අපේ මුතුන් මිත්තන්ගේ දිව්‍ය ඖෂධ

                                        

         චරක සංහිතාව සුශ්‍රැතය යනුවෙන් අද භාවිතා වන්නේ ආයුර්වේද මූල ග්‍රන්ථයන්ය.ඒවා පරිස්සමින් කියවා ගෙන කල්හි තේරුම් ගත හැකි එක් දෙයක් ඇත. මේ වෙදකම ඉසි වරුන් ගේ අභාෂයමත ගොඩ නැන්වී විකාශනය වූ මෙහි දැක්වෙයි. පුලතිසි ධන්වන්තරී වැනි ඉසි වරුන් තමන්ගේ අධ්‍යාත්මික ශක්තිය මෙහෙයවා මේ දැනුම සංග්‍රහ කල ආකාරය මැනවින් පැහැදිලි වේ. මොවුන් දිව්‍ය ආත්ම දරන්නන්ද එසේත් නැතහොත් දිව්‍ය අවේශයන් මත ක්‍රිය කරන්නන්ද යන්න අවිනිශ්චිතය. නමුත් ධ්‍යාන බලයෙන් ලබා ගත් දෙයක් තම සිසුන් හා සාකච්ඡා කරමින් ලොව හිත සුව පිණිස යෙදවීම එහිදී අනුමතකර ඇත. මෙහිදී අපේ වෙද පොත් වල දක්නට ලැබෙන එක් වගන්තියක් කෙරෙහි අවධානය යොමු කළ හොත් මේ පැණයට  යම් කිසි පිළිතුරක් ලබා ගත හැකිය.

      අපේ පැරණි වෛද්‍ය ග්‍රන්ථයන් ලියන ලද පුස්කොළයන් දුරාතීතයේ සිටම වර්ධනය වූ ලේඛන කලාවක උපරිම අවස්ථාවකි. මෙහි අන්තර්ගත දෑඅතර අත් දුටුවයි සත්තයි ප්‍රත්‍යක්ෂයි යන වගන්තියද දිව්‍ය ඖෂධයක් හා සමානය යන වගන්තියද නිතර දක්නට ලැබේ.  අත් දුටුවයි සත්තයි යන්න ලැබෙන්නේ කළ පළපුරුද්දෙනි.ඇතැම් බෙහෙත් වට්ටෝරු නිතර යෙදීමෙන් භාවිතය මත ඒවායේ මනා ගුණයන් පැහැදිලි වී තිබුණි.එහි ඖෂධවේදය ගැන ඇතැම් විට ගැඹුරින් නොදැන හිටියද රෝගියාට ඉන් සුවයක් ලබෙන බව වෛද්‍යවරු දැන සිටියහ.

    බොහෝ විට ස්ත්‍රී රෝග හා ගැබිණි චිකිත්සාවේ දී දක්නට ලැබන ඖෂධ අතර දෙවියන් ගෙන් ලබා ගන්නා බෙහෙත් බහුලය. දෙවියන් යනුවෙන් මෙහිදී හඳුන්වනු ලබන්නේ මනුෂ්‍යයන් වෙත විවිධ පණිවුඩ ලබා දෙන්නන්ය. සිහිනෙන් හෝ වෙනත් අධ්‍යාත්මික බලයකින් මෙම බෙහෙත් පිළිබඳ දැනුම ලැබෙන බව පැරණියන් ගේ මතයයි. රජරට කුඹුරු වල පසෙහි ආසනික් තිබෙන්නේ යයි දෙවියන් ගෙන් ලැබ ගත් දැනුමකින් කියවුණි. එය දැන් නවීන මත අනුව ද ඔප්පු වී ඇත. එම වකුගඩු රෝගයටද දැන් එසේම බෙහෙත් ලබා දේ. මේ පහත පළ වන්නේ දරුවන් නැති කාන්තාවන්ට ලබා දුන් ආහාරමය ඖෂධයකි.එයද දිව්‍ය ඖෂධයකි.

      අරලු බුලු නෙල්ලි සමසේ ගෙන මදක් තෙරපා කුරුම්බා ගෙඩියක් ඇතුලේ දමා පියන වසා තබා පසුව එම පැන් පෙරා ගෙන දරුවන් නැති කාන්තාවට පොවීම පළමු පියවරයි.ඉන් පසු දෙමට කොළ පිල කොළ  එක පමණට ගෙන කොටා හීනටි නම් පාරම්පරික සහල් පිටි මේ යුෂයට කලවම් කොට කබලු නෙහොත් රොටි පුලුස්සා  දියකාවාගේ මස් ඇඹුල් නොදා උයා ගෙන රොටි සමග අනුභව කිරීම මේ බෙහෙතයි. මේ දරුවන් වැදූ මවකට නිර්දේශිත කිරි එරෙන බෙහෙතකි. මඟුල් කරඳ මුල් සිනිඳු කොට ලියා කුඹුරු දලු හීනටි හාල් එක්ව අඹරා එයින් කැවුම් උයා ගිතෙලින් අනා කෑ යුතුය.

          මේ ආකාරයට අපගේ පැරණියන් ළඟ වූ හස්තසාර ඖෂධ රාශියකි. පැරණියන් ආතුර පරායණයෙහි නොහොත් ලෙඩා මූලික ව පමණක් කටයුතු නොකළහ. ඒ වෙනුවට ස්වස්ථ පරායණයෙහිම යෙදුනහ. සුවය අරභයා කළ හැකි වත් පිළිවෙත් ම ඉටු කළහ. ආහාර පාන විහරණ යනු ත්‍රීත්වයම ඖෂධීය වශයෙන් ගෙනන කටයුතු කළහ.එය වර්තමාන ආයුර්වේද චිකිත්සාවේද යොදා නොගන්නා ක්‍රමයකි. මෙහි දැක්වෙන බෙහෙත් වට්ටෝරුවලින් හෙළි වන්නේ එයයි. පහත පෙනෙන ඖෂධය බහුලව යෙදෙන ලෙඩ රෝගයකට පිළියමකි. අන්ඩ වෘද්ධිය ජල වෘද්ධිය හා වාත වෘද්ධිය යනුවෙන් උදරය පහළ කොටසේ අණ්ඩයේ හට ගන්නා ලෙඩ පිරිමි පක්ෂයට බහුලව වැළදේ. ඉනුත් වාත වෘද්ධය නොහොත් අණ්ඩ වාතය වේදනා කාරීය. බලන්න මේ ඖෂධයෙන් නොහොත් ආහාරමය ඖෂධයෙන් බෙහෙතක් සකස් කර ගත්අන්දම. එය දැක්වෙන්නේ මෙසේය.

          අරලු බුලුනෙල්ලි ඉඟුරු ගමිමරිස් අබ වදකහ සුදු ලූණු කරාබු වාසාවාසි සාදික්කා පෙරුන්කායම් සහිඳ ලුණු තිප්පිලි මේවා කලන් තුන බැගින් ගෙන අව්වේ වියළා සියුම්ව කුඩුකර ඒ බරට බරක් හිනටි පිටි එක් කර ඒ සියලු බරට කිතුල් හකුරු කිරා එකට අනා ගත යුතුය. ඉන්පසු නැවුම් මුට්ටියක් ගෙන එයට තුන් කාලක් පමණ වන තුරු දලුක් පලු පෙති ගසා දමා ඉතුරු කොටසට කුරුම්බා ගෙඩි හතරක පමණ වතුර දමා මුට්ටියේ කඩ පිම්ම බැඳිය යුතුය. මේ කඩ පිම්ම උඩ ඉහත සඳහන් ද්‍රව්‍ය කෙසෙල් කොළයක ඔතා තබා හොඳින් තැම්බෙන්නට හැරිය යුතුය. පිට්ටුව තැම්බුනායින් පසුව බෝතලයක අසුරා ගෙන එක් වරකට නෙල්ලි ගෙඩියක් පමණ උදේ හවස අනුභව කළ යුතුය.  මේ බෙහෙතෙන් තුන් දොස් සමනය කරන ගුණය මෙන්ම වාත කොපය නසන ගුණයද අන්තර්ගතය බඩේ කෑ ගැසීම් කොරවීම් පහ කරන මෙම ඖෂධය දලුක් පලු යුෂයෙන් නැගෙන සගන්ධ ශිලීතෙලේ වාෂපයෙන් තම්බා ගැනීමම දිව්‍ය ඖෂධ ගුණය ඉස්මතු කර පෙන්වන්නකි.කුරුම්බා වතුරෙන් දලුක් වල විස නැසෙන අතර එහි පවතින ඖෂධ ප්‍රභාවය ඉදිරියට ගනී. නිතර ගන්නා පිට්ටු ඖෂධයක් වන්නේ සිවස්ථ පරායණයෙහිම අරමුණු තිබූ බැවින්ය. මේ තවත් බෙහෙතකි.

            නවසි කුරුම්බා ඇට්ට හිරමණයෙන් ගා ගෙන හීනටි හාල් පිටි සමග කලවම් කොට ගොලගැට නන්වා කඩ පිම්මේ දමා තම්බා කිතුල්පැණි සමග වැළඳීම මෙහි ක්‍රමයයි. මෙම ඖෂධය ගැනීමෙන් බඩේ නිතර ඇති වන කෑ ගැසීම් බඩ පුරවා දැමීම් මෙන්ම වාත කෝපකර ටික ටික බඩ එළිය යාම් ද නවත්වා ගත හැකිය. පොල් පවුලේ සමාජිකයෙකු වන නවසි ගස ලංකාවේ ජනතාවට ආගන්තුක නොවේ. තැඹිලි කුරුම්බා කුන්දිරා රන් තැඹිලි හා නවසි අතරින් ඖෂධ පිණිස ගැනෙනවානම් වැඩියෙන්ම ගැනෙන්නේ නවසිය. ඒ තුන් දෙස සමනය කරන ගුණයක් එහි පවතින බැවිනි.

   මේ සියලු බෙහෙත් වට්ටෝරු වලට හීනටි හාල් ගැනීමදමෙහිදි වෙසෙසින්ම සගකා බැලිය යුත්තකි. බත් වශයෙන් ගැනිමට වඩා අපගේ පාරම්පරික සහල් වල පවතින මේ ඖෂධ ගුණයන් ඉස්මතු කර යොදා ගැනීම සිංහල වෙදකමේ සිරිතයි.එම නිසා සෑම  කුඹුරකම කොටසක් හීනටි වගාව සඳහා යොදා ගැනීමට තිබූ සම්මතය පැරණියන් ගේ යහ ගුණයන් හෙළි කරන්නකි.

                    

2013-02-24

                                බටහිර විද්‍යාව නුදුටු සුජාත දියණිය හලාල් කළ දේශපාලනය

 

      ලංකාවේ වාරි මාර්ග පුනරුත්ථාපනය යළි ඇරඹි යටත් විජිත සමයේ දී රජරට වැවු සාගරයන්හි තිබූ සොරොවු සහ නිර්මිතයන් දුටු ඉංග්‍රීසි ජාතිකයින් විශ්මිත වූ බව ඔවුන් ගේ ලියවිලි වල විච්චූරණ සහිතව සටහන් කර තිබේ. අමුඩේ ගසා හිණට වස්ත්‍රයක් පමණක් ඇති සිංහළයින්ට මේ සා විශාල වැඩ කළ හැකි තාක්ෂණයක් භාවිතා කළ හැකි දැයි නිකමට සිතූ ඔවුහු සිංහළයින්ටත් වඩා සමත් ලෙස ඒවා ප්‍රතිසංස්කරණය කළ හැකි යයි කල්පනා කොට දෙපාර්තමේන්තුවක්ද පිහිටුවීම දක්වා කටයුතු කළහ. නමුත් ආරම්භයේ දීම ඔවුන් වැඩේ අනා ගත්හ. හැදූ වැව් ද අමුණු ද ගංවතුරාවට කැඩී ගියේය. මිනිසුන්ගෙන් මුදල් ගෙවා වැඩ ගන්නට ගොස් තවත් වරක් ඔවුන් අමාරුවේ වැටුණු බව සඳහන්ය. මේ ඉංජිනේරුවරු වැව දුටුවේ පොකුණක් විලසය. ඔවුහු වැව්වල බිසෝ කොටු ඇතැම් විට වෙනස් කළහ. මඩ හොරොව් වසා දැමීමට කටයුතු කළහ. මේ නිසා ඉතා ඉක්මනින් වැව්වල රොන් මඩ කට්ටි කපා ඉවත් කිරීමට සිදු විය. නැවත ඔවුන්ගේ මග ගත් වර්තමාන කලු සුද්දන් ද යෝධ ඇලේ ඉසව්වන් වෙනස් කොට එහි ආත්මය විනාශ කළහ. බටහිර විද්‍යව හා තාක්ෂණය හිසින් ගත් දැනුම් පද්ධතියකින් හසුරුවන ලංකාවේ ඉංජිනේරුවන්ට තවමත් වැව හා අමුණ හඳුනා ගත නොහැකිය. වැව හා අමුණ යනු සිංහළයින්ගේ ජීවන පැවැත්මේ කොටස් බව දන්නෝ ද අද ඉතා අල්පය.

     දහ හත් වන සියවසේ යුරෝපයේ වගාවන්ට වෙසෙසින්ම අර්තපල් වගාවට පැතිරුණු වසංගත තතවයන් නිසා ආසනික් නම් රසායන ද්‍රව්‍ය ඉසීමට කටයුතු යෙදූ අන්දම ඉතිහාසයෙන් දැන ගත හැකිය. කොපර් ඇසටො ආසනයිට් නොහාත් පැරිස් ග්‍රීන් යනුවෙන් හඳුනවන ලද මේ සංයෝගය 1760 වසරේ දී ලුවිස් කැලිඩේ නම් පුද්ගලයා සැදූ ආසනික සංයෝගයේ වැඩි දියුණුවකි. පසුව මේ ආසනික් යෙදිම මනුෂ්‍ය සංහාරයක් දක්වා දුර දිග ගියේ 1961 වසරේ දී වියට්නාම් යුද්ධයේ දි ඒවා යෙදීම නිසාය.ඒජන්ට් බ්ලූ නම් වූ ඒ සංයෝගය ගුවනින් ඉස ගරිල්ලන් මැරීමට තැත් කළ අතර ඉන් විශාල ජීවිත ව්‍යසනයක් හා පරිසර ව්‍යසනයක් සිදු විය. ආසනික් යන ද්‍රව්‍ය අප දේශියව හඳුනාගන්නේ පාෂාණම් විශේෂයක් වශයෙනි. පුරාණ කාලයේ සිට මේ ද්‍රව්‍ය නොයෙකුත් රටවලින් මෙරටට ආනයනය කලේ එහි පවතින ඖෂධීය ගුණය හේතුවෙනි. ආයුර්වේදයේ බලගතු ඔසුවක් වන පාෂාණම් කරවිල ගෙඩියේ දමා විෂ මරාපසුව උණු අලු පල්ලේ දමා තම්බා ගැනීමෙන්  පසුව ඖෂධ පිණිස යොදා ගනිති. අපගේ බෙහෙත් ගුලි කල්ක වලට පාෂාණම් බහුලව යොදා ගත් ආකාරය වටිකා ප්‍රකරණය නම් වෙද පොතෙන් හෙළි වේ. හරිත රසායන ක්‍රම වේදයක් මගින් විස මරා එහි ප්‍රභාව ඉස්මතු වන සේ එහි අභ්‍යන්තරයේ වෙනස් කම් ඇති කිරීම දේශිය දැනුම පද්ධතිය අනුදත් පිළිවෙල විය. ඒවා මනුෂය ඝාතනය පිණිස හෝ සත්ව ඝාතනය පිණිස යොදා නොගැනීමට තරම් හික්මීමක් පුරාණ ජන සමාජය සතුව තිබුණි.

        මණුෂ්‍යයාගේ හිත සුව පිණිස එලෙස යොදා ගත් පාෂාණම් පස් වර්ගයක් එකතු කර විස ගලක් නිර්මාණය කර සර්ප දෂ්ඨයකදී  විස ඉරීම සඳහා යොදා ගැනීමද කර තිබේ. විසෙන් විස නැසෙන්නේ යයි කතාවක් ඇතිව තිබෙන්නේ මේ නිසාය. බටහිර විද්‍යාවත් දේශීය පාරම්පරික දැනුම් සම්භාරයත් වෙනස් වන්නේ මෙතනදීය. අපේක්ෂා අරමුණු සහ  පරමාර්ථ සකස් කරන සංස්කාතික හර පද්ධතිය මෙහිදී විද්‍යාවේ දැනුමේ පසුබිමෙන් වෙයි. බටහිරයන්ට නොමැතිව තිබෙන්නේද මේ හර පද්ධතියයි. එවැනි හර පද්ධතියක් තිබුණේ නම් වියට්නාම් යුද්ධයට ඒජන්ට් බ්ලූ යොදා ගන්නේ නැත. යටත් විජිත පාලනය නිසා මේ අගනා හර පද්ධතිය අපෙන් ගිලිහී යාමේ ප්‍රතිඵලය නම් දැනුම පිණිස බටහිරට ණය ගැතිවීමයි. ඒ නිසා වත්මන් විද්වතුන් අන්ධානුකරණයෙන් මේ නව තාක්ෂණය බදා ගැනිමට උත්සාහ දරමින් සිටී.බටහිර විද්‍යාව යනු දේව භාෂිතයක් ලෙසට සැලකීමක් වරත්මාන සාමාජය තුල වෙයි.       පලිබෝධනාශක වල ආසනික් අඩංගු යයි ස්ථිර වශයෙන්ම සොයා ගත්තේ තැළණිය සරසවියේ විදවතුන් කණ්ඩායමක් විසිනි. ඔවුහු භාවනා ක්‍රමයක් මගින් මේ පණිවුඩය ලබා ගෙන ඇත. නමුත් එය ජනතාවට තහවුරු කර පෙන්වීම පිණිස නවීන තාක්ෂණික උපකරණ යොදා ගත්හ. එහි වරදක් ඇතැයි මම නොසිතමි. වර්තමානයේ බොහෝ විද්‍යගාරවල කෙරෙන්නේ නවීන තාක්ෂණය පිහිටෙන් බටහිර මත තහවුරු කරලීමට කාලය වැය කිරිමයි.

    මේ අවදියේදී ඉතාමත් ජනප්‍රිය වූ රූපවාහිනී ටෙලි නාටක මාලාවක් වන සුජාත දියණිය රූප රාමු පෙළක එන සිදු වීමක් මෙහිදී මතක් කරලීමට කැමැත්තෙමි. එහි ප්‍රධන චරිතය වන චන්ගුමිය හෙද නිළධාරිණියකි. ඇය පසල් දනව්වක ඇතිවූ වසංගත තත්වයක් මැඩලීමට පර්යේෂණ ආරම්භ කරයි. එහිදී ඇය නිරීක්ෂණ වශයෙන් පරිසරයෙන් බොහෝ දේ ලැබ ගන්නා අතර ලෙඩ  රෝග වැළඳුණු එළවුලු ජනතාව විසින් ආහාරයට ගැනීම මෙම වසංගතයට ප්‍රමුඛ හේතුව බව සොයා ගැනීමටද සමත් වෙයි. නමුත් රජ වාසලේ ප්‍රධානීන් මෙම සොයා ගැනීම ප්‍රතික්ෂේප කරන අතර ඔවුන් ගේ නිගමන අනුව වසංගත ඇතිවුණු  ගම්  ගිනි තැබීම සිදු වෙයි. නමුත් චන්ගුමී විසින් නිවරදිව ඉදිරිපත් කරන ලද දත්ත හා ප්‍රතිකාර නිසා රෝගීන් සුව පත් වීමෙන් ඇය ජනතා ප්‍රසාදය දිනා ගැනීමට සමත් වෙයි.

      රජරට වකුගඩු රෝගය ට හේතුව ගැන සෙවීමේ දී මේ රටේ විද්වතුන් ද කටයුතු කලේ ඇස් කන් නෑසු පරිද්දෙන්ය. ඔවුහු පිටරටින් දුන් මුදල් සම්භාරයන්ට ගිජු වෙමින් එවා නාස්ති කරමින් රෝගයට සැබෑ හේතුව මග හැරියහ. දේශපාලන බලධාරින්ද රජරට රෝහල් වල වකුගඩු පිරිසිදු කරලීමේ යන්ත්‍ර සවි කරලීමට කෝටි ගණන් මුදල් වැය කිරිමට උත්සාහ ගත් අතර ඇතැම් නායකයින් රජරටට පිරිසිදු ජලය සැපයීමට ජල සම්පාදන ක්‍රමයක් ඇති කරලීමට වාහල් කඩ වැව උපයෝගී කර ගන්නා බවට පොරොන්දු දුන්හ. මේ කිසිවකින් රෝගයට මූලික හේතුව බැහැරකිරිමට පිටුබලයක් ඇති නොවන්නේයයි කිසිවකුත් සිතුවේ නැත.පලිබෝධනාශක වල සුලු වශයෙන් ආසනික් අඩංගු වීම ප්‍රශණයක් නොවන බවට පලිබෝධනාශක රෙජිස්ටාර්වරයා කළ ප්‍රකාශය බරපතලය.  යුරෝපයෙන් ඉවත් කරන ආසනික් අප ද්‍රව්‍යයන් පලිබෝධනාශක වලට කලවම් කර බහුජාතික සමාගම් විසින් මෙරට ආනයනය කරන බව ඔප්පු වූයේ කැළණි සරසවියේ කණ්ඩායමේ පරීක්ෂණ නිසාවෙනි. මේවාද පිළිගැනීමට රජය මැළි විය. නිළධාරින්ද මැළි විය. ඒ මුදලට තිබෙන ගිජු කම නිසාය. නමුත් දැන් ලෝක සෞඛ්‍ය  සංවිධානය ද මේ සොයාගැනීම අනුමත කර ඇති බැවින් රජයටද කළ හැකි කිසිවක් නොමැති වී තිබේ.  

   මේ කතාව  මහාචාර්ය නලින්ද සිල්වා මහතා විසින් ලියන ලද බටහිර විද්‍යාව ආසනික් හා දෙවියෝ නම් කෘතිය තුලින් සාකච්ඡා කෙරේ. නලින්ද සිල්වා මහතා නොවන්නට කැළණිය සරසවිය තුල මෙවැනි පර්යේෂණයක් දියත් කිරීමට අවස්ථාව නොලැබෙනවා නො අනුමානය. ඒ තරමට මෙරටට ගැලපෙන දැනුම මෙරට බුද්ධිමතුන් විසින් හරාම්(තහනම් ) කරතිබේ. එසේ වූ කල්හි සුජාත දියණිය හලාල් (අනුමත) කර ඇත්තේ ඇයිදැයි  අප මදක් කල්පනා කළ යුතුව තිබේ. ආසියාතිකරයේ පාරම්පරික දැනුම අගය කරමින් ඒ පුරුෂාර්ථ  වලට නව වටිනාකමක් දෙමින් නිර්මාණය කර ඇති සුජාත දියණිය අගනා කතා වස්තුවකි. නොයෙකුත් ශාක වර්ග පාරම්පරික දැනුම අනුව රස ගුණ සපිරිව සකස් කර ගැන්මට එහි ඉදිරි පත් කර තිබෙන ක්‍රමවේදය අති විශිෂ්ඨය. පුරාණ සිංහල සූප ක්‍රමවලට එහි සමාන කමක් තිබේ. එසේම එහි ආසියාතිකරයේ පවතින බල අරගලයේ දේශපාලනයද මැනවින් කියැවීමකට ලක් කර ඇත. එසේ  වූ විට මෙම නාටකය හලාල් කර ඇත්තේ ඇයි දැයි සාකච්ඡා කළ යුතතේ මෙසේය.

   ලංකාවේ හරාම් සහ හලාල් යන වදන් දෙකට ඇත්තේ කෙටි ඉතිහාසයකි. නමුත් මේ රටේ පුරාණයේ සිට භාවිතයේ තිබූ  බලගතු ඖෂධයක් වන ත්‍රෛයිලෝක විජය පත්‍ර නොහොත් කංසා තහනම් කර තිබෙන්නේ දහනව වන සියවසේදීය. ගව ඝාතනය හා ගව මස් බුදීම මෙරට සංස්කෘතියට අනුව හරාම් වුවද  යුරෝපීයන් විසින් එය මෙහිදී හලාල් කර ඇත. එම නීතිය තවමත් අකුරටම ක්‍රියාත්මක වෙයි. දේශපාලනයේ ද සංස්කෘතියේද මේ ආකාර උදාහරණ රාශියක් ගෙන හැර දැක්විය හැකිය. ඒ අනුව මෙරට පාසල් වලට බටහිර දැනුම හලාල් වන අතර දේශිය දැනුම හරාම් වේ. මේවා ද හලාල් කර ගැනීමට අවශ්‍ය නම් පිටරට ව්‍යාපෘතියක් ඔස්සේ පැමිණිය යුතුය. මේ ව්‍යපෘති වලට අනුව සිංහල වෙදකම් විකල්ප වෛද්‍ය ක්‍රමයකි. එහිපවතින පත්තු මැල්ලුම් තෙල් වර්ග යෙදීම නිශ්ඵල වෑයමකි. රත කල්කය කුඩා දරුවන්ට හරාම් බවට පත් කර ඇත. විදේශිකයින් සම්බාහනයට නම් අවශ්‍ය පරිදි ආයුර්වේද ක්‍රමවේද යොදා ගත හැකිය.දේශිය වෛද්‍ය ඇමතිවරයෙකු පත් කර තිබෙන්නේ ඒ සඳහාය. ඒ අතර  සුජාත දියණිය හලාල් කර තිබෙන්නේ වෙන කිසිවක් නිසා නොව කොරියාවෙන් ලැබෙන මුදල් ආයෝජනයන් නිසාය. කොරියාව අතීතයේ  හොඳ බෞද්ධ රටක් වුවද අද එය ඇමරිකන් ගැති ක්‍රිස්තියානි නූතනත්වයට බර රටකි. අන්‍යගමිකයින් විසින් කොරියාවේ බෞද්ධ සිදධස්ථාන විනාශ කළ ආකාරය ද බෞද්ධයින් ක්‍රිස්තියානියට හරවා ගත් ආකාරයද ප්‍රසිද්ධ කරුණකි. මෙවැනි තත්වයක් .තුල සුජාත දියණියක් පෙන්වා කොරියාවේ දේශපාලනය හා ධනවාදයේ සැබෑ ස්වරූපය යට ගසා මෙරට සංස්කෘතියට හලාල් කිරීම දැන් සිදු වී ඇත.එහෙත් නිර්මාණ බංකොලොත් බාවයෙන් පෙළෙන අපගේ රූපවාහිනී කලා කරුවන් මේ අනුමත කිරීම සිය නිර්මාණ වර්ධනය සඳහා යොදා ගැනීමට උත්සාහ දරනු ඇත්දැයි සැකයකි. තමන්ගේ දෙයක් තමන්ගේ රටට ගැලපෙන පරිදි ගොඩනගා ගැනීමට බටහිර දැනුම් පද්ධතිය විසින් අපට ඉඩ නොතැබීමේ ඛේදවාචකය තුල මේ බංකොලොත් බව ඉපදී ඇත.   බටහිර  විද්‍යාව ආසනික් හා දෙවියෝ නම් කෘතිය තුලින් විග්‍රහ කෙරෙන්නේ  මේ දෙගිඩියාවයයි සිතමි.               

                                                                        

                                                                       

මහින්ද චින්තනයේ හලාල් සළකුණ

                                      

                       වසර දෙදහස් පන්සීයක ඉතිහාසයේ ආරම්භක යුගයේ මහින්ද මහ රහතන් වහණ්සේ ලංකාවට වැඩම කොට ස්ථාපිත කරන ලද බුද්ධ ශාසනය සහ ධාර්මික හර පද්ධතිය අනුව රජවරු විසින් රටේ පාලන තන්ත්‍රය ගෙන ගිය බව වංශ කතා වල සඳහන්ය. මෙම හර පද්ධතිය මිහිඳු චින්තනය මත පදනම් වෙයි. දශ රාජ ධර්මයද  දශ පුණ්‍ය ක්‍රියාවන්ද මගින් රටේ පාලන තන්ත්‍රය විසින් ඇති කරන ලද ආදර්ශය රටේ ජනතාව වෙත මැනවින් කාන්දු විය. ඒ තත්වය තුල සමාජ ජීවිතය ධාර්මික පැවැත්මකින් යුක්ත විය. මේ සාරධර්ම කෙරෙහි තිබූ නැඹුරුතාවය මගින් අනුරාධපුර යුගය සිංහල බෞද්ධ රාජ්‍යයක් දක්වා වර්ධනය විය. නමුත් සතුරු ආක්‍රමණයන් හමුවේ ආරාජික වන ලද අවස්ථාවේ දී පොළොන්නරු යුගය වන විට මේ ක්‍රමය පරිහානියට ලක් විය. 1815 වසරේ දී රට බ්‍රිතාන්‍යයන්ට භාර දෙන අවස්ථාවේ දී  සිංහල බෞද්ධ රාජ්‍යයක පැවැත්ම පැවතියේ ශේෂ වශයෙනි. විසිවන සියවසේ මුල් යුගයේ සිට අනගාරික ධර්මපාල තුමා ඇතුලු ජාතිමාමකයින්ගේ  මතවාදී සටන් නිසාවෙන් අපට නාම මාත්‍රික නිදහසක් ලැබුණද ආර්ථික වශයෙන් පූර්ණ ස්වාධිනත්වය ඇති කර ගැනීමට නුපුලුවන් විය.

         2005 වසරේදී  බහුතර සිංහල ජනතාවගේ බලයෙන් ජාතික මත වාදය නැවතත් සිංහාසනාරූඩ කරවන ලද්දේ සැබෑ මහින්ද චින්තනය රට තුල ක්‍රියාත්මක කරවා ගැනීමේ තිර අදිටනින්ය.රටතුල අවදිවූ ජාතික බලවේග මේ ජයග්‍රහණයන් පිටිපස්සේ විය.කුරිරු යුද්ධය නිමා කර කොටි ත්‍රස්තයින් පරාජය කරලීම එහි පළමු පියවර විය. අනතුරුව මහින්ද චින්තන පෙර දැක්ම කෙටුම්පත් කර ගැනීමේ දී ද ලංකාවේ ජාතික බලවේග මූලිකත්වය ගෙන කටයුතු කලේය. ඒ මගින් බුද්ධ ශාසනයේ චිර පැවැත්ම ධාර්මික පාලනය මෙන්ම ආර්ථික ස්වාධිපත්‍යද අපේක්ෂා කරනලදී. මේ තත්වය මෙසේ වුවුද මහින්ද රාජපක්ෂ ජනාධිපතිවරයා ඇතුලු රජය මහින්ද චින්තනය අවබෝධ කරගෙන ඇත්තේ නිවැරදි ආකාරයට නොවන බව දැන්දැන් තහවුරු වෙමින් පවතී. වෙසෙසින්ම බුද්ධ ශාසනයේ පැවැත්ම තුලින් ඇතිවිය යුතු බෞද්ධ රාජ්‍ය වෙනුවට සර්ව ආගමික පාලන තන්ත්‍රයක් බිහි වෙමින් පවතී. දශරාජ ධර්මය උපේක්ෂාව කරුණාව මෙන්ම මෛත්‍රිය පිළිගත යුතුව තිබුණද වෛරය පැතිරීමෙන් විරුද්ධවාදීන් මර්දනයටද අපරාධ කරුවන් ආරක්ෂා කර ගැනිම පිණිස යහ පාලනය  ද අවසන් කරමින් පවතී. නබි නායක තුමන්ගේ උපන් දිනය වෙනුවෙන් රජය නිකුත් කළ නිවේදනය මගින් කියැවෙන්නේ මුස්ලිම් ජන සමූහය විසින් නබි නායක ගේ ඉගැන්වීම් මගින්  සාමය හා ඉවසීම ප්‍රගුණ කරන බවයි. එය සම්පූරණ මුසාවකි. අන්‍ය ආගමිකයින් හා අන්‍ය ජාතිකයින් වෙනුවෙන් කුරාණය තුල මෛත්‍රී සහගත ප්‍රකාශ නොමැත.

           කුරාණයේ 8. 12 වගන්තිය මෙසේය. අවිශ්වාශ කරන්නවුන්ගේ හදවතට ත්‍රස්තය ඇතුලු කරන්නෙමි. එහෙයින් ඔවුන්ගේ ඇඟිලි තුඩු හා බෙලි කපාදමන්න. කුරාණය 9.5 උපවාස මාසය පසුවන විට අදේවවාදීන් දුටු තැන මරා දමන්න. සියුලු උපක්‍රමයන් යොදා ඔවුන් කොටු කරන්න. ඔවුන් ගැවසෙන තැන් වල සැංගිසිටින්න. ඔවුන් සිරභාරයට ගන්න. රට තුල සිටින ජන කොටසක් වශයෙන් ඔවුන් වෙත ජන නායකයාගේ ආශිර්වාදය පළ කිරීම සාධාරණ නමුත් බුද්ධ ධර්මය පාවා දී මිථ්‍යා දෘෂ්ඨිය තහවුරු කරලීමට  නිවේදන නිකුත් කිරීම රටේ බෞද්ධ ජනතාවගේ සිත් කලකිරවන්නකි. විපක්ෂ නායකවරයාටද රටේ ජාතික ප්‍රතිපත්ති ගැන තවමත් අවබෝධයක් නොමැත. සර්ව ආගමික තත්වය යනු හිත රවටා ගැනීමකි.රටේ ජාතික උරුමය හෑල්ලු කිරීමකි.       

      ලාංකික ගෘහ සේවිකාවක් සෞදි ආරාබියේදී  ඝාතනයට ලක් වීම ලංකාවේ මුස්ලිම් ප්‍රජාවට බිය ගෙන දෙන ක්‍රියාවක් නොවේ. අඩු වයස් කාර ළදැරියක් වීම පමණක් ඔවුන්ට ප්‍රශ්ණයක් විය. එම කාරණය වත්මන් රජය විසින් අධිකරණයේදී ඉදිරිපත් නොකරන ලද බව ඉස්මතු කොට සැබෑ ගැටලුව යටපත් කරලීම ඔවුන්ගේ වෑයමයි.    ලංකාවේ මුස්ලිම් ජනතාව ශ්‍රී ලාංකිකයින් නොව මුස්ලිම් ජාතිය ලෙසට සැලකීම කාලයක සිට අනුගමනය කෙරෙන්නෙකි. සිංහල ජනතාවට නොලැබෙන වරප්‍රසාද රාශියක්ම ඔවුන් වෙත් ප්‍රදානය කර ඇත. බහු භාර්යා සේවනය ඉන් එකකි. ඔවුන්ටම ආවේණික ක්වාසි අධිකරණ පවත්වා ගෙ යාමට දැන් නීතියෙන් බලතල ලැබී තිබේ.  ෂරියා නීතිය ක්‍රියාත්මක කරන මේ අධිකරණ නැතහොත් නඩු ශාලා පණස් අටක් රටපුරා ඉඳිකර දීමට රුපියල් මිලියන තිස්අටක් වත්මන් රජය වෙන් කරන ලද්දේ ඉතාමත් මෑතකදීය. ඒ හිටපු අධිකරණ අමාත්‍ය ආතාවුද සෙනෙවිරත්න විසිනි. මේ ඇමතිවරයාගේ චන්ද කොට්ඨාශය වන මාවනැල්ල මුස්ලිම්වරුන්ගේ ආධිපත්‍යට යටත්ව ඇත. මෙයට හේතුව දේශපාලකයින් ඔවුන්ගෙන් යැපිමයි. දෙවනගල රජමහා විහාරයේ විහාරගමින් කොටසක් ආතාවුද ඇමතිවරයාගේ චක්ගෝලයෙකු ද වන මුස්ලිම් ජාතිකයෙකු විසින් අල්ලා ගෙන ගොඩනැගිලි සාදා ඇති අතර මේ ඉඩම් නිරවුල් කරලීම පිණිස පුරාවිද්‍යා දෙපාර්තමේනතුව කටයුතු කරලීමට ඉදිරිපත් වීමේ දී ඇමතිවරයා ඊට බාධා කර ඇත. පසුව සපරගමුව හිටපු ආන්ඩුකාර වර ජානක ප්‍රියන්ත බණ්ඩාර මහතා මැදිහත්ව පුරාවිද්‍යා රක්ෂිතය වෙන් කරලීමට උත්සාහ කිරීමට කටයුතු කිරීමේදී දෙවනගලටම පැමිණ එයට බාධා කළ හැටි මම සියැසින්ම දුටුවෙමි.

           මුස්ලිම් ප්‍රජාව නිසා ජීවත් වන අනෙක් ඇමතිවරයා වූ ආගමික කටයුතු ඇමතිවරයා රටපුරා තිබෙන මුස්ලිම් පල්ලි නඩත්තු කරලීමට හා ඉඳිකිරීමට රජයේ මුදල් ලබා දී තිබේ.  ඒ ආගමික කටයුතු අමාත්‍යංශය හරහාය. පසුගිය කාලයේ දඹුල්ල අනුරාධපුරය ආදී බෞද්ධ පුරවරයන්හි අටවා තිබූ මුස්ලිම් යාඥා මඩු ඉවත් කිරීමට බෞද්ධයින් හඬ නගද්දී රජය හා ඇමති වරු මුස්ලිම් ප්‍රජාව වෙනුවෙන් ඉදිරිපත් ව කතා කළහ. අතයට මුස්ලිම් වරුන් ගෙන් මුදල් අල්ලස් ලබා ගන්නා නිළධාරීන් ගැනද යමක් කිව යුතුය. නැගෙනහිර පළාතේ සිංහලයින් සතුවූ ඉඩම් වල ඔප්පු වෙනස් කොට හොර ඔප්පු සහතික කරලීමට ගන්නා ලද අල්ලස ප්‍රමාණය නිශ්චිත නැත.

            මේ තත්වය හමුවේ මුස්ලිම් දේශපාලකයින් ලංකාව සපිරිස්ථානයක් නොහොත් මුස්ලිම් රටක් බවට පත් කරලීමේ ශුද්ද වූ යුද්ධය අරඹා තිබේ. මෑතකදී හෙළි වූ හලාල් සහතිකය ලබා ගැනිමේ වැඩපිලිවෙලද  මෙහි අංගයකි. හලාල් යනු දෙවියන්ට කැපවූ ආහාර සඳහා යොදන නාමයයි. එය මුස්ලිම් වරුන්ට පමණක් නොව අන්‍ය ආගමිකයින්ටද බලෙන්ම පැටවීම මුස්ලිම් දේශපාලනයේ සවභාවයයි. ඒ මගින් අල්ලා  දෙවියන් විශ්වාශ නොකරන ජනතාව වෙතින් ලබා ගන්නා මුදල් සපිරිස්ථානය ගොඩ නැන්වීමේ ව්‍යපාරය සඳහාම යොදවන බව පැවසෙයි.

     දහතුන් වන සියවසේ දී රයිගම සිටි වීර අලකේෂවරයන් මෙලෙස මුස්ලිම් වරු විස්වාශ කොට අටුලුගම ඔවුන්ට බල කොටුවක්ද තනාගත්නට ඉඩ හැර තමන්ද මුස්ලිම් ආගම වැළඳ ගැනීමේ අවශ්‍යතාවයෙන් පසු වෙද්දී චීනයේ මැදිහත් වීමෙන් ඒ ප්‍රයත්නය කඩාකප්පල් විය. අවසානයේ දී රජු ජනතාව අතින් ඝාතනය විය. සිරුර ජයවර්ධන කෝට්ටේ කිඹුල් පොකුණට  දැමු බවද ඉතිහාසයේ සඳහන්ව ඇත. වර්තමානය තුලද මේ මුස්ලිම් බලය රට තුල වැඩි වර්ධනය වී තිබෙන්නේ මුස්ලිම් රටවල් කෙරෙහි අනවශ්‍ය ආකාරයට රාජ්‍ය හස්තය දිගු කරලීමෙන් යයි සිතමි. වාර්ෂිකව රටේ සංවර්ධනයටයයි කියා ලබා ගන්නා අසීමිත ණය කන්දරාව නිසා රටේ දුප්පත් කම වැඩි වී ඇත. මේ නිසා බටහිරට නැඹුරු පිලිවෙත මැදපෙරදිගට යොමු වීම පුදුමයක් නොවේ. මෙය වෙනස් කරලීමේ මග මහින්ද චින්තනයේ ඇතුලත් වුවද වංචාව හා දූෂණය නිසා එය අනුගමනය කිරීමක් නැත. මහින්ද චින්තනයට හලාල් මුද්‍රාව ලැබී ඇත්තේ මේ නිසාවෙන් බව සිංහල බෞද්ධ ජනතාව දැන්වත් තේරුම් ගත යුතුය.

                        

         

සිංහල වෙදකමට එරෙහි නූතන බලවේග

                              

     වෛද්‍ය ශාස්ත්‍රය බිහිවී තිබෙන්නේ මනුෂ්‍යයා සියලු සතුන් පමණක් නොව ශාඛ සංතතියේද නිරෝගී පැවැත්ම උදෙසාය. වෙදකමෙහි නියුතු පුද්ගලයා නොහොත් වෛද්‍යවරයා මිතුරන්ට ඥාතීන්ට පමණක් නොව සතුරන්ටද එක සේම  මෛත්‍රිය කරමින් සුවය අරමුණූ කර පිළියම් කරලීම පිණිසම කටයුතු කළ යුතු වන්නේය. සොබා දහම විසින්  ආහාර සඳහා බොහෝ දේ අපට  සපයා ඇතිවාක් මෙන්ම නිරෝගී පැවැත්ම සඳහාද බොහෝ ඖෂධයන්ද සපයා දී තිබේ. ලංකාව ඉන්දියාව පමණක් නොව චීනය කොරියාව බුරුමය වැනි පෙරදිග රටවල්ද මේ ඖෂධ පදනම් කොට ගෙන චිකිත්සා විධි මෙන්ම සෞඛ්‍ය සංරක්ෂණ ක්‍රම වේදයන්ද සකස් කර ගෙන තිබුණි. දිනපතා මනා ලෙස හිරු එළිය ලැබෙන විවිධ තුරු ලතාවන්ගෙන් පිරී පවතින සොබා දහමේ රහස් මේ වෛද්‍ය ශාස්ත්‍රයට ඇතුලත්ව තිබෙන බව අවුරුදු දහස් ගණනාවක් පලපුරුද්දෙන් මේ වෛද්‍ය වරයින් ගේ අවබෝධයට එක් වී ඇත.

           යුරොපීයන්ගේ වානිජ අක්‍රමණයන්ට නතු වීම නිසා පෙරදිග රටවල් සියල්ලෙහිම ස්වාධීනත්වය නැති වුණි. ගෙවිතැන ආහාර සංස්කෘතිය මෙන්ම වෙදකමද තමන්ට අවශ්‍ය පරිදි පවත්වාගෙන යාමට නොහැකි වන සේ බටහිර ආධිපත්‍ය විසින් සීමා පැනවුණි. ඇතැම් විට චිකිත්සා ක්‍රමයන් තහනම් කරන ලදහ. වෙසෙසින්ම අභිචාරයන් පදනම් කරන ලද චිකිත්සා ක්‍රමයන් ට වැට බඳිනු ලැබූහ. නමුත් ලන්දේසීන් වැන්නවුන් ඇතැම් විට දේශිය චිකිත්සා ක්‍රමයන් ද අනුගමනය කළ බවට සාක්ෂි හමුවේ. එයට හේතුව එකල බටහිර වෛද්‍ය ක්‍රමය එතරම් දියුණවට පත්ව නොතිබීමයි. කෙසේ වෙතත් ඉංග්‍රීසින් ගේ සමය වන විට ඔවුන් ගේ ක්‍රමානුකූල වානිජ ආධිපත්‍ය හේතු කොට ගෙන දේශිය සම්ප්‍රදායන්  පවත්වා ගෙන යා නොහැකි විය. ඉංග්‍රීසින් කංසා තහනම් කරන්නේඔවුන්ගේ වානිජ අරමුණු උදෙසාය. වට්ටෝරු හතලිස් අටකට මෙන්ම විවිධ සෞඛ්‍ය සංරක්ෂණයන්ටද  භාවිතා කරන කංසා වැනි ප්‍රබල ඖෂධයක් පවත්නා තාක් බටහිර වෛද්‍ය ක්‍රමයන්ට හිස එසවීමට නොහැකි වන ඔවුහු තේරම් ගන්නට ඇත්තේ දහ අට වන සියවසේදීය. වසංගත රෝග වලදී ගමේ වෛද්‍යවරුන්ට බෙහෙත් කරලීමද තහනම්කර තිබුණි. එසේ කළ අයට විරුද්ධව නඩු පැවරූහ.

       මේ දේශපාලනය ගැන මහාචාර්ය ගුණපාල ධර්මසිරි මහතා සිය වෛද්‍ය ශාස්ත්‍රයේ ස්වභාවය නම් ග්‍රන්ථයේ සඳහන් කරන්නේ මෙසේය. 'තුන්වෙනි ලෝකය තුල බටහිර වෙදකම යන්න ප්‍රබලවූ දේශපාලන බලවේගයකි. බටහිර අධිරාජ්‍ය වාදය මගින් එකල ක්‍රිස්තියානි ආගම භාවිතා කළ ආකාරයට දැන් බටහිර වෙදකම ක්‍රියාත්මක වන්නේය. එය ඉදිරිපත් වන්නේ මධ්‍යස්ථවූ වාස්තවිකවූ විද්‍යාවක් වශයෙන් වන නිසා එම බල වේගය ක්‍රියාත්මක වන්නේ ඉතා සූක්ෂම ආකාරයෙනි. එහි ඉතාම භයංකර අංශය වන්නේ එය තුල දක්නට ලැබෙන ෆැසිස්ට් වාදී ස්වරූපයයි. මනුෂ්‍ය ස්වභාවය හා ඒ සමගම මනුෂ්‍ය සමාජයද ෆැසිස්ට්වාදී ස්වරූපයෙන් නැවත නිර්වචනය කිරීම ට එය මගින් උත්සාහ කරන්නේය. ’

            විසිවන සියවසේදී ලංකාවට නිදහස යයි යම් දෙයක් ප්‍රදානය කෙරුණද එය බටහිරයන්ට අවශ්‍ය පරිදි දේශීයව ගොඩනැගිය යුතු විදේශ කොන්සල් පාලනයක්ය යන්න ස්වදේශීකයින් වන සිංහලයින්ට අවබෝධ නොවිය. එම නිසා බටහිරට අවශ්‍ය සංවර්ධනය නම් එඬේරා ඔස්සේ යාමට  දේශීය පාලකයින් පුහුණු කරන ලදහ. සෞඛ්‍ය පැවැත්ම උදෙසා ද සංවර්ධන පූර්වාදර්ශයන් බෙහොමයක්ම යොදා ගන්නා ලදහ. මහාචාර්ය ධර්මසිරි මහතා එය සඳහන් කරන්නේ මෙසේය.‘රෝග සුව කිරීම විද්‍යාවක් වශයෙන් දියුණු කිරිම  සංවර්ධනය පිළිබඳ චින්තනයේ වැදගත් ඵලයක් බවට පත්ව ඇත්තේය.නූතන වෙදකමේ යහපත් ප්‍රතිඵල සමාජයේ සම්ප්‍රදායික වූ නොදියුණු කොටස් කරා ගෙන යන තුරු නූතන ඥණය ඇසුරු කොටගෙන වසංගත රෝග රට වැසියන්ගේ ජීවිත වලින් ඉවත්කරනා තුරු ජන සම්මත ඥාණය හා ගෘහස්ථ ප්‍රතිකාර සහ නූතන නොවන්නාවූ රෝග සුව කරන්නන් යන ආධිපත්‍ය යෙන් ඉවතට ගෙන සමස්ත ජනගහනයම නූතන වෙදකමේ ආධිපත්‍යට යටතට ගෙන එන තුරු සංවර්ධනය යනු නියම සංවර්ධනය වන්නේනැත.’ එම අර්ථකථනයෙන් ගත් කළ ලංකාව තුල පසුගිය කාලයේ දී ක්‍රියාත්මකව ඇත්තේ මේ එඬේර සංකල්පය බව පැහැදිලිය.

     විකල්ප වෛද්‍ය ක්‍රමයක් ලෙසට ලංකාවේ ආයුර්වේදය ක්‍රියාත්මක වුවද එයට අරමුදල් වශයෙන් ලක් රජයෙන් වියදම් කරන්නේ බටහිර වෙදකමට සාපේක්ෂව සියයට දහයක් පමණකි. එසේම ආයුර්වේදයේ සඳහන් සෞඛ්‍ය විධි බොහෝ විට ගර්හාවට ලක් කෙරේ. රත කල්කය ලබා දීම නොකළ යුතු බව ප්‍රසිද්ධියේම මාධ්‍ය ඔස්සේ සඳහන් කරති.  රෝහල් වල ගැබිණි වාට්ටු වශයෙන් සැලකෙන හිර ගෙවල් වල  දරු ප්‍රසූතිය අනිවාර්යෙන්ම කළ යුතුය. එහිදී මවකට ලැබෙන මානසික පීඩා අනන්තය අප්‍රමාණය. මවක් අනිවාර්යයෙන්ම දරුවාට එන්නත් ලබා දිය යුතුය. එසේ නැතහොත් පවුල් සෞඛ්‍ය සේවිකාව මගින් තර්ජන ඇති කරයි. මාධ්‍ය තුලින් සිංහල වෙදකම ගර්හාවට හා උපහාසයට ලක් කරන්නාවූ අවස්ථා නිමක් නැත.  මී උණ රෝගයෙන් මිදීම සඳහා මෑතකදී පළ කළ වෙළෙඳ දැන්වීමකදී වෙනිවැල් ගැට යෙදීමේ ක්‍රමවේදය ගර්හාවට ලක් කර තිබුණි. පසුගියදා එක් ඉරිදා පුවත් පතක එක් බටහිර වෛද්‍යවරයෙකු විසින් පළ කල ලිපියද  මේ වැඩ පිළිවෙලේම එක් අංගයෙකි. දේශීය කැඩුම් බිඳිම ප්‍රතිකාර සඳහා භාවිතා වන තෙල් පත්තු මැල්ලුම් වැනි ආලේපන කිසිවක් යොදා ගැනීමෙන් ඵලක් නොවන බවට ඔහු සඳහන් කර තිබුණී. 

        මේවා අහම්බයන් නොවේ. නිදහස් අධ්‍යාපනයේ පිහිටෙන් ඉහළට ඉගෙන ගත් මේ වෛද්‍ය වරු තමන්ගේ වෘත්තිය පටන් ගත් දා සිට තමන්ගේ පරම්පරාවට දේශිය සිරිත් විරිත් වලට මෙන්ම දැනුමට වෛර කරති. ඒ වෛරය හා ඉරිසියාව අවබෝධකර ගන්නා බටහිර ඖෂධ සමාගම් සහ ධවල ආධිපත්‍ය විසින් මේ වෘත්තිකයින් තමන්ගේ බැලයින් ලෙසට සේවයට යොදවා ගනිති. ඔවුන්ට ශිෂ්‍යත්ව ප්‍රදානය කර ඇමරිකාවට ගෙන්වා ගෙන හොඳින් මොළ සෝදා දේශීය සම්ප්‍රදායට එරෙහිව යන පරිදි සපථ කරගෙන ලංකාවට පිටත් කර එවති.තමන්ගේ පාරම්පරික වෙදකම් මිථ්‍යා ලෙස පිළි ගන්නා වූ මේ ඇම්බැට්ටයින් නූතන ඖෂධ සමාගම් වල වහල්ලු ලෙස නොහොත් රෙප්ලා ලෙසට ක්‍රියාකරති.

      රත කල්කය දරුවන්ට ලබා දීමෙන් දරුවන්ගේ ප්‍රතිශක්තිය දියුණ වන බවට නූතන පර්යේෂණ සිදු කර ඇත්තේය. බටහිර වෙදකමට සුව කළ නොහැකි අස්ථි බිඳීම් හා අවහන්දි වීම් සුව කර ගැනීම පිණීස විදේශ වලින්ද රෝගීන් මෙරට වෛද්‍යවරුන් සොයාගෙන එන අවස්ථා දුලබ නොවේ.ඒ අතින් බලන කල්හි දේශීය වෙදකම මරා දැමීමට හෝ අතු ගා දැමීමට තවමත් බටහිර සංවර්ධනයට හැකි වී නැත. ඒවා රජය මගින් අඩපණ කර දැමීමට යොදා ගන්නා ප්‍රධාන ස්ථානය වන්නේ මහා භාණ්ඩාගාරයයි. ඔවුන් ප්‍රමාණවත් පරිදි එයට මුදල් වෙන් කරන්නේ නැත.  ඔසු ගොවි ගම්මාන ඇති කරලීම පිණිස ආයුර්වේද අමාත්‍යංශයට කලක් වෙන් කර තිබූ  මුදල් දැන් කපා හැර ඇත.එයට අමතරව සෞඛ්‍ය අධ්‍යාපන කාර්යංශයද වරින් වර දේශිය වෙදකමට විරුද්ධව පත්‍රිකා මගින් හා විද්‍යුත් මාධ්‍ය තුලින් ප්‍රචාරයන් ගෙන යති. ආයුර්වේද අමාත්‍යංශය මගින් දේශීය වෛද්‍ය නිළධාරීන් පත් කිරිමට තීරණයය කර තිබියදී බටහිර වෛද්‍ය සභාව එයට වැට බැඳීමට උත්සාහ කළහ. මෙය මෙසේ තිබුණත් පාරම්පරික වෙදකමින් හා ගෘහස්ථ ප්‍රතිකාර මගින් ලෙඩරෝග සුව කර ගන්නා දේශිය ජනතාවගේ අඩුවක් සිදු වී නොමැත.      මේ තත්වය යටතේ බටහිර ඖෂධ වලට සිය ආධිපත්‍ය සහ වටිනාකම් ලබා ගැනීමට තිබෙන අවස්ථාවන් ප්‍රමාණයක් දේශිය වෙදකම නිසා ඇහිරී ඇත. මේ තත්වය අවබෝධකර ගෙ තිබෙන බැවින් සිංහල ජනතාව තුලින් දේශීය වෙදකම ඉවත් කරලීමට හැකි සෑම උත්සාහයක් ගැනීමද මේ ඖෂධ සමාගම් දරන උත්සාහය තවමත් අවසන් වී නැත. එය කෙරෙන්නේ නූතන සංවර්ධනයේ නාමයෙනි.                                       

 2013-01-20 ඉරිදා ලක්බිම

                 

ගොවි ජනතාව ගේ සෞඛ්‍යට පාරම්පරික අත් බෙහෙත්

                                         

         උඩු නුවරත් යටිනුවරත් සිටින ගොවියන් මඩ සෝදා ගත් කළ රජකමටත් උචිතයයි රොබට් නොක්ස් එදා හෙළදිව නම් සිය දේශාටන වාර්තාවේ සඳහන් කොට ඇත්තේ සාමාන්‍ය ජනතාව ගැන නොවේ. ඒ ගම් පළාත් වල සිටි රදළ වරුන් ගැනයි. මේ ප්‍රදේශයේ එක් ගොවියෙකු සී සා මහන්සි වී සිය බිරින්දෑ ගෙනා ඇඹුල සප්පායම් වී මදක් ඇලවී සිටන විට සීනෙන් දුටුවේ සිය නගුල් කඳේ මීයක් බැඳ සිටින ආකාරයයි. මේ සිහිනය සැබෑ වී අප්පුවා රජවූයේ යයි ජනප්‍රවාදයක් පවති. කෙසේ වෙතත් සාමාන්‍ය ගොවියාට පවා මග පෙන්වා දී රට බත බුලතින් ස්වයංපෝෂිත කරවූවේ මෙවන් ගොවි රජවරුන්ය.

                කුඹුරු ගොවිතැන ලෙහෙසි පහසු නැත. පූජාවලියේ මේ අසීරුව යස රඟට විග්‍රහ කර දී තිබේ. කෙසේ වෙතත් අව්වට වැස්සට පින්නට පීඩා ලබමින් බත සරි කර න්නට වෙහෙසෙන්නන්ට ශක්ති ජනක ආහාර අවශ්‍ය වේ. එසේම ඖෂධීය ආහාර ද අවශ්‍ය වේ. මේ සිරිත ලංකාවේ පළාතෙන් පළාතට වෙනස්ය. සීසාන දවසේ හීල සප්පායමට කිරිබත් කැවුම් ගෙනයන උඩරට වැසියන් මෙන් නොව වන්නියේ දී කුරහන් තලපයත් දඩමත් හොද්දත් බල වඩන ආහාරයන්ය. කමතට මුත්තෙට්ටුව ගෙනගිය ඔවුහු හීයට ඇඹුල ගෙන ගියහ. ඇඹුලට යස රඟට ගැලපෙන පොලොස් ඇඹුල පිරිමහින රසවත් ආහාරයක් විය. උම්බලකඩ කිරි හොද්දත් කැකුලු හාලේ බතුත් වට්ටක්කා මාලුවත් එක් වූ කල්හි ගොවියා රජ වන්නේ කුඹුරේ මයයි සිතේ. කලාගම් කෝරළයේ ගොවි ඇත්තන් මේ ඇඹුලට යොදා ගෙන ඇත්තේ අඟුණකොළ හෝ උඩත්තා පළා මැල්ලුමක් කැකිරි නියඹලාවක් සහ කිරි හොද්දක්ය. මේ හොද්දට මුරුංගා පොත්තක්ද මුහු කර ගැනීමට ඔවුහු වග බලා ගත් බව අප හිතවත් කේ.බී .මානෑව මහතා පවසයි. කෙසේ වෙතත් මුගුණ ගොටුකොළ වැනි පලාද පිළිහුඩු ද මේ මුත්තෙට්ටුවට හෝ ඇඹුලට ගෙන නොයාමට ගෙවිලියන් වග බලා ගත්හ. ඒ වප් මගුල මගුල් හීය කොළදිම ආදිය දවසටය.මේආහාර මගින් කුඹුරේ වැඩ කරන ගොවියාගේ වාතය පිත හා සෙම සමනය කළ අතර මුරුංගා පොත්තෙන් ජීවාණු නාශනයද සිදු විය.

             එදා මෙන් නොව වර්තමානයේ ගොවිතැන කරන්නේ රජ වරුන් නොව බහු ජාතික සමාගම් වලට සහ වී මෝල් හිමියන්ට බැඳී සිටින කම්කරුවන්ය. එහිදී වස විස යොදා වැඩි අස්වනු පතා වියදම් කිරීම ගොවියන්ගේ සිරිතයි. පෙර ගොවිකම ජීවන රටා වක් ව තිබූ නමුත් අද එය රැකියාවක් පමණක් බවට පත්ව ඇත. දිනෙන් දිනම මේ ගොවිතැනද අතහැර නගරයට සංක්‍රමණය වන්නන් බහුලය. ඒ නිසාම උග්‍ර ශ්‍රම හිඟයක් මේ ගොවිතැන වටා අර්බුදයක් බවට පත් වෙමින් ඇත. ඒ මදිවාට වකුගඩු රෝග මී උණ ආදී රෝග නිසා බොහෝ ගොවි පවුල් පීඩාවටත් භීතියටත් පත්ව සිටිති.   වර්ෂයකට  කන්න දෙකක් තුල අවම වශයෙන් මාස දෙකක් වත්  කුඹුරේ වැඩ කළ යුතුය. ඊට අමතරව එළවුලු කොරටුවලද හේන් වලද ගත කරන ගොවීන් සංඛ්‍යාව අති මහත්ය. මේ කාලය තුල දැඩි අව්වේ ගිනි මද්දහනේ කටයුතු කිරීමෙන්ද මඩේ ඉතා වෙහෙසකර අන්දමින් වැඩ කිරීමෙන්ද ඔවුහු පීඩාවට පත් වේ. මේ කාලය තුල ඇතැම් විට ඔවුහු රෝගී වෙත්. යල් කන්නයේ දී නම් සිංහල අවුරුද්දට ප්‍රථම සී සෑ යුතු යයි සම්මතයක් පැවතියේ සූර්යයා ලංකාවට මුදුන් වීමෙන් පසු අව්වට නිරාවරණය වන්නන් ඉතා ඉක්මනින් රෝගී වන නිසා විය හැකිය. කෙසේ වෙතත් උණ සෙම්ප්‍රතිශ්‍යාව ඇඟ පත රුදාව හමේ රතු බිබිලි ඇති වීම මේ කාලයේ දී  සිදු වේ. ඒය කාහටත් පොදුය. වර්තමානයේ දී මී උණ නම් රෝගයක් සෞඛ්‍ය අංශ වලින් නම් කරලීම නිසා රෝහල් වලින් ප්‍රතිකාර ලත් සංඛ්‍යාව පිලිබඳව ජන මාධ්‍යයන් තුලින් අසන්නට හැකිය. බටු මීයා නියරවල ලැග සිටිම සාමාන්‍ය කාරණයකි. ඇත්තෙන්ම ගොවියා නියර කොටා නියර පිට දාන්නේ මීයා වඳ කිරීමට නොව කක්කුටු ගුල් වැසීමටයි. මේ මීයා ගෙන් එතරම් හානියක් ගොවියාට සිදු වන්නේ නැත. සිදු වූවත් කෙම් වලින් මීයන් ඈත් කර තැබීමට ඔවුහු වග බලා ගත්හ. නමුත් ඇතැම් කුඹුරු සහ වගුරු වල බැස වැඩ කිරීමෙන් පසුව උණ ගැනී ගොවීන් මිය යන වගක්ද අසන්නට ලැබී ඇත.

      නවසිය තිහේ දශකයේ දී බෙලෙක් උණ නම් වසංගතයක් පැතිර ගියේය. බ්‍රිතාන්‍යයන්ට යටත්ව පැවති යුගයක් බැවින් ගමක ඇති වන වසංගත රෝග ගැන අනිවාර්යයෙන්ම සැන්ටිපෝට් මහත්වරුන්ට දැන්විය යුතුවිය. මහජන සෞඛ්‍යය ඉංග්‍රීසි ආණ්ඩුවේ කාර්ය භාරයක් විය. නමුත් ඇතැම් ගම් වල වෙදමහත්වරු මේ නීති රීති නොතැකීය. ඔවුහු තමන්ට තිබෙන දැනුම අනුව යමින් ගම්මුන්ට වෙදකම් කොට සුවපත් කළහ.   ඇතැම් විට මේ වෙදහෙදකම් නිලධාරීන්ට ආරංචි වූ විට මේ වෙද මහත්වරුන්ට නඩු පැවරූ අවස්ථාද විය. බෙලෙක් නම් වචනය (plague) නම් ඉංග්‍රීසි වදනින් බිඳී ආවකි. එය මහාමාරියට හෝ වසංගතය හැඳින්වීමට කියන්නකි.පසු කලකදී මී උණටද මේ වදන භාවිතා කර තිබේ. පණහේ දශකයේ දී කොළඹ දිස්ත්‍රික්කයෙන් වාර්තා වූ මේ රෝගය ආන්තික හා වගුරු කුඹුරු වල ඇති වන විස තත්වයකින් පැණ නගින්නකි. වර්තමානයේ දී එය වල් නාශක පරිහරණයෙන් ඇති වන විස තත්වය නිසා පැතිරෙන බවට ද විශ්වාස කළ හැකිය.

     කෙසේ වෙතත් කුඹුරු වල බැස දවස පුරාවටම වෙහෙසෙන ගොවීන්ට ඇඟ පත රුදාව උණ තෙහෙට්ටුව ඇතිවීම ස්වභාවිකය. ඔහුගේ ශරීරයේ ප්‍රතිශක්තිය හොඳින් පැවතියහොත් ආගන්තුක විෂබීජ වලින් ආරක්ෂා වීම කළ හැකිය. පැරණි ගොවියා මේ අවස්ථාවලදී අත් බේත් කීපයක් භාවිතා කළහ. එයින් එකක් නම් තොටිල පොතු මුරුංගා පොතු අමු ඉඟුරු හා සුදු ලූණු වලින් සැකසෙන්නකි. මේ සියලු අඩු වැඩිය සම සමව ගෙන හොඳින් පිරිසිඳු කර මිරිස්ගලේ හෝ බෙහෙත් ගලේ දමා අඹරා ගන්නා අතර තුනපහ ගුලියක් මෙන් ගුලි කර ගනිති. එය අඹරන විට ලුණුකැට කීපයක්ද එක් කර ගැනීමට අමතක නොකරති.මෙම ගුලිය දින දෙක තුනක් නරක් නොවී කල් තබා ගත හැකි වන අතර තවා ගත් කෙසෙල් කොළයක ඔතා තැබීමෙන් එම තත්වය වැඩි දියුණු කළ හැකිය. වෙහෙස මහන්සි වී වැඩ නිම කර නිවසට පැමිණි පසු මේ ගුලියෙන් කොටසක් කඩා ගෙන නටන උණු වතුර කෝප්පයකට බහා වසා ටික වේලාවක් තබා පානය කරති. මුරුංගා පොතු ජීවාණු නාශක බලගතු ඖෂධයකි. ඒ මගින් ඇති වන ප්‍රතිශක්තිය බෙලෙක් උණට පමණක් නොව මී උණට අයත් විෂබිජද පලවා හරින්ට සමත්ය. තොටිල පොත්ත මේ සංයෝගයට එකතු වූ කල්හි මේ අවස්ථාවල ඇති වන බඩේ ආම ගතිය මග හැරීමට කටයුතු කරයි.එහි පවතින පිත්ත හා වාත සාමක ගුණයත් වේදනා හර ගුණයත් අමු ඉඟුරුද සුදු ලූණු ද එක් වීමෙන් වඩා ප්‍රභාමත් වේ. එම නිසා ඇඟපත වේදනාව පමණක් නොව ලේඩ රෝග වලට මූල හේතුවද ඉවත් කෙරේ. සමස්ත සංයෝගයම පැරසිටමෝල් වලට වඩා ප්‍රබලය. මීඋණ රෝගයට නියම කරන ඩොක්සිසයික්ලීන් නම් බටහිර ඖෂධයට වඩා පරිස්සම් සහගතය. අතුරු ආබාධ වලින් විනිර්මුක්තය. මෙම සංයෝගය ආහාරයක් වශයෙන් ගැනීමට අවශ්‍ය නම් හාතාවාරිය අල ද එක් කර හීනටි හාල් වලින් කැඳ සාදා බීම උතුම්ය.

          කුඹුරේ වැඩ කරන විට යම්කිසි අයුරකින් සෙම් පිත් කෝපවී උණ සෙම්ප්‍රතිශ්‍යාව ඇතිවුවහොත් කුප්පමේනිය කොළ ආඩතෝඩ කොළ ඔළිඳකොළ කුඹුරු දලු සම සමව ගෙන අමු ඉඟුරු හා සුදු ලූණු ද එක් කර කොටා  එයට ඇඹුල් දොඩම්ගෙඩි භාගයක ඉස්මද මුහු කර  කඩ පිම්මේ තම්බා ඉස්ම මිරිකා අඬු කෝප්පයකට පමණ සාදා ගෙන දෙවේලේට පානය කරති. මේ අත් බේතින් සෙම පමණක් නොව වාතයද පිතද සමනය වෙයි. කුඹුරු වැඩ නොමැති කාලයක වුවද මේ ඖෂධය ගැනීම යහපත් වෙයි. එය කුඩා දරුවන් ගේ සෞඛ්‍ය ආරක්ෂා කරන බෙහෙතක් ද බව මා හට කියා ඇත්තේ කරඬුපණ ජීවත්ව සිටි නිශ්ශංක ආරච්චිගේ අප්පුහාමි වෙදමහතාය. මීට වසර විස්සකට පමණ එපිට මේ ඖෂධ වට්ටෝරු මා අත පත් කළ ඔහු බෙහෙත් පමණක් නොව ගොවිතැනේ අපූරු පාඩම්ද මාහට කියා දුන් හැටි මතකයට නැගේ. මේ ලිපිය ඔහුටත් ඔහුගේ පුත් පුංචිබණ්ඩා නිශ්ශංක මහතාටත් ගෞරවයක් වශයෙන් සටහන් කරමි.