නානවනම් නාන්න නෝනේ

 

 

 

ඇමරිකන් තානාපතිනිය සිංහල ඉගෙනීම අරඹා ඇතැයි වාර්තා වන අතර ඇය දළදා සමිඳුන් වැඳ පුදා ගැනීමට දළදා මාළිගයට පැමිණි බවද මාධය වල පුවත් පළ විය.මේ අතර වාරයේ කෝට්ටේ මහානායක හිමි පූජ්‍ය කොටපිටියේ රාහිලු හිමි සහ මහනුවර මල්වතු අස්ගිරි නායක් හිමි යන් බැහැ දැකීමට ගිය බවත් දැක්වේ.

1815 දී රට ගිවිසුමකින් බ්‍රිතාන්‍ය ට භාර දීමට කලියෙන් ඉංග්‍රීසි ආණ්ඩුවේ විශේෂ නියෝජතයෙකුද මෙලෙස හැසිරුණු බව අප දනිමු. ඔහු තමයි ජෝන් ඩොයිලි. ඔහු කරතොට හිමියන් ගෙන් සිංහල ඉගෙන උඩරට රාජධානිය තුළ සිදු වන සියලුම දේ තමන්ගේ ආණ්ඩුවට වාර්තා කළ පුද්ගලයෙක්.රජ වාසලේ මත් පැන් ඇබ්බැහි වීමත් මහා නායක හිමිවරුන් ගේ ගූණ අගුණත් ඔහු වාර්තා කළ අනෙක් දේ බවට පත් වෙයි. අවසාන උඩරට රජු බලයෙන් පහකොට බ්‍රිතාන්‍ය රජයට ලංකාව ඈඳා ගැනීම සඳහා කළ මේ විශිෂ්ට ඔත්තු සේවා මෙහෙයුම අද කරන්නේ ජුලී චන්ග් තානාපතිනියයි.

   ගෝඨාභය ජනපතිවරයා බලයෙන් පහකිරීමට ඇය දැක්වූ මැදිහත් වීමද විශිෂ්ට බව යම් දිනක ඇමරිකාව සටහන් කර තබාවි.අරගලය දියත් වූ එක් රාත්‍රියක ඇය මිරිහානේ නිවසට පැමිණ ගෝඨාභය වෙනුවෙන් යාඥා කල බව පැවසෙයි. අනතුරුව කීප විටක්ම ජනපති හමු වීමට ගොස් තිබෙන ඇය අවසාන තත්පරයේ දී අරගලට උත්සන්න වී ජනපති මන්දිරය වට කරන විට වහාම ඉල්ලා අස්වන ලෙසට ජනපතිවරයාට බල කර සිට ඇත. ඇමරිකාව ගැන ඉහළින්ම විශ්වාසය තබා සිටි ගෝඨාභයට ප්‍රභාකරන්ට සිදු වූ දේ සිදු වන්නට වැඩි කාලයක් ගත වී නැත.මේ කාලයේ වරින් වර කතා නායක වරයා විදේශ ඇමතිවරයා මෙන්ම ජ.වි.පෙ. නායකයාද හමු වීමට ජුලී චන්ග් අමතක කර නැත. අරගලය සඳහා අවශ්‍ය පන්නරයද මුදල් ද ඇය ලබා දෙන්නට ඇති. ඇයගේ ආරක්ෂාවට කලු සෙබල කණ්ඩායමක් සිටි බවද දැන ගන්නට ඇත. මේ මගින් මැති ඇමතිවරුන් පමණක් නොව ජනපතිවරයාද බිය ගන්වන්නට ඇති බව නිසැකයි.මරණ බයට මුදලට තිබෙන කෑදර කමට පමණක් නොව ඇමති කටු වලට තිබෙන වුවමනාවට මානව හිමිකම් වලට අරගලයට ඉඩ දී රට අස්ථාවර වුණ බව දැන් අපි දනිමු. ජුලී රනිල්ට කැමති නැත. රනිල් කපටියෙකු බව ඇය දනී.මෝඩයන් අන්දවා වැඩ ගැනීමේදී කපටියෙකු ජනපතිවරයෙකු වූ විට මෙහෙයුමට බාධා එල්ල වේ. ඒ නිසා සරත් ෆොන්සේකා අනුර දිසානායක ආදීන් අල්ලා ගැනීම ඇයගේ සැලසුමේ කාරණා කීපයකි.පෙරටුගාමීන් යොදවා භික්ෂූන් වහ්නසේලා ට අපහාස කිරීම පටන් ගෙන ඇත.භික්ෂු විශ්ව විද්‍යාලයේ කලබගෑනිය ඒ සඳහාය. මාධ්‍ය වලට අවශ්‍ය එන්නත කල් තියා සූදානම් කර තිබුණි.ඩයස්පෝරාවේ මුදල් සඳහා රනිල් එකඟ කර ගැනීම කජ්ජකි.වික්ටෝරියා නූලන්ඩ් පැමිණ තානාපතිනියත් ජනපතිත් අතර යම් සංහිඳියාවක් ඇති කර ඇත.ජගත් මූල්‍ය අරමුදලේ සහාය රනිල්ට ලැබෙන්නේ ඒ නිසාය.රනිල් ලවා ඇමරිකානු න්‍යාය පත්‍රය ක්‍රියාත්මක කිරීමට දැඩි නීති රීති අවශ්‍ය වෙයි. ප්‍රති ත්‍රස්ත පනත ඒ සඳහාය.ඇතැම් විටක මේ පනතේ කෙටුම්පත ඇමරිකානු තානාපතිනිය හරහා පැමිණෙන්නටද පිළිවන. තත්වය භයානකය.

    රට බෙදීමේ න්‍යාය පත්‍රයට රනිල් කැමතිය. ගරුඩෙකු සිටියා කියා සිය නිවසේ වත්තේ පොල් ගසක් කපා දැමූ රනිල්ට ජනවාර්ගික ප්‍රශ්ණය කියා නැති ප්‍රශ්ණයක් ඇදගෙන  රට බෙදීම මහ ලොකු වැඩක් නොවේ.ඔහු වරින් වර ඒකට පසුබිම් හදන්නට උත්සාහ කරයි.ඔහු මේ සෙල්ලම් කරන්නේ ඉදිරි ජනපතිවරණයේ දී විරුද්ධ පක්ෂේ බලවතෙකු නොමැතිවම යළි බලයට පත් වීමටයි.ඒ සඳහා ජූලි නෝනාගාගේ සහාය අවශ්‍ය වෙයි.කෙසේ වෙතත් ජුලී නෝනා මේ නටන්නේ බුදුන් වහන්සේට පූජා කළ පින් බිමක සිටයි. දළදා හාමුරුවන්ට පූජා කළ පින් බිමක සටයි. නෝනා ගේ නැටීම නෑමක් බවට පත් කරන්නට හැකි වන්නේ ද එක් අතකින් ඩොයිලි හැදූ යටත් විජිත දැලේ පැටලුන කැප්පෙටිපොලලා වැනි අයටයි. නැතිනම් ඉතිහාසය මගින් පන්නරය ලබා සැබෑ ජයග්‍රහණයක් සඳහා මෙහෙයවන්නට හැකි පුද්ගලයන්ටයි.ඉරණමත් දෛවයත් එක ලෙස ලියැවී තිබෙන මේ මොහොතේ අපි අපගේ කැප කිරීම කරමු.