මළ හිරු සැඟවෙන සිතිජ ඉමේ
බලා සිටින්නෙමි ඉරබටු තරුවේ
ඔබ මා හමුවෙනා තුරා
පොකුරු පොකුරු මල් විකසිත පඳුරක
ගොලු බව බිඳෙනා සුලු මොහොතක් ගැන
බලා සිටින්නෙමි ඉරබටු තරුවේ
ඔබ මා හමු වෙනා තුරා
සමන් පිච්ච මල් අත්ල පුරා ගෙන
දළදා සමිඳුන් වඳින්න යන්නට
බලා සිටින්නෙමි පුරා හඳේ
ඔබ මා හමු වනා තුරා
අකලට වියලුන ගසක ඉපල්ලක
තනිවු කුරුල්ලෙකු දකින දෙනෙත් හැර
බලා සිටිනනෙමි වසත් සඳේ
ඔබ මා හමු වනා තුරා
No comments:
Post a Comment