලී අවසන්ය.වර්තමාන බලශක්ති අර්බුදයත් සමග මෙම යටිතල පහසුකම් සියල්ල අහිමි වී ගොසින්ය.ජනතාව ගෑස් පෝලිම් වල කාලය නාස්ති කරන අතර ආණ්ඩුව බරපතල දේශපාලන ගැටළුවකට මුහුණ පා සිටී.

          වෙළෙඳ පළ ආර්ථ ක්‍රමයක් පවත්වාගෙන යන රටක් සහමුලින්ම ස්වයංපෝෂිත ආර්ථිකය අමතක කර දැමීම ඛෙදවාචකයකි. එදිනෙදා ආහාර අවශ්‍යතාවයට පිරිමහින වී සහල් ටික නිපදවා ගැනීම බලශක්ති වුවමනාවන් සඳහා රැස් කරගත හැකි දර පොල් කොළ අඩුක්කු කර ගැනීම පා පැදියෙන් ගමන් යෑම ලැජ්ජාවට කාරණයක් නොවේ.කුහුඹුවන් පේළි ගැසී ආහාර එක් රැස් කරගන්නේ වැහි කාලයට ප්‍රයෝජනයට ගන්නටයි. නමුත් පළ ගැටියා එසේ නොවේ. ගී ගයමින් විනෝද වන මේ සතා වැහි කාලයට අර්බුදයකට මුහුණ පායි. වර්තමාන සිංහලයාද එසේය.වසර දෙදහස් පන්සීයක පමණ කාලයක් තිස්සේ අනුගමනය කළ පුරුදු අතහැර ඔවුහු නවීන පන්නය පමණක් බදා ගත්හ.යම් ගමකට විදුලි රැහැන් ඇද විදුලිය ලබා දුන් පසු මුලින්ම ගමට යන්නේ විදුලි උපකරණ වෙළෙන්දන්ය.ගමට මධ්‍යම පන්තික ආකල්ප යන්නේ එලෙසය.මූල්‍ය ආයතන වලට ණය වී ගමේ කාන්තාවන් සිය ජීවිත අවුල් කරගැනීමට පෙළඹෙන්නේ මෙම ආකල්ප නිසාය.නමුත්  ගෑස් ලිප් රයිස් කුකර් වෙළෙඳ පලේ විකිණෙන්නට පටන් ගත් පසු ඉදිරියේදී එන අභියෝගය දුටු විද්‍යාඥයන් සිටියහ. ඔවුහු අනාගතය දෙස බලමින් යම් යම් නිර්මාණ බිහි කර ජනතාවට හඳුන්වා දුන්හ.නමුත් ගැටළුව වන්නේ ජනතාව ඒ නිර්මාණ භාර නොගැනීමයි.කාර්යක්ෂම දර උදුන් නව නිර්මාණ තරඟ වල ජයග්‍රාහී තැන් ලබා ගත් ඒවා පමණක් විය.ජීව වායු ඒකක මුලින්ම නිර්මාණය කරන ලද්දේ නර්ඩ් ආයතනයයි. ඒ නිර්මාණ ප්‍රදර්ශන වලට පමණක් කොටු කරලීමට පැවති ආණ්ඩු කටයුතු කළහ.

      මෙම ලිපියෙන් ඉදිරිපත් කිරීමට බලාපොරොත්තු වන්නේ එවැනි විකල්ප නිර්මාණයයක් පිළිබඳවයි.අද කාලයට ගැලපෙන මෙම නිර්මාණයට 2012 වසරේ දී විශේෂ පිළිගැනුමක් හිමි විය. නමුත් එවකට සිටි ආණ්ඩුව මේ නිර්මාණය වෙළෙඳ පළට ඉදිරිපත් කිරීමට දහිරිය ලබා නුදුන් බව පැවසේ.රත්නපුරේ ගෝනකුඹුරේ පදිංචි නිහාල් රාජපක්ෂ මහතා විසින් ඉදිරිපත් කළ  නව දෙමුහුන් උදුන අද කාලයට ගැලපෙන ඉතා සාර්ථක බලශක්ති විසඳුමක් බව පෙන්වා දිය හැකිය.  හොරණ රාජකීය විදුහලෙන් මූලික අධ්‍යපනය  නිමා කල නිහාල් රාජපක්ෂ පසුව වැඩිදුර අධ්‍යාපනය පිණිස රත්නපුර කාර්මික විදුහලට ඇතුලත් වන්නේ සිය පියා ගේ රැකියා ස්ථානය රත්නපුරයේ පිහිටා තිබීම හේතු කොටගෙනය. ඉන් පසුව කාර්මික ශිල්පියෙකු ලෙස රත්නපුරයේ ගෝනකුඹුර ප්‍රදේශයේ සෑහෙන කලක් කටයුතු කළ හෙතෙම මැණික් පතල් කරුවන් ගේ වර්තමාන ප්‍රශ්ණයන්ට කාර්මික අංශයෙන් පිළිතුරු සෙවූවෙකු විය.            

           ඔහු වර්තමාන ගෑස් පරිභෝජනය කරන පාරිභෝගිකයින්ට නවීන තම දෙමුහුන් උදුනක් හඳුන්වා දී තිබේ. දිනක් කාර්ය  බහුල අවස්ථාවක නිවසෙන් පිට දර ලිපක් සාදා දෙන්න යයි ඔහුගේ බිරිඳ  හදිස්සියේම කල ඉල්ලීම නිසා  අපහසුතාවටයට පත් ඔහු ගෑස් ලිප උඩ විදුලි පංකාවක කවරය මුනින් අතට නවා එය මත දර කීපයක් තබා ලිපක් සාදා දුන්නේය.හදිසියේ මතු වූ එම උදුන පසුව ඔහු අතින්  වඩා කාර්යක්ෂම දර ගෑස් දෙමුහුන් උදුනක් බවට පත් වීමට වැඩි කලක් ගියේ නැත.එහි විශේෂතාවය වන්නේ ගෑස් වලින් දල්වා දර මගින් පවත්වා ගෙන යාමයි. සාමාන්‍ය කාර්යක්ෂම දර උදුන් වල තිබෙන දුර්වලතා අධ්‍යනය කළ හෙතෙම ගෑස් උදුනට ඉහලින් දර දැමීමට හැකි කුටීරයක් වාත්තු ක්‍රමයට නිර්මාණය කලේය. 2012 වර්ෂයේ දී පරණ ගෑස් ටැංකියක් කපා සැදූ මෙම උදුන පසුව ඇලුමිනියම් වලින් වාත්තු කොට නිමා කරන ලද්දේය.

      අඟල් අටත් එකොළහත් අතර ප්‍රමාණයක උසක් පවතින මෙම දර කුටීරයට දර පොල් කටු ආදිය දැමූ පසු ගෑස් වලින් දැල්විය යුතුය. පැරණියන් දර දැල්වූ එක් අමුද්‍රව්‍යයක් වන්නේ ඔට්ටපාලුය.ඒවා ලිප දැල්වීමට ආරම්භයක් දුන්නේය.නිහාල් ගේ කල්පනාව මෙයට යොමු විය.. ඔට්ටපාලු වෙනුවට ගෑස් ලිප මෙයට යොදා ගත්හ.ගෑස් දැල්ල මගින් දර දැල්වීමෙන් පසුව ගෑස් උදුන නිමා දැමිය යුතුය. ඉන්පසු පහළින් ඇද ගන්නා අම්ලකර වායුව මගින් නොකඩවා දර දැල් වේ. කාර්යක්ෂමාවය නිසා අලු හා අඟුරු ද ඉතිරි නොවේ. නමුත් තෙත දර හෝ පොල් ලෙලි දැමූවිට පමණක් දුමක් නැගෙන බව ඔහු පවසයි. මෙම උදුන කොටස් දෙකකි. එකක් ගෑස් සිලින්ඩරයට සවි කරන ලද කොටස වන අතර එයට ඉහළින් දර ලිප පිහිටා ඇත. අවශ්‍ය විටකදී දර ලිප අංශක අනූවකින් කරකවා පැත්තකට කළ හැකි වන අතර ගෑස් ලිප වෙනමම දැල්විය හැකි වේ.  මාසයකින් අවසන් වන ගෑස් සිලිනඩරයක්  මෙම ක්‍රමයට භාවිතයට ගැනීමේ දී මාස හතක් අවුරුද්දක් පමණ පාවිච්චි කළ හැකිය. ඇලුමිනියම් වලින් වාත්තු කොට සාදා ඇති බැවින් මෙම උදුන මල නො බැඳේ. එසේම ගින්නට පිලිස්සී නොයයි.මෙම උදුන නිපදවීමට දැනට රුපියල් අටදාහක පමණ  මිළක් එකතු වී ඇත. නිහාල් රාජපක්ෂ මහතා විසින් මීට වසර දහයකට පමණ පෙරදී නිමවන ලද දෙමුහුන් උදුන තවමත් ඔහුගේ නිවසේ සාර්ථකව ක්‍රියාත්මක වේ.

මතුගම සෙනෙවිරුවන්

(නිහාල් රාජපක්ෂ මහතාගේ අංකය - 0776035707 )

Friday, March 25, 2022

සිංහලයන් නට්ටන් කර ඩයස්පෝරාවෙන් සල්ලි හිඟාකෑම

 

 

 


                              

              ඇමරිකා එක්සත් ජනපදයේ දේශපාලන කටයුතු පිළිබඳ සහකාර ලේකම්වරියක වන වික්ටෝරියා නූලන්ඩ් ලංකාවට පැමිණෙන අතර ජනපතිවරයාගේ මූලිකත්වයෙන් සර්ව පාක්ෂික සමුලුවක් පැවැත්වුණි..මෙයට සෙත්පතා මහානායක හිමිවරුන්ද පණිවුඩ නිකුත් කර ඇත.සර්ව පාක්ෂික සමුලු වේදිකාවේ වීරයා වී තිබෙන්නේ හිටපු අගමැති රනිල් වික්‍රමසිංහ මහතාය.ඔහු සුප්‍රකට බැඳුම්කර මගඩියේ නිර්මාතෘවරයා වෙයි.දේශපාලන ලෝකයේ පිරිසිඳු චරිතයක් ලෙසට සැලකුණු රනිල් අර්ජුන් මහේන්ද්‍රන් සමග එක්ව මහ බැංකුව බකොලාත් කළහ.පසුව අර්ජුන් රටින් පලා ගියේය. රනිල් ඒ පලා යෑමට අනුග්‍රහය දැක්වීය.අදටත් මේ සුදුකරපටි අපරාධකරුවන් නිදැල්ලේය.රනිල් වැන්නකු මෙවැනි අපරාධයට මුල්වන ලද්දේයයි පාක්ෂිකයන් විශ්වාස නොකරති.නමුත් රනිල්ගේ හෘදය සාක්ෂිය එය දනී.සැබවින්ම මෙවැනි අපරාධයක් කිරීමට රනිල්ට උපදෙස් ලබා දුන්නේ ඇමරිකා එක්සත් ජනපදයයි. ආර්ථිකය බංකොලාත් වීමෙන් පසු ණය පහසුකම් සඳහා ගැතිකමක් ඇතිවෙයි. ඒ ගැතිකම තීව්ර කරලීමට පාස්කු ප්‍රහාරයද උපයෝගී විය.ඒ අල්ලපනල්ලේ එම්.සී.සී. ගිවිසුම ක්‍රියාත්මක කරලීමට රනිල් උත්සාහ දැරීය.ඒ බැඳුම්කර මගඩියෙන් සහ පාස්කු ප්‍රහාරයෙන් තමන්ගේ නිදොස් බවට සහතිකයක් ලබා ගැනීමෙන් අනතුරුවයි.

          මේ බැඳුම්කර බබා ගේ උක්කුන් කම එක්සත්ජාතික පාක්ෂිකයන්ට විශ්වාසය.නමුත් මේ රටේ බහුතරයක් රනිල් වික්‍රමසිංහ පමණක් නොව සමස්ත එක්සත් ජාතික පක්ෂයම එපා වූ වග මැතිවරණයේ දී පෙන්වා  දැක්වීය.ජනතාවට එපා වූ රනිල් සෞභාග්‍ය ලොක්කන්ට එපා වූයේ නැත. ඔහුට ලැබී තිබුණු ආරක්ෂාව එසේම පැවතුණි.බැඳුම්කර මගඩියේ පළමු චූදිතයාට එලෙස හමුදා ආරක්ෂාව දෙන අතරවාරයේ පක්ෂයට තිබූ එකම් ජාතික ලැයිස්තු මන්ත්‍රී ධූරයද රනිල්ට ලබා ගැනීමට ආණ්ඩුවේ සහාය ලැබුණි.ආර්ථික ඝාතනයේ පළමුකොටස එලෙස නිමා විය.දෙවනුව වසන්තයක් මෙන් වසංගතයක් පැමිණියේය.මේ වසංගතය අරාබියට ආවේ 2012 දී බව ලෝක සෞඛ්‍ය සංවිධානය කියයි.ඒ බැව් ලංකාවේ වසංගත රෝග අංශයටද දැනුම් දී තිබුණි..නමුත් ලොව වටා පැතිරෙන්නට අවස්ථාවක් නොලැබුණි.ඊළඟ වාරයේ 2019 දී එය නැවත චීනයෙන් මතු විය.කොවිඩි 19 යයි එය නම් කරන ලද්දේය.චීනා සමග වඩා ඇයි හොදයියක් පවත්වමින් සිටි ලංකාවේ පාලකයන්ට චීනා සමග පැමිණි වසංගතයද ආශිර්වාදයක් විය.සුද්දන්ගේ නීති හමස් පෙට්ටියේ තිබූ නිරෝධායන පනත ඉදිරියට ගෙන සංචාරකයන් පමණක් නොව විදෙස් ශ්‍රමිකයන්ද හෝටල් වල නිරෝධායනය කරමින් මුදුල් හම්බ කළ පිරිසක් පිහිවිය. රටවසා දමා ජන ආර්ථිකය නට්ටන් කරලීම ඇරඹුණේ හුදෙක් දොස්තරලාගේ උපදෙස් මතම නොවේ.ඒවා ඉහළින් ලැබුණු උපදෙස්ය. රෝගීන් සංඛ්‍යාව වැඩිවන්නට ඉඩදී වහාම රට වසව් යන පණිවිඩය ජනතාව අතරින්ම ලබා ගැනීම ඒ උපක්‍රමය විය. රටේ එදිනෙදා ජන ජීවිතය පමණක් නොව හරි හම්බ කර ගැනීමේ ක්‍රමවේද සියල්ලම ශූන්‍ය කරන ලද්දේ හිතාමතාමය.ඒ අතර වාරයේ මාධ්‍ය මගින් තොර තෝංචියක් නොමැතිව මරණ සංඛ්‍යාවද රෝගීන් සංඛ්‍යාවද උලුප්පා  දැක්වීමෙන් රට පුරා අනවශ්‍ය වසංගත බියක් ජනිත කරවන ලදී.මරණ බය සියල්ලන්ටම පොදුය.මරණ බියෙන් ඇලලුණු ජනතාවකට බෙහෙත් පෙන්වා වස වුවුද දිය හැකිය. නොමිලේ ලංකාවට ගෙන පැමිණි පළමු එන්නත් තොගයෙන් කරන ලද්දේ එයයි. 

     වෙන විකල්පයක් නැත. පැණීය අසාර්ථකයි යනපණිවිඩයද මාධ්‍ය මගින් පලිප්පු දමා ප්‍රචාරය කරන ලදී.එන්නත මගින් ජීවිත සුරක්ෂිත කරගත යුතුය යන පණිවිඩය රට පුරා කඩිනමින් යන්නට හේතු සාධක වූයේ සෞඛ්‍ය අංශයන්හි මෙන්ම හමුදාකරණය වූ සෞඛ්‍ය ක්‍රමවේදයන් නිසාවෙනි.අවසානයේ ඩොලර් මිලියන 250 ක පමණ වියදමින් ලංකාවට එන්නත් මිලදී ගැනීමට සිදු විය.ඕනෑම වසසංගතයකට මුහුණ දිය හැකි දේශීය හා ආයුර්වේද වෙදකමක් රටේ තිබියදී එලෙස කරවීම සැබවින්ම ආර්ථික ඝාතනයක් විය.සෞභාග්‍යා ඝාතන රැල්ලේ ඊළඟ පියවර කාබනික ගොවිතැන් ක්‍රියාදාමයයි.වසර පහකදී හෝ දහයකදී සම්පූර්ණ කළ යුතුව තිබූ වස විස රහිත ගොවිතැන එක පැහැර ආරම්භ කිරීමට උපදෙස් දෙන ලද්දේද මේ පිටිපස සිටින ආර්ථික ඝාතකයන්ය.කෑමට බත අහිමි කිරීම එහි අරමුණ විය.මේ සියලු විනාශකාරී ක්‍රියාවලීන් නිසා නට්ටන් වූ බහුතරය සිංහලයන්ය.

      සෞභාග්‍යා බබා උක්කුන් පටන් ගැනෙනුයේ මේ උපක්‍රම ක්‍රියාවට යෙදවීමෙනි.රනිල් වික්‍රමසිංහ වරක් දොන් ජුවන්ට සමාන කරන ලද්දේ චම්පික රණවක විසිනි.පසුව චම්පික රනිල්ට එකතුව මෙගා පොලිස් වී එම්.සී.සී.යටද අත ඉස්සුවේය. හැට නව ලක්ෂය විසින් රනිල් පමණක් නොව චම්පික සජිත්ටද පාඩමක් ඉගැන්වූයේය.ඒ ජනතා අපේක්ෂා වූයේ රට නිදහස් කොට ජාතික ආර්ථිකයක් ශක්තිමත් කරලීමයි.සෞභාග්‍යා උක්කුන් රුවන් මැලි සෑය අබියස දිවුරුම් දෙ ලද්දේ  මෙරට මහානායක හිමිවරුන් සහ බහුතර මහා සංඝ රත්නය දැපනේ දමා ගන්නටයි.ඒ වෑයම සාර්ථක විය. අදටත් බෞද්ධ උපදේශක සභාව යනුවෙන් පවත්වනු ලබනුයේ මහා සංඝරත්නය රවටා සෙමෙහි තබා ගැනීමටයි.එදා මහානායක හිමිවරු රටේ ප්‍රශ්ණ වලදී නොබියව කතා කළහ.එම්.සී.සීයට විරුද්ධ විය. නොයෙකුත් ගිවිසුම් වලදී විරුද්ධ මත දැරූහ.අද ඒ තත්වය නැත. උන්වහන්සේලාද නිහඩව මුනිවත රකිති.

            සමස්ත ආර්ථිකය කඩාවැට්ටවීමෙන් පසු රටක කොඳු නාරටිය කැඩේ. කාලයක් තිස්සේ විදේශ ආහාර බෙහෙත් සහ නොයෙකුත පාරිභෝගික ද්‍රව්‍ය කොරෙහි පුරුදු පුහුණු වූ ජනතාවක් ඒ භාණ්ඩ හිඟ වන කල්හි වස අමාරුවක වැටේ.ජනතාව ගමන් කරන්නේ රැලි වලටය.බුද්ධිමත්ව හිතා බලමින් තමන්ගේ ජීවිතය හැඩ ගස්වා ගැනීම කරනුයේ ඉතාමත් ස්වල්ප දෙනෙකි.ගෙදරදොරේ බලශක්ති අවශ්‍යතාවය සපුරා ගැනීම සඳහා ජීව වායු ක්‍රම කාර්යක්ෂම දර උදුන් ආදී විකල්ප රටට හඳුන්වා දී තිබුණේ බොහෝ කලකට කලියෙන්ය.එහෙත් ඒ ක්‍රම ක්‍රියාවට නැන්වීමට ජනතාවගේ සහාය ලැබුණේ නැත.වස විස නැති ගොවිතැනද එසේය. රටට හිතැති කෘෂි පර්යේෂකයන් සහ ස්වාධීන ගොවීන් කාලයක් තිස්සේ අත්හදා බලන ලද පරිසරහිතකාමී ගොවිතැන් සම්ප්‍රදායට රටේ තැනක් හිමි වූයේ නැත.

            ඉන්ධන බෙහෙත් සහ ආහාර රටින් ගෙන්වීමට විදේශ මුදල් නොමැතිවීම නැතිනම් ක්‍රමානුකූලව අඩු වීම විවෘත ආර්ථික ක්‍රියාදාමයේ අනිටු ප්‍රතිඵලයකි. අධික ණයබර තුලින් බිහිවූවකි.නමුත් එවැනි විෂම තත්වයක් යටතේ වුවුද වසර ගණනාවක් මේ ආර්ථිකය ගමන් කරමින් තිබේ.  ණය කන්දරාව වැඩි වීමත් රජයේ ආදායම අහිමි වීමත් නිසා ආර්ථික මර්මස්ථාන සියල්ල බෙලහීන වන්නට ඉඩ හැර ඇත. ඒවැනි තත්වයක් යටතේ රටේ ඕනෑම සම්පතක් විදෙස් වලට පවරා දී කට බඩ පුරාවා ගැනීමට ජනතාව පෙළඹීම ස්වභාවිකය.සර්ව පාක්ෂික සමුලුව අබියස සෞභාග්‍ය ආණ්ඩුව බබා වෙන්නට උත්සාහ දරමින් ඇත.මහ බැංකු අධිපති තුමා ඉදිරිපත් කළ සංඛ්‍යා ලේඛන වැරදි නැත. රනිල් ගේ ආර්ථික ඝාතන අබියස විදේශ සංචිත ඇදි වැටීම සිදු විය.නමුත් රනිල් ඉදිරියේ සමාව ඉල්ලීම ඇරුණු කොට වෙනත් විකල්පයක් ආණ්ඩුවට නැත. හේතුව රනිල් පිටුපස සිටින විදෙස් බලවේගයයි. 

ඇමරිකානු කොරි‌ඩෝව සඳහා ඩොලර් මිලියන 500 ක් ගැනීමට රනිල් සූදානම් විය.ලලිතසිරිගුණරුවන් වාර්තාවෙන් එම යෝජනාව නිශ්ප්‍රභ විය.එය ජනතා අපේක්ෂාවයි.නමුත් නොදන්නා වැඩ කිරීමට ගොස් වරිගෙ නහ ගත්තා වැනිව සෞභාග්‍ය ආණ්ඩුව බබා පාට් දමමින් සිටී.මේ වන විටත් ඉන්දියාවට අවශ්‍ය දේශපාලනික ආර්ථික මර්මස්ථාන රැසක් ඉන්දියාවට දීමට රජය එකඟ වී තිබේ.උඩරට වතුකරයේ වතු සමාගම් ඩයස්පෝරාවේ වතු සමාගම වෙත විකුණා දැමීම ඇරඹී ඇත. .සංස්කෘතියට රැකීමටද ඩයස්ෆෝරාවේ උදව් ගැනීමට සිදු වන බව සංස්කෘතික අමාත්‍යංශය පැත්තෙන් ආරංචි ලැබෙමින් පවතී.වික්ටෝරියා නූලන්ඩ් ඉදිරියේ දී ජනපතිවරයා පොරොන්දු වී ඇත්තේ උතුර සංවර්ධනයට ඩයස්පෝරාවේ උදව් ගන්නා බවයි. එහි ඊළඟ පියවර නම් උතුරේ සහ නැගෙනහිර බෞද්ධ සිද්ධස්ථාන මත කෝවිල් සංවර්ධනය වීම සහ ආණ්ඩුක්‍රමව්‍යවස්ථාවේ දහතුන්වන සංශෝධනය පූර්ණ වශයෙන් ක්‍රියාත්මක වීමයි. රනිල් වික්‍රමසිංහගේ සහයෝගය ලබමින් ජාතික ආණ්ඩුවක් ඇටවීමට උත්සාහ දැරුවහොත් කාලයක් තිස්සේ ඉටුකර ගැනීමට බලා සිටි බෙදුම්වාදී අපේක්ෂාවන් සියල්ල මල ඵල දරනු ඇත.එය අපේ ජාතියේ අවසානයයි.

මතුගම සෙනෙවිරුවන්

Saturday, March 12, 2022

ජිනීවා ලොක්කිට හිසරදයක් වූ සිවු බුදුවරුන්ට පිදූ කන්නියා මහ චේතිය

 

 

 


                           

              ත්‍රිකුණාමල දිස්ත්‍රික්කයට යන සංචාරකයන්ගේ ජනප්‍රිය ස්මාරකයක් වන කන්නියා උණූ දිය උල්පත් සහිත ස්ථානය ආසන්නයේ ඉපැරණි බෝධි වෘක්ෂය සමීපයේ 2012 වර්ෂයේ කැණීමක් ආරම්භ වුණි.පුරාවිද්‍යා දෙපාර්තමේන්තුව විසින් මෙහෙයවනු ලැබූ මෙම කැණීම නිසා ඉතා විශ්ම ජනකව ස්මාරකයක් මතු කරගත හැකි විය.එනම් පැරණී ස්ථූපයක් සහ පිළිම ගෙයක්  සම්මුඛ වීමයි.මෙතෙක් උණුවතුර ළිං සහ ඒ හා සම්බන්ධ වෙනත් ජනප්‍රවාද ඔස්සේ වැදගත් වූ මේ ස්ථානයට මේ කැණීම නිසා වෙනත් වටිනාකමක් හිමි විය.මේ උණුවතුර ළිං සඳහා කන්නියා නාමය ව්‍යවහාර කරනුයේ රාවනා සම්බන්ධ පුරාවෘතයකට අනුවයි. රාවනා රජුගේ මෑණීයන්ට ඇති වූ කුෂ්ට රෝගයක් සුව කිරීමට සමත් වූයේ මේ උණුදියෙන් ස්නානය කිරීමේ හේතුවෙන් බව ප්‍රවාද ගතව තිබේ.

        රවනාට සතුරු වූ හින්දූන් සම්ප්‍රදායන් දෙකක් අනුගමනය කරති .එකක් ශිව සම්ප්‍රදායයි. අනෙක විෂ්ණු සම්ප්‍රදායයි.රාවනා යුගයේ තිබුණේ ශිව විෂ්ණු ගැටීමකි. රාවනාට සහාය පළ කරන ලද්දේ ශිව පාර්ශවයයි.රාවනා ගේ දුන්න බිඳිණු ලැබීම මගින් සංකේතවත් කරනුයේ විෂ්ණු සම්ප්‍රදාය ජයගත් ආකාරයයි.සමස්ත ඉන්දියාව තුළ සමරනු ලබන දුශේරා උත්සවය සැබවින්ම දුර්ගා පූජෝත්සවයකි. අධර්මයට විරුද්ධව කරන මේ උත්සවය තුළ රාවනා ගේ මුහුණට ගිනි දල්වන ලද ඊතලයකින් විඳීමෙන් ප්‍රකාශ කරනුයේ අධර්මය පරදා ධර්මය ජයගත් ආකාරය බව හින්දූන්ගේ විශ්වාසයයි.මේ ආකාරයට කල්පනා කොට බලන කල්හි. දකුණු ඉන්දියානු ද්‍රවිඩයන් රාවනාට විරුද්ධය.රාමට පක්ෂය.

      කන්නියා උණු දිය උල්පත් වල වාර්ෂිකව කරන පුද පූජා මගින් රවනා සිහිපත් කරති.හින්දු පූජෝත්සවයත් ලෙසට පවත්වන නමුදු ඒවා සංවිධානය කරනු ලබනුයේ දෙමළ ජනතාව විසිනි.එයින් ඉස්මතු කරලිමට උත්සාහ දරන්නේ දෙමළ ජනතාව රාවනා යුගයේ උරුම කරුවන් ලෙසටය.ඉහත දක්වන ලද කරුණු සලකා බලන කල්හි දෙමළ ජනතාව විසින් රාවනා සැමරීම පටලැවිල්ලකි.මේ පටලැවිල්ල ලිහා බලන කල්හි තහවුරු වන්නේ රාවනාට විරුද්ධ දෙමළුන් ගේ උත්සවයකට වඩා එය ස්වදේශික අසුරයන් ගේ උත්සවයක් බවයි.කන්නියා උණු දිය ළිං වල සිට ත්‍රිකුණාමලයේ වර්තමාන කෝනේශ්වරන් කොවිලට ඇත්තේ කි.මී. පහක පමණ දුරකි.පුරාණ ගෝකණ්න විහාරය පරංගීන් විසින් කඩා දැමූ පසු ඒ නටබුන් මත 1953 දී පමණ වර්තමාන කෝවිල ඉඳි කළ බව දැක්වෙයි.ඒ ෆෙඩරල් පක්ෂයට ත්‍රිකුණමල නගර සභාවේ බලය ලැබී තිබුණු කාල වකවානුවේ දීය.ගෝකණ්න විහාරයේ ඉතිරිව තිබූ නටබුන්ද මුහුදට ඇද දමා බෝධි වෘක්ෂය කපා දමා මේ කෝවිල ඉඳි කර ඇත. කන්නියා උණු වතුර ළිං අසල ශිව කෝවිලක් ඉඳි වන්නේද මේ කාලයේ විය යුතුයි.දකුණු ඉන්දියාවේ රාමේශ්වරමේ කන්‍යා කුමාරි තුඩුවේ පවත්වන චාරිත්‍රයන් උණු දියඋල්පත් අසල පවත්වන්නට යෙදී ඇත්තේ ද මේ සමයේ විය යුතුය.කෙසේ වෙතත් මෙම ස්ථානයෙන් හමු වූ චෛත්‍ය පාදම් මතු කර ගෙන යන අවස්ථාවේ දී දෙමළ දේශපාලඥයෙකු විසින් පුරාවිද්‍යා දෙපාර්තමේන්තුවට විරුද්ධව නඩුවක් පවරනු ලැබීය. එවකට සිටි දිසාපති වරයා මෙහිදී මැදිහත්ව කැණීම නතර කරන ලදී.කාලයක් ඇදී ගිය නඩුව ට තීන්දුවක් ලැබුණේ 2020 දීය.ස්ථූපය මස්තකයේ ඉඳි කොට තිබෙන කෝවිල ඉවත් කරගන්නට ඒ අනුව සිදු විය. නමුත් ඒ  අසළ නටබුන් යට කරගෙන  නැගී සිටින තවත් ශිව දේවාලයක් වෙයි.

    


 

     ලංකාවේ ස්ථූප නිර්මාණයේ ඉතිහාසය බුදු රදුන් ගේ ලංකාගමනය කාලය දක්වාම දිව යන ආකාරය අපට ඉතිහාසයෙන් පැහැදිලි වේ.තපස්සු භල්ලුක වෙළෙඳ දෙබෑයන් විසින් ඉඳි කළ හිරිගඬු සෑය මෙයට සාක්ෂි සපයයි.මානෑවේ විමලරතන හිමියන් දක්වන පරිදි බුදුන් වහන්සේ මානෑකන්දට වැඩම කල අවස්ථාවේ දී එහි මස්තකයේ විෂකුම්භ නම් ආකාශ චේතියක් නිර්මාණය විය.මයියංගන ස්තූපයද බුදුන් වහන්සේ ජීවමාන අවදියේ නිර්මාණය කරන ලද්දකි. අම්බස්ථල දාගැබ සහ  ථූපාරාම චේතිය මහින්දාගමනයෙන් පසුව ඉඳිකරන ලද ප්‍රමුඛ ස්ථූපයන් වෙති.ස්ථූප යනු සංස්කෘත වචනයකි චේතිය  පෙළ බසෙහි එයි. තුඹ යනු සිංහල වචනයයි.

.     ස්ථූප නිර්මාණයේ දී ලංකාව පුරා විවිධ හැඩයෙන් යුක්තව ස්ථූපයන් නිර්මාණය වී ඇත. ධාන්‍යාකාර පද්මාකර ඝඨාකාර ඝාණ්ඨාකාර බුබ්බුලාකාර ආදී වශයෙන් හමු වන විවිධ නිර්මාණයන් ලංකා ඉතිහාසයේ නොයෙකුත් අවදි වල දකින්නට ඇත.  බුද්ධ ප්‍රත්‍යෙක  අරහන්ත චක්‍රවර්තී සහ මහාරාජ යන සතර කොට්ඨාශයන්ටම අයත් ශාරීරික ධාතු නිදන් කොට ස්ථූපයන් නිම කිරීම වඩාත් සුදුසු බව මහා පාරිනිබ්බාන සූත්‍රයේ බුදුන් වහන්සේ දක්වා තිබේ.මෙලෙස ධාතු නිදන් කොට නිර්මාණය කරන ලද ස්ථූපයන් ඉතිහාසයේ වරින් වර වෙනස් කම් වලට භාජනය විය.වාස්තු විද්‍යා හැඩ තලයන් වෙනස් විය.විශේෂයෙන්ම පැරණි සිරිපතුල් වන්දනාව මෙහිදී ස්ථූපයන් වෙත පැමිණි ආකාරය නිරීක්ෂණය කල හැකිය.ස්ථූපයක සතර කොණ තුළ සිරිපතුල් ගල් තැන්පත් කිරීම මෙහි සම්ප්‍රදායයි. ත්‍රිකුණාමලයේ කන්නියා චේතිය අසල අප දක්නට ලැබෙන්නේ මෙකී ස්වරූපයයි.කකුසඳ කෝණාගමන සහ කශ්‍යප සහ ගෞතම යන සිවු බුදුවරුන් වහන්සේලා නිරූපනය වන ලෙසට නිර්මාණය වූ මෙම චෛත්‍ය නිර්මාණ උතුරුකරයේ සහ නැගෙනහිර අපට දක්නට හැකිය.

      කන්නියා ස්ථූපය අවට පිළිමගෙයක නටබුන්ද පුරාවිද්‍යා දෙපාර්තමේන්තුව විසින් මතු කරගෙන තිබේ.මෙම පිළිම ගෙය කැණීමකට ලක් කිරීමේදී දෙවනි සහ තුන්වන සියවස් වලට අයත් බ්‍රාහ්මී අක්ෂරයන්ගෙන් රචිත සෙල් ලිපි කැබලි දෙකක් මතු කරනෙ තිබේ. මහරජ කුජවිය ....මරුළවිය හ බොජියපති...හ...ච පලවිය( ම) ත චෙත එතක තනහි සගය දිනි ( අභිලේඛන පර්යේෂණ සංග්‍රහය 2018) යනුවෙන් එම ලිපියේ සඳහන් කර ඇති බව පුරාවිද්‍යා දෙපාර්තමේන්තුව විසින් පල කරනු ලැබූ අචාර්ය දම්මි බණ්ඩාර විසින් රචිත සඟරාවක දක්වා තිබේ.මරුළවිය හා පලවිය යන වැව්වලින් ලැබූ දිය බද්ද මෙම බෞද්ධ විහාරයට පූජා කල බව මෙහි කියැවෙන අර්ථයයි.චෙත්‍යය සහ පිළිමගෙය කැණීමේ දී හමු වු පුරාවස්තු අතර ආසන යූප ගල් ප්‍රතිමා කොටස් මැටි බඳුන් දක්නට ලැබේ.මෙම භූමියේ ඇති පොකුණු කීපයද ආරාම සංකීර්ණයේ වැදගත් වාස්තු විද්‍යාත්මක ප්‍රවේශයන් වෙති.සැබවින්ම මේසා විශාල බෞද්ධ ඉතිහාසයක් මතු කරගෙන තිබියදීත් මේ ස්ථානයේ ශිව කෝවිල් සහ වෙනත් දේ ඇටවීමෙන් සහ ඒ අයිතිය සඳහා නීතිමගට එළඹීම වර්තමාන දේශපලනයේ පවතින ඛේදවාචකයක් ලෙසට පෙන්වා දිය හැකිය.ඒ මතුද නොව දෙමළ කෝවිල් මත බෞද්ධ විහාර ඉඳි කරන්නේ යැයි ජිනීවා මානව හිමිකම් සැසියට පවා වාර්තා සපයන අපූර්ව මෙහෙයුමක් බවට පත්ව තිබේ.මෙහි තිබෙන ඛෙදවාචකය නම් වැරදි පුරාවෘතයන් මවා පෑමය. අනෙක නම් එම පුරාවෘත්ත තුළ දේශපාලන සහ බලහත්කාරී නීතිමය රංගන ඉදිරිපත් කිරීමයි.නමුත් ආණ්ඩුව පැත්තෙන් මේ කෙප්ප වලට නිසි පිළිතුරු තවමත් නොලැබේ. කෙසේ වෙතත් පුරාවිද්‍යා දෙපාර්තමේන්තුව විසින් සංරක්ෂණයට බඳුන් කරන මේ ස්ථානයේ වැදගත් ඉතිහාස කොටස් නුදුරු අනාගතයේම අපට මැනවින් දැක බලා ගැනීමට හැකි වනවා නිසැකය.

මතුගම සෙනෙවිරුවන්

   

Wednesday, February 23, 2022

ස්වාධීන රාජ්‍යයක් ලෙසට ලංකාවේ නිදහස යථාර්තයක් ද

 

 

 

                                


      1948 පෙබරවාරි 04 වන දිනය අපට සුවිශේෂී දිනයකි.බ්‍රිතාන්‍ය පාලනයෙන් මිදීම සඳහා ලංකාවට ඩොමීනියන් තත්වයක් ප්‍රධානය කෙරුණේ එදිනය. එදින සිට මේ දක්වා වසර හැත්තෑ හතරක කාලයක් ගත වී තිබේ. ලංකාවේ නිදහස් දිනය ලෙසින් අද සැලකෙනුයේ මේ දිනයයි.මේ නිදහස ලබා ගැනීම පිණිස පැමිණි දිගු ගමනක් විය. බ්‍රිතාන්‍ය පාලකයන් හට ගිවිසුමකින් ලංකාව භාර දෙන ලද්දේ 1815 දීය.නමුත් ලංකාවට නිදහස ලැබ දෙන්නේ ඒ ගිවිසුම පදනම් කරගෙන නොවේ. ඒ වෙනුවට 1947 නොවැම්බර් මස 11 දින සකස් කරන ලද අවසාන ගිවිසුම් කීපයක් විය.ලංකා නිදහස් පනත ලංකා නිදහස් රාජ්‍ය පනත ආරක්ෂක ගිවිසුම ආදී වැදගත් ලියවිලි කීපයක් මේ ගිවිසුම් වලට පදනම් විය.ඒ අනුව බ්‍රිතාන්‍ය රජුට යටත් ආණ්ඩුකාරවරයෙකු පත් කරනු ලැබීය.හෙතෙම  ඉන්පසු බ්‍රිතාන්‍ය මහ රැජිනියගේ නියෝජිතයා වශයෙන් පෙනී සිටියද ව්‍යවස්ථානුකූලව ස්වාධීන පාලකයෙකු බවට පත් විය. මෙය අපට ලැබුණු ස්වාධීනත්වයේ ^Indipendence )සාරාංශයයි.

         1815 දී එවකට සිටි ලංකාවේ රජ පවුල ඉන්දියාවට පිටුවහල් කරන ලද්දේ දෙමළ වර්ගයාට ලංකාව පාලනය කිරීමට තිබෙන අයිතිය අහිමි කරමිනි.උඩරට ගිවිසුමේ දෙවන වගන්තියේ ඒ බව දක්වා තිබේ.අප දන්නා පරිදි 1739  සිට 1815 දක්වා ලංකාවේ රාජ්‍යත්වයට පත් වූයේ නායක්කර් වඩුග පාලකයන්ය.යටකී ලෙස දෙමළ වර්ගයා ලෙස සඳහන් කරන ලද්දේ මේ වඩුග පෙළපත සහ අවශේෂ පිරිසයි.එහෙත් අනාදිමත් කාලයක සිට ලංකාව පාලනය කරනු ලැබූ ලම්බකර්ණ හෝ ටිකා රජ පෙලපත් වලට  ලංකාවේ බලය ලබා ගැනීමේ අයිතිය එහිදී අහිමි කර නැත. නමුත් අපට නිදහස ලැබීම සඳහා කරන ලද සාකච්ඡා වලදී ලංකාවේ සැබෑ රජ පෙළපත් තවදුරටත් ජීවමානව නැතැයි යන්න මෙරට නියෝජිතයන් විසින් දක්වා තිබීම බ්‍රිතාන්‍ය පාලකයන් විසින් සැලකිල්ලට ගෙන තිබේ. මෙරට රජ පෙළපත් ඒ වන විට බ්‍රිතාන්‍ය පාලකයන් ගේ මර්දන කාරී ස්වභාවය මත ලංකාවේ විවිධ පළාත් වල සැඟවී සිට ඇත.ඔවුන් ඉදිරිපත් වූයේ නම් ඇතැම් විට නිදහස යටතේ ලංකාවේ පාලනය මීට වඩා වෙනස් වීමට ඉඩ තිබුණි. ඒ අනුව නිදහස් ලංකාවේ පාලනය භාර දීම පිණිස සේනානායක පරපුර සූදානම් කරන ලද අතර 1948 නිදහස ලබන දිනයේ දී සිංහල රජුගේ සිංහාසනය  සහ රාජකීය කොඩිය ඉහළින් තබා ඊට පහළින් බ්‍රිතාන්‍ය රැජින අසුන් ගෙන නිදහස ප්‍රදානය කරන ලද්දේය..

          බ්‍රිතාන්‍ය මහ රැජිනට යටත් ලංකාවේ ආග්‍රාණ්ඩුකාර වරයෙකු ගේ පාලනය සහ බ්‍රිතාන්‍ය සම්ප්‍රදායට ගැති ව්‍යවස්ථාදායක් බිහිවන්නේ ඉන් පසුවයි. 1972 ව්‍යවස්ථාවෙන් මේ තත්වය යම් තරමකින් වෙනස් කරනු ලැබීය.ලංකාව ජනරජයක් බවට පත් විය.ජනාධිපතිවරයෙකු යටතේ ව්‍යවස්ථාදායකයක් සහ අධිකරණයක් පිහිටුවනු ලැබීය.බුද්ධාගමට ප්‍රමුඛස්ථානය හිමි කරදෙන ලද්දේය.එහෙත් දළදා වහන්සේට වග කිව හැකි රාජ්‍ය තන්ත්‍රයක් බිහි නොවීය. 1815 දී ඉංග්‍රීසීන්ට අප භාරදෙන ලද්දේ සිංහලේ රටවල්ය.පරංගි ලන්දේසි සහ ඉංග්‍රීසි පාලන සමයන්හිදී එය සිලෝන් යනුවෙන් ව්‍යවහාර විය.මේ නාමය 1948 දී නැවතත් සිංහලේ හෝ සිංහලද්වීප යනුවෙන් යලි ස්ථාපිත විය යුතුව තිබුණි.නමුත් එය එසේ නොවීය.1972 ව්‍යවස්ථාව සකස් කළ ආචාර්ය කොල්වින් ආර්. ද සිල්වා මහතා විසින් සිලෝන් නැත්නම් සිංහලේ රාජ්‍යය ශ්‍රී ලංකා යනුවෙන් නම් කරන ලද්දේය.ඒ ශ්‍රී ලංකා නිදහස් පක්ෂයේ අභිලාශය මතයි.1978 ව්‍යවස්ථාව සම්පාදනය කිරීමේදී විධායක ජනපතිවරයෙකු බිහිකරනු ලැබූ අතර එම ව්‍යවස්ථාවේ ඉංග්‍රීසි පරිවර්තනයේ දී ශ්‍රීලංකා යනු සිලෝන් බව පැහැදිලිව දක්වා ති‌බෙන බවද මෙහිදී මතක් කල යුතුය.

      1978ව්‍යවස්ථාව සකස් කිරීමෙන් පසු අවස්ථා විස්සකදී  සංශෝධන එක් කරතිබේ.වසර හතළිස් හතරක් තිස්සේ කරන ලද මේ සංශෝධන වලින් රටේ ඉදිරිගමනට ලැබුණු දායකත්වය කුමක්දැයි යම් ප්‍රශ්ණයක් පැණ නැගුනහොත් දීමට උත්තරයක් නැත. ඊට හේතුව මේ සංශෝධන සියල්ලම කරන ලද්දේ ඒ කාලය තුළ රටේ ඇතිවූ බෙදුම්වාදී බලවේගයන්හි මනදොළ පුරවා ලීම සඳහා බැවිනි.උදාහරණයක් වශයෙන් දහතුන් වන සංශෝධනය සහ දාසය වන සංශෝධන දැක්විය හැකිය.1796 දී ඉංග්‍රීසින් රට පාලනය කිරීම සඳහා අවතීර්ණ වීමේදී එවක මදුරාසි සමාගම් පාලනය ඊට හවුල් වී තිබුණි. උතුරේ බෙදුම්වාදයේ මූල බීජය ජනිතවන්නේ මදුරාසි පාලනය යටතේ ඇතිවූ සමින්දාර් ක්‍රමය නිසාවෙනි. 1948 නිදහස ලැබුණ පසු අතීතයෙන් ලබන ලද පාඩම් මධ්‍යයේ මේ බෙදුම්වාදය අවසන් කළ යුතුව තිබුණි. නමුත් එය සිදු නොවූයේ ඒ වන විටත් ලංකාව  බ්‍රිතාන්‍ය රැජිනගේ අණසක යටතේ තිබූ බැවිනි.බ්‍රිතාන්‍ය පාලනයට බෙදුම්වාදය අත්‍යවශ්‍ය සාධකයක් විය. විධායක ජනපතික්‍රමයක් පවත්වාගෙන ගියද ඉහතකී බෙදුම්වාදී සංශෝධන මගින් විධාකයේ බලය දුර්වල කොට ඇති බව අප පිළිගත යුතුය.ඒ අනුව නව ව්‍යවස්ථා සංශෝධනයකදී විධායක ජනපති ක්‍රමය විධායක අගමැතිවරයෙකු බවට පත් කිරීමෙන් ප්‍රශ්ණය තවදුරටත් ව්‍යාකූල වීම වැළැක්විය නොහැකිය.මන්ද වර්තමාන පක්ෂ ක්‍රමය තුළ ව්‍යවස්ථාදායකය ආක්‍රමණය කිරීමට බෙදුම්වාදී පුද්ගලයන්ට අවස්ථාව ලැබෙන බැවිනි.

      ඉංග්‍රීසීන් විසින් ලංකාවේ ආර්ථික මර්මස්ථාන සියල්ල උඩු යටි කුරු කරන ලද්දේය.මෙරට පාරම්පරික ගොවිතැන වැවීලි ආර්ථිකය මගින් පොඩිපට්ටම් කර ඇත.මුඩු බිම් පනත සහ ඉඩම් ආඥා පනත් මගින් මේ තත්වය උදා කර දී ඇත. නිදහසින් පසු බ්‍රිතාන්‍යයන් යටතේ තිබූ වැවිලි සමාගම් රජයට පවරා ගැනීම මත රාජ්‍ය ව්‍යවසායකත්වයක් බිහිවනු ඇතැයි බලාපොරොත්තු විය.නමුත් එය එසේ සිදු නොවීය.ඒ වෙනුවට වතු ආර්ථිකය ක්‍රමානුකූලව බිඳි වැටී ඇත.වැවිලි සමාගම් සිය ඉඩම් සශ්‍රීක කරන්නේ නැත.ඒ සමගම දෙමළ දේශපාලන නායකයන්ගේ බලයට නතුව සමාගම් සතු වත්කම් හීනවී යමින් ඇත.ඉඩම් කට්ටි කඩා වතු ප්‍රජාවට ඉඩම් ලබා දීම මගින් කඳුකරයේ බලය තවදුරටත් දෙමළ දේශපාලනඥයන් සතු වෙමින් තිබේ.අඹගමුව ප්‍රාදේශීය සභාව තුනට කැඩීම ඊට උදාහරණ දක්වයි. ඉඩම් ප්‍රතිසංස්කරණ පනත යටතේ පවරා ගන්නා ලද මෙරට නින්දගම් සහ වතු හිමියන් ගේ ඉඩ කඩම් වල අද තත්වය සලකා බලන කල්හි දැඩි සංවේගයක් දැනෙන බව කිව යුතුය.එම ඉඩම් දේශපාලන හිතවතුන්ට සහ විදේශීය සමාගම් වලට අතයට විකුණන ලද බව පැහැදිලිය.ඒ මගින් දේශීය ආර්ථිකයට ලැබෙන දායකත්වය ඉතාම පහළ අඩියකට වැටී තිබේ.

    නිදහස ලැබෙන විට රත්තරන් පවුම සහ වී බුසල එක සමාන වටිනාකමකින් යුක්තව තිබූ බව දක්වා ඇත. වසර හැත්තෑ හතරක් ගෙවී ගොස් ඇති සමයක රත්තරන් සංචිත වැඩි කර ගැනීමට රජය සමත් වී නොමැත. වසරක්ට හාල් මෙට්රික් ටොන් ලක්ෂ තිහක් පමණ නිෂ්පාදනය කරන අතර ඉන් පරිභෝජනය කරනු ලබනුයේ ලක්ෂ 24 ක් පමණි.එහෙත් කාෂීකර්මයේ දායකත්වය සීයයට හතක් ලෙසට තවමත් පෙන්වා දී තිබීම විමතියට කරුණකි.සහල් මිළ ද සීඝ්‍රයෙන් ඉහළ යෑම කිසිවෙකුට පාලනය කරගත නොහැකි තත්වයකට පත් වී තිබේ.රටක් වශයෙන් අද මුහුණ දී තිබෙන විදේශ සංචිත හිඟය විදේශ ණය බර බලශක්ති අර්බුදය ආහාර සුරක්ෂිතාවය බිඳ වැටීම ආදී සියල්ල තුලින් ගම්‍ය වන්නේ රාජ්‍ය කළමනාකාරිත්වයේ බංකොලොත් භාවයයි.සුද්දාට නැවත රට භෘර දීම වඩා පහසු ක්‍රමය යැයි විදේශ ගැත්තන් කල්පනා කරන බව පැහැදිලිය.සෘජුවම ඒ කටයුත්තට ජනතා සෘභාගීත්වය ගත නොහැකි බැවින් විවිධ උපක්‍රම යොදමින් විදේශ හස්තයන් විසින් ලංකාව පාලනය කරන තත්වයට ඇද දමා ඇත.

     මෙරට ඉදිරි ගමනට තිබෙන බලවත්ම බාධකය පක්ෂ දේශපාලනය බව පැහැදිලිය. එක රටක් වශයෙන් නොපැවතීමද එක නීතියක් ක්‍රියාත්මක නොවීමද නිසා නොගැලපෙන රෝද මත දුවන වාහනයක් මෙන් එක තැන නැවතී තිබේ. ලංකාවේ ආර්ථිකය දියුණු කිරීමට සමත් සම්පත් රැසක් තවමත් මහ පොළව යටය.ඒවා ඩැහැ ගැනීමට බලා සිටින විදෙශිකයන් ඉදිරියේ ජාතියක් වශයෙන් අප අසරණය. මෙරට පරිපාලනය හසුරුවන නිළධාරීන්ට ජාතික අභිමානයක් නොමැතිකම රට පිළිබඳ ගෞරවයක් නොමැතිකම සහ මෙරටට ආවේණික සිතුම් පැතුම් වලින් තොර වීම නිසා අනුකරණවාදී බහුතරයක් මගින් රටේ දියුණුව අඩාල කර තිබේ.නිදහස් අධ්‍යාපන ක්‍රමවේදය තුළ සිදු වූ විකෘතිතාවය මීට හේතු වශයෙන් දකිමි.වසර හැත්තෑ හතරකට පසු ආපසු හැරී බලන කල්හි අප දකින්නේ මෙයයි. රටේ උගතුන් බහුතරයක් රට හැර යෑම නිසා අනාගත ලංකාවට ඉතිරිවනුයේ කම්කරුවන් පිරිසක් පමණකි. ගොවියන් සිය ඉඩම් වලින් පන්නා දැමීමට සහ ඒ ඉඩම් විදෙස් සමාගම් සතු කරලීමට රනිල් වික්‍රමසිංහ ගෙනා රීගේනින් ශ්‍රී ලංකා වැඩ සටහන 2002 සිට විවිධ මුහුණුවරින් ක්‍රියාත්මක වෙමින් තිබේ.ඒ තත්වය මත වාර්ෂිකව නිදහස් දිනය සැමරීමද සැමරීමෙන් පසු නිදහස අමතක කර යලි වහල් භාවයේ ගැලීමද සිදු වෙමින් පවති. නමුත් අඳුරු අහසේ රිදී රේඛාවන් පහළ නොවෙනවා යැයි නොසිතිය යුතුය.තවමත් අප ජාතියක් වශයෙන් අසරණ වී නැත.ඒ සඳහා මාර්ග සොයා ගැනීමට හැකි අතලොස්සක් දෙනෙකු හෝ පුරුෂ වීර්යයෙන් නැගී සිටීම මෙන්ම ප්‍රඥාවන්තව වැඩ කිරීම ඊට සෑහේ යයි  කිව යුතුය.

මතුගම සෙනෙවිරුවන්

    

 

Friday, February 18, 2022

සෞඛ්‍ය ඇමතිගේ හිට්ලර් පන්නයේ ගැසට්ටුව සහ මානව හිමිකම්

 

 

                    


           මිනිසුන් දහස් ගණනාවක් ගෑස් කාමර වල දමා ඝාතනයට අණදුන් ඇඩොල්ෆ් හිට්ලර් නමැති ජර්මන් ආඥාදායකයා ගේ තවත් කුරිරු මෙහෙයවීමක් වූයේ ඔහුගේ ජන ඝාතක පර්යේෂණයන්ට මිනිසුන් යොදා ගැනීමයි.මේ යුධ අපරාධ එකල ලෝකයේ සෑම දෙනෙකුම දැඩි ලෙස හෙළා දුටහ.යුද්ධය අවසන් වීමෙන් පසුව  නිවුරන්බර්ග් නුවර රැස්වූ ලෝක නායකයන් සම්මුතියක් සකස් කර ගත්හ.( Trials of War Criminals before the Nuremberg Military Tribunals under Control Council Law ) ඒ සම්මුතියේ අඩංගු වන කාරණා දහය අතර වැදගත් වනුයේ මානවයාගේ අනාගතය තුළ මානව නිදහස ගැන තහවුරු කර ගත් තීරණයන්ය.විශේෂයෙන්ම  සෞඛ්‍යමය කාරණා වලදී පර්යේෂණ සඳහා නියැදි වශයෙන් මානවයා භාවිතා නොකළ යුතු බවට ඒ සම්මුතියේ දැඩි ලෙසට දක්වා තිබේ.

          නිරෝගී බව පවක්වාගෙන යෑමට සෞඛ්‍ය පුරුදු අනුගමනය කිරීම වැදගත්ය.ශිෂ්ඨාරවත් සෑම ජාතියක්ම තමන්ටම ආවේණීක වූ සෞඛ්‍ය පුරුදු සහ ප්‍රතිකාර අනුගමය කළ අතර ඒවා වසර දහස් ගණනාවක් තිස්සේ පරිණාමය වෙමින් ස්ථීර වූ පාරම්පරික ක්‍රමයන් ලෙසට පවත්වාගෙන පැමිණ ඇත. ලෝක සෞඛ්‍ය සංවීධානය විසින් මුලු ගැන්වූ එක් සමුලුවක් පවත්වන ලද්දේ චීනයේ බීජිං නගරයේ දීය. මෙම සමුලුවේ දී මෙම පාරම්පරික සෞඛ්‍ය පුරුදු  ප්‍රතිකාර වීධි සහ ඖෂධ පිළිබඳ සෑම දෙනෙකුම දැනුම්වත් වූහ. ඒ අනුව ඒ ක්‍රම පිළිගත යුතු යැයි බීජිං සම්මුතියේ සඳහන් කළහ. (Adopted by the WHO Congress on Traditional Medicine, Beijing, China, 8 November 2008 ) ලෝක සෞඛ්‍ය සංවිධානය විසින් අනුගමනය කරනු ලබන එක් සම්මුතියක් වශයෙන් මෙය පිළීගැනුමට ලක්ව තිබේ.

       වසර තිහක් පැවතී කොටි ත්‍රස්ත ක්‍රියාකාරකම් නවත්වා ලීමට ලක් රජය විවිධ අවස්ථා වලදී උත්සාහ දර ඇත. ඒ සෑම අවස්ථාවකදීම ඒ පියවරයන් ආපස්සට හැරවීමට සමත් වූයේ ජාත්‍යන්තරව ඇති වූ විවිධ බලපෑම් හේතු කොටගෙනය. අවසානයේ මහින්ද රජපක්ෂ ජනාධිපතිවරයා ගේ සමයේ දී ඒ සෑම අත්දැකීමක්ම පාඩමකට ගනිමින් නන්දි කඩාල් කලපුවේ දී කොටි සහමුලින්ම පරාජයට පත් කර ඒකීය රට ආරක්ෂා කරන ලද්දේ විදෙස් යුධ විශේෂඥයන් ගේ ක්‍රමයට නොවේ. වසර දෙදහස්පන්සීයක ඉතිහාසයේ මෙරට රණවිරුවන් විසින් අනුගමනය කරන ලද ඔවුන්ටම ආවේණික ක්‍රියාදාමයන් මගිනි. හිටපු හමුදාපති සරත් ෆොන්සේකා මහතා මෑතකදී මේ බැව් හෙළි කරන ලද්දේය.සටන් පිළිබඳ තිබෙන දැනුමත් පාරම්පරික වෛද්‍ය ක්‍රම  පිළිබඳ දැනුමත් කෘෂීකර්මය පිළිබඳ ආවේණික දැනුම් සම්ප්‍රදායත් මෙරට සිංහලයන් ගේ ජාතික උරුමයන් වෙති.

      නිරෝගීමත් ජනතාවක් රටේ බිහිකරලීමටද මෙම ආවේණික ක්‍රමයන් දුරාතීතයේ සිට භාවිතා කර තිබේ.විශේෂයෙන්ම වසංගත වලින් මිදීම සඳහා ඉතිහාසයේ විවිධ කාලවකවානුවලදී අනුගමනය කරන ලද ක්‍රමවේද රැසක් පිළිබඳ තොරතුරු අදටත් ජීවමානය.වර්තමාන කොරෝනා වසංගත තත්වය හමුවේ සිංහල සහ ආයුර්වේද ප්‍රතිකාර මගින් සුවපත් බවට පැමිණි බොහෝ දෙනෙකු සිටිති.ආයුර්වේද රෝහල් වලට ඇතුලත් වූ රෝගීන් රැසකට සම්පූර්ණ සුවය අත් වූයේ අපගේ ප්‍රතිකාරයන්හි පවතින විධිමත් දාර්ශනික පසුබිම නිසාය.විශේෂයෙන්ම රෝගීන් විෂයෙහි දිය යුතු ආහාර වර්ග ගැන දේශීය ප්‍රතිකාර වලදී දැඩි ලෙස සැලකිලිමත් වේ.

පොදුවේ රජයේ රෝහල් වල ලබාදෙන තැඹිලි බිත්තර මස් ආදිය වෙනුවට සැහැල්ලු ලඝු ආහාර  සහ කැඳ ලබා දීමෙන් රෝගියා ඉක්මනින් සුවපත් කරන ආකාරය දේශීය වෛද්‍යවරුන් දනී.

    වත්මන් කොරෝනාව අමුතු වෛරසයක් නොවේ.එය ලෝකයේ පැවති දෙයකි.වෙනසකට වේ නම් වේගයෙන් පැතිරීම පමණකි.විද්‍යාඥයන්ගේ මැදිහත්වීම නිසා මේ වෙනස ඇති ව තිබෙන බව දැන් ලෝකයම දනී.මෙම වෛරසය ප්‍රථමයෙන්ම මුදා හරින ලද්දේ 2012 වසරේදීය. සවුදි අරාබියෙන්ය. මේ ගැන තෙරතුරු   ලෝක සෞඛ්‍ය සංවිධානය විසින්  වාර්තා කර ඇත. ඒ අනුව ලංකාවේ වසංගත රෝග අංශ වලටද ඒ පුවත දැනුම් දී තිබේ.එවකට වසංගත රෝග අංශයේ ප්‍රධානී වෛද්‍ය පබා පලිහවඩන මහත්මිය විසින් සෞඛ්‍ය ක්ෂේත්‍රයේ සිටින ක්‍රියා කාරීන්ට නිකුත් කළ චක්‍ර ලේඛනයකින් ඒ බැව් සනාථ වේ.2015  ජූනි 28 දින නිකුත් කරන ලද ඒම ලියැවිල්ලේ රෝගයේ ස්වභාවය අතුරු ආබාධ සහ වසංගතයේ දී අනුගමනය කළ යුතු සෞඛ්‍ය පුරුදු එහි විස්තරාත්මකව දක්වා තිබේ.

     2012 වැනි කාලයකදී මතු වූ මෙම වෛරසය කොවිඩි 19 යනුවෙන් නම් කරන ලද්දේ කුමක් නිසාදැයි දැන් පැහැදිලිය.2012 -15 දී මෙම වෛරසය ලොව පුරා පතුරුවා හැරීමට නොහැකි වූ නිසා ඒ වෛරසය තවත් වැඩි දියුණු කොට 2019 දී මුදාහල බව පැහැදිලිය.මෙහි අරමුණු අතර බොහෝ දේ තිබෙන්නට ඇත.යුධ අවියෙන් පාලනය කළ නොහැකි ලෝකය ඖෂධ මගින් පාලනය කර ගැනීමට සැලසුම් කිරීම මූලික සැලැස්ම යයි සිතමි. ඒ සඳහා ‌ෛවෙරසය මුදා හරින කාල වකවානුවේදීම එන්නත් වර්ග පී.සී.ආර්. කට්ටල ඇන්ටිජන් කට්ටල මුඛ වැසුම් අත්සේදුම් දියර සහ විවිධ උපකරණ නිෂ්පාදනය වි ඇත.2020 වන විට වෛරසය මතු වීමත් සමගම ඉතා ඉක්මනින් ලොව පුරා අලෙවි වන්නට පටන් ගැනුණේ කලින් සූදානම් කරන ලද ඖෂධ සහ උපකරණයන් බව පැහැදිලිය.වෛරසය සඳහා භාවිතා වන එන්නත ගැන සාකච්ඡා කරන කල්හි ඇමරිකාව වැනි රටක කාලයක සිට සෙම් රෝග සඳහා එන්නත් භාවිතා කරන ආකාරයයි. ඇමරිකාවේ පැරණි ශිෂ්ඨාචාරයන්හි පාරම්පරික වෛද්‍ය ක්‍රමයන් තිබුණද ඒව නොතකා හැර නූතන ඇලොපති වෛද්‍ය ක්‍රමය එකම වෛද්‍ය ක්‍රමය සේ සලකා සෞඛ්‍ය ආධිපත්‍යක් ස්ථාවර කර ඇති බව පැහැදිලිය. එයට ප්‍රමුඛ හේතුව ඖෂධ සමාගම් වල ලාභය මුල් තැනේ ලා සැලකෙන බැවිනි.එවිට නූතන වසංගත තත්වය ලොව පුරා මුදා හැරීමේ මූලික අරමුණ යළි තේරුම් ගැනීමට පහසුය .කෙසේ වෙතත් මේ වන විට සෑම රටකටම එන්නත් ලබා දී විශ්ව එන්නත් වෙළඳ පළක් බිහි කර ඇත.අවසානයේ එන්නත් අවසර පත්‍රයක්  ලබා දීම දක්වා එය පුළුල් කර ඇත.මෙම  පරිවර්තනය හරියට හරිත විප්ලව සමයේ දී කෘෂි රසායන ලොව පුරා බෙදා හැරීමේ දී අනුගමනය කළ ක්‍රමවේදය සිහිපත් කරයි.

    වර්තමාන සෞඛ්‍ය ඇමති කෙහෙළිය රඹුක්වැල්ල මහතා විසින් 2022 ජනවාරි 25 දාතම යටතේ 2264/9 ගැසට් පත්‍රය නිකුත් කරන ලද්දේ ඇමරිකා මහද්වීපය තුළ සිදු කරන ලද මෙහෙයුම ලංකාවේ ස්ථාවර කරලීමට බව කිව යුතුය.එන්නත් නොගත් අයට පොදු ස්ථාන පොදු ප්‍රවාහනය ඒ ගැසට්ටුවෙන් තහනම් කර ඇත.මෙම ගැසට් පත්‍රය වලංගු වන්නේ 2022 අප්‍රියෙල් මස 30 වනදායින් පසුවය.එයටද විශේෂ හේතුවක් ඇත.මේ වන විට ආණ්ඩුව විසින් ගෙන්වා බෙදා හරින ලද එන්නත් වර්ග කීපයක්ම තිබෙන අතර අවසාන වරට ගෙන්වා ඇත්තේ ඇමරිකාව විසින් නිෂ්පාදනය කරනු ලබන එන්නත වර්ගයකි. එය බූෂ්ටරයක් ලෙසට හැඳින්වුවද එය එසේ නොවේ. එය තවත් එන්නත් මාත්‍රාවක් පමණකි.ආණ්ඩුව විසින් ගෙන යන ලද එන්නත් වැඩ පිළිවෙලේදී මරණ අඩු වූ බවද රෝගීන් සංඛ්‍යාව අඩු වූ බවද පැවසීම සත්‍යයක් නොවේ. එන්නත් වේගවත් කරන සැම විටම රෝගීන් සංඛ්‍යාවද වැඩි වී තිබේ. සෞඛ්‍ය අමාත්‍යංශය විසින් නිකුත් කරන ලද වාර්තා වල ඒ බව දක්වා තිබේ.

  මීට හේතුව එන්නත් වලට අඩංගු කර තිබෙන්නේ අඩපණ නොකරන ලද වෛරසයක් හේතුවෙනි.කෙසේ වෙතත් මේ තුන් වන මාත්‍රාව මුදල් වියදම් කොට ලංකාවට ගෙනාවද විදගෙන තිබෙන්නේ සියයට තිහක් වැනි ප්‍රතිශයක් පමණි. පොදු ස්ථාන වලට ඇතුළු වීමට එන්නත් අවසර පත්‍රය අනිවාර්ය කිරීමට නීති සකස් වනවා යැයි ප්‍රකාශ කරමින් ජනතාව බිය ගැන්වුවද මෙවර එය සාර්ථක වූ යේ නැත.එයට හේතුව බහුල වශයෙන් අතුරු ආබාධ සහ මරණ වාර්තා වීමයි.ලේ කැටි ගැසීමෙන් සිදු වන මරණ හෘදයාබාධ අංශබාග හතිය කකුල් ඉදිමීම ඇඟට පණ නැතිවීම ඇසි අන්ධවීම යන රෝග ලක්ෂණ ගැන සමාජයෙන් අහන්නට ලැබෙන අතර මේවා එන්නත ගත් නිසායැයි සහතිකයක් දෙන්නට සෞඛ්‍ය අංශ මැළිවේ.නමුත් සත්‍ය තත්වය වසන් කර ඇති බව ජනතාව දනී. මේ අතර ගෙන්වන ලද එන්නත් තොගය කල් ඉකුත් වීමට ආසන්නය. ගෙනා තොගයෙන් ලැබෙන කොමිස් මුදල් කී දෙනෙක් අතට හුවමාරු වනවා දැයි අප දන්නේ නැත. මේ තත්වය මත අප්‍රියෙල් 30 දිනයක් තබා ගැසට්ටුවක් නිකුත් කරන ලද්දේ ජනතාව තවදුරටත් බිය ගන්වා එන්නතට පෙළඹවීමටයි.

            කලින් දක්වා ඇති පරිදි පර්යේෂණාත්මක ක්‍රියාවන් සඳහා මානවයා යොදා ගැනීම ලෝක සම්මතය හැටියට නීති විරෝධී වෙයි.එන්නත තවමත් පර්යේෂණාත්මකව පවතී. මේ වන විට ඔස්ට්‍රේලියානු සෞඛ්‍ය දෙපාර්තමේන්තුව විසින්  කොවිඩ් 19 සඳහා ගත් එන්නතෙන් ඇතිවූ අතුරු ආබාධ වලට වන්දි ගෙවීම ආරම්භ කර තිබේ.ඒ අතර කොවිඩ් 19 එන්නත විද ගැනීමෙන් පසු ශරීරයේ ප්‍රතිශක්තිකරණ පද්ධතිය බිඳ වැටෙන ආකාරය ගැන වැදගත් පර්යේෂණයක්ද බ්‍රිතාන්‍ය රජය විසින් කර වාර්තාවක් නිකුත් කර තිබේ.( The British government has spilled the beans about that fact that once you get double jabbed, you will never again be able to acquire full natural immunity against Covid variants - or possibly any virus. in its Week 42 “COVID-19 vaccine surveillance report,” the U.K. Health Security Agency admitted on page 23 that “N antibody levels appear to be lower in people who acquire infection following two doses of vaccination.” It goes on to explain that this antibody drop is basically permanent.)මෙවැනි යථාර්තයක් ලෝකය පුරාම දක්නට තිබුණද ලංකාවේ බහුතරයක් විශ්වාසය තබනුයේ විද්‍යුත් නාලිකා වල දක්වන ප්‍රචාරයන් පමණි. මුදල් හම්බ කිරීමේ චේතනාවෙන් හෝ ඇමරිකාවේ නියෝගය පිළීපැදීමෙන් හෝ පාලන අධිකාරිය මේ ක්‍රියාවට පෙළඹී තිබෙන බව පැහැදිලිය. මෙවැනි  මානව විරෝධී ක්‍රියාවන් සඳහා විශේෂ අධිකරණයක් පවත්වා දඬුවම් දීම අනිවාර්යෙන්ම කළ යුතුය. මානවයාගේ කැමැත්තකින් තොරව අතුරු ආබාධ හෝ මරණ ගැන නොදන්වා කටයුතු කිරීම මූලික අයිතිවාසිකම් කඩ කිරීමකි. එසේම බලවත් පාරම්පරික වෛද්‍ය ක්‍රමයක් තිබෙන රටක ඒ වෛද්‍ය ක්‍රමය නොසලකා හැර අධිපතිවාදී මානසිකත්වයකින් කටයුතු කිරීම නිසා මේ රටේ උරුමයට වී තිබෙන බලවත් හානිය ද තක්සේරු කළ නොහැකිය.ජනාධිපතිවරයා නිදහස් දිනයේ දී ප්‍රකාශ කරන ලද්දේ මානව අයිතිවාසිකම් සුරැකීමට නිරන්තරයෙන් රජය කටයුතු කරන බවයි. නමුත් සෞඛ්‍ය ඇමතිගේ ගැසට්ටුවෙන් හිට්ලර් අනුගමනය කර ඇති බවද ආණ්ඩුක්‍රම ව්‍යවස්ථාවේ මූලික අයිතිවාසිකම් ඡේදයේ අඩංගු කරුණු සම්පූර්ණයෙන්ම උල්ලංඝණය කර ඇති ආකාරයද 1961 ආයුර්වේද පනත සාක්ෂි ආඥා පනත මැතිවරණ පනත අපරාධ නඩු විධාන සංග්‍රහය ආදි නීති නොසලකා තිබෙන බවද පෙන්වා දිය හැකිය.

මතුගම සෙනෙවිරුවන්