කච්චතිවු අපේ - සිරිමාවෝ කිව් ලිව් හැටී මෙහෙමයි

 

                              

             ඉන්දියාවේ මහ චන්දය ළඟා වී ඇත.බහුජන සාක්ෂරතාවය  දුර්වල ඉන්දියාවේ චන්ද ගොඩ රැඳි තිබෙන්නේ මිනිසුන් ගේ හැඟීම් මත බැවින් ඒ හැඟීම් ඇවිස්සීමට නරේන්ද්‍ර මෝදි අගමැතිවරයා කච්චතිවු දූපත ඈඳා ගෙන ඇත. කච්චතිවු ලංකාවට ලබා දීම ගැන ඔහු ඉන්දීය කොන්ග්‍රස් බලධාරීන්ට දොස් කියා තිබෙන්නේ මේ ඇවිස්සීම කරන්නටයි.මේ උණුසුම අවුරුදු කටේ ලංකාවටත් දැනී තිබේ.ඉන්දියාවේ සරණ යන අන්තාවාදී දෙමළ දේශපාලඥයන් මෝදි ගේ කියුම් අල්ලා ගෙන නටන්නට බොහෝ විට ඉඩ ඇත.දැනටමත් උතුරේ ධීවර සහයෝගිතා ව්‍යාපාරය විරෝධය පළ කර ඇත. උතුරේ චන්ද ගොඩ වැඩි කර ගැනීමට වළිකන මේ දේශපාලඥයන් කිසිවිට සිංහල දෙමළ සමගිය පිළිබඳ කතා නොකරන බව සිකුරුය.කච්චතිවු හි යථාර්තය පිළිබඳ මහජනතාව දැනුම්වත් කළ යුත්තේ එහෙයිනි.

           1766 දී ලන්දේසීන් සමග කීර්ති ශ්‍රී රාජසිංහ සහ රදළයන් අත්සන් කල ගිවිසුම අනුවලංකාවේ මුහුදුබඩ පළාත් ලන්දේසීන්ට අයත් විය. මේ නිසා උතුරේ සමුද්‍ර තීරය සහ දූපත් සියල්ල ඔවුනට අයත් විය. මාලදිවයිනද තිබූ බව පැහැදිලිය. ඉන්පසු උඩරට ගිවිසුම ඉංග්‍රීසීන් සමග අත්සන් කරන කල්හිද මේ තත්වය එසේම විය.නුමුත් 1948 දී රට නිදහස් කර ස්වදේශික දේශපාලකයන් අතට ලංකාව නැවත පත් කරන කල්හි මාලදිවයිනේ අයිතිය අපට නැති විය.කෙසේ වෙතත් මන්නාරම් බොක්කට උඩින් තිබෙන දූපත් සමූහය යාපන දිස්ත්‍රික්කයේ පාලනය යටතේ පැවතේ.යාපනයට දුරින්ම තිබෙන දූපත වශයෙන් සැළකෙන්නේ කච්චතිවු නොහාත් කැස්බැ දූපතයි. මෙහි ජනාවාසයක් නැතද ශාන්ත අන්තෝනි මුනිඳුන්ට කැපවුණු කතෝලික දේවස්ථානයක් ඇත. පරංගීන් යාපන අර්ධ දීවීපය අල්වා ගත් පසු සිදු කරන ලද මිෂනාරී ව්‍යාපාරයේ ප්‍රතිඵලයක් වශයෙන් බොහෝ දූපත්වල කිතුණු දේවස්ථාන ඇති විය.ලන්දේසි යුගයේ දී ද ඒ තත්වය තවදුරටත් වර්ධනය විය.ඉන්දීය ධීවරයන්ද ලංකාවේ ධිවරයන්ද මසුන් මැරීමේ නිරතව සිටින අතර තුර මෙම දූපතේ වාඩි පිහිටුවාගෙන කටයුතු කරති. මහුදේ අතරමං වූ ධීවරයන් කීප දෙනෙකු අන්තෝනී මුණිදුන්ට යාඥා කොට මේ දූපපතෙහි දී දිවි ගලවා ගත් හෙයින් විසිවන සියවස මුල් භාගයේ දී මේ දේවාස්ථානය අන්තෝනි මුනිඳුන් වෙනුවෙන් ඉඳි වී ඇතැයි කියති. එහි වාර්ෂික මංගල්ල දිනයට ලංකාවේ සහ ඉන්දීය ධීරවරයන් මෙහි පැමිණෙති.

             ලංකාවට නිදහස ලැබීමෙන් පසු මෙම දූපතේ අයිතිය පිළිබඳ ඉන්දියාවත් ලංකාවත් අතර මත භෙදයක් හට ගැණුනි. යටත් විජිත සමයේ දී එය ගැටළුවක් නොවුණද දෙරට ස්වදේශික පාලකයන්ගේ අණසකට ලක් වූ පසු තත්වය වෙනස් විය.මේ පිළිබඳ රාජ්‍ය තාන්ත්‍රික සාකච්ඡා වරින් වර දෙරට අතර පැවැත්වුණ නමුත් එකඟතාවයක් ඇති කර ගැනීමට අවස්ථාව නොලැබුණි.සිරමාවෝ බණ්ඩාරනායක මැතිණිය අගමැති බවට පත් වීමෙන් පසු අවධානය යොමු කළ ප්‍රමුඛ ප්‍රශ්න දෙකෙන් එකක් වූයේ කච්චතිවු පිළිබඳ අයිතිය තහවුරු කර ගැනීමයි. මේ අවදියේ දී බෙංගාල බොක්කේ සමුද්‍රීය සීමාව පිළිබඳ තීරණයක් ගැනිමට අන්තර් ජාතිකව බල කෙරුණු පසුබිමක ඉන්දීය අගමැතිති ඉන්දිරා ගාන්ධි  සමග තිබූ සුහද සම්බන්ධ තාවයද ප්‍රයෝජනයට ගෙන යම් ද්වීපාර්ශවික ගිවිසුමක් කරා යන්නට උත්සුක වී තිබේ. ඒ අනුව 1974ජූනි මස 26 දින එම ගිවිසුමට සිරිමාවෝ බණ්ඩාරනායක මැතිණිය විදේශ කටයුතු අමාත්‍යංශයේ දී අත්සන් තැබූ අතර ජූනි 28 දින දී ඉන්දීය අගමැතිණියද එම ගිවිසුමට අත්සන් කොට ඇත. මෙම ගිවිසුම පිළිබඳ සම්පූර්ණ වාර්තාව සිරිමාවෝ මැතිණිය විසින් 1974 ජූලි මාසයේ දී එවකට පැවතී ජාතික රාජ්‍ය සභාවට ඉදිරිපත් කරන ලදී. එම වාර්තාව 1974 ජූලි  23 දින හැන්සාඩ් වාර්තාවේ දක්නට හැකිය.එහි කච්චතිවු ගැන මෙසේ සඳහන්ය.

       'දැන් මම මෙම සභාවේ  ගරු මන්ත්‍රීවරුන්ගේ අවධානය යොමු කරන්නේ හ්‍රී ලංකාවත් ඉන්දියාවත් අතර අර්බුදකාරීව තිබුණි දෙවනි ප්‍රහ්නය වෙතටයි. ඒ දෙවනි ප්‍රශ්ණය කච්චතිවු ප්‍ර්ශ්නයයි. ඒ කියන්නේ කච්චතිවු දූපතේ අයිතිය නැත්නම් ආධිපත්‍ය පිළිබඳ ප්‍රශ්ණයයි. මීට ඉහත කාලයේ දී මෙම ප්‍රශ්ණයට විසඳුමක් සෙවීමට ප්‍රධාන වශයෙන් තුඩු දුන්නේ අපේ රටට හොරෙන් නීති විරෝධී ලෙස පැමිණෙන්නවුන්  කල්ලතෝනීන් වළක්වාලීම සහ හොරෙන් නීති විරෝධී ලෙස බඩු එහා මෙහා ගෙන යෑම වැළැක්වීමත් ධීවර කර්මාන්තයේ අවශ්‍යතාවයනුත් පමණයි. නමුත් මෑත කාලයේ දී මේ ප්‍රදේශයේ ඛනිජ සම්පත් සංවර්ධනය කිරීමට අපි සැලසුම් කරගෙන යන නිසා මේ ප්‍රශ්ණය වහාම විසඳීමක් අවශ්‍ය  වූ වැදගත් ප්‍රශ්නයක් ලෙසට පත් වුණා. මේ ප්‍රශ්ණය පිළිබඳව 1968 සහ1969 යන වර්ෂ වලදී අභවප්‍රාප්ත ඩඩ්ලිසේනානයක  මහතා විසින් ඉන්දියානු අගමැති සමග සාකච්ඡා පවත්වන ලද නමුත් කිසියම් සම්මුතියකට එළඹීමට අපොහොසත් වුණා. මේ ප්‍රශ්ණය පිළිබඳව මා සකච්ඡා ආරම්භ කලේ 1973 අප්‍රියෙල් මාසයේ දී ඉන්දිරා ගාන්ධි මැතිණිය ශ්‍රී ලංකාවට පැමිණි අවස්ථාවේ දීය. මේ සාකච්ඡා වල ප්‍රතිඵලයක් වශයෙන් අප රටවල් දෙකේ ජ්‍යෙෂ්ඨ නිළධාරීන් ලවා මේ ප්‍රශ්ණයට අදාල කරුණු ගැන විමසා බලවා වාර්තාවක් ලබාගැනීමට තීරණය කර ගත්තා ලබා ගත හැකි සියලුම ‌ෙඑතිහාසික හා වෙනත් සාක්ෂි නීතිමය කරුණු ආදිය ගැන ඉතා හොඳින් විමසා බලන ලෙස නිළධාරීන්ට නියෝග කලා මේ නිළධාරීන් කොළඹදී සහ නව දිල්ලියේ ත් සාකච්ඡා  මාලාවක්පවත්වා  අදාළ කරුණු ගැන ඉකා හොදින් සළකා බලා  වර්තාවක් ඉදිරපත් කලා.ඒ වාර්තාවල ඇතුළත් කරුණු හා නිගමනයන් ඉතා සුපරීක්ෂාකාරීව සලකා බැලීමෙන් පසුව දෙපැත්තටම සතුටුදායක හා සාධාරණ තීරණ අඩංගු ගිවිසුමකට එළඹීමට ඉන්දියාවේ අගමැතිනියට හා මට පුළුවන් වූ බව සතුටින් ප්‍රකාශ කිරීමට කැමතියි.

     මේ සාකච්ඡා වලින් අපි කච්චතිවු දූපත පමණක් වෙන් කොට ගෙන සලකා බැලුවේ නැහැ පෝක් සමුද්‍ර සන්ධියේ සිට ආදම්ගේ පාළම දක්වා ඇති මුහුදු තීරයේ අප දෙරට අතරේ මුහුදු මායිම ලකුණු කර ගැනීමට තීරණය කලා එසේ කිරීම මේ ප්‍රදේශයේ අපේ ඛණිජ සම්පත් සොයා ගැනීමට හා සංවර්ධනය කිරීමට දීර්ඝ කාලීනව අපට වාසියක් හා වැඩි ප්‍රයෝජනය් ගෙන දෙන ක්‍රියා පිළිවෙලක් වන බව පැහැදිලියි.'

     මෙම ද්වීපාර්ශවික ගිවිසුම වගන්ති අටකින් යුක්ත වන අතර එහි පළමුවන වගනන්තියෙන් දක්වා තිබෙන්නේ ඉන්දීයාවත් ලංකාවත් අතර මුහුදු තීරයේ මායිමේ අක්ෂාංශ හා දේශාංශක සටහනයි. පසුව එන වගන්ති වලදී ඉන්දියාවේ සිට කච්චතිවු කරා වන්දනාවට පැමිණෙන වන්දනා කරුවන් ගේ අයිතිය පිළිබඳව සහ රටවල් දෙක අතර මුහුදු තීරයේ ධිවරයන් තමන් භුක්ථි විඳින අයිතිවාසිකම් දිගටම පවත්තා ගෙන යා යුතු බවද දක්වා තිබේ. මෙම දූපත නැවත ඉන්දියාවට පවාරා ගන්නා ලෙසට ඉන්දීය පාර්ලිමෙන්තු මන්ත්‍රීවරුන් සහ ජයලලිතා ජයරාම් විසින ඉල්ලීම කළද ද ඉන්දීය නීතිපති වරයා තීරණය කරනු ලැබූවේ තිවිසුමේ ඇති බලවත් භාවය ඊට හරස් වන බවයි.කෙසේ වතත් සිරිමාවෝ මැතිණිය ඉතා මත් සුපරීක්ෂාකාරීව ගන්නා ලද පියවර නිසා අදටත් අපගේ මුහුදු තීරය සුරක්ෂිතව ඇත.එය ආක්‍රමණය කිරීමට  පැමිණෙන ඉන්දීය ධීරවරයන් වරින් වර අත්අඩංගුවට පත් වන අතර ඔවුහු මේ මුහුදේ පතුලේ කරන හානි කර ට්‍රොලින් නිසා අර්බුද රැසක් හට ගෙන තිබේ. ඒබැවින් මෙම ගිවිසුම කිසිසේත් අවලංගු කිරීමට කටයුතු නොකළ යුතු අතර ලංකාවේ ස්වාධීනත්වයට එය ඉතා වැදගත්ය.එ බැවින් මේ ගිවිසුම පිළිබඳ තත්වය ඉන්දීය බලධාරීන්ට පෙන්වා දීම ලංකාවේ දේශපාලකයන්ගේ බලවත් යුතුකමකි.

මතුගම සෙනෙවිරුවන්