වසර හතරක් අරගල කලේ මුස්ලිම් අන්තවාදයට කප්පම් දෙන්නද

                         

         පැවති යහපාලන රජය විදේශ න්‍යාය පත්‍රයක් සමග බලයට පත් වීමෙන් මෙරට ජාතික ආරක්ෂාවත් ජාතික උරුමයත් බරපතල ලෙස අර්බුදයට ගිය ආකාරය පසුගිය කාලයේ දී දැක ගත හැකි විය. ජිනීවා මානව හිමිකම් කවුන්සලය හා ඒකඟව 30/1 යෝජනාවලියට සම අනුග්‍රහය දැක්වීම මින් පළමුවැන්නයි. ඉන් පසු ඒම න්‍යාය පත්‍රය ප්‍රකාරව රට බෙදීමට අවශ්‍ය නව ව්‍යවස්ථාවක් කෙටුම්පත් කිරීම ආරම්භ විණ. හමුදා බුද්ධි අංශ අකර්මණ්‍ය කරනු ලැබූ අතර උතුරේ දෙමළ අන්තවාදී දෙශපාලනඥයන් හට වර දාන ලැබුණි. රටට අහිතකර නොයෙකුත් පනත් කෙටුම්පත් පාර්ලිමේන්තුවේ දී සම්මත කරනු ලැබූවේ ඉතාම හිතුවක්කාර පරිදිය. අතුරුදහන් තැනැත්තන් පිළීබද පනත ඒම කාර්යාලීය පනත ආදිය සම්මත කර ගැනීමට කළ උත්සාහය නිසා කොටි ත්‍රස්තයන් ගේ පවුල් වලටද අද වන්දි ගෙවීමට සිදු ව තිබේ. ඒසේම රණවිරුවන් රාශියක්ද ස්වාමීන් වහන්සේලා රාශියක්ද සිරගත කරනු ලැබිණ.යහපාලන රජයේ මේ අමන  තකතීරුකම් වළක්වාලීමට කළ අරගලය 2015 වසරේ සිටම ආරම්භ විය. ගෙදර යැවූ මහින්ද රාජපක්ෂ හිටපු ජනති වරයා දෙස සානුකම්පිකව බැලූ ජනතාව යලි ඔහුගේ දෙශපාලන ආගමනය බලාපොරොත්තු වූයේ රටම අසරණ වී ඇතැයි සිතූ නිසාය. ඒම තත්වය මත. විමල් ගම්මන් පිල ආදීන් ගේ මෙහෙයවීම මත. නුගේගොඩින් ඇරඹී මහින්ද සුළග දේශපාලන පක්ෂයක් බවට පත් වී පැවති පළාත් පාලන මැතිවරණයෙන් මහා ජයග්‍රහණයක් ලබා ගත්තේය. මේ අරගලය දේශපාලන අරගලයක් පමණක් නොවේ.ඒය දේශ ප්‍රේමය ජාතිකත්වය කුලු ගන්වා රටේ ආනාගතය සුරක්ෂිත කර ගැනීමට ඇරඹි ජාතික සටනක් බවට පත් විය.

           චන්ද්‍රිකා  ජනපතිනිය සමයේ ඇරඹි මුස්ලිම් අන්තවාදයේ කූඨ ප්‍රාප්තිය සිදු වූයේ පැවති යහපාලන සමයේ දීය.ආරාබි විදුහල් මද්‍රසා පාසල් ආදීය පාර්ලිමේන්තු කෙටුම්පත් වලින් ආවරණය වී ශක්තිමත් වූ මේ අන්තවාදය තුළ මත්ද්‍රව්‍ය සහ වෙනත් අනාචාරයන් වේගයෙන් වර්ධනය විය. රජයේ නිළධාරීන්ද  දේශපාලකයන්ද තරගයට මෙන් මේ මුස්ලිම් අන්තවාදීන්ට නතු වීමෙන් රජයේ ආයතන හරහා පවා මත්ද්‍රව්‍ය වෙළෙදාම ප්‍රචලිත වූ බව නොරහසකි. විලපත්තු පරිවාර රක්ෂිතයක් වූ මරිච්චකට්ටුව කපා මුස්ලිම් අන්තවාදීන් ගේ ජනාවාසයක් ස්ථාපිත කරලීම 2012 -13 කාල වකාවානුවේ සිදු වුණද ඒයට අවශ්‍ය පසුබිම නිර්මාණය වූයේ අනූව දශකයේ දීය. කෙසේ වෙතත් විල්පත්තුව කැපූ දේශපාලනඥයාගේ අන්තවාදී අත්පත් කිරීම් සහ මූලධර්මවාදී බලාපොරොත්තු සියල්ල දැන් හෙළ වී අවසන්ය. ඇමරිකාවේ අවශ්‍යතාවය මත මේ අන්තවාදීන් ට නොයෙකුත් ආධාර උපකාර ලැබුණේ රට අස්ථාවර කරලනු පීණිසය.සහරාන් ලා බිහි වූයේ ඒ නිසාය. පාස්කු ප්‍රහාරය තුළින් ජන හදවත් දෙදරුම් කෑ අතර මේ ව්‍යසනයට ඒකම පිළියම යහපාලනය පෙරලා දමා නව පාලනයක් පිහිටුවා ගැනීම බවට මහා අවශ්‍යතවායක් පැන නැගිණ. රනිල් වික්‍රමසිංහ කෙතරම් උත්සාහ කළද මේ ජන රැල්ල ආපුස හැරවිය නොහැකි විය. 2019 ජනපතිවරණය සමය වන විට විදෙස් ගත දේශප්‍රේමීන් පවා මෙරටට පැමිණෙමින් රට දැය සමය ආරක්ෂා කර ගනීමට ඉදිරිපත් වූයේ 2009 යුද්ධ කාලයේ මෙන් පෙළ ගැසුණු ජාතිමාමක බලවේග ආදර්ශයට ගනිමිනි. මේ අරගලයේ අවසාන බලාපොරොත්තුව ලෙස ගෝඨාභය රාජපක්ෂ මහතා මේ රටේ නායකත්වට පත් වීම සැනසුම් සුසුමක් බවට පත් වූයේ ඔහු රුවන් මැලි මහා සෑ රදුන් අභියසදී කළ දිවුරුමත් කළ ප්‍රකාශයත් හේතු කෙටගෙනයි.

    දැන් නව ජනපතිවරයෙක් යටතේ නව ආණ්ඩුවක් බලයට පත්ව මාස තුනක් ඉක්මවා යමින් ඇත. පසුගිය යහපාලන සමයේ මහා බැංකුව කොල්ල කමින් කළ ආර්ථික ඝාතනයන් නිසා රට බංකොලොත්ව තිබෙන ආකාරය ඇස් පනා පිට ප්‍රදර්ශනය වන්නේ සංවර්ධන කටයුතු සඳහා පවා මදි පාඩු නැතිව වියදම් කරලීමට මහා භාණ්ඩාගාරයට හැකියාවක් නොමැති බැවිනි. ඒය ජනතාව නොදන්නවා නොවේ. සහල් මිළ ගණන් ඒළවලු මිළ ගණන් අහස උසට යමින් පීඩාවක් ඇති කළද ජනතාව ඉවසා දරා ගෙන සිටින්නේ රටේ සුරක්ෂිත වේ යැයි පවතින  විශ්වාසය මතය. නමුත් නව රජයේ අගමැති මහින්ද සිය කැබිනට් මණ්ඩලය තුළ කරන කටයුතු දෙස මේ මොහොත් විමතියෙන් බලා ඉන්නට සිදුව තිබේ. නව රජය පත් වූ අලුතම ගල් වැලි ප්‍රවානයට පනවා තිබූ බලපත්‍ර ක්‍රමය අහෝසි කෙරුණී. කදුවැටි කපා වෙල් ගොඩ කරන්නට සිය ජාවාරම් මගින් ලාභ උපයන්නට සිටි පුද්ගලයන්ට එය රජ මගුලක් විය. පනතේ කෙසේ සදහන් වුවද කැබිනට්ටුවේ ක්‍රියාකලාපය නීතියට පිටින් යෑමක් බවට පත්ව තිබේ. දිනෙන් දිනම ඔවුන් ගන්නා තීරණ ප්‍රගතිශළි නොවේ.වසර හතරක් පුරාවට අරගල කොට දේශප්‍රෙමය අවදි කරමින් සිටි දේශමාමක ජනතාවට මෙය ඉවසුම් දෙන්නක් නොවේ.

          2015 ට පෙර මිහින්ද රාජපක්ෂ මහතා ජනපතිවරයාව සිටි සමයේ මුස්ලිම් අන්තවාදය පෝෂණය කළ ආකරය ඉතා ඛේජනක ය. රිෂාඩ් බද්යුදීන්  ට අවශ්‍ය ආකාරයට ආයතන පවරා දෙමින් නීති විරෝධිව ජාවාරම් කරලන්ට උඩගෙඩි දුන් ආකාරය රහසක් නොවේ අලුත්ගම දර්ගානගරයේ ඇතිවූ සිද්දිය රාජිත සේනාරත්න ඇතුලු කුමන්ත්‍රණ කරුවන් විසින් ඇවිල වූවක්ය. ඒම ගින්න නිසා ඇතිවූ ගැටුම තුළ මුස්ලිම් ජනතාවට වඩා සිංහල ජනතාව මහින්ද කෙරෙන් බිදුණි . මෙය මහින්ද තේරුම් ගත්තේ නැත. ඔහුගේ හිතුවක්කාර ආධිපත්‍ය නිසා බස්නාහිර පලාතේ චන්ද වලින් ඔහු පරාජයට පත් වූ ආකරය අදටත් පිළිගන්නේ නැති බව නිසැකය. අද වන විට මහින්ද මේ රටේ අගමැතිවරයා වෙයි. නව ජනපතිවරයෙකු යටතේ නව ගමනක් යා යුතු මොහොතක ඔහුගේ හැසිරීම  ගැන අපට සතුටු විය හැකි නොවේ. යම් යම් පත්වීම් ලබා දීමට ඔහු කටයුතු කරන ආකරය මෙන්ම මුස්ලිම් අන්තවාදය නැවත පෝෂණය කරලීමට ගන්නා උත්සාහය ඉතා පිළිකුල් සහගතය. පැවති රජය හෙබවූ අගමැති රනිල් වික්‍රමසිංහ ඉන්දීය අගමැතිවරයාගේ වුවමනාව මත අඹගමුව ප්‍රා දේශීය සභාව තුනකට කඩා ජාතිවාදී පදනමින් මස්කෙළිය සහ නොර්වුඩ් ප්‍රා දේශීය සභා දෙකක් ඇති කලේය. ඒ අති විශේෂ ගැසට්ටුවක්  උපයෝගී කරගනිමිනි. මේ සදහා සීමා නිර්ණ කෙමිසමේ නීර්දේශය පවා නොලැබී තිබුණි. දැන් මහින්ද රජපක්ෂ රජය සයින්දමරුදු සදහා නගර සභාවක් ලබා දී ඇත. කලින් කල්මුනේ නගර සභාව බිහිවන්නේ 1987 වසරේ දීය.පසුව 1999 දී ඒය මහනගර සභාවක් බවට පත් වන්නේ සිංහල දේශපාලඥයන් ගේ චන්ද අවශ්‍යතාවය මතය.කල්මුණේ උතුර ඇරුණූ කොට සයින්දමරුදු සහ කල්මුණේ වල සිසයට සියයක් සිටින්නේ මුස්ලිම් අයයි.  මේ පෙදෙස සඳහා වෙනම මුස්ලිම් පරිපාලනයක් ඉල්ලා සීටිම කාලයක් තිස්සේ සිදුවූවක්ය.අනාගත මුස්ලිම් දේශයක් කරා යන ගමනේ  අනිවාර්ය අවශ්‍යතාවයක් ලෙසට ඒය ඔවුන් විසින් සළකන බව පෙනේ.   මහින්ද රජපක්ෂ ජනපතිවරයා යටතේ 2014 දක්වා ද රනිල් වික්‍රමසිංහ රජය යටතේ 2019 දක්වා ද ඒය සිදු කළ නොහැකි විය.ඒයට හේතුව වූවේ ඒ රජයයන් අප්‍රසාදයට පත් වේ යැයි තිබූ බිය නිසාය.නමුත් දැන් මහින්ද රජය කිසිම බියක් නොමැතිව සයින්දමරුදු සදහා මුස්ලිම් අන්තවාදී පාලන පෙදෙසක් ලබා දී ඇත.මෙය ඉතාම කණගාටුදායකය.වවුනියාවේ බෝගස් වැවට සහකාර  ප්‍රා දේශීයලේකම් කාර්යාලයක් ස්ථාපිත නොකරන වැලිඔයට තනි ප්‍රා දේශීය ලේකම් බල ප්‍ර දේශයක් අනුමත නොකර ආණ්ඩුව මුස්ලිම් බහුතරයක් වෙසෙන පෙදෙස් වලට අති විශේෂ ගැසට් ප්‍රකාශයට පත් කරති.එයින් අදහස් වන්නේ සිංහල බහුතරයකගේ චන්ද ලැබීම බලයක් බවට පත් නොවී ඇති බවයි.

            පසුගිය පාස්කු ප්‍රහාරය සිදුවූ කාලවකාවානුවේ සයින්දමරුදු නගරයේ මුස්ලිම් අන්තවාදය හා ත්‍රස්තවාදය ඉතාමත් ඉහළ මට්ටමක පැවතුණි.මේ බැව් ගෝඨභය රාජපක්ෂ මහතාද නොදන්නවා නොවේ. ඒහෙත් මේ සම්බන්ධව පරිපාලන තීරණ ගැනීමකදී ඒයට බාධකයක් ඒල්ල නොවිණ. මෙයට හේතුව ලබන මැතිවරණයේ දී මුස්ලිම් චන්ද බලාපොරොත්තු වීමයි. නැවතත් බද්යුදින් වැනි අන්තවාදීන් තුරුලට ගැනීමට මුස්ලිම් චන්ද වැඩි ප්‍රතිශතයක් ලබා ගත යුතුය.බද්යුදීන් ලා ගේ කුඩු සල්ලි වලින් මෙරට දේශපාලනය පමණක් නොව නිළධාරි තන්ත්‍රයද පාලනය කරන බවට තිබෙන තවත් උදාහරණයක් ලෙසට මෙම පියවර හදුනාගත හැකිය.. කෙසේ වුවත් මෙම පියවර අප වහා පරාජයට පත් කළ යුත අතර දේශයේ ස්වාධීනත්ත්වය ආරක්ෂා කර ගැනීම සහ නව රජය සුරක්ෂිතකරලීමේ  වගකීම තිබෙන නමුත් ඔවුන් ගන්නා අමන තීරණ ආපසු හැරවීමටත් මේ අවස්ථාවේ දී නව අරගලයකට සූදානම් විය යුතුය. එසේ නැතහොත් මේ රටේ සිංහල බෞද්ධ ජනතාව කබලෙන් ළීපට වැටෙනවා නිසැකය.

පෙබරවාරි හතරේ හිර කරන සෞභාග්‍ය යේ නිදහස

                                  

             

                වර්ෂ 1815 වසරේ අත්සන් කරන ලද ගිවිසුමක් මගින් සිංහල ද්වීපය නොහොත් සිංහලේ රටවල් බ්‍රිතාන්‍ය කිරීටයට පවරා දීම සිදු විය. මෙම කාල වකවානුවේ සිට වසර එකසිය පණහකට ආසන්න කාලයක් දක්වා මේ රට පාලන කළ ඉංග්‍රීසීන් 1948 පෙවරවාරි 04 වන දින ලංකා නිදහස් පණත නිදහස් රාජ්‍ය පණත ආරක්ෂක ගිවිසුම ඇතුලු පනත් කීපයක් මගින් ලංකාවට නිදහස ප්‍රදානය කළහ. නමුත් 1815 ගිවිසුමට අනුව නම් ඉංග්‍රීසීන් මේ රට නැවත භාර දිය යුතු වන්නේ පෙර අත්සන් කරන ලද උඩරට ගිවිසුම සිහිපත් කරවමිනි.එසේ වූයේ නම් ලංකාවට පූර්ණ ස්වාධිපත්‍ය හිමි වීමට ඉඩ තිබුණී.එහෙත් ඉංග්‍රීසීන් අනුදත් පණත් කීපයකින් නිදහස ප්‍රදානය වීම නිසා තවදුරටත් බ්‍රිතාන්‍ය මහ රැජිනට වග කියන ආණ්ඩුකාර වරයෙකු ගේ සහ පාර්ලිමේන්තුවක පාලනයට රට බැඳ තබා ගැනිමට අවසර හිමි විය. විශේෂයෙන්ම මෙහිදී ආරක්ෂක ගිවිසුම පෙන්වා දිය හැකිය. එහි පළමුවන වගන්තියේ සහ අවසාන වගන්තියේ සඳහන් වන පරිදි බ්‍රිතාන්‍ය නාවික සහ ගුවන් හමුදාවන්ට ලංකා භූමියේ ඉඩකඩ ලබා දිය යුතුය.පහසුකම් සැලසිය යුතුය. එසේම පොදු රාජ්‍ය (පොදු ධන ) මණ්ඩලයේ සාමාජිකයෙකු ලෙස ලංකා රාජ්‍යය සිය වගකීම ඉටු කළ යුතුය.මෙය කිසි සේත් නිදහස ලෙසට හඳුන්වන්නට නොහැකි වුණි. ස්වදේශිකයන් අතට පාලන බලය හිමි වුවද පෙර සිරිත අනුව රට පාලනය කර ගැනීමේ අයිතිය මේ දේශපාලනය තුළ අහිමි වී තිබෙන බව නිදහසේ ස්වභාවය ගැන කල්පනා කරන විට වැටහේ.එබැවින් වර්ෂයක් පාසා පෙබවරවාරි 04 නිදහස් දිනය වශයෙන් සැමරීම කෙතෙරම් කාලෝචිතද යන්න කල්පනා කොට බැලිය යුතුය.     

     එක්සත් ජාතික පක්ෂය ආසන 14 කට පසු බස්සවා ජයග්‍රහණය හිමිකර ගත් සිරිමා මැතිණිය 1972 වසරේ මැයි 22 දින දී මහජනයා ඉදිරියේ දිවුරුම් දී  ලංකාව පූර්ණ නිදහස් ස්වෛරී ජන රජයක් බවට පත් කළ ආකාරය මෙහිදී යළි සිහිපත් කළ යුතුය.  මෙයට එක්සත් ජාතික පක්ෂය සහමුලින්ම විරුද්ධ විය. පෙබරවාරි 04 නිදහස සැමරීමෙන් බැහැරව ජනරජ දිනයක් ප්‍රකාශයට පත් කිරීමට එරෙහි විය. මේ වන ජේ.ආර්. ජයවර්ධන මහතා පොදු රාජ්‍ය මණ්ඩලීය සැසි වාරයකට සාභාගි වීම පිණිස එංගලන්තයට ගොස් සිටියේය. ඔහු ආපසු ලංකාවට පැමිණියේ 1972 මැයි 17 වන දිනය. වෝඩ් පෙදෙසේ ඔහුගේ නිවස්නය වෙත ගිය පසු කළ පළමු කාර්යය නම් ජනරජ දිනය අගයා ප්‍රකාශයක් කිරීමයි.එම ප්‍රකාශය මෙසේය. ප්‍රශ්ණ බදාගෙන ජනතාව උසි ගැන්වීම වැරදියි යනුවෙන් එම ප්‍රකාශය මැයි 24 දිනමිණ පත්‍ර යේ පළ විය.

       ලංකාවේ විරුද්ධ පක්ෂයේ කර්තව්‍ය කුමක් විය යුතුද.පසුගිය විසි අවුරුද්ද තුළම සෑම ආණ්ඩුවක්ම මුහුණ පෑ සමාජය වෙනස් කිරීමේ ප්‍රතිපත්තියට අපත් විරුද්ධ විය යුතුද.සමාජය වෙනස් කිරීමට තැත් කළ අයට විරුද්ධ වීමෙන් අයත් වූ ඉරණම අපට නිදසුනකි.විරුද්ධ වීමේ පළියට විරුද්ධ නොවී බලයේ සිටින රජය සාධාරණ සමාජවාදී සමාජයක් පිහිටුවීමට තැත් කරනවානම් එයට සහාය දීම අප කළ යුතු නොවේ ද මෙය දැන් ජීවත් වන පරම්පරාවටත් ඉදිරි අනාගතයේ ඇති වන පරම්පරාවලටත් සෙත සලසන ක්‍රමයක් නොවේද නව සමාජයක් ගොඩ නැන්වීමට නව රජය ගන්නා පියවර වලට සහය නොදී ජීවන වියදම ප්‍රශ්ණය රැකී රක්ෂා ප්‍රශ්නය විදේශ විනිමය හිඟ ප්‍රශ්නය ආහාර ද්‍රව්‍ය හිඟ ප්‍රශ්ණය ආදී කී නොකී ප්‍රශ්න බදාගෙන ජනතාව උසි ගැන්වීමට වැඩ පිළිවෙලක් අනුගමනය කිරීම රට ප්‍රපාතයට වැටී ඇති අවස්තාවකට උචිතද

       බ්‍රිතාන්‍ය කිරීටය යටතේ අග්‍රාණ්ඩුකාරයෙකු පත් කර ස්වදේශිකයන් හට රට පාලනය භාර දී වසර විසිහතරක් ගෙවුණු තැනදී නව ව්‍යවස්ථාවක් සම්පාදනය කර ගනිමින් ස්වාධීන රටක් නොහොත් ජනරජයක් නිර්මාණය  කරගන්නට අපට හැකි වූයේ ජාති මාමකත්වයෙන් ඔද වැඩුණු ජන බලවේගයකින් පත් වූ ආණ්ඩුවකින් ගත් තීරණ නිසාවෙනි. එවකට තිබූ විදේශ ප්‍රතිපත්තිය රටේ ආර්ථික වෙනස්කම් ආදී සියල්ල මේ තීරණය ගැනීමට බලපා තිබේ. එවැනි අවස්ථාවක එයට සහාය පළ කළ යුතු බවට එදා ජේ.ආර්. ජයවර්ධන මහතා කළ ප්‍රකාශය සත්‍යය වුවත් ඔහු නැවත 1978 දී බලයට පත් වූ පසු ජනරජ ව්‍යාවස්ථාව වෙනස්කර නැවත වෙස්ට්මිනිස්ටර් පන්නයේ සංශෝධන රැසක් ඈඳා රටේ ස්වාධීනත්වය නැති කරලීමට කටයුතු කලේය.එම ව්‍යවස්ථාවේ 4 (8) වගන්තියෙන් පෙබරවාර් 04 නිදහස් දිනය වශයෙන් දක්වා තිබුණි. එමෙන්ම මානව හිමිකම් ප්‍රඥප්ති රටේ නීතියට වඩා ඉහළින් තබා මේ ව්‍යවස්ථාව නිර්මාණය කර තිබුණී. එසේම ඒකීය රටක් වූ ලංකාව භාෂාත්මකව බෙදීමට මෙන්ම 13 වන සංශෝධනය මගින් භූමියෙන් රට බෙදිමට ප්‍රතිපාදන වෙන් කරන ලද්දේය..1978 සිට මේ රටේ නැවත ක්‍රියාත්මක වූ අධිරාජ්‍යවාදය මෙන්ම එයට එහා ගිය නව යටත් විජිත සංකල්ප මත එතනින් පසු අපට පූර්ණ නිදහස ක්‍රමයෙන් අහිමි වූ බව පසු ගිය කාලයේ සිදු වූ සිදුවීම් වලින් පැහැදිලි වේ..

       රට නැවත එංගලන්තයේ සහ ඇමරිකාවේ යටත් විජිතයක් බවට පත් කරලීමට සකස් කළ බෙදුම්වාදී යෝජනා එට්කා ඇක්සා සහ එම්.සී. සී. ගිවිසුම් ආදිය මගින් රජයේ ස්වාධීනත්වය ක්‍රමයෙන් පිරිහීමකට ලක් කර ඇත.බ්‍රිතාන්‍යයන් සමග එදා ඇති කරගත් ආරක්ෂක ගිවිසුම නව වටයකින් ඉදිරියට එමින් ඇමරිකාව සමග අත්සන් කර ගැනීමට සහ ඔවුනට  ලංකා භූමියේ හමුදා පහසුකම් දීමට සිදුව තිබේ.රුපියලේ අගය අඩු කිරීමට සහ රටේ ආර්ථිකය ඝාතනය කරලීමට විදෙස් අනුමැතිය සහිතව කුමන්ත්‍රණයක්  දියත් වීමේ ප්‍රතිඵලය මත මේ සියල්ල සිදු විය. මහ බැංකු බැඳුම්කර කොල්ලය සිදු වූයේ ඉහත යටත් විජිත අරමුණු ඉටු කරලීමටයි. මෙයට විරුද්ධ විය හැකි ජාතිමාමක බලවේග මර්දනය කරලීමට විනිසුරුවන් සහ පොලිසිය අව භාවිත කළ ආකාරය දැන් හඬ පට මගින් හෙළිදරව් වී තිබේ.රනිල් වික්‍රමසිංහ මහතා විදේශ ඉත්තෙකු වශයෙන් තබා ගෙන ක්‍රියාත්මක වූ මේ මෙහෙයුම පූර්ණ වශයෙන් අවසන් වූයේ නම් අප නිදහස සමරන්නේ නැවත ඇමරිකන් තානාපතිවරුන්ගේ මූලිකත්වයෙනි. පසුගිය කාලයේ ඇමරිකන් තානාපතිනිය හැසිරුණු ආකාරය මේ අවස්ථාවේ මතකයට නගා ගනුයේ උදාවන්නට නියමිත ව තිබූ පරාධින බව සිහිපත් කරලීමටයි.කෙසේ වෙතත් මේ පීඩනයට එරෙහිව ඇතිවූ ජාතිකත්ව බලවේගය ගොනුවන ලද්දේ මහින්ද සුළඟ නම් අනපේකෂීත රැල්ල හරහාය. එය අවසාන වශයෙන් මහින්ද මහතා නොව ඔහුගේ සහෝදර ගෝඨාභය රාජපක්ෂ මහතා ජනපති අසුනේ තැබීම දක්වා පුළුල් විය.එය සැබවින්ම ජාතිය විසින් ඓතිහාසිකව කළ සම්මුඛ පරීකෂණයක් විය.එයින් ඔහු ජයග්‍රහණය කලේය. රටේ බහුතරයක් ගෝඨාභය රාජපක්ෂ මහතා කෙරෙහි විශ්වාසය තබා චන්දය ප්‍රකාශ කරන ලද්දේ රටේ නිදහස ස්වාධිපත්‍ය සහ තීරණ ගැනීමේ බලය තවදුරටත් සිංහල යන් සතු වන බැවිනි.

     ගෝඨාභය මහතාගේ ප්‍රතිපත්ති ප්‍රකාශනය සෞභාග්‍යොයේ දැක්ම නමින් විය. මේ දැක්ම තුළ රට ඉදිරියට යන්නට නම් රට නිදහස් විය යුතුය.එහෙත් 1948 වසරේ එකඟ වූ ආරක්ෂක ගිවිසුම තවමත් අවලංගු කර නැත.එහි දිගුවක් වූ ඇක්සාව පසුගිය කාලයේ තවත් පුළුල් කරගන්නට ඉඩකඩ විවර විය.එසේම ඇමරිකාවට අවැසි පරිදි මේ රටේ ඉඩම් පරිහරණයට අවස්ථාව සලසන එම්. සී. සී. ගිවිසුම සහ ව්‍යාපෘති වල බලපෑම ඉවත් කරගන්නට නොහැකි මට්ටමක තවමත් පසුවේ. යළි අප පෙබරවාරි 04 දිනයේ නිදහස සමරන්නට යන්නේ ජනතා රජයක අභිලාශය වන නිදහසේ අපේක්ෂාව සහ සෞභාග්‍ය දැක්ම එහි හිර කරමිනි. අපේ ඉතිහාසය විසින් 1972 දී ජනරජයක් ප්‍රකාශයට පත් කළ බවත් ජනපතිවරයෙකු රටට හඳුන්වා දුන් බවත් වර්තමාන රජයටද අමතක වී තිබේ. ඔවුහු පෙබරවාරි 04 නිදහස සමරන්නට යන්නේ එහෙයිනි. අප ගේ මුතුන් මිත්තන් මේ රට බ්‍රිතාන්‍ය යන්ට භාර දුන් මාර්තු 02 ට යලි ආපසු යෑමට හැකිවුවහොත් පූර්ණ නිදහස පමණක් නොව සෞභාග්‍ය ද ළඟා කර ගත හැකි වනු ඇත. එහෙත් ඒ ඉලක්කය වෙත පියවර මැනීමට රටක් වශයෙන් ජාතියක් වශයෙන් ශක්තිමත් විය යුතුය. එම නිසා අඩු ගණනේ 1972 මැයි 22 දින මේ රටේ ජනරජයක් බවට පත් කළ බව නැවත සිහිපත් කර ගැනීම සහ එදා ගත් ඓතිහාසික පියවර කෘතඥපූර්වකව සිහිපත් කර ගැනීම යුතුකමකි.ඒ සඳහා 1978 ව්‍යවස්ථාවේ 4(8) වගන්තිය වෙනස් කළ යුතුය. නිදහස සැමරීම අර්ථවත් කරගත හැක්කේ එවැනි තැනකින් ආරම්භ කළහොත් පමණකි.

ජනතා පරමාධිපත්‍ය උල්ලංඝණය කළ ව්‍යවස්ථාවේ දහනවය

                                

                  මෙරට රාජ්‍ය නායකයා වූ විධායක ජනපතිවරයා ගේ බලතල අඩුකිරීම  ව්‍යවස්ථාදායක සභාව පත් කිරීම ස්වාධීන කොමිෂන් සභා පත් කිරීම අමාත්‍ය මණ්ඩලයේ ප්‍රධානියා අගමැති ලෙස නම් කිරීම ඇතුලු සංශෝධන රාශියක් ඇතුලත් තිරීමේ අරමුණින් යයි හඳුන්වා දුන් ව්‍යවස්ථා වෙනස දක්වන්නේ දහනවවන ව්‍යවස්ථා සංශෝධනය යනුවෙනි. මෑත දේශපාලන ඉතිහාසයේ මහත් ආන්දෝලනයට ලක් වූ මෙම ව්‍යවස්ථා වෙනස රටේ දේශපාලන අර්බුදයක් නිර්මාණය කරලීමට සමත් බව අද පිළිගත් මතයයි. වර්තමාන ජනාධිපති ගෝඨාභය රාජපක්ෂ මහතාද ප්‍රකාශ කරන පරිදි මෙම සංශෝධනය නැවත සලකා බලා වෙනස් කිරීම අත්‍යවශ්‍ය වෙයි. එහෙත්   ඉදිරියේ දී රාජ්‍ය බලය ලබා ගන්නා  පක්ෂ කණ්ඩායමට  තුනෙන් දෙකේ බලයක් ලබා නොගෙන කළ නොහැකි වන බව පැවසේ. එහෙයින් ඉදිරියේ දී මාර්තු මාසයේ දී වත්මන් පාර්ලිමේන්තුව විසිරුවා හැරීමට බොහෝ දුරට ඉඩකඩ තිබෙන බැවින් එහිදී පැවැත්වෙන මැතිවරණයේ දී තුනෙන් දෙකේ මහජන බලයක් ලබා ගැනීම දැන් පවතින ආණ්ඩු පක්ෂයේ බලාපොරොත්තුව බව පෙනේ.

            ව්‍යවස්ථාවේ දහඅට වන සංශෝධනයෙන් පසු ජනාධිපතිවරයා ගේ ධූරය දැරීමේ වාර ගණන  වැඩි කරගත්හ.එය මගින් අනවශ්‍ය බලයක් ජනාධිපතිවරයාට ලැබුණු බව සමාජයේ කතිකාවක් නිර්මාණය විය. කොටි පරදන යුද්ධයෙන් පසු එම ජයග්‍රහණයේ ආකර්ෂණය දිනාගත් මහින්ද රාජපක්ෂ මහතා තව දුරටත් ජනපතිලෙස කටයුතු කිරීම බහුතරයේ මතය වුවත් ඔහුගේ රාජ්‍ය කාලයේ දී  ඇති වූ දේශපාලන විගඩම් නිසා මෙම සමාජමතය වෙනස් විය. මෙයින්  ප්‍රයෝජනය ගත් රනිල් වික්‍රමසිංහ ඇතුලු එ.ජා.පය කුමන්ත්‍රණකාරී ප්‍ර වේශයකින් මහජන මතය භාවිතා කර නව රජයක් පිහිටුවා ගැනීමට සමත් විය.මෙම නව රජය පිහිටුවා ගැනීමෙන් පසු ජාත්‍යන්තරයේ උපදෙස් පිට සියලුම රාජ්‍ය කටයුතු මෙහෙයවීමට යහපාලන ආණ්ඩුව පියවර ගත්හ. බැඳුම්කර වංචාව සිදු කරන ලද්දේ හුදෙක් මුදල් හම්බ කිරීමේ චේතනාවට වඩා එහා ගිය ආර්ථික ඝාතක ක්‍රියාවලියක් ඇති කරලීම සඳහා බව කල්පනා කළ හැකිය. රට සැම අතින්ම බෙලහීන කොට විදේශීය සමාගම් වලට සහ ආයෝජකයන්ට මෙරට ආර්ථිකය පාලනය කරගත හැකි මට්ටමට රට පත් කිරීම එහි අරමුණ වන්නට ඇත. ජාත්‍යන්තරය අනුදත් වැඩ පිළීවෙල සාර්ථක කරලීමට තිබූ අනෙක් බාධකය වූයේ විධායක ජනපති ක්‍රමයයි.එය සහමුලින්ම අහෝසි කරලීමට ජනතාවගේ එකඟතාවය නැතිවුවද එහි සංශෝධන කරමින් බලතල අඩු කිරීමට ජනතාවගේ පැත්තෙන් කැමැත්තක් ඇතිබව පසක් කරගත් රනිල් වික්‍රමසිංහ මහතා ජනපති විධායක බලයෙන් කොටසක් අගමැතිට ගැනීමේ සූක්ෂම ක්‍රියාමාර්ගයක් දියත් කලේය. ඒ අනුව දහනවවන සංශෝධනය පාර්ලිමේන්තුවට ඉදිරිපත් කරන ලද්දේය. මෙම සංශෝධනය මගින් 1978 ව්‍යවස්ථාවට උල්ලංඝණය කරන බවට පෙත්සම් දහයක් ශ්‍රේෂඨාධිකරණය ඉදිරිපත් විය.මෙහිදී ව්‍යවස්ථාවේ 11 වන වගන්තිය 26 වන ඡෙදය සංශෝධනය කරලීමයට නම් ජනමත විචාරණයක් අවශ්‍ය බව ශ්‍රේෂ්ඨාධිකරණය තීන්දු කලේය. එහිදී කාරක සභාවේ අවස්ථාවේදී කළ හැකි සංශෝධන කීපයක් නීතිපතිවරයා විසින් අධිකරණයට ඉදිරපත් කරන ලද අතර සංශෝධන සහිතව දහනව වන ව්‍යවස්ථාව අධිකරණය ඉදිරියේ සම්මතසම්මත  විය.

        මෙම සංශෝනය පිලිබඳව පනත් කෙටුම්පත් විවාදය 2015 අප්‍රියෙල් මස 27 සහ 28 දෙදින තුළ පවත්වනු ලැබූ අතර මේ විවාදයේ දී මතු වූ කාරණා රාශියකදී විපක්ෂයේ මන්ත්‍රීවරුන් ගේ ඇස් වසා නව සංශෝධනද ඉදිරිපත් කරගනිමින් විශේෂයෙන්ම මෙතෙක් ඉදිරිපත් නොවූ වගන්ති කාරක සභා අවස්ථාවේ දී ඇතුලත් කරමින් එය සම්මත කරගැනීමට ආණ්ඩුව සමත් විය.විශේෂයෙන්ම ජනාධිපතිවරණයට ඉදිරිපත් විය යුතු පුද්ගලයන්ගේ පුරවැසි භාවය පිළිබඳ වගන්තිය මෙම සංශෝධනයට අතුලත් කරගන්නා ලද්දේ ඉතාමත කූඨ ලෙසටයි. පසුගිය ජනපතිවරණය සමයේ දී ගෝඨාභය රාජපක්ෂ මහතාගේ පුරවැසි බව පිළිබඳව විශාල ආන්දෝලනයක් ඇති කර ලද්දේ මේ වගන්ති වල තිබෙන අපරික්ෂාකාරී බව හේතු කොට ගෙනයි. එම ඇතුලත් කිරීම නිවරදි නොවන්නේ එමගින් ලංකාවේ උපන් සිංහලයෙකුට විදේශ ගත වීමෙන් ලබන පුරවැසි කම හේතුවෙන් උපන් බිමේ පුරවසි කමද අහිමි වන තර්ජනයක් මතුවීමෙනි කෙසේ වෙතත් අගමැති රනිල් වික්‍රමසිංහ මහතාට විධායක බලතල හිමිවන පරිද්දෙන් ඇතුලත් කළ වගන්ති රාශියක් මෙහි ඇත. විශේෂයෙන්ම ව්‍යවස්ථාදායක සභාවේ පත් කිරීම් සම්බන්ධව අගමැති ගේ බලතල  නිසා තනතුරු වලට පක් කල පුද්ගලයන් වැරැද්දක් කළද ඉවත් කිරීමට නොහැකි වන ලෙසට හිරකර තබා ඇත. පාස්කු ප්‍රහාරයට වග කිව යුතු යැයි සැළකෙන පූජිත ජයසුන්දර මේ වන විටත් එම තනතුනේ ඉවත් කළ නොහැකි තත්වයක පවතින්නේ මේ අර්බුදය හේතු වෙනි. එසේම පසුගිය රජය කාලයේ දී අත්තනෝමතික ලෙස කටයුතු කළ හිටපු අගමැතිවරයා ඉවත් කිරීමට ජනපති වරයාට නොහැකි විය.එයට අවුරුදු හතරහමාරක් බලා සිටිය යුතු බවට ශ්‍රේෂ්ඨාධිකරණයෙන් සහතිකයක්ද ලැබුණේ දින පනස් දෙකේ ආණ්ඩුවද අකර්මණ්‍ය කරමිනි.මෙම සහතිකය ව්‍යවස්ථාව පිළිබඳ අර්බුදය සමාජ ගත කිරීමක් විය.

        පාර්ලිමේන්තුව විසින් මෙම දහනව වන සංශෝධනය සම්මත කර ගැනීමේ දී විපක්ෂයේ ද සහාය ලබා ගත්හ. ඉතා කූඨ ලෙස මහින්ද රාජපක්ෂ මහතා සහ මෛත්‍රීපාල ජනාපතිවරයා නොමග යවමින් කළ මේ කුමන්ත්‍රණය ජනපතිවරයාට වැටහෙන විට අස්සයා පැන ගොසිනි. දින පනස් දෙකේ ආණ්ඩුව කාලයේ රනිල් වික්‍රමසිංහ ළඟ තබා ගෙන හිටපු ජනපතිවරයා කළ ප්‍රකාශය මගින් ගම්‍ය වන්නේ ඔහුගේ පසුතැවිල්ලයි. ඔහු පෞද්ගලික ව පසුතැවිල්ලට පත් වුවද ජනතාව සමූහයක් ලෙසට මේ සංශෝධනය නිසා විශාල ලෙස අගතියට පත් සිටින බව ඔහු අදටත් තේරුම ගෙන ඇතැයි නොසිතමි. මෙම සංශෝධනය ජනමත විචාරණයකට ලක් කර නොමැත.එය ජනමත විචාරණයකට ලක් කළ යුත්තේ 1978 ව්‍යවස්ථාව අනුව ජනමත විචාරණයකට ලක් කළ යුතු වගන්ති කීපයක් මේ සංශෝධනයෙන් ඉවත් කර ඇති බැවිනි. (11 වන ව්‍යවස්ථාව සහමුලින්ම ඉවත් කිරීම )මෙයට අත්සන් තබා ඇත්තේ කතානායක වරයාය. ඒ නිසා දහනවය අදටත් වලංගුද යන්න ප්‍රශ්ණයක්ව පවතී.දහනවය නීත්‍යානුකූල වන්නට නම් ජනමත විචාරණයකට ගොස් එයට ජනපතිවරයා අත්සන් තැබිය යුතුය.

         මෙම තත්ත්වය මත දැනට අර්බුදයට පත් ව තිබෙන රාජ්‍ය පාලනය යලි යථා තත්වයකට පත් කරන්නේ කෙලෙසකදැයි වත්මන් ජනපති වරයා කල්පනා කළ යුතුය. ඉදිරි මැතිවරණයකින් තුනෙන් දෙකක බලතල රැගෙන එය වෙනස් කරනවාද එසේත් නැතිනම් ඉතා කූඨ ලෙස අසම්මත ලෙස තහවුරු කළ දහනවයේ  නීත්‍යානුකූල නොවන තැන් පිළිබඳව ශ්‍රේෂාඨාධීකරණයෙන් විමසා නිවරදි කරගන්නවාද යන්න පීළිබඳ තීරණයකට එළඹිය යුතුත. ජනතාවගේ පැත්තෙන් කල්පනා කර බලන කල්හි නම් මේ ව්‍යවස්ථා සංශෝධනය බල රහිතය. ජනතාවගේ පරමාධිපත්‍ය බලය එයින් උල්ලංඝණය වී තිබේ. එවිට ජනමත විචාරණයක් මගින් හෝ මෙය අහෝසි  කර ගැනීමට තැත් කිරීම වඩා කාලෝචිත වේ.

      

විග්නේශ්වරන් ගේ ප්‍රකාශය ජාතික ආරක්ෂාවට තර්ජනයක්ද

                                

                ලංකාව බෞද්ධ රටක් නෙවන බවත් උතුර සහ නැගෙනහිර  පෙදෙස් හි සිංහලයන් වාසය නොකළ බවත් දෙමළ බෞද්ධයන් විසින් උතුරේ සිද්ධස්ථාන නිර්මාණය කළ බවත් පැහැදිලි වන ලෙස ප්‍රකාශක් කරමින් විග්නේශවරන් නම් දේශපාලනික දෙමලා යළි කළඑලි බැස තිබේ.2009 වසරේ දී නන්දිකඩාල් කලපුවේ දී ප්‍රභාකරන් නම් ත්‍රස්තයා පරලොව යැවූ පසු දෙමළ ඊළාම් සටන අවසන් වුවද දෙමළ ජාතිවාදය ඇවිලවූ ජත්‍යන්තර ත්‍රස්තවාදය අවසන් නොවීය. එය ප්‍රාණවත්ව තිබෙන්නේ ඇමරිකන් ඩොලර් වලිනි. ජිනීවා නඩගමට අවශ්‍ය කළමනා සැපයූ මේ නොපෙනෙන ත්‍රස්වාදය  හිස ඔසවන ලද්දේ එම මතවාදය යළි නොනැගිටින්නට අවශ්‍ය කටයුතු ලක් රජයෙන් ඉටු නොවුණු හෙයිනි. ඒ වෙනුවට මේ අදිසි විදෙස් කොටි හුරතල් බලමින් වසර හතරහමාරක් තිස්සේ රනිල් වික්‍රමසිංහ කළ රංගනය සජිත් ප්‍රේමදාස ගේ විකට භූමිකාවෙන් අවසන් විය.එහෙත් යටකී ජගත් ත්‍රස්තවාදය ගිනි අඟුරු පල්ලේ උණුසුම් වෙමින් ඇත. ස්විස් තානාපති බලපෑමෙන් පසක් වන්නේ මේ ගිනි අඟුරු අවුලවන්නට ලිපට පිඹිය හැක්තෙක් අවශ්‍ය බවයි. විග්නේෂ්වරන් ගේ අවදීවීම තුළින් අප දකින්නේ ශාස්ත්‍රීය පහරදීමක තත්ත්වය නොවේ. එයට එහා ගිය කෝලාහලයකට මුල පිරීමකි.

         විග්නේශ්වරන් ගේ ප්‍රකාශයන්ට පදනම් වූ ව්‍යාජ ඉතිහාස කෘති රාශියක් යාපනයේ පළ වී තිබේ.ඒවා අතර ශ්‍රීමත් විනාසිතම්බි විසින් ලියන ලද maniampathiar santhathimural a Genelogy of the residents of Manipay and related inhabitancies –( ISBN 955-95185-2-6 ) ග්‍රන්ථය ප්‍රධාන වෙයි.මෙම ග්‍රන්ථය ක්‍රි.ව. 1901 අච්චුවේලියේදී මුද්‍රණය කර,ඇති අතර   ක්‍රි.ව. 1992 දක්වා නැවත නැවතත් මුද්‍රණය කර තිබේ. ආචාර්ය කේ. කුණරාසා විසින් රචිත  The Jaffna Dynasty –( ISBN 955-8455-00-8) අනෙක් කෘතිය වෙයි. මෙම කෘති පදනම් කරගෙන ලක්දිව උතුරේ ඊලාම් රාජ්‍යයේ පදනම තහවුරු කිරීමට පසුගිය දේශපාලන කාලය තුළ  දී විශ්‍රාමලත් ආදායම් පාලකවරුන් (DRO) එකතු වී ව්‍යාජ ඉතිහාසයක් ද රජයේ කෘතියකට ඇතුලත කර ඇත.  ක්‍රි.ව. 2013 වසරේ මැයි මස ප්‍රසිද්ධ කළ (Man for all seasons  1939 - 1963) නම් එම කෘතිය රදනා කරන ලද්දේ  K.L. Logiswarna, K. Thayaparan  නම් ඊළාම් බොරු ඉතිහාසඥයන් ගේ අඩි පාරේ යමිනි. එය පෝෂණය කිරීමට සිංහල කතෘවරුන් වශයෙන්  එල්.එම්. සමරසිංහ, ධම්මික අමරසිංහ, ජයතිස්ස බණ්ඩාරගොඩ යන සම්පාදකවරුන් සම්බන්ධ වී තිබේ. එයට අමතරව පසුගිය අවස්ථා කීපයකදී  පත් කළ ජාතික ඒකාබද්ධතා අමාත්‍යංශය යටතේ පළ කළ ග්‍රන්ථයන්ද මේ ව්‍යාජ ඊළාම් මතවාදයට උඩ ගෙඩි දී තිබේ.

      රජයේ නිළධාරීන් දෙමළ හෝ ඉංග්‍රීසි හෝ වෙනත් විදේශීය භාෂාවක් ඉගෙන ගත යුතු වීම සුදුසු කමක් වුවද පරණවිතාන වැනි විද්වතුන් පවා බැහැර කළ මතයක් වන දෙමළ බ්‍රාහ්මී මිත්‍යාව වැපිරීමට අවශ්‍ය ග්‍රන්ථයන් සම්පාදනය කිරීමට මෙම ආයතන උත්සුක වූහ. එය පිටිපස විශාල කුමන්ත්‍රණයක් තිබෙන බව පෙනී ගොස් ඇත. දකුණු ඉන්දියාවේ අන්ද්‍රා ප්‍රදේශ යේ බට්ටිප්‍රෝලු වල ස්ථූපයක් 1870 දී පමණ  කැණීම් කළ අවස්ථාවේදී  ධාතු මංජුසාවක් හමු විය. එහි ලියා තිබූ බ්‍රාහ්මී ලිපිය තුළ වෙනස් අකුරු කීපයක් වූයෙන් ඒවා දෙමළ බ්‍රාහ්මී ලෙසට හඳුන්වන්නට ඇතැම් පුරාවිද්‍යාඥයන් උත්සාහ කළහ නමුත් බියුලර් පරණවිතාන වැන්නන් මෙන්ම නාරායන් රාඕ වැනි දකුණු ඉන්දීය ඉතිහාසඥයන්ද මේ මතය ප්‍රතික්ෂේප කොට තිබේ. මෙයට හේතුව දෙමළ බස කිසිසේත්ම ආර්ය බසක් නොවන නිසාවෙනි. ග්‍රීක වෙළෙඳුන් විසින් ඉන්දියාවට ගෙනා අප්‍රිකානු වහලුන් ගෙන් පැවතෙන දෙමළ ජනවර්ගයන් සිය මවු ශබ්ද උච්චාරණයට බසක් තනා ගත්තේ ඔවුන් දෙශපාලනිකව ශක්තිමත්වූ වකවානුවලදීය. නමුත් බට්ටිප්‍රෝලු මතු කිරීම් වලට දින දී තිබෙන්නේ ක්‍රි.පූ. දෙසීයේ සීමාව තුළයි. මේ යුගයේ ඔවුන්ගේ නැගී සිටීමක් කිසිසේත්ම සිදුව නොමැත. ජනාධිපති කාර්ය සාධක බලකායේ මෙහෙයවීමෙන් සකස් කළ දෙමළ අකුරු පොතේ ළ යන්නට දී තිබෙන අක්ෂරය ගැන සැලකුවහොත් එය මැනවින් තේරුම් ගතහැකිය. එය ළු යන්න මිසක් ළ යන්න නොවේ.  ලක්දිවෙහි සෙල් ලිපි වල වෙළුසුමන කියන තැනදීද පරුමකළු කියන තැනදීද මේ ළු යන්න යෙදේ.මේ පොතේ තවත්තැනක දෙමළ බ්‍රාහ්මී ලේඛනයක් යයි දක්වන රූපයක් ඇත.හි මූලාශ්‍රය පවා දමන්නට සම්පාදක මණ්ඩලයට අමතක වී තිබේ.කෙසේ වෙතත් එයද බ්‍රාහ්මී ලේඛනයක් මිසක දෙමළ ලේඛනයක් ලෙසට විග්‍රහ කළ නොහැකිය.

     ඊළාම් මතවාදය නිර්මාණය කරලීමට කැස කවන බොහෝ උගතුන් ගේ යටගියාව වසර දෙසීයක් ඉක්මවා ගොස් නැත. ඔවුන් ගේ මුල් පරම්පරාවන් මලබාරයේ සිට ලංකාවට ගෙන්වන ලද්දේ ලන්දේසීන් සහ ඉංග්‍රීසීන් විසිනි. පරංගි ලන්දේසි යුද්ධ වලදී දකුණු ඉන්දියාවේ ජීවත් වූ විවිධ කුල වල ජනතාව අසරණ භාවයට පත් වී අනාථ වූ පසු ඔවුන් වහලුන් ලෙස ලංකාවට ගෙනා ආ සැටි ආචාර්ය අරසරත්නම් ගේ ලංකාවේ ලන්දේසි බලය නම් කෘතියෙහි දැක්වෙයි. එසේම විසිවන සියවසේ මුල් භාගයේ ලංකා දේශපාලනයෙහි දෙමළ පාර්ශවය නියෝජනය කළ ප්‍රභූවරුන් ගේ පැටිකිරියද  ඉහත් සඳහන් කෘති වලින් හෙළි වෙයි.ඉහත මනිපායි කෘතියේ එන පරිදි වෙල්ලාහල කුලයේ උලගනාදර් මාතර් ගේ පුත් වූ උලගනාගර්මාතර් කතිරගාම කනනකර් (උපත 1765 ) තම මලබාර් ඥාතීන් සමග ක්‍රි.ව. 1780 දී  කම්කරු වහල් පරම්පරාවක්  ලෙසට කෙරළයෙන් මනිපායි වලට පැමිණ පදිංචි වී ඇත. ඔහුගේ පුත් (උපත 1790 ) තිල්ලෙයි අම්බලම් අරුනාචලම් විය. ඔහුගේ පුත් (උපත 1814 ) අරුණාචලම් පොන්නම්බලම් කතෝලික අධ්‍යාපනය ලබා ගේට් මුඩ්ලියර් තනතුර ලබා ගන්නා ලදී.මෙවකට ඇමරිකානු මිෂනාරීන් ක්‍රි.ව. 1818 දී ලංකාවේ හොඳම ඉංග්‍රීසී අධ්‍යාපන තත්වය යාපනයේ පිහිටවීය.1849 දී වෙල්ලාහල කුල අර්මුග නාවලර් කතෝලික ඉංග්‍රීසී භාෂාව ඉවත් කර හින්දු ආගමික ද්‍රවිඩ භාෂාවෙන් අධ්‍යාපනයක් ආරම්භ කිරීමට සමත් විය. ව්‍යාජ ඊළාම් කෘති දෙමළ බසින් සහ ඉංග්‍රීසි බසින් එළි දැක්වෙන්නට වූයේ මේ පසුබිම සකස් වීමෙන් අනතුරුවයි.පොන්නම්බලම් අරුනාචලම් ගේ පුතුන් වූ පොන්නම්බලම් රාමනාදන් (උපත 1851) සර් පොන්නම්බලම් අරුනාචලම් ද පොන්ම්බලම් පද්මනාදන්ද විය. මේ අයගේ මස්සිනා වූ වූයේ ඉංග්‍රීසි භාෂාවඋගත් සෙල්ලප්පා සභාපති මුදලියාර් විය. පුලෝලිවලට වහල් කම්කරුවකු ලෙසට මලබාර් රටින් පැමිණි නල්ලන් ගේ දියණියක් වූ තයිවානා පිල්ලායි සෙල්ලප්පා සින්නතංගච්චි හා විවාහ වූ සෙල්ලප්පා  සභාපති ගේ පුත් වූයේ සෙල්ලප්පා කනක සභාපති ය.( උපත 1880 ) ඔහු කනගම සෙල්ලප්පා දියණිය සමග විවාහ වී ලැබූ පුතුන් අතර උතුරු පළාතේ මහ ඇමතිවරයා වූ කනක සභාපති විශ්වලිංගම් විග්නේෂ්වර (උපත 1939) ලෙස දැක්විය හැකිය. මොවුන් ගේ පෙළපත් 1911 න් පසුව ලංකා දෙමළ ලෙස වර්ගගීකරණය කරන ලද්දේ විය.( ටික්කම මහින්ද කුමාර ගේ ශාස්ත්‍රීය කෘතිය )

       වසර දෙසීයක් වත් නැති මේ පෙළපත් වල ඉතිහාස කතාව එලෙස වන අතර ඔවුන් මේ රටේ පාරම්පරික උරුමකරුවන් වන සිංහලයන් ගේ ආගන්තුක සත්කාර නිසා මේ රටේ පුරවැසියන් බවට අද පත් වී තිබේ. පාරම්පරික භූමිපුත්‍ර යෙකු වූ වත්මන් ජනාධිපති ගෝඨභය රාජපක්ෂ ගේ පුරවැසි කම ගැන අභියෝග කරන ලද්දේ සුමන්තිරන් විගනේෂ්වරන් ගේ මග ගත් සිංහල ද්‍රොහීන්ය. අද නැවතත් විග්නෙශ්වරන් සිය හඬ අවදි කරමින් සිංහලයා කුපිත කිරීමට ප්‍රකාශ නිකුත් කරමින් සිටී. ස්විස් තානාපතිවරයා ගේ අනුදැනුම සහිතව ලංකා රාජ්‍යයත් ජනාධිපතිවරයාත් අපහසුතාවයට පත් කරලීමට කුමන්ත්‍රණ රංගනය හෙළි වූ අතර දැන් විග්නේශවරන් ලවා ප්‍රකාශ කරවන්නට තැත් කිරීම පිටිපස තවත් රංගනයක් පවතී. එනම් 2020 ජිනීවා වලදී ඊනියා දෙමළ ජනයාට නොසලකා ඇතිය යන්නට බරක් තබන්නටයි. ද්‍රවිඩ නිජබිම ආක්‍රමණය කළ සිංහල හමුදාව වහා උතුරෙන් පිටවිට යුතු බවට තහවුරුවක් කරන්නටය. මේ රංගනය සැබවින්ම ජාතික ආරකෂාවට බලවත් තර්ජනයක්ය. විග්නේශවරන් ගේ ප්‍රකාශය හුදෙක් ශාස්ත්‍රීය පහර දීමට එහා ගිය දේශපාලනික කුමන්ත්‍රණයක් බව අප දක්වන්නේ එහෙයිනි.එම නිසා මේ රටේ බුද්ධි අංශ විසින්මේ තත්වය  අවබෝධ කොට ගෙන පරීක්ෂණ ආරම්භ කළ යුතුය.එසේ නැතහොත් දිගින් දිගටම නව රජයට සිදුවන්නේ තම රටේ ප්‍රශ්ණ අමතක කර ජාත්‍යන්තරයට මුහුණ දෙන පිලිවෙල ගැන කල්පනාවට වැටෙන්නටයි.

දඹුලු විහාරයේ ඉඩම් ඇමරිකාවට තෙවනි මුඩුබිම් පනත සූදානම්

                       

          විසිවෙනි සහශ්‍රය තුළ  තමන්ට අවශ්‍ය ආකාරයට ලෝකය හසුරුවීම ඇමරිකාවට ප්‍රශ්ණයකි.චීනයේ නැගී සිටීම. නව මුහුදු ගමන් විවෘත වීම.වෙළෙඳ පළ තරඟය ආදී කරුණු මත චීනයෙන් එන බලපෑම දේශපාලනික වශයෙන් තුලනය කිරීමට ආසියාවේ බල කේන්ද්‍රස්ථායක් ඔවුනට අවශ්‍ය වේ. ඒ සඳහා සුදුසුම තැන ලංකාවයි. මෙතෙක් කාලයක් තිස්සේ විවිධ උපක්‍රම යොදමින් ඔවුහු ලංකාව පාලනය කරගත්හ.ඇමරිකන් ආධාර තිරිඟු පිටි ආදිය සැපයීමෙන් නොනැවතී උතුරේ වෙනම පාලනයක් සඳහා සටන් වැදි ප්‍රභාකරන් ඇතුළු කොටි ත්‍රස්තයන්ට අවි ආයුධ සැපයීම දක්වා මේ උපක්‍රම තීව්‍ර වීය. ප්‍රභාකරන් අනේපේකෂිත ආකාරයට පරාජයට පත් වන අවස්ථාවේ දී ඇමරිකන් නැවක් එවා ඔහු බේරා ගන්නට තරම් කරුණාවක්ද ඔවුන්ට පහළ විය. නමුත් රට තුළ යුද්ධ වාතාවරණය පහවී සාමය උදා වූ කල්හි යුධ අපරාධ චෝදනාවක් එල්ල කොට වෙනත් ආකාරයකින් ලංකාව පාලනය කර ගැනීමට උත්සාහ දැරීම නිසා අද ලක් රජයට මේ බූවල්ලා ගෙන් ගැලවීම විශාල අභීයෝගයක් බවට පත්ව තිබේ.

        ජනපතිවරණයක් අස්සේ මිලේනියම් චැලේන්ජ් වැඩ සටහනට අමාත්‍ය මණ්ඩල අනුමැතිය හිමි කර දීමට රනිල් වික්‍රමසිංහ පාලනය උත්සාහ දරා තිබේ. 2015  වසරේ මහින්ද රජපක්ෂ රජය පරාජය කලීමට ගත් උදව් නිසා වූ පොරොන්දු සමුච්චයෙන් තදබලම පොරොන්දුවට මෙලෙස අනුමැතිය දීම ඇමරිකාවේ ජයග්‍රහණයකි. ඔවුහු එහි සිට ප්‍රීතිය පළ කලේ එහෙයිනි.පාස්කු ප්‍රහාරය පිටිපස ඇමරිකාව සිටි ආකාරය ගැන තොරතුරු තහවුරු වෙමින් තිබෙන අතර එම ප්‍රහාරයෙන් පසු ඇතිවන ඝට්ටනයන් තුළ මෙම ගිවිසුම සහ සෝෆා ගිවිසුම් අත්සන් කර ගැනීමට සැලසුම් කර තිබූ බවද හෙළි වෙයි. නැගෙනහිර පළාතේ සිට බස්නාහිර පළාතට යා වෙන ප්‍රධන මාර්ග නවීකරණය කොළඹ නගරයේ  වාහන තදබදය විසදීම ආදී කරුණු සදහා ඩොලර් මිලියන 350 ක් ද ඉඩම් රෙජිස්ටර් කිරීම රජයේ හා පුද්ගලික ඉඩම් ප්‍රතිව්‍යුහගත කිරීම සහ ඉඩම් ප්‍රතිපත්ති සංශෝධනයට මිලියන 130 ක් වශයෙන් ඇමරිකාවෙන් ලබා දෙන මුදල් ප්‍රදානයන් ලබා ගැනීමට  මෙලෙස අනුමැතිය ලබාදෙන අතර එම ගිවිසුමට අනුව සැකසූ  ලංකාවේ භෞතික සැලසුම් ලියවිල්ල ආර්ථික සභාව මගින් අනුමැති කර ගැනීම සිදුව තිබේ..මෙම ලියවිල්ල සම්පාදනයට මැදිහත් වන්නේ රජයේ ආයතනයක් වන භෞතික සැලසුම් දෙපාර්තමේන්තුවයි.ඔවුන් විසින් 2017 වසරේ නිකුත් තරන ලද මේ නව සැලසුම සහමුලින්ම මිලෙනියම් චැලෙන්ජ් සැලසුමට සමපාත වන්නේ කෙලෙසකදැයි කල්පනා කොට බැලිය යුතුය.

            විසිවන සියවස ආරම්භය සහ එහි ආර්ථික අභියෝග ජය ගැනීම ඇමරිකාවට ප්‍රශ්ණයක් වන්නේ ඔවුන් ගේ අධි පරිභෝජන වාදි ආකල්පයන් නිසාය.මේ අවශ්‍යතවයන් ඉටු කර ගැනීමට නම් ලෝකයේ බොහෝ රටවල් සතු සම්පත් වල සාරය මුදල් කොට ලබා ගැනීම අනිවාර්ය වේ. දහනව වන සියවසේ දී බ්‍රිතාන්‍ය අධිරාජ්‍ය වාදීන් ක්‍රියාකල ආකාරයට යටත් විජිත ඇති කර ගැනීම එක් පියවරකි. එහෙත් එදා මෙන් අද එලෙස රටවල් යටත් කර ගැනීමට යම් යම් බාධා පවතී. එසේනම් ඊළඟ පියවර වන්නේ නොයෙකුත් රටවල පාලකයන් තමන් ගේ සේවකයන් බවට පත් කර ගෙන ඇමරිකන් සැලසුම් ඔවුන් ලවා කර ගැනීමයි. ඒ සඳහා හොඳම පාලකයා තේරීම සඳහා මුදල් පොම්ප කිරීම සිදු වේ.ලංකාවට නිදහස ලබා දීමෙන් පසු පැවැත් වූ මැතිවරණ සියල්ලේදීම මෙලෙස විදේශ මැදිහත් වීම් රාශියක් සිදු බව වාර්තා ඇත.2015 දී සිදූ වූයේ 2002 වසරේ දී අතර මත නැවතුණු ඇමරිකන් ව්‍යාපෘති ආරම්භ කරලීමට රනිල් වික්‍රමසිංහ මහතාට බලයක් ලබා දීමයි. මෛත්‍රීපාල සිරිසේන ජනාධිපති වූ විගස බහුතර බලයක් නොමැති එක්සත්ජාතික පක්ෂයේ රනිල් වික්‍රමසිංහට අගමැතිකම ලැබෙන්නේ මේ සැලසුමේ ප්‍රධාන නියමුවා ඔහු බැවිනි.එදා 2002 වසරේ දී රීගේනින් ශ්‍රී ලංකා නමින් සකස් කළ ගිවිසුම අනුව මේ රටේ භෞතික සැලසුම් දෙපාර්තමේන්තුව විසින්  සකස් කරන ලද ලියවිල්ලේ  මහ නගර රාශියක් ගැන දක්වා තිබිණ. එසේම ඒවා යා වෙන අධිවේග මාර්ග ගුවන් තොටුපළවල් ආදිය මත මේ රටේ ඉඩම් ප්‍රතිපත්තීන් වෙනස් කිරීම ආර්ථිකය ප්‍රතිව්‍යුහගත කිරීම් ආදිය සිදු විය යුතු ආකාරය දක්වා තිබිණ. දැන් එහි දෙවනි අදියර වශයෙන් ඉදිරියට පැමිණ තිබෙන මිලේනියම් චැලෙන්ජ් ආයතනයේ ප්‍රධාන කාර්යාලය අරලිය ගහ මන්දිරයේ තබා ගනිමින් එහි නිළධාරීන්ට සහ එම නිළධාරීන් දේශපාලනඥයන් වෙනුවෙන් සේවය කරන කල්හි ඔවුන්ට පඩි නඩි ගෙවීමද සිදු කර ඇත.එවැනි තත්ත්වයක් යටතේ විද්වතුන් 2000 ක් යොදවා ගෙන 2017 භෞතික සැලසුම සකස් කරන ලද්දේ යැයි චම්පික රණවක අමාත්‍යවරාය විසින කරන ලද ප්‍රකාශය කිසිසේතම් පිළිගත නොහැකිය.

     මේ රටේ ඉහළ නිළධාරි පන්තිය සවකීය ආත්ම ලාභය සඳහා ඕනෑම පාවා දීමක් කළ හැකි පිරිසක් ලෙසට සැලකිය හැකිය. ශිෂ්‍යත්ව පිටරට සවාරි සහ සිය දූ දරුවන් ගේ ඉගෙනීම සඳහා දක්වන සහයෝගිත්වය ආදිය හේතු කොට ගෙන විදේශිකයන්ට අවශ්‍ය සැලසුම් මෙහි සකස් කර දීමට ඔවුහු දායකත්වය සපයති . මෙරට අධ්‍යාපනය වෙනස් කර ඇමරිකාවට අවශ්‍ය ශිෂ්‍යයන් බිහි කරලීමට  දැන් වර්ෂ ගණනාවක සිට මේ නිළධාරීන් දරන වෙහෙස අපමණය.කෙසේ වෙතත් වෙමවැනි තත්වයක් යටතේ වුවත් මේ සැලසුම් වල අවිද්‍යාත්මක පැතිකඩ පෙනවා දෙමින් රට වෙනුවෙන් අදහස් පළ කරන විද්වතුන්ද නැත්තේ නොවේ. නමුත් එම විද්වතුන් ගේ විරෝධයන් නොතකා හැරීමට මේ දේශපාලඥයන් පෙළඹී සිටිති. හොඳම උදාහරණය මෙම භෞතික සැලසුමයි. භොතික සැලසුම සකස්කිරීමෙන් පසු විවිධ දෙපාර්තමේන්තු සභාගි වන තාක්ෂණික අගැයීම කමිටුවකට ඉදිරිපත් කරවීම ආනිවාර්ය වෙයි. එහෙත් මෙම සැලසුම සමාලෝචනය කරලීමට එම කමිටුව රැස්වී නොමැත. එසේම සැලසුමේ අවසන් අදියරේදී ජනාධිපතිවරාය ගේ මූලිකත්වයෙන් රැස්වෙන භෞතික සැලසුම් උපදේශක සභාවට එය ඉදිරිපත් කළ යුතුය. වර්තමාන භෞතික සැලසුම්  අධ්‍යක්ෂ ජනරාල් වරයා හෝ  අමතාත්‍ය චම්පික රණවක එම පියවර ගෙන නොමැත. ඒ වෙනුවට රනිල් වික්‍රමසිංහ මූලිකත්වය ගන්නා ආර්ථික උපදේශක සභාවට එය ඉදිරිපත් කර අනුමැතිය ලබා ගෙන තිබෙන්නේ අදාල මුදල් ප්‍රදානය ලබා ගැනීමට බව පැහැදිලි වෙයි. එසේම මේ වන තුරුම මේ සැලසුම් සහ ගිවිසුම් පිළිබඳ විස්තර පාර්ලිමේන්තුවට ඉදිරිපත් කර නොමැති අතර භෞතික සැලසුම පමණක් ගැසට් කිරීමට පියවර ගෙන ඇත.

      වර්ෂ 1840 දී ඉංග්‍රීසීන් විසින් ගෙනා අනවසර ඉඩම් ආඥාව මගින් මේ රටේ ඉඩම් ලක්ෂ ගණනාවක් කොල්ල කන ලදී. එසේම 1897 දී ගෙනා මුඩුබිම් පණත මගින් විහාරගම් දේවාලගම් සතුව තිබූ ඉඩ කඩම් ද රාශියක් කොල්ල කෑමට පසුබිම සකස් කරන ලදී.1931 සිට ඉඩම් නිරවුල් කිරීමට යැයි දක්වමින් ගෙනා අණ පනත් මගින්  ජනයාගේ සහ විහාරස්ථාන වල ඉඩම් කොල්ල කෑම මේ වන තෙක් නවත්වා නැත. එවැනි සංකීර්ණ ඉඩම් ප්‍රතිපත්තියක් රට තුළ පවතින අවස්ථාවක මෙම මිලේනියම් චැලෙන්ජ් ගිවිසුම යටතේ රටේ සංවේදී හදබිම් රාශියක ඉඩම් ගැන තනි තීරණ ගැනීමට රනිල් වික්‍රමසිංහ මහතා ප්‍රමුඛ අමාත්‍ය මණ්ඩලයට ඇති අයිතිය කුමක් දැයි ජනතාව විසින් ප්‍රශ්ණ කළ යුතුය.මෙම ගිවිසුමෙන් යෝජිත ඉඩම් ප්‍රතිසංසකරණය යටතේ ඉඩමක අයිතිය වෙනුවෙන් දෙදෙනෙකුට එකවර අයිතිය පැවරීමට යෝජනා කෙරේ.ඒ තුළින් ඉඩම් භුක්තිය තුළ විශාල ආරවුලක් නිර්මාණය කරලීම අරමුණයි. එම නිසා මෙම ගිවිසුම ලංකාවේ ස්වාධිපත්‍ය නැති කිරීමට ගෙනා බරපතලම යෝජනාවක් ලෙසට සැලකිය හැකිය.විශේෂයෙන්ම මහා විහාරය ප්‍රමුඛ මහා සංඝ රත්නය විසින් මෙම ගිවිසුම ප්‍රශ්ණ කරමින් විරෝධය පළ කළ යුත්තේ එයින් සංඝයා බුද්ධා දී ප්‍රමුඛ මහා සංඝරත්නයට පූජා කළ ඉඩම් රාශියක් අර්බුදයට ලක්වන බැවිනි.  බලයේ රැඳී සිටීම වෙනුවෙන් ඕනෑම පාවා දීමක් කිරීමට සැරසෙන මොවුන් ජනපාතිවරණයෙන් නැවත බලයට පත්වුවහොත් මෙරට ඇමරිකන් කොළණියක් වීම වළක්වනු බැරි වන අතර සිංහල ජාතියේ මෙන්ම සම්බුද්ධ ශාසනයේ ඉරණමද ඉන් තීරණය වෙන බව පැහැදිලිය.

        

අංගම් ඉළන්ගම් සටන් සම්ප්‍රදාය සහ වත්මන් උපයෝගීතාවය

හැඳින්වීම -

       පරම්පරාගතව පැවත එන රහස් සටන් ක්‍රමයක් වන අංගම්පොර සටන් කලාව වසර 5000ක් පමණ ඉහත  රාවන යුගයේ සිට පැවතෙන්නක් ලෙසට හඳුනාගෙන ඇත. දුටුගැමුණු රජ සමයේ සිට විදේශීය පාලන සමය දක්වා පැවති යුධ ජයග්‍රහණ උදෙසා අංගම්පොර සටන් ක්‍රමය භාවිතයට ගෙන ඇත. 1450 දී යාපනය ආර්ය චක්‍රවර්තී පාලනයට විරුද්ධව සටන් කල සපුමල් කුමරුගේ  හමුදාව විදේශිය සේනා පරදවන ලද්දේ ද මෙම සටන් ක්‍රමය ආශ්‍රයෙන් බව පැවසේ.

       15 වන සියවසට අයත් ‘‘ මඟුල් සළකුණ ” නැමති කාව්‍යයේ සෙංකඩගල නුවර  ‍‘ ඇඟේ මැඩිල්ල ’ නම් ආයතනයක සටන් පුරුදු වු මිනිසුන් දැකිය හැකි බව සඳහන් වේ.   17 වන සියවසේ රාජාවලියේ දැක්වෙන පරිදි රාජකීය සිරිතක් වු ‘ ඇ‍‍ඟේ පොර ’ සංදර්ශනයක් කැරළිකාර නායකයෙක් වු ඝෝජණ සිටුවරයා විසින් පැවැත්වූ බව සදහන් වේ. මෙම අංගම්පොරය පුරාතන ලංකාවේ පංච කලංග ලෙස හදුන්වන ලද ‘‘ හේවා කම, අංගම් හරඹ, දූ කෙළිය, අංගම් කෙළිය,  යුධ හරඹ ”      ආදියෙන් එකකි. ‘ ඇ‍‍‍‍‍‍ඟේ ’ යනු ශරීරයයි.  පොර යනු සටනයි. මේ අනුව ඇ‍‍ඟේ පොර,අංගන් පොර, අංගම්පොර වී ඇති අයුරු පැහැදිලිය.    මෙම සටන් කලාව පුහුණු කරන ලදදේ රාජසේවය සදහා තෝරාගත් උසස් කුලිකයන් හටය.  නමුත් පසුව රාජ්‍ය සේවයේ යෙදී සිටි රණවිරුවන්ට මෙය පුහුණු කරනු ලැබිණ.  ආගමට දහමට මුල්තැනක් ලබාදෙමින් විනය නීති මාලාවක් තුළ හික්මීම, නිර්භීතකම මඟින් මෙම සටන් පුහුණුව ලබාදුන් අතර,  ප්‍රධාන වශයෙන් පරම්පරාගතව ගොඩනැගුන මෙම සටන් කලාව උඩරටින් සුදලිය පරම්පරාව සහ මරුවල්ලිය පරම්පරාවටද පහත රටින් සියනෑ කෝරළේ පළිහක්කාර සහ හේවාංග කෝරළේ  වේලක්කාර යන පරම්පරා මතින් ව්‍යාප්ත වී ඇත. එසේම ඔවුන් සටන් කලාව පුරුදු පුහුණු කරන ලද ස්ථානය ‘‘ ඉලංගම් මඩුව ”       ලෙස හඳුන්වයි.

     ශ්‍රී දන්ත ධාතුන්වහන්සේ කෝටටෙන් සපරගමුවට වඩම්මවූ පසු දළදා පෙරහැර පැවැත්වීමටත් එහි ආරක්ෂාවටත් අංගම් ශිල්පීන් යොදවන ලදී. ඔවුහු අංගම් මිශ්‍ර සටන් සම්ප්‍රදායයක් බිහි කළහ.බටුගෙදර අංගම් සටන් සම්ප්‍රදාය පැවතෙන්නේ මෙවැනි උසස් කුලීන සටන් කරුවන්ගෙන්ය.

        මෙම සටන් ශිල්පයට අදාලව ප්‍රධානම ලිඛිත සාධක වන්නේ පුස්කොළ පොත්ය.  ඒ අතර ප්‍රධාන ග්‍රන්ථ 2 වනුයේ ලෙව්කේ දිසාවේ ගේ මරුනිල ශාස්ත්‍රය හා මීගස්තැන්න දිසාවේගේ මරුනිල ශාස්ත්‍රයයි. එමෙන්ම වෙනත් ග්‍රන්ථ අතර රිබෙයිරෝගේ වාර්තා, රොබට් නොක්ස්ගේ වාර්තා, ජෝන් ඩොයිලිගේ සටහන, ප්ලිනිගේ වාර්තා හා එච්. සී. පී. බෙල්ගේ කෑගලු වාර්තාව ද වැදගත් වේ. 1815 ගිවිසුමෙන් ලක්දිව ඉංග්‍රීසීන්ට අයිතිවුවත් 1818 උඩරට මහ කැරැල්ලේදී සිංහලයන් ඉතා අපූරුවට සටන් කිරීම හේතුවෙන් 1821 ඉංග්‍රීසීන් විසින් අංගම් සටන් ශිල්පය තහනම් කරනු ලැබු අතර, ඒ ශිල්පය ප්‍රගුණ කරවූවන්ට දණ හිසෙන් පහළට වෙඩි තැබීමට අණලබා දී ඇත.     

    ජොන් ඩේව් මහතාගේ, ‘‘ලංකාවේ අභ්‍යන්තර පෙදෙස් පිළිබඳ විස්තරයක් ” නම් ග්‍රන්ථයට අනුව මිනිසුන් අතර වෛරය හා කලහය පැතිරීමට එය හේතු බැවින් පසුකාලයේ ලේ වැගිරෙන අවි ගැටුමක් වූ මෙම සටන් අතහැර දැමූ බව සඳහන් වේ.  එසේම මෙය තහනම් කිරීම නිසා පැරණි මුතුන් මිත්තන් මෙය වනවැදී නැටුම් ශාස්ත්‍රය හා මුසුකොට සටන් කලාව ආරක්ෂා කරගැනීම සඳහා ක්‍රියාකර ඇත. වීරපුරන්අප්පු ගොන්ගාලේගොඩ බණ්ඩා වැනි රණශූරයන් ඉංග්‍රීසින් විසින් අත්අඩංගුවට ගැනීමත් සමඟ රට තුළ වු අංගම් මඩු ගිනිතබා විනාශ කරදැමීම මඟින් මෙහි අභාවයට පත් කරවනු ලැබීය.

අංගම් සටන් ප්‍රධාන කොටස් පහකට වෙන් කළ හැකිය -

01. අංගම් ( නිරායුධව )              - ගැට, පැනුම්, පිණුම් ක්‍රම, පා පහර, අත්පහර, යොදාගනී.

02 .ඉළන්ගම් (ආයුධ අතැතිව ) -කඩු සරඹ පිණුම්

03.ගුස්ති -අත් සෙල්ලම් පාසෙල්ලම්

04. මායා අංගම් -  වෙදකම සහ මන්ත්‍ර ශාස්ත්‍ර භාවිතා කරනු ලබයි.

05 . ජ්‍යෙතිෂය - මරු නිල ශාස්ත්‍රය හා නැකැත්

අංගම් පහර -

n  දිග් ගුටිය - උරේ සිට අත දිගහැර ගසන පහර.

n  හරස් ගුටිය - ප්‍රතිවාදියා පහර දෙද්දී ඔහුගේ අත වටා කතිර කොකු බැඳුමක් ඇති කරවන පහර.

n  ඉස්ගුටිය - පන්දුව වීසි කරන්නාක් මෙන් ප්‍රහාරකයාගේ හිසට උඩින් අත වේගයෙන් පද්දවා විරුද්ධවාදියාගේ හකු පිට කන් ඇටය හෝ බෙල්ල පිට ගැසීම.

n  කැපුම - මෙලවූ මිටෙහි සුලැඟිලි  අග හෝ මිට මුල යොදා මුහුණ කන් ඇටය කුලල් ඇටය හෝ නාභි මණ්ඩලය මත වැදෙන සේ  යටි අතට ගසන පහර.

n   චොල්ලේ හෙවත් චොක්කේ - පහර දෙන අත ඇති පැත්තේම ගණහිස අවුළුවා ප්‍රතිවාදියාගේ දණ හිස පසුපසින් ගෙන පිටිපසට පයින් ගසන ගමන්ම අනිකාගේ නාභි මණ්ඩලයට වැලමිටින් ගසමින් ඔහු පසුපසට ඇද වැටීමට සැලැස්වීම.

n  ඉලංගම් (ආයුධ සහිතව)    -

n   කඩුව, හෙල්ල, මුගුර, රාගබෝලය, කෙටේරිය, තෝමරය, සුරුට්ටුවාල, අංකිරිඤ්ඤය, බස්තම ඇතුළු ආයුධ 21ක් යොදාගනී.

n  සටන් පුහුණු කරනු ලබන ස්ථානය ‘‘ ඉලංගම්මඩුව ” ලෙස හඳුන්වයි. මුගුරු හරඹ, ළිං මල්ලව පොර, ගුස්ති ශිල්ප, දුනු ශිල්ප, මිනිස් හා සත්ව පොර ද මෙහිදී පුහුණු කරනු ලබයි.  කඩු ශිල්ප පුහුණුවේදී ඇත් දළින් කරන ලද බොරුකඩු යොදා ගනිමින් ‘‘ පහළට කැපීම - ඔම්මත්තය ලෙසත්, ඉහළට කැපීම - උම්මත්තය ලෙසත්,  ඇනීම - වෙම්මත්තය ලෙසත් ” මෙම ත්‍රිවිධාකාර පහරදීමම ‘‘ විම්මත්තය” ලෙසත් හැඳින්වේ. කඩුව දුන්න මුගුර සිරිය හා හෙල්ල වැදගත් අායුධ පස් වර්ගයයි. ආයුධ තව දෙතිස් වර්ගයක් ඇතැයිද දක්වා ඇත.ආයුධයක උපරිම දිග සරියනකට වැඩි නොවිය යුතුය. ඉතා අඩු දිග සාඟුලකක් විය යුතුය.

n  සිංහල ඉළන්ගම් කරුවන් කඩුවේ නව කොටස දැන සිටියහ. (1) ගෙඩිය (2) මිට හෙවත් සිංහ මූණු මිට (3) අත්වැස්ම හෙවත් අත්හැඩේ (4) වරිසාක්කුව හෙවත් ශැරපේනදියා මුහුණ (5) අල්ලුව (6) කඩුපත හෙවත් ඉස (7) පීලිත(8) අග්ගිස්ස (9) තුඩ

n  ප්‍රතිමල්ලවයාගේ දකුණු පය සිය වම් පයෙන් අවුළුවාගත් මල්ලවයා තම දකුණු පසට ඔහු ඇදීමෙන් සමබර නසා බිම ඇද හෙලීමට තැත් කිරීම.මෙය පොරගැට හා ගැට පොර යනුවෙන් හැඳින්වෙයි.

n  එසේම තම තමන් දෙකකුල් අතර රුවාගෙන එකිනෙකාගේ හිස් මඩින මල්ල පොර ක්‍රමයක්ද වේ.

n  එසේම කාලකිරිඤ්ඤයකින් ඉලයට ඇනීමද සටන් ක්‍රමයකි.

n  මුගුර - උත්තම මුගුර දිගින් දොළොස් වියත් තුනුඟුලකි. ඹධ්‍යම මුගුර පළමුවැන්නට  වියතක් කෙටිය. අධම මුගුර පළමුවැන්නේ දිගින් තුන් කාලකි.

n  මෙම සටන් ක්‍රමය මගින් සිදුවන ආබාධ සුවකිරීමට( ඇනුම් කෙටුම් වෙදකම ), ගැටලිහා දැමීමට, ඕනෑම පහරක් වලක්වා ගැනීමට, ඕනෑම ආයුධයකින් බේරීමට, නිල 107න් මරු නිල 9 හැරුණු විට ඕනෑම නිලයක් යලි යථාතත්වයට ගැනීමේ හැකියාව දක්වනු ලැබෙන ලොව එකම සටන් ක්‍රමය මෙයයි. අංගම් සටනේදී නිල ශාස්ත්‍රය හෙවත් මරණයට පත්වන ස්ථාන වලට පහරදීමේ ක්‍රම ඇත.

ජ්‍යෙතිෂය හා නැකැත් -

   මරු නිල හඳුනා ගැනීම නැකැත්  ක්‍රම උගෙනීම.මගින් ප්‍රතිවාදියාගේ බලය බිඳිය යුතු ස්ථාන හඳුනා ගනී.එකවර මරණයට පත් කිරීම අවශ්‍ය නම් දින කීපයකින් මරණයට පත් කිරීමට සැලැස්වීම ආදිය හදාරනු ලබන්නේ ගුරු ආශ්‍ර යෙන් පමණකි. වෙසෙසින් සත් පුරුෂයකුට පමණක් මෙම ශාස්ත්‍රය දීම සිරිතකි.

ආයුධ ගණ වශයෙන් ගැනීම - දේව ගණ රාක්ෂ ගණ සහ මනුෂ්‍ය ගණ යන මේ එක් ගණයට අයත් මිනිසුන් ජයග්‍රහණය සඳහා භාවිත කළ යුත්තේ සමාන ගණ සහිත ආයුධයි.දේව ගණ ආයුධයන්ගෙන් ජය ලැබේ.රාක්ෂස ගණ ආයුධ විශිෂ්ටය. මනුස්ස ගණ ආයුධයන්ගෙකන් ජය නියත ලෙස ලැබේ. ආයුධයක් එහි ගණය අනුව රියන් වියත් හෝ අඟල් වලට බෙදා මේ ගණන නවයෙන් බෙදූ විට ඉතිරිවන ශේෂයට යෝනි ඵලය යයි කියනු ලැබේ.

විමර්ශණය -

     ලොව අනෙකුත් සටන් ම්ප්‍රදායයන් ගැන සලකා බලන කල්හි දේශීය අංගම් සටන් කලාව ට වෙසෙසි ප්‍රාගුණ්‍යක් හිමි බව පැවසිය යුතුය.වූෂූ කරාතේ චීන අඩි වැනි පෙරදිග සටන් ශිල්ප මෙන්ම ඉන්දියාවේ කලරි වැනි සටන් ක්‍රම වලින් මෙය වෙනස් වන්නේ ඇඟේ සටන් ක්‍රමයක් ලෙසට දක්නට ඇති බැවිනි. සෑම පහරකටම සම්පූර්ණ අත සහ උරහිස්ස ඉදිරියට පැමිණෙයි.නමුත් පහර වදින්නේ උරහිසෙන් විය හැකිය.එසේම නොසිතූ මෙහොතක විහිදා ගත් අත කන් අඩිය හරහා බෙල්ලට එල්ල විය හැකිය. අනෙකුත් පෙරදිග සටන් සම්ප්‍රදායයන් තුළ නොතිබෙන ප්‍රහාර මෙන්ම මායා අංගම් නිසා දේශීය සටන් ශිල්පියා ලෙහෙසියන් පැරදිවිය නොහැකි රණ ශූරයෙකු ලෙසට සලකා තිබේ.

 එළාර දුටු ගැමුණු යුද්ධයේදී බඹර හා දෙබර රෑන් ප්‍රතිවාදීන්ට එරෙහිව යොදා ගැනීම සිදුව තිබේ.එම මායා අංගම් පුරුදු පුහුණු කරනු ලබන්නේ කුණ්ඩලීනී යෝග ආදී ධ්‍යාන වැඩවීමෙනි.එසේම අංගම් ශිල්පීන් ගේ මියගිය මුතුන් මිත්තන් ගේ සහය ගැනීමද මේ මායා අංගම් ශාස්ත්‍ර යේ සිරිතකි.

දේශීය දැනුමක් ලෙසට අංගම් -

       මෙම සටන් සම්ප්‍රදාය තුළ පවතින උපක්‍රම සහ ගුප්ත විධික්‍රම වෙනත් සටන් කලාවන්හි දක්නට නොමැතිය.දැනට රත්නපුර බටුගෙදර අංගම් ශිල්පය රිටිගල අංගම් ශිල්පය කොරතොට අංගම් ශිල්පය සහ බෝපාගොඩ අංගම් ශිල්පය යනුවෙන් පරම්පරා කීපයක් දක්නට හැකිය.නමුත් මින් බහුතරයක සටන් කරුවන් තුළ මෑත කාලීන කරාතේ වූෂූ කුන්ෆූ වැනි සටන් ක්‍රම මිශ්‍රව පවතින බව හැඟේ.නමුත් පෙර සඳහන් කළ පරිදි ඔවුන්ගේ ප්‍රාගුණ්‍ය තුළ සිය මුතුන් මිත්තන් ගේ දැනුම නැවත ආරෝපණය කර ගැනීමට බාධාවක් නොමැත. කෙසේ වුවද අත් සෙල්ලම් පා සෙල්ලම් වැනි හුරු පුරුදු කම් මූලික කර ගත් අයෝමය පුද්ගලයෙකු සමාජයට එහිදී නායකත්වය දෙන බව පෙනේ. මෙම පෞරුෂය පරිපූර්ණ මිනිසෙකු ගේ ස්වරූපයයි. නිවුණු දැමුණු සටන් කරුවකු ඒ මගින් බිහි කරනු ලබයි.අංගම් හා ඉළන්ගම් සටන් සම්ප්‍රදාය තුළ තිබෙන විවිධ මාන ක්‍රමයන් තුළද විද්‍යාත්මක දර්ශනයක් ගැබ්ව පවතින බව පෙන්වා දිය හැකිය.

අංගම් පොර සහ වත්මන් උපයෝගීතාවය -

        අංගම් සහ ඉළංගම් බ්‍රිතාන්‍ය රජයෙන් තහනම් කළ පසුව ඒම සටන් පැවතියේ රහසිගත පාරම්පරික ක්‍රමයක් වශයෙනි. ඉළන්ගම් සටන් ක්‍රමයෙන් භාවිතයෙන් ඉවත් විය. දහඅට වන සියවසේ මුල් භාගයේදී මිෂනාරීන් විසින් වාර්තා කරන ලද්දේ පන්සල් ආශ්‍ර යෙන් මෙවැනි සරඹ මධ්‍යස්ථාන 2500 කට වඩා තිබූ බවයි. මෙයින් අදහස් වන්නේ කුඩා දරුවන් ගේ පෞරුෂය වර්ධනය කිරීමට මෙයින් ලබා දුන් පිටිවහලයි. වෙසෙසින්ම අත් සෙල්ලම් සහා පාසෙල්ලම් වලින් හැඩ ගැසුණු පිරිමි පක්ෂය ට ඕනෑම බර වැඩක නිරත විය හැකි පෞරුෂයක් හිමි විය.පොල් ගෙඩියක් අතින් මිරිකා වතුර ගැනීම මෙයට උදාහරණ ලෙසට දැක්විය හැකිය.මෙම කරුණු සැලකිල්ලට ගෙන වත්මන් උපයෝගීතාවය සඳහා මෙලෙස නිර්දේශ කීපයක් ඉදිරපත් කරමි.

1-අංගම් පොර පිළිබඳ දැනුම සරඹ ක්‍රීඩාවක් ලෙසින් සංවර්ධනය කිරීම.

2- ඉළන්ගම් සටන් ක්‍රමයේ පිණුම් සහ පැනුම්  පුහුණු කිරීම තරඟ ඉසවු වලට යොදා ගත හැකිය.සටන් කලාවක් ලෙසටද එය දියුණු කළ හැකිය.

3 -අංගම් පොර ශිල්පයට අයත් වෙදකම සුවිශේෂය . එයට අදාල දැනුමේ බොහෝ කොටසක් භාවිතයෙන් ඉවත්ව තිබේ. දැනට බෝපාගොඩ හා බටුගෙදර පරම්පරා සතුව මෙම දැනුම සංගෘහිතව ඇත.

4 -මරු නිල ශාස්ත්‍රය පිළිබඳ දැනුම ගුරු ඇසුරෙන් පුරුදු පුහුණු කිරීමෙන් නොයෙකුත් ලෙඩ රෝග සමනයට එය යොදා ගත හැකිය. සමාජ ප්‍රගමනය එහි පරමාර්ථයයි.

5 - අංගම් පොර සටන් සම්ප්‍රදාය ආරක්ෂා කරලීමට මෙම පාරම්පරික ශිල්පීන් විෂයෙහි ප්‍රජා ප්‍රඥප්තියක් ගොඩ නැන්විය හැකිය. එවිට බ්‍රිතාන්‍ය රජය සමයේ සිට පැවති තහනම් නීති ඉවත් කර ගත හැකිවා මෙන්ම වර්තමානයට ගැලපෙන පරිදි උසස් නීතිමය වටිනාකමක් ලබා දිය හැකිය..