සීමා නිර්ණ වාර්තාව අගමැතිගේ පීල්ලට ඒකාබද්ධය පීලි පනියි

                               

         2017 වර්ෂයේ අග භාගයේදී පැවැත්වීමට තිබූ පළාත් සභා මැතිවරණය  කල් තබා කොට්ඨාශ ක්‍රමයට පැවැත්විය යුතු යැයි යටි කූට්ටු පණතක් සම්මත කරගත් යහපාලන ආණ්ඩුව කොට්ඨාශ සීමා නිර්ණය සඳහා දහනව වන ව්‍යවස්ථා සංශෝධනය ප්‍රකාරව සීමා නිර්ණ කොමිසමක් පත් කළහ. දැන් එම කොමිසමේ වාර්තාව පළාත් සභා අමාත්‍යවරයාට භාර දී පාර්ලිමේන්තු ගත කර තිබේ. මෙම වාර්තාව පසුගිය මාර්තු 22  දින පාර්ලිමේන්තුව තුළ විවාදයට ගෙන සම්මත කර ගැනීමට තිබුණද එසේ සිදු නොවීය.2018 අගෝස්තු මාසයේ 24 වන දින පාර්ලිමේන්තුවට මෙම වාර්තාව ඉදිරපත් කරන තෙක්ම  මෙම වාර්තාව ගැන තොරතුරු ලබා ගැනීමට එය අන්තර්ජාලයේ පළ නොකළ බව සඳහන් කළ යුතුය.. මෙම වාර්තාව සකස් කිරීම පිණිස මහජන අදහස් ලබා ගැනීමට යැයි සාකච්ඡා වට මාලාවක් ලංකාව පුරා පැවැත්වුවද ඒවාට ලක්ෂ 212 ක් වැනි මුදලක් වියදම් කළද මහජන නියෝජිතයන් බහුතරයකට එයට අදහස් පළ කිරීමට හැකියාවක් නොලැබුණි.එම සාකච්ඡා වටය කලුතර දිස්ත්‍රික් ලේකම් කාර්යාලයේ පැවැත්වූ දිනයේදී ඒ බැව් කිසිම පළාත් සභා මන්ත්‍රී වරයෙකු දැන නොසිටි අතර එදින බස්නාහිර පළාත් සභාවේ අය වැය විවාදය පැවැත්වූ දිනයද වීම මතක් කළ යුතු කාරණයකි.අහම්බෙන් මෙම අවස්ථාව ගැන දැන ගැනීමට ලැබී එහි පැමිණ අදහස් පළ කළද මාගේ සාක්ෂිය ද එම වාර්තාවේ සඳහන් කර නොමැත.

          මේ සීමා නිර්ණ වාර්තාව මගින්  මා නියෝජනය කරන කලුතර දිස්ත්‍රික්කය එක් අතකින් ජාතිවාදීවද තවත් අතකින් සමාජ විකෘතියක් ඇතිවන ලෙසටද  සකස් කර ඇත. උදාහරණයක් ලෙසට මෙතෙක් බහු ආසනයක් ලෙසට තිබූ බේරුවල ආසනය තුළ සිටි සිංහල ජන සංඛ්‍යාව දෙඩන්ගොඩ නමින් යුක්ත ආසනයකට අනුයුක්ත කිරීම දැක්විය හැකිය. එවිට බේරුවල ආසනය තනි මුස්ලිම් ආසනයක් බවට පත් වේ. සමානුපාතක නියෝජනය මත සිංහල නියෝජිතයෙකු හට පත් විය හැකි නමුදු එය ජයග්‍රාහකයාගේම පක්ෂයෙන් ලැබෙන පත්වීමක් බවට පත් වේ.පළාත් පාලන මැතිවරණයේදී වැලිපැන්න කොට්ඨාශය තුළ එවැනි අවස්ථාවක් ඇති විය.

        මෙම සීමා නිර්ණ වාර්තාව අනුව පැරණි අගලවත්ත ආසනය සම්පූර්ණයෙන්ම අහෝසි වන අතර අලුතෙන් වාද්දුව නම් ආසනයක් නිර්මාණය කර ඇත. එසේම මෙතෙක් දොඩන්ගොඩ ආසනයට තිබූ තෙබුවන ග්‍රාමයද මතුගම ආසනයට කඩා දක්වා තිබේ.කලුතර දිස්ත්‍රික්කය මෙන්ම ලංකාවේ විවිධ දිස්ත්‍රික්කයන් තූළ කර ඇති විකෘති කිරීම්ද අධ්‍යනය කිරීම යෝග්‍ය වේ. මා විසින් මෙම කොමිසම වෙත ඉදිරපත් කළ යෝජනා අතර පසුගිය පළාත් පාලන සීමා නිර්ණ වලදී සිදුවූ වැරදී බෙදීම්ද ඇතුලත් විය. නිදර්ශනයක් වශයෙන් මන්නාරම මුසලි ප්‍රාදේශීය සභාව සඳහා ආසන 07 ක් ඇති කිරීමේ දී  සිදු කළ වැරදි එසේ පෙන්වා දුනිමි. රිෂාඩ් බද්යුදීන් විසින් කපා දමන ලද කල්ලාරු වනයට පවා එක් මන්ත්‍රී අසනයක් වෙන් කර තිබූ ආකාරය පෙන්වා දුනිමි.උතුරේ අවතැන් වූ සිංහලයන් වෙනුවෙන් වෙන් කළ වවුනියා දිස්ත්‍රික්කයේ බෝගස් වැව ප්‍රදේශය පළාත් පාලන සීමා නිර්ණයේදී දිස්ත්‍රික්ක දෙදකටද ප්‍රා දේශීය සභා තුනකටද කඩා වෙන් කර තිබුණි. මේ තුළින් සීමා නිර්ණ කරුවන් බලාපොරොත්තු වූයේ වවුනියා දිස්ත්‍රික්කයට සිංහල මන්ත්‍රී නියෝජනය ශූන්‍ය කිරීමටයි. විශේෂයෙන්ම ඉදිරි පාර්ලිමේන්තු මැතිවරණයකදී මෙන්ම පළාත් සභා මැතිවරණයකදී. සිංහල ජනතාව එක පොකුරුට සංවිධානය වීම මෙයින් වැලකේ.මේවා නිවැරදි කරන ලෙසට කොමිසමෙන් ඉල්ලීම් කළද ඒවා තමන්ට අයත් කාර්යයන් නොවේ යන්න ඔවුන් ගේ පිළිතුර විය.

        මෙවැනි ජාතිවාදී සමාජ විකෘතිවාදී බෙදීම් ඇති මෙම වාර්තාව සකස් කර තිබෙන්නේ කොටි ත්‍රස්තවාදීන් සඳහා අනුග්‍රහය දැක්වූ හිටුපු මිනුම්දෝරු අධිකාරිවරයෙකු වූ කේ.තවලිංගම් මහතාගේ සභාපතිත්වයෙනි. එසේම කොටි කාන්තාවන් වෙනුවෙන් ලිපි සම්පාදනය කල එන්.ජී.ඕ. ක්‍රියාකාරිණියක වූ ආචාර්ය අනිලා ඩයස් බණ්ඩාරනායකද රිෂාඩ් බද්යුදීන් ගේ උපදේශකයෙකු ව සිටි මහාචාර්ය හිස්බුල්ලා ද(ඔහු පසුගියදා මියගියේය) අනෙක් සාමාජිකයන් වෙති.ඔවුහු තමන්ගේ ස්වාමි වරුන් ගේ අරමුණ වෙනුවෙන් මෙම වාර්තාව සැකසූහ.පාර්ලිමේන්තුවට ඉදිරිපත්කර න තෙක්ම මහජනයාට මෙම වාර්තාව නිකුත් නොකරන ලද්දේ මෙම ජාතිවාදී සීම නිර්ණ සහ විකෘතිතා හෙළිදරව් වන නිසාය

        පළාත් පාලන සීමා නිර්ණයෙන් පසු පැවැත්වූ මැතිවරණයේ දී ප්‍රා දේශීය සභාවල ඇතිවූ විකෘතිතා දැන් කවුරුත් අවබෝධ කරගනෙ සිටිති. පරාජිත පක්ෂ වල නියෝජිතයන් බුරුතු පිටින් මන්ත්‍රී වරුන් බවට පත්වූ යේ  ජ.වි.පෙ. මුස්ලිම් කොන්ග්‍රසය හෙළ උරුමය සහ එ.ජා.ප.ය විසින් බලපෑම්කර සම්මත කර ගත්  සියයට හැත්තෑව සහ සියයට හතළිහේ මැතිවරණ ක්‍රමයෙනි.දැන් ඔවුන්ගේම මැදිහත් වීමෙන් සකස් කළ සියයට පණහක කේවල ක්‍රමයත් සියයට පණහක සමානුපාතික ක්‍රමයත් මගින් පළාත් සභාවන් ස්ථාපිත වුවහොත් පළාත් පාලන ආයතන වල දැනට ඇතිවී තිබෙන අර්බුදයන්ට වඩා එහා ගිය අර්බුද රැසක් නිර්මාණය වනු ඇත. එජා.ප යට දැන් තිබෙන එකම හිසරදය නම් ඉදිරි පළාත් සභා චන්දයට මුහුණ දෙන අන්දමයි.නිසැක පරාජය ඔවුන් අභිමුවේ තිබේ.එසේම දෙමළ ජාතිවාදීන් සහ මුස්ලිම් අන්තවාදීන් සතුටු කිරීමට කළ හැකි තවත් දේද ඉතිරිව තිබේ. එම තත්ත්වය තුළ රජය විසින් සිය අනුග්‍රහයෙන්ම සකස් කළ සීමා නිර්ණ වාර්තාවට විරෝධතාවයක් ගොනු කරනු ලබන්නේ මාස පහකට ආසන්න කාලයක සිටයි.කොට්ඨාශ ක්‍රමය වෙනුවට පෙර පැවති සමානුපාතික ක්‍රමයට මෙම මැතිවරණය පැවැත්වීම හොඳයයි සමාජමය මතයක් ඇති කිරීම එයින් එකකි. එසේම චන්දය කල් දමමින් ජනතා විරෝධය යටපත් කරමින් එකම දිනක පළාත් සභා මැතිවරණය පැවැත්වීමට අවශ්‍ය කල් මැරීමද මෙහි තිබේ.මෙම උගුලට ඒකාබද්ද විපක්ෂය පැහැදිලිවම අසුවී ඇත. ඔවුහු රජය සමග එකතුව සිමා නිර්ණ වාර්තවට විරුද්ධව චන්දය ලබා දුන්හ. නමුත් මාස පහක් ගත වීත් මෙම වාර්තාව විශ්ලේෂණය කොට කල එකදු මාධ්‍ය සකච්ඡාවක් හෝ රැස්වීමක්ද නොවීය. එයින් පැහැදිලි වන්නේ ඔවුහු සියල්ල අග්‍රාමාත්‍ය රනිල් වික්‍රමසිංහ මහතා උගුලකට අසුවී ඇති බවය. මන්ද අමාත්‍ය මහින්ද සමරසිංහ මහතාද මැතිවරණ කොමසාරිස් මහින්ද දේශප්‍රිය අතින්ද මේ ගැන ඉඟියක් පළවූ බැවිනි. එනම් අගමැති ගේ මූලිකත්වයෙන් පත්කරන ලද කමිටුවකින් මෙම වාර්තාව නැවත සමාලෝචනය කොට සම්මත කළ හැති බවයි.අගෝස්තු 28 වන දින කතානායක වරයා විසින් එම කමිටුව පත් කොට අවසන් කර තිබේ. එහි සාමාජිකයන් ලෙසට අගමැතිවරයා අර්.එම්.ඒ.එල්. රත්නායක පෙරියසාමි මුතුලිංගම් මහාචාර්ය බාලසුන්දරම් පිල්ලේ සහ ආචාර්ය ඒ.එස්.එම්. නවුෆල් යන මහත්වරුන් පත් කර ඇත. ඒ අතර මුස්ලිම් කොන්ග්‍රසයේ නායක රවුෆ් හකීම් සීමා නිර්ණය තුළ තම ප්‍ර දේශ වලට බහු ආසන ගණනාවක් අවශ්‍ය බව පසුගියදා ප්‍රකාශ කලේය. දැන් බළලා මල්ලනේ එළියට පැමිණ ඇත.නව කමිටුවට ඇතුලත් වන බහුතරය සිංහලයන් නොව දෙමළ හා මුස්ලිම් පුද්ගලයන්ය. එවිට ඉදිරියේදී සිදු වන්නේ මෙම වාර්තාව අගමැතිට අවශ්‍ය වන ආකාරයට ජාතිවාදීන් ගේ ඉල්ලීම අනුව සංශෝධනය කොට සම්මත කර ගැනීමයි. ඒකාබද්ධය පීලි පනින විට අගමැතිවරයා සිය ඉලක්කයන් අනුව ඊනියා යහපාලන කෝච්චිය ඉදිරියට ගෙනයමින් තිබේ.ජනතාව මේ කෝච්චිය ට බෙල්ල තබනවාද නැතිනම් පෙරලනවාද යන්න ඉතා ඉක්මනින් තීරණය කළ යුතුය.

කලු ලෝගුව හෙවත් බිල්ලන් ගේ ඇඳුමට නීතියක් නැද්ද

                                  

           දැන් දශකයක පමණ සිට මෙරට ජීවත්වන මුස්ලිම් ජන සමාජය වෙනස් වෙමින් ඇත. සිංහල ජන සමාජය සමග සමීපව සුහදව සිටි ඔවුහු අන්තවාදී ලෙස කොටුකර ගත මුස්ලිම් දේශපාලන පක්ෂ නිසා ජාත්‍යන්තර මුස්ලිම් සමාජයේ බල පවැත්වෙන මූලධර්මවාදී නීති බලෙන් ආරෝපණය කරගත්  බවක් පෙනේ. එසේම ඉස්ලාම් ශරියා නීති පද්ධතියේ ඇතැම් කොටස් සමාජ ආර්ථික නීති ක්ෂේත්‍රයන්ට රිංගවා තිබේ. මෙරට ජීවත් වූ පැරණි මුස්ලිම් කාන්තාවගේ ඇඳුම වූයේ ඉන්දියන් සාරිය සහ එහි පොට හිස වටා දවටා ගත් ස්වරූපයයි. එයට කිසි විරුද්ධත්වයක් සමාජයෙන් නොතිබුණි. නමුත් පසුගිය දශකය තුළ කලු ලෝගුව  හිස සහ දෙනෙත් සම්පූර්ණයෙන්ම වසාගත් කුලු ලෝගුව වශයෙන් යම් පරිවර්තනයක්  ඇඳුමේ සිදු විය. සමස්ත මුස්ලිම් සමාජයම එයට අවතීර්ණ නොවී ඇති නමුදු මඩකලපුව නුවර  කොළඹ පුත්තලම වැනි දිස්ත්‍රිකයන්හි මේ දර්ශන වඩාත් ම දැකිය හැකිය.මේ කලු ලෝගුව පොරවා ගත් පිරිස හොරකමේ මංකොල්කෑමේ ගිය අවස්ථාවන්ද වර්තමානය වන විට හෙළි වී තිබේ.මේ තත්ත්වය ජාතික ආරක්ෂාවට තර්ජනයක් බව නොකිවමනාය. එසේම රජයේ නිළධාරින් ගේ රාජකාරියටද බාධාවක් බව අමුතුවෙන් කිව යුතු නොවේ.

      කොලොන්නාව ප්‍රා දේශීය ලේකම් සුගත් සිසිර  කුමාර මහතාටද මෙවැනි අත්දැකීමකට මුහුණ දෙන්නට සිදු විය.එම නිසා  තම කාර්යාලයට ඇතුළුවන පිරිස මුහුණ වසා ගෙන නොපැමිණිය යුතු බවත් අනන්‍යතාවය හෙළි කිරීම වැදගත් බවත් දන්වා සිට ඇත . මෙම තීරණය මත වැල්ලම්පිටිය ගෝතමී මාවතේ අංක 223 හි පදිංචි ෆාතිමා නිස්නියා මහත්මිය විසින් ජනාධිපති කාර්යාලයේ මහජන දුක් ගැනවිලි කළමනාකරණ ඒකකය වෙත වාචික පැමිණිල්ලක් කර ඇත.ඒ අනුව මෙම නිළධාරියා ගෙන් නිදහසට කරුණු විමසීමක් කර තිබේ. එහිදී එයට පිළිතුරු වශයෙන් දීර්ඝ එසේම එඩිතරව කරුණු රැසක් සටහන් කර යවා තිබේ. එම ලිපයේ තුන්වන වගන්තිය අනුව පැමිණිලිකාරිය විසින් කරන ලද සාවද්‍ය ප්‍රකාශයට පිළිතුරක් දක්වා ඇත.එය මෙසේය.

මුස්ලිම් කාන්තාවන්ට රාජකාරි සඳහා කොලොන්නාව ප්‍රා දේශීය ලේකම් කාර්යාලයට යෑමට ඉඩ ලබා නෙදෙන බව උක්ත පැමිණිල්ලේ සඳහන් කර ඇත. එය සම්පූර්ණ සාවද්‍ය ප්‍රකාශයකි. මුස්ලිම් කාන්තාවන්ටද සෙසු සියළු පුරවැසියන්ට මෙන්ම කිසිදු භේදයකින් තොරව ප්‍රා දේශීය ලේකම් කාර්යාලයට පැමිණි තම රාජකාරි ඉටුකර ගැනීමේ හැකියාව ඇත. දිනපතාම මුස්ලිම් කාන්තාවන් කාර්යාලයට පැමිණ තම රාජකාරි අවශ්‍යතා ඉටු කර ගන්නා බව පැහැදිලි කරුණකි.එම ලිපියේ සටහන් වූ වැදගත්ම කරුණ දක්වා තිබුණේ   මෙවැනි පුද්ගලයන් ආරක්ෂාවට දැඩි තර්ජනයකි. යනුවෙනි. එම ප්‍රකාශය තව දුරටත් මෙසේය.

       මොවුන් හිස සහ මුහුණ සම්පූර්ණයෙන් ආවරණය කර දිගු ලෝගුවක් ඇඳ අත් ආවරණ පවා පැළඳ සම්පූර්ණ ශරීරයම පූර්ණ වශයෙන් ආවරණය කර සිටින අතර එයට මුවා වී ගිනි අවියක් හෝ වෙනත් ආයුධයක් හෝ බෝම්බයක් පවා සඟවාගෙන රැගෙන විත් දැඩි විනාශයක් සිදු කිරීමේ අවදානම පවතී. විවිධ අපරාධ සිදු කිරීමට හා සමාජයෙන් වසන් වීමට මෙම ඇඳුම භාවිතා කිරීම පීළිබඳ අප රටේ මෙන්ම විදේශවලද උදාහරණ ඇත. කාර්යාලය තුළ හා පරිශ්‍රයේදී නිළධාරීන් ගේ හා සෙසු මහජනයාගේ ආරක්ෂාව තහවුරු කිරීම මාගේ වගකීමකි. එය ප්‍රමුඛ හා අත්‍යාවශ්‍ය කරුණක් මෙන්ම බැහැර කළ නොහැකි වගකීමකි.

         ලංකාවේ බලපැවැත්වෙන වර්තමාන නීතිය ඉංග්‍රීසීන් විසින් පණවා පසුව එම අණපණත් යාවත්කාලීන කර පාර්ලිමේන්තුව මගින් සම්මත කර අධිකරණ පද්ධතිය තුළ ක්‍රියාත්මක වන්නකි.විධායකය ව්‍යවස්ථාදායකය සහ අධිකරණය යනුවෙන් පද්ධති තුනක් මූලික නීතිය බවට පත් කර ඇත්තේය.මෙම මූලික නීතියට අදාලව නීති සංග්‍රහ කර ඇති අතර අතැම් නීති ප්‍රතිපාදන සඳහන් කර නොමැති අවස්ථාවල මූලික නීතියේ ප්‍රතිපාදන පිහිට කොට ගැනේ.එසේම ආරක්ෂාව සම්බන්ධව ප්‍රශ්ණයක් ඇති විට පොලිස් නියෝග නිකුත් කිරීමේ රීතියක්ද ඇත.

      හඳුනා ගැනීමට නොහැකිවන සේ කළු රෙදි වලින් සම්පූර්ණ ශරීරය ආවරණය කරගෙන රිය පැදවීම සම්බන්ධයෙන් දැනුම්දීම යනුවෙන් 2017/11/19 දාතම යටතේ නීතිඥ ප්‍රසාදීනි මුදුන්කොටුව මහත්මිය පොලිස් පති තුමාට ලිපියක් යොමු කරන ලද්දේ මේ අතරය.  2018/05/05 වන දින(මාස හයකට පසු ) පොලිස් නීති කොට්ඨාශය භාර අධ්‍යක්ෂ පොලිස් අධිකාරී නීතිඥ ඩබ්.ජේ.එන් සේනාරත්න මහතා මෙම ලිපියට පිළිතුරක් සපායා ඇත.එහි ගම්‍ය වන ප්‍රධාන අදහස මෙයයි..

    අපරාධ නඩු විධාන සංග්‍රහය අනුව තත්කාලයේ ශ්‍රී ලංකාවේ බලපවත්නා යම් නීතියක් මගින් දඬුවම් පැමිණවිය හැකි යම් ක්‍රියාවක් හෝ නොකර හැරීමක් වරදක් ලෙසට අර්ථ නිරූපණය කර ඇත.ඒ අනුව ඔබ විසින් යොමු කර ඇති ලිපියේ සඳහන් කර ඇති කරුණ සම්බන්ධයෙන් නීතිය ක්‍රියාත්මක කිරීම සඳහා ශ්‍රී ලංකාවේ බලපවත්වනා යම් නීතියක් වගන්තියක් හේ වගන්ති සහ එම වගන්ති යටතේ දඬුවම් කළ හැකි වගන්ති හෝ වගන්ති පිළිබඳව මා දැනුවත් කිරීමට කටයුතු කරනු ලබන්නේ නම් ඒ පිළබඳව තෘතඥතාව පළ කර සිටිමි. නීතිඥ ප්‍රසාදීනී මුදුන්කොටුව මහත්මිය මෙම ලිපියට පිළිතුරු වශයෙන් 2018/07/04 දාතම යටතේ පොලිස් නීති කොට්ඨාශයට යොමු කරලද ලිපියේ මුඛ්‍ය සාරංශය මෙසේය.

ඔබ වෙත ඉදිරිපත් කරන ලද ලිපියට පිළිතුරු වශයෙන් ඊට අදාල නෛතික ප්‍රතිපාදන පවතින්නේ ශ්‍රී ලංකාවේ පවතින කුමන් නීතියක් යටතේද යන්න නැවත මා වෙතින් විමසීමෙන් පෙනී යන්නේ මෙම කරුණ ශ්‍රී ලංකාවේ නීතිය අනුව වරදක් ලෙස නොසලකන බවත් ඊට දඬුවම් ලබා දීමට දැනට ශ්‍රී ලංකාවේ නීතයක් නොමැති බවත්ය.

කරුණු එසේ නම් පහත් සඳහන් කාරණා සම්බන්ධයෙන්ද ඊට බලපවත්නා නීතියක් ශ්‍රී ලංකාවේ ක්‍රියාත්මක වන්නේද නැද්ද යන්න පිළිබඳව සැකහැර දැන ගැනීමට මම කැමැත්තෙමි.

1/ යතුරු පැදි ධාවනයේ දී සම්පූර්ණයෙන්ම මුහුණ වැසෙන සේ හෙල්මටයක් පැළඳීම ශ්‍රී ලංකාවේ කවර හෝ නීතියක් යටතේ වරදක් ලෙස සලකනවාද නැද්ද  එය වරදක් නොවන්නේ නම් වරදක් සේ හුවා දක්වමින් මීට පෙර අවස්ථා ගණනාවකදී පොලිස් දෙපාර්තමේන්තුව මගින් හෙල්මට් පැළඳ යතුරු පැදි ධාවනය කිරීම  තහනම් කිරීමට උත්සාහ ගත්තේ ශ්‍රී ලංකාවේ බලපවත්වන කුමන් නීතයක් යටතේ ද යන්න සහ එහිදී සම්පූර්ණයෙන්ම මුහුණ වැසෙන සේ හෙල්මටයක් පැළඳීම වරදක් වන්නේ කවර හේතු නිසාද යන්න.

2/ එසේම මෝටර් රථ වල ඉදිරි පස සහ පසුපස පැති වීදුරු ටින්ටඩ් කර ඇති බව මා දැක ඇත්තෙමි.එසේ ටින්ටඩ් කිරීමේදී මොටර් රථයේ ඇතුලත ගමන් කරන පුද්ගලයෙක් පිටත සිට බලන අයෙකුට නොපෙනෙන පරිදි ටින්ටඩ් කිරීම ශ්‍රී ලංකාවේ කවර හෝ නීතයක් යටතේ වරදක් ලෙස වරදක් ලෙස සලකනවාද නැද්ද යන්න එය වරදක් ලෙස සලකනවානම් ඒ කවර නීතියක් යටතේද යන්න සහ එය වරදක් වන්නේ කවර හේතු නිසාද යන්න

4/ සම්පූර්ණයෙන්ම මුහුණ ආවරණය කරගෙන රිය ධාවනය කිරීමට එරෙහිව ක්‍රියාත්මක කිරීමට හෝ දීමට දඬුවමක් හෝ නීතියේ නෙමැති කම හේතුවෙන් ඉදිරියේදී අවශ්‍ය නම් ඕනෑම අයෙකුට සම්පූර්ණයෙන්ම මුහුණ ආවරණය කරගෙන රිය පැදවීමට හැකියාව ඇත්ද යන්න සහ එවැනි අවස්ථාවල පොලිසිය ට ඊට විරුද්ධව කිසිවක් කළ නොහැකිද යන්න පිළිබඳව මා දැනුම්වත් කරන ලෙසද ඉතා කාරුණිකව ඔබ තුමාගෙන් ඉල්ලා සිටිමි.

   වගන්ති අටකින් යුත් මෙම ලිපිය පොලිස් නීති කොට්ඨාශයට පාඩමකි. එක් ජන වර්ගයකට එක් නීතියක්ද තවත් ජන කොට්ඨාශයකට තවත් නීතියක්ද සිංහලජාතියට පොදු නීතියක්ද වශයෙන් සලකන පොලිසිය. ආණ්ඩුක්‍රම ව්‍යවස්ථාවේ 111 වන පරිඡේදයේ(මූලික අයිතිවාසිකම්) 12(1) සහ (2) වගන්ති අනුව( කිසිම පුරවැසියෙකු වර්ගය ආගම භාෂාවද කුලයස්ත්‍රී පුරුෂ භේදය දේශපාලන මතය හෝ උපන් ස්ථානය යන හේතු මත හෝ කවර හේතුවක් මත හෝ වෙනස්කමකට හෝ විශේෂයකට හෝ භාජන නොවිය යුත්තේය.) කටයුතු කර නොමැති බවද පැහැදිලිව පෙන්නුම් කෙරේ.වර්තමානය වන විට පොලිස් මාධ්‍ය ප්‍රකාශක විසින්ද අගතියට පත් පාර්ශවයන්ට චෝදනා කරන තත්වයක් යටතේ මහජනයාට ඇත්තේ කුමන ආරක්ෂාවක් දැයි සැකයක් මතුවේ. සැබවින්ම  ඇස් බැඳ තිබෙන යුක්තියේ දෙවඟන පැහැදිලිවම  එළිපිටම දූෂණය කොට  ඇති බවද  මෙම කරුණු වලින් මනාව පැහැදිලි වේ.